ⵉⵎⵎⴰⵇⵇⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵡⵓⵎⵍⴰⵏ ⵉⵥⵕⴼⴰⵏⵏ

ⴰⵙⵙ ⵏ ⵡⴰⴽⵕⴰⵙ 3 ⵉⴱⵔⵉⵔ 2024 ⴳ ⵕⵕⴱⴰⵟ, ⵉⵎⵎⴰⴳⴳⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵡⵓⵎⵍⴰⵏ ⵉⵥⵕⴼⴰⵏⵏ ⵎⴰⵙⵙ ⵊⴰⵡⵀⴰⵔ ⵏⵏⴼⵉⵙⵉ, ⵍⵍⵉ ⵉⵙⵙⵏⴽⴷⵏ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵜⵙⵇⵇⵉⵎⵜ ⴳ ⵓⵙⴳⴳⵯⴰⵙ 2021, ⴳ ⵓⵎⵙⴰⵙⴰ ⴰⴽⴷ ⵜⵓⵎⴰⵢⵢⵓⵉⵏ ⵏ ⵓⵙⵍⴳⵏ 43-05 ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵓⴽⵕⴹⴰ ⴷ ⴰⵙⵉⵎⵍⵓⵍ ⵏ ⵉⴷⵔⵉⵎⵏ ⵖⵎⴽⵍⵍⵉ ⵙ  ⵉⵜⵜⵓⵙⵏⴼⴰⵍ ⵉⵜⵜⵓⵙⵎⴰⴷ.

ⵜⵣⵎⵎⴻⵎ ⵜⴰⵏⴰⴹⵜ ⵜⴰⵎⵔⵏⵉⵡⵜ ⵢⴰⵜⵜⵓⵏ ⵍⵍⵉ ⵉⵍⵍⴰⵏ ⵜⵎⵉⵜⴰⵔ ⵏ ⵉⵎⵓⵙⵙⵓⵜⵏ ⵏ ⵜⵙⵇⵇⵉⵎⵜ ⴳ ⵓⵙⴳⴳⵯⴰⵙ ⵏ 2022, ⵖ ⴰⵢⵍⵍⵉ ⵉⵥⵍⵉⵏ ⵙ ⵜⵙⴳⵓⵔⵉⵡⵉⵏ ⵏ ⵓⵙⵎⵎⵔⵡⵙ ⵉⵜⵜⵓⵙⵏⴽⴷⵏ ⵏⵖ ⴷ ⵜⵓⵜⵔⵉⵡⵉⵏ ⵏ ⵡⵓⵎⵍⴰⵏ ⵉⵍⵍⴰⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵏⵖ ⴷ ⵉⵣⵣⵔⴰⵢⵏ ⴷⴰⵔ ⵜⵏⴱⴰⴹⵉⵏ ⵜⵉⵙⴱⴰⴹⵢⵉⵏ ⵜⵉⵎⵥⵍⵉⵏ.

ⴳ ⵓⴳⵔⴰⵡ ⴰⴷ, ⵉⵙⵙⵏⴽⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵡⵓⵎⵍⴰⵏ ⵉⵥⵕⴼⴰⵏⵏ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵙⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵓⴽⵕⴹⴰ ⴷ ⴰⵙⵉⵎⵍⵓⵍ ⵏ ⵉⴷⵔⵉⵎⵏ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ ⵍⵍⵉ ⵉⵜⵜⵓⵙⴽⴰⵔⵏ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵉⵎⴰⵙⵙⵏ ⵉⵖⵔⴰⵖⵍⴰⵏⵏ ⴷ ⵜⵎⵙⴽⵉⵔⵉⵏ ⵜⵉⵎⵓⴼⴰⵢ ⴳ ⵉⴳⵔ ⴰⴷ ⵍⵍⵉ ⵉⵙⵖⵥⵏ ⵓⵙⵇⵇⵉⵎ ⵏ ⵜⵙⵇⵇⵉⵎⵜ ⴳ 07 ⴷⵓⵊⴰⵏⴱⵉⵔ 2023. 

ⵉⴳⴰ ⵓⵡⵜⵜⴰⵙ ⵏ ⵜⴰⵙⵕⴰⵜⵉⵊⵉⵜ ⴰⴷ ⵜⴰⴷⵔⴰⵡⵜ ⴳ ⵓⵏⴳⵔⴰⵡ ⴰⴳⵔⴰⵖⵍⴰⵏ ⵉⴷⵓⵙⵏ ⵍⵍⵉ ⴷ ⵉⵡⵉⵏ ⵉⵎⴰⵙⵙⵏ ⵉⴳⵔⴰⵖⵍⴰⵏⵏ ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵓⴽⵕⴹⴰ ⴷ ⴰⵙⵉⵎⵍⵓⵍ ⵏ ⵉⴷⵔⵉⵎⵏ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ, ⴷ ⵓⴹⴼⵉⵔ ⵏ ⴰⴽⴽⵯ ⴰⵏⴰⵡⵏ ⵏ ⵉⴱⴽⴽⵉⴹⵏ ⵙⵔⵙ ⵉⵣⴷⵉⵏ ⴷ ⵓⵙⵡⵓⴷⴷⵓ ⵏ ⵜⴷⵔⴰⵡⵜ ⵏ ⵜⵙⴳⴳⵉⵡⵉⵏ ⵜⵉⵎⵥⵍⴰⵢ, ⵙⵍⴰⵀⴰⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⵓⵎⵙⴰⵙⴰ ⴰⵏⵎⵓⵔ ⵢⴰⵜ ⵜⵙⴰⵔⵓⵜ ⴳ ⵓⵙⴱⴷⴷⵉ ⵏ ⵜⵓⴽⵕⴹⴰ ⴷ ⴰⵙⵉⵎⵍⵓⵍ ⵏ ⵉⴷⵔⵉⵎⵏ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ ⴰⴷ ⵏⵏ ⵓⵔ ⵏⴼⵍ ⴰⵜⵉⴳ ⵉⵍⵍⴰⵏ ⵖⵓⵔ ⵜⵉⵜⵉⴽⵏⵓⵍⵓⵊⵉⵏ ⵜⵉⵎⴰⵢⵏⵓⵜⵉⵏ.

ⵖⵎⴽⵉⵏⵏⴰ ⵉⵍⵍⴰ ⴰⵡⴷ ⵓⵎⴹⴰⴽⴰⵕ ⴳ ⵓⴳⵔⴰⵡ ⴰⴷ ⵅⴼ  ⵜⵡⵓⵔⵉ ⵍⵍⵉ ⴰⴽⴽⵯ ⴳⴰⵏ ⵉⴳⵔⴰⵏ ⵉⵎⴰⵡⴰⵙⴰⵙⵏ ⵉⵎⵥⵍⵉⵏ ⴳ ⵓⵙⵡⵓⴷⴷⵓ ⵏ ⵜⵖⴰⵔⴰⵙⵜ ⵅⴼ ⵉⵍⵍⴰ ⵓⵎⵙⴰⵙⴰ ⴷ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵥⵕⴼⴰⵏⵜ (GAFI) ⵍⵍⵉ ⵉⵕⵥⵎⵏ ⴰⴱⵔⵉⴷ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵃⵎⴰ ⴰⴷ ⵜⴼⴼⴰⵖ ⵖ ⵓⴷⵖⴰⵔ ⵓⴹⵉⵔ ⵉⴷⵓⵙⵏ ⵏⵖ ⴷ ⴰⵢⵍⵍⵉ ⵎⵓ ⵜⵜⵉⵏⵉⵏ « ⵜⴰⵙⴷⴷⵉⵜ ⵜⵉⴱⴱⵥⵡⵜ ».