ⴰⵙⵉⵡⴹ ⴰⵏⵖⴰⵎⵙ ⵏ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ

ⵜⵙⵏⵎⴰⵍⴰ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ ⴰⴳⵔⴰⵡ ⵏⵏⵙ ⵓⵏⵣⵉⵍ ⴳ ⵡⴰⵙⵔⴰ ⵏ ⴰⵙⵙ ⵏ ⵓⴽⵡⴰⵙ 4 ⵉⴱⵔⵉⵔ 2024 ⴳ ⵕⵕⴱⴰⵟ, ⴷⴷⴰⵡ ⵜⴰⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⴰⵏⴳⵔⴰⵡ ⴰⵏⴰⵎⵓⵔ ⵉ ⵢⵉⵏⵙⵉⵎⴰⵏⵏ ⴷ ⵎⴰⵙⵙⴰ ⴼⵉⵟⵉⵎⴰ ⵥⵥⴰⵀⵕⴰ ⵍⵎⵏⵚⵓⵕⵉ ⵜⵎⵎⵓⵖⵔⴰ ⵏ ⵓⴽⴰⴱⴰⵕ ⴷ ⵎⴰⵙⵙ ⵎⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ ⴷ ⵚⴰⵍⴰⵃ ⴰⴱⵓⵖⴰⵍⵉ ⴷ ⵎⴰⵙⵙ ⵏⵥⴰⵕ ⴱⵕⴰⴽⴰ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵕ ⵏ ⵜⵙⵎⴰⵏⵜ, ⵖⵎⴽⵍⵍⵉ ⴷⵉⴷⵙ ⵉⵃⴰⴹⵕ ⴰⵡⴷ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴳⵎⴰⵎ ⵏ ⵓⵙⵉⵔⴰ ⴰⵙⵔⵜⴰⵏ ⵏ ⵓⵏⴳⵔⴰⵡ ⴰⵏⴰⵎⵓⵔ ⵉ ⵢⵉⵏⵙⵉⵎⴰⵏⵏ ⴷ ⵎⴰⵙⵙ ⵄⴰⴱⴷ ⵍⵊⴱⴱⴰⵕ ⵕⵕⴰⵛⵉⴷⵉ ⴰⴳⵎⴰⵎ ⵏ ⵜⵙⵇⵇⵉⵎⵜ ⵜⴰⵎⴰⴷⴰⵙⵜ ⵏ ⵓⴽⴱⴰⵕ ⵏ ⵜⴰⵙⵉⵎⴰⵏⵜ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵙⵓⵊⴷ ⵏ ⵓⴱⵔⴰⴳⵔⴰⵡ ⵡⵉⵙ ⵜⵜⴰⵎ ⴷ ⵎⵔⴰⵡ ⵏ ⵓⴽⴰⴱⴰⵕ.
ⵎⴹⴰⴽⴰⵕⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴷ ⵅⴼ ⵓⵙⵡⵓⴷⴷⵓ ⵏ ⵡⴰⴷⴷⴰⴷⵏ ⵉⵙⵔⵜⴰⵏ ⴷ ⵉⵎⴰⴷⴷⴰⵙⵏ ⴳ ⵜⵎⴰⵣⵉⵔⵜ ⵏⵏⵖ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ  ⴷ ⵓⵙⵖⵓⴷⵓ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⵜⵡⵓⵔⵉ ⵏⴳⵔ ⵜⵏⴱⴰⴹⵜ ⴷ ⴰⴽⴽⵯ ⵉⴳⵎⴰⵎⵏ ⵏ ⵜⵎⴰⴳⵓⵜ ⵜⴰⴱⴰⵕⵍⴰⵎⴰⵏⵉⵜ ⴳ ⵓⵙⵡⵉⵔ ⵏ ⵓⵣⵣⵔⴰⴼ ⴷ ⵓⵎⴰⵜⵔ ⵏ ⵜⵡⵓⵔⵉ ⵏ ⵜⵏⴱⴰⴹⵜ.
ⴹⴰⵕⴰⵜ ⵏ ⵓⵎⴹⴰⴽⴰⵕ ⴱⴰⵀⵔⴰ ⵉⴷⵔⴰⵏ ⵉⵖⵓⴷⴰⵏ,  ⵙⴰⵡⵍⵏ ⵉⵎⴷⵔⴰⵡⵏ ⵜⴰⵏⵙⵙⵉⵅⴼⵜ ⴳ ⵓⴳⵔⴰⵡ ⵅⴼ ⵉⵙⵏⴼⴰⵕⵏ ⵏ ⵓⵙⵏⴼⵍ ⵉⵅⴰⵜⴰⵔⵏ ⵍⵍⵉ ⵜⴳⴰ ⵜⵎⴰⵣⵣⵉⵔⵜ ⵏⵏⵖ ⴷⴷⴰⵡ ⵜⵉⵎⵎⵓⵖⵔⴰ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵔⵏⵓ ⵔⴱⴱⵉ ⴳ  ⵜⴳⵓⵜ ⵏ ⵉⵙⵡⵉⵔ, ⵙⴰⵡⵍⵏ ⴰⵡⴷ ⵅⴼ ⵉⵏⴰⵥⴰⵕⵏ ⵏ ⵉⵎⴰⵍ ⵍⵍⵉ ⵉⵇⵇⵍⵏ ⵙ ⵜⴳⵍⴷⵉⵜ. ⵜⵎⵙⴳⵔⴰ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ ⵜⵡⵓⵔⵉ ⵏⵏⵙ, ⵜⴼⴼⴰⵖ ⵙ ⵎⵢⴰⴷ :
ⴰⵎⵔⴰⵡⵔⵓ : ⴰⵔ ⵜⵙⵙⵉⵎⵖⵓⵔ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ ⵙ ⵓⵙⵖⵓⴷⵓ ⵏ ⵓⵙⴰⵢⴰⴼⵓ ⵉⵖⵓⴷⴰⵏ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⴳ ⵓⵣⴳⵏ ⵏ ⵜⵙⵓⵜⵍⵜ ⵜⵓⵏⴱⵉⴹⵜ ⵍⵍⵉ ⵔⴰⴷ ⵉⵙⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴱⴰⵕⵍⵎⴰⵏ ⴹⵕⴰⵜ ⴰⵏⵏⵓⵕⵥⵎ ⵏⵏⵙ ⴳ ⵜⵙⵓⵍⵜⵍⵜ ⵏ ⵉⴱⵔⵉⵔ, ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵓⵎⴰⴳⵔⴰⴷ ⵡⵉⵙⵙ 101 ⵏ ⵓⴷⵓⵙⵜⵓⵔ. ⵔⴰⴷ ⵢⵉⵍⵉ ⴰⵡⴷ ⵓⵏⵏⵓⵕⵥⵎ ⵏ ⵓⵎⵙⴰⵡⴰⵍ ⴰⴳⴷⵓⴷⴰⵏ ⴳ ⵓⴳⵯⵏⵙ ⵏ ⵜⵎⵔⵙⵜ ⵏ ⵓⴱⴰⵕⵍⴰⵎⴰⵏ ⵏⵖ ⴷ ⴳ ⵎⴰⵙⵙⴰⵏ ⵏ ⵓⵙⵖⵎⵙ ⴷ ⴳ ⵓⵙⴰⵢⵔⵓⵔ ⴰⴳⴷⵓⴷⴰⵏ ⵙ ⵓⵎⴰⵜⴰ. ⴰⵔ ⵜⵎⵎⴰⵍⴰ ⵜⴰⵢⴰⴼⵓⵜⴰⴷ ⵉⵖⵓⴷⴰⵏ ⵜⵉⵔⵉⵜ ⵜⴰⵙⵔⵜⴰⵏⵜ ⵉⵍⵍⴰⵏ ⵖⵓⵔ ⵜⵏⴱⴰⴹⵜ ⴳ ⵓⵙⵡⵓⴷⴷⵓ ⵉⵙⵏⴼⵍⵏ ⵉⴷⴰⵎⵙⴰⵏⵏ ⴷ ⵓⵙⵔⵚⵓ ⵉ ⵉⵏⴱⴷⴰⴷⵏ ⵏ ⵡⴰⵏⴽ ⴰⵏⴰⵎⵓⵏ, ⴷ ⴰⵔ ⵉⵎⵎⴰⵍⴰ ⴰⵙⵓⴳⴳⵣ ⵏ ⵖⴰⵢⵍⵍⵉ ⵉⵍⵍⴰⵏ ⴳ ⵓⵖⴰⵡⴰⵙ ⵓⵏⴱⵉⴹ.
ⵡⵉⵙ ⵙⵉⵏ : ⵜⵙⵙⵓⵎⵔ ⴰⵡⴷ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ ⵙ ⵓⵎⵙⴰⵙⴰ ⴷ ⵓⵎⵢⴰⵡⴰⵙ ⵉⵍⵍⴰⵏ ⵏⴳⵔ ⵜⵏⴱⴰⴹⵜ ⴷ ⵜⵔⵓⴱⴱⴰ ⵏ ⵜⵎⴰⴳⵓⵜ ⵏ ⵓⴱⴰⵕⵍⵎⵏ ⴷ ⵜⵍⴰⵍⵉⵏ ⵜⵉⵅⴰⵜⴰⵔⵉⵏ ⵍⵍⵉ ⵜⵜⴳⴰⵏ ⵜⵔⵓⴱⴱⴰ ⴳ ⵓⵙⵡⵉⵔ ⵏ ⵓⵣⵣⵔⴼ ⴷ ⵓⵎⴰⵜⵔ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⴷ ⴳ ⵓⵙⵡⵉⵔ ⵏ ⵜⴰⴷⵉⴱⵍⵓⵎⴰⵙⵉⵜ ⵜⴰⴱⴰⵕⵍⵎⴰⵏⵉⵜ, ⵜⵏⵏⴰ ⵎⴰ ⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⵙ ⵜⵖⴰⵔⴰⵙⵜ ⵍⵍⵉⵖ ⵜⵎⵙⴰⵙⴰ ⵜⵡⵓⵔⵉ ⴷ ⵓⵙⴼⵍⴷ ⵙ ⵜⵓⵣⵍⵜ ⴷ ⵓⵏⵢⴰⵍⴽⴰⵎ ⴷ ⵉⴳⵎⴰⵎⵏ ⵏⵏⵙ. 
ⵖⵎⴽⵍⵍⵉ ⵜⵕⵥⵎ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ ⵉⴳⴳⵓⵔⴰ ⵏⵏⵙ ⵅⴼ ⵜⴰⵏⵏⴰⵢⵉⵏ ⴷ ⵜⵙⵓⵎⴰⵔ ⵏ ⵓⵙⵍⵉⴳⵏ ⵍⵍⵉ ⵜⵜⵃⵢⴰⵍⵏⵜ ⵜⵔⵓⴱⴱⴰ ⵜⵉⴱⴰⵕⵍⵎⴰⵏⵉⵏ, ⵖⵉⴽⵍⵍⵉ ⵉⵜⵜⵓⵙⵜⵖ ⴰⴷ ⵢⵉⵍⵉ ⵓⵙⵔⵓⵙ ⵏ ⵢⴰⵏ ⵉⵎⵉⵙ ⵙ ⵓⵙⵡⵓⴷⴷⵓ ⵏ ⵜⵖⵓⵔⵉ ⵏⵏⵙⵏ ⴷ ⵓⵙⵜⴰⵍ ⵏⵏⵙⵏ, ⵙⵍⴰⵀⴰⵡⵏ ⴰⴽⴽⵯ ⴰⵢⵍⵍⵉ ⵉⵎⵙⴰⵙⵏ ⴷ ⵜⵖⴰⵔⴰⵙⵜ ⵏ ⵜⵡⵓⵔⵉ ⵏ ⵜⵏⴱⴰⴹⵜ.
ⵡⵉⵙ ⴽⵕⴰⴹ : ⵜⵏⵏⴰ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ ⵎⴰ ⵙ ⵔⴰⴷ ⵉⵙⵓⵍ ⵓⵎⵙⴰⵙⴰ ⴷ ⵜⴷⵔⴰⵡⵜ ⵏ ⵜⵡⵓⵔⵉ ⴷ ⵓⵎⵢⴰⵡⴰⵙ ⵏⴳⵔ ⵉⴽⴰⴱⴰⵕⵏ ⵙ ⴽⵕⴰⴹ ⴳ ⵓⵏⵎⵎⵓⵍⵉ ⴳ ⵓⵙⵡⵓⴷⴷⵓ ⵏ ⵜⴳⵔⴰⵡⵉⵏ ⵜⵉⵏⴽⴰⵍⵉⵏ ⴳ ⵓⵙⵡⵉⵔ ⴰⴷⵖⵔⴰⵏ ⴷ ⵓⵙⵡⵉⵔ ⴰⵏⵎⵏⴰⴹ ⴷ ⵓⵙⵡⵉⵔ ⴰⵙⴳⴰⵡⴰⵏ, ⴷ ⴰⴷ ⴳⵉⵏ ⵜⵓⴳⴳⴰⵙ ⵃⵎⴰ ⴰⴷ ⵢⵉⵍⵉ ⵓⵙⵢⴰⴼⴰ ⵏ ⵜⵔⵉⵎⵜ ⴰⴷ ⵍⵍⵉ ⵉⵕⵥⵎⵏ ⵉⴳⴳⵓⵔⴰ ⴳ ⵓⵙⵓⴳⴳⵣ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵙ ⵜⵖⵔⴰⵙⵜ ⵏ ⵜⵙⵔⵜⵉⵜ ⵏ ⵜⵔⵇⵇⴰⵙⵜ ⵉⴷⵓⵙⵏ ⵉⵖⵓⴷⴰⵏ ⵍⵍⵉ ⵙ ⴷ ⵉⵇⵇⴰⵏ.
ⵡⵉⵙ ⴽⴽⵓⵥ : ⴰⵔ ⵜⵙⵙⵉⵎⵖⵓⵔ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ ⵙ ⵓⵙⵡⵓⴷⴷⵓ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵏⴳⵔ ⵜⴰⵏⴱⴰⴹⵜ ⴷ ⵡⴰⵎⵎⴰⵙⵏ ⵉⵏⵎⵎⵓⵍⴰ ⵉⵍⵍⴰⵏ ⵙ ⵜⵓⴳⵜ, ⵖⵉⴽⵍⵍⵉ ⵉⵏⵏⵓⵔⵣ ⴰⴷ ⵉⴼⴽ ⵜⴰⵢⴰⴼⵓⵜ ⵏⵏⵙ, ⵖⵎⴽⵍⵍⵉ ⵜⵙⵏⴼⴰⵍ ⵜⵡⵉⵙⵉ ⵏⵏⵙ ⴳ ⵉⵙⵏⴼⴰⵕⵏ ⵏ ⵓⵙⴳⴷⴷ ⵉⵅⴰⵜⴰⵔⵏ ⵍⵍⵉ ⵔⴰⴷ ⵜⵙⵏⵜⵉ ⵜⵏⴱⴰⴹⵜ ⴳ ⵓⵙⵙⴰⵏ ⴰⵙ ⴷ ⵉⴷⴷⴰⵏ ⴳ ⵓⵙⵡⵉⵔ ⵏ ⵜⵎⵔⵙⴰⵍ ⴷ ⵓⵙⵍⴳⵏ ⴷ ⵡⴰⵎⵓⵏ. ⵎⵢⴰⵏⵏ ⵍⵍⵉ ⵔⴰⴷ ⵉⵕⵥⵎ ⵜⴰⴱⵔⵉⴷⵜ ⵉ ⵜⵉⵏⵓⴱⴹⴰ ⵉⵖⵓⴷⴰⵏ ⴷ ⵓⵙⴷⵓⵙ ⵏ ⵉⵙⴳⴷⴷⵏ ⴷ ⵓⵔⴳⴳⵉⴳ ⴰⵏⴰⵎⵓⵏ.
ⵡⵉⵙ ⵙⵎⵎⵓⵙ :  ⴰⵔ ⵜⵜⴰⵡⵙ ⵜⵏⵙⵙⵉⵅⴼⵜ ⵏ ⵜⵓⴳⵜⵜ ⵜⵓⵏⴱⵉⴹⵜ  ⵉ ⵏ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ ⴳ ⵜⵎⵏⴽⴷⵜ ⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵣⴳⵏ ⵡⵉⵙ ⵙⵉⵏ ⵏ ⵜⵙⵓⵜⵍⵜ ⵜⴰⵏⵣⵣⴰⵔⴼⵜ ⵏ ⵖⵉⵍⴰⴷ.