ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⴽⵔ ⵢⴰⵏ ⵓⵏⵎⵓⵇⵇⴰⵔ ⵏ ⵓⵣⴷⴷⴰⵢ ⵏ ⵓⵣⵣⵓⴳⵣ ⵏ ⵉⵙⵓⴼⵖⵏ ⵏ ⵓⵎⵙⴰⵙⴰ ⵏ ⵓⵎⵙⵡⴰⵍ ⴰⵏⴰⵎⵓⵏ ⴷ ⵓⵙⵙⵔⵙⵍ ⵏⵏⵙ

ⵉⵙⵙⴽⵔ  ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵢⴰⵏ ⵓⴳⵔⴰⵡ ⵏ ⵓⵣⴷⴷⴰⵢ ⴰⵙⵙ ⵏ ⵓⴽⵕⴰⵙ 04 ⵎⴰⵢ 2022, ⴰⴽⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ, ⴷ ⵎⴰⵙⵙ ⵎⵓⵃⵎⵎⴰⴷ ⵙⴰⴷⵉⵇⵉ, ⴰⵎⴰⵡⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵏ ⵢⵉⵍⵍ ⴷ ⵓⵙⵙⴳⵎⵉ ⴰⴷⵖⵔⴰⵏ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵎⴰⵙⵙ ⵢⵓⵏⵙ ⵙⵙⴽⴽⵓⵔⵉ, ⴰⵎⴰⵡⴰⵙ ⵏ ⵓⵙⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ, ⴷ ⵜⵡⵓⵔⵉ ⴷ ⵜⵙⵓⴳⴰⵔ , ⴷ ⵎⴰⵙⵙ ⵄⴱⴷ ⵍⵍⴰⵜⵉⴼ ⵎⵉⵔⴰⵡⵉ, ⴰⵎⴰⵡⴰⵙ ⵏ ⵓⵙⵙⵍⵎⴷ ⴰⵎⴰⵜⴰⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ  ⵓⵙⵍⵍⵡⵉ, ⴷ ⵎⴰⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⴰⵙ ⴰⵎⴰⵍⴰⵍ ⴷⴰⵔ ⵜⵎⴰⵡⵙⴰⵏⵜ ⵏ ⵜⴷⵎⵙⴰ ⴷ ⵜⵥⵕⴼⵜ, ⵏⵏⴰ ⵉⵥⵍⵉⵏ ⵙ ⵜⵎⵙⴰⵙⵜⵍⵜ, ⴷ ⵎⴰⵙⵙⴰ ⵖⵉⵜⴰ ⵎⵣⵓⵔ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏⵏⴰ ⵉⵥⵍⵉⵏ ⵙ ⵓⵙⵏⴼⵍ ⴰⵎⵚⵚⵉⵟⵏ ⴷ ⵓⵙⵖⵓⴷⵓ ⵏ ⵜⵏⵎⴰⵀⵍⴰ. 
ⵉⴷⴷⴰ ⴷ ⵓⵏⵎⵓⵇⵇⴰⵔ ⴰⴷ ⴳ ⵜⵉⵣⵉ ⵏ ⵓⵙⴳⵎⴹ, ⴰⵙⵙ ⵏ ⵓⵙⵉⴹⵢⴰⵙ 30 ⴰⴱⵔⵉⵍ 2022, ⵅⴼ ⵜⵉⴼⵔⵜ ⵏ ⵓⵎⵙⴰⵙⴰ ⵏ ⵓⵎⵙⴰⵡⴰⵍⴰⵏⴰⵎⵓⵏ ⵏ 30 ⴰⴱⵔⵉⵍ 2022, ⵅⴼ ⵓⵎⴰⵔⵉ ⴰⵏⴰⵎⵓⵔ ⵏ ⵓⵎⵙⴰⵡⴰⵍ ⴰⴳⴷⵓⴷⴰⵏ, ⵃⵎⴰ ⴰⴷ ⵉⴱⴷⴷ ⵅⴼ ⵉⵙⵓⴼⵖⵏ ⵍⵍⵉ ⵅⴼ ⵎⵙⴰⵙⴰⵏ ⵏⵏⴰ ⵉⵛⵛⴰⵔⵏ ⴳⵔ ⵜⵎⴰⵡⴰⵙⵉⵏ ⵉⵎⵢⴰⵏⴰⵡⵏ ⴷ  ⵜⵏⴰⴼⵓⵜⵉⵏ ⵉⵥⵍⵉⵏ ⵙ ⵓⵣⵣⴳⵔ ⵏ ⵜⵙⵓⵖⴰⵏⵉⵏ ⵜⵉⵏⵎⵏⴰⴹⵉⵏ ⴳ ⵓⵙⴰⵜⵉ ⴰⴷ. 
ⵎⴽⵉⵏⵏⴰ ⵉⵍⵍⴰ ⵓⵎⵔⴰⵔⴰ ⵏⴳ ⵓⵏⵎⵓⵇⵇⴰⵔ ⴰⴷ ⵅⴼ ⵎⴰⵙ ⴷ ⵉⵇⵇⴰⵏ ⴰⴷ ⵜⵜⵡⴰⴳⴳⵏⵜ ⵉⵎⵉⵙⵙⵏ ⵏ ⵡⴰⵎⵓⵏ ⴰⴽⴷ ⵏⵏⴰ ⵉⵅⵚⵚⵏ ⵃⵎⴰ ⴰⴷ ⵢⵉⵍⵉ ⵓⵙⵙⵎⵔⵙⵍ ⵏ ⵓⵎⵙⴰⵡⴰⵍ ⴰⴷ ⴰⴳⴷⵓⴷⴰⵏ, ⴷ ⴰⴷ ⵏⵙⵙⴽⵜⵉ, ⵉⵍⵍⴰ ⵓⵙⴳⵎⴹ ⵅⴼ ⵓⵎⵉⵔⵓ  ⴰ, ⴰⵏⴰⵎⵓⵔ ⵏ ⵓⵎⵙⴰⵡⴰⵍ ⴰⴳⴷⵓⴷⴰⵏ, ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ 30 ⴰⴱⵔⵉⵍ ⵏⵏⴰ ⵉⵣⵔⵉⵏ ⵃⵎⴰ ⴰⴷ ⵉⵜⵜⵓⵙⵉⵜⵜⴳ ⵓⵣⴷⴰⵢ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴷ ⴰⴷ ⵉⵜⵜⵓⴹⵎⴰⵏ  ⵙ ⵜⵖⴰⵔⴰⵙⵜ ⵍⵍⵉ ⴷ ⵢⵓⵙⴰⵏ ⴳ ⵉⵙⵎⵎⴰⵍⵏ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵕⴱⴱⵉ ⴰⴷ ⵜ ⵉⵏⵚⵕ. 
ⵙⴳ ⵎⴰⵏ ⴰⵢⴰ;; ⴳ ⵓⵙⴰⵜⵉⴳ ⵏ ⵓⵙⵏⵎⴰⵍⴰ ⵏ ⵜⵏⵢⵓⴷⴷⵓⵜ ⵜⵉⵙⵙ ⵙⵏⴰⵜ ⵏ ⵓⵎⵙⴰⵡⴰⵍ ⴰⴳⴷⵓⴷⴰⵏ ⵏⵏⴰ ⵇⴰⴷ ⵢⵉⵍⵉ ⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ ⴷ ⵢⵓⵛⴽⴰⵏ, ⵉⵍⵍⴰ ⵓⵎⵙⴰⵙⴰ ⵅⴼ ⴰⴷ ⵜⴳⴳ ⵜⵏⴱⴰⴹⵜ ⵙ ⵓⵥⵟⵟⴰ ⵏ ⵜⵏⵇⵇⵉⵙⵉⵏ ⵏ ⵜⵡⵓⵔⵉ ⵜⵉⵙⴳⵓⵎⴰⵏⵉⵏ, ⵏⵏⴰ ⵉⵥⵍⵉⵏ ⵙ ⵓⴹⴼⵓⵕ ⴷ ⵓⵣⵣⵉⴳⵔ ⵏ ⵉⵏⴼⵔⵓⵜⵏ ⵏⵏⴰ ⵉⵍⵍⴰⵏ ⴳ ⵜⴼⵔⵜ ⵏ ⵓⵎⵉⵔⵓ ⵏ 30 ⴰⴱⵔⵉⵍ 2022.