ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⵙⵇⵇⵉⵎ ⵏ ⵉⵎⴰⵡⴰⵙⵏ
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⵏⵢⴰⵙ 12 ⵎⴰⵢⵢⵓ 2025 ⵉⵎⵙⴰⵙⴰⵏ ⴷ 14 ⴷⵓ ⵍⵇⵉⵄⴷⴰ 1446 ⴳ ⵜⴰⴳⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ ⴰⵙⵇⵇⵉⵎ ⵏ ⵉⵎⴰⵡⴰⵙⵏ , ⵉⵥⵍⵉⵏ ⵙ ⵓⵎⵙⴰⵙⴰ ⵏ ⵢⴰⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵙⵏⵎⴰⵍⴰ ⴷ ⴽⴽⵓⵥ ⵏ ⵉⵙⵏⴼⴰⵔⵏ ⵍⵎⴰⵔⴰⵙⵉⵎ ⵉⵥⵍⵉⵏ ⵙ ⵉⴳⵔ ⴰⵄⵙⴽⵔⵉⵢ ⴷ ⵎⵏⵏⴰⵡⵜ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵉⵙⵙⵓⵎⵔⵏ ⵏ ⵓⵙⵔⵙ ⵏ ⵜⵉⵎⵙⵙⵓⴳⵓⵔⵉⵏ ⵢⴰⵜⵜⵓⵢⵏ , ⴰⵎⵢⴰⴷ ⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵎⵙⵉⵡⵍ ⵙ ⵉⵙⵎ ⵏ ⵜⴰⴳⴰⴷⵉⵔⵜ ⵜⴰⴳⵍⴷⴰⵏⵜ.
ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⴰⴷⵜ ⵉⵃⴼⴹ ⵕⴱⴱⵉ ⵉⵙⵉⵙⴼⵉⵡⵏ ⵉ ⵓⵎⴰⵡⴰⵙ ⵏ ⵜⴼⵍⵍⴰⵃⵜ ⴷ ⵜⴰⴳⵎⵓⵔⵜ ⵜⴰⵢⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵅⴼ ⵡⴰⴷⴷⴰⴷ ⵏ ⵍⴽⵙⵉⴱⵜ ⵜⴰⵏⴰⵎⵓⵔⵜ ⵙⵍⴰⵡⴰⵙⵏ ⴰⴽⴽⵯ ⴷⴼⴼⵉⵔ ⵏ ⵉⵏⵥⴰⵕⵏ ⵉⴳⵔⴰⵏ ⴷ ⵜⵉⴱⵔⵉⴷⵉⵏ ⵍⵍⵉ ⵜⴹⴼⵕ ⵜⵏⴱⴰⴹⵜ ⴰⴼⴰⴷ ⵜⴰⵏⴽⵔⴰ ⵙ ⵜⵉⵡⴰⵍⵉⵡⵉⵏ ⵏ ⵍⴽⵙⵉⴱⵜ ⴷ ⵓⵙⵙⴼⵓⵍⴽⵉ ⵏ ⵉⵎⵔⵏⵓⵜⵏ ⵏ ⵉⴽⵙⵙⴰⴱⵏ.
ⴷⴼⴼⵉⵔ ⵏ ⵜⵙⴳⵓⵔⵉ ⵏ ⵓⵎⴰⵡⴰⵙ ⵅⴼ ⵉⵏⵖⵎⵉⵙⵏ ⵉⵥⵍⵉⵏ ⵙ ⵓⵖⴰⵡⴰⵙ ⵍⵍⵉ ⵜⵙⴽⵔ ⵜⵏⴱⴰⴹⵜ ⴳ ⵉⴳⵔⴰ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵕⴱⴱⵉ ⵉⵡⴰⵍⵉⵡⵏ ⵏⵏⵙ ⵢⴰⵜⵜⵓⵢⵏ ⴰⴼⴰⴷ ⵜⴰⵏⴽⵔⴰ ⵙ ⵍⴽⵙⵉⴱⵜ ⵜⴰⵏⴰⵎⵓⵔⵜ ⴳ ⴰⴽⴽⵯ ⵉⵙⵡⵉⵔⵏ ⴷ ⵓⵙⵔⵙ ⵏ ⵜⵡⵓⵔⵉ ⵢⴰⴷ ⵏ ⵓⵙⵡⵓⴷⴷⵓ ⵏ ⵓⵎⵢⴰⵡⴰⵙ ⵍⵍⵉ ⵉⵜⵜⵜⵓⴼⴽⴰⵏ ⵉ ⵜⵉⴳⵔⴰⵡⵉⵏ ⴷⴷⵓ ⵜⵉⴹⴰⴼ ⵏ ⵜⵉⵏⴱⴰⴹⵉⵏ ⵏ ⵜⵉⵙⴳⴳⵉⵡⵉⵏ.
ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⴷ ⵉⵇⵇⴰⵏ ⴰⴷ ⵉⵜⵜⵓⴼⴽⴰ ⵓⵎⵢⴰⵡⴰⵙ ⵉ ⵉⴽⵙⵙⴰⴱⵏ ⵍⵍⵉ ⵉⵃⵜⴰⵊⵊⴰⵏ ⵙⵍⴰⵡⴰⵏ ⴰⴽⴽⵯ ⵉⴽⵙⵙⴰⴱⵏ ⵉⵎⵥⵢⴰⵏⵏ ⴷ ⵓⵙⵙⵔⵅⵓ ⵏ ⵉⵔⵟⴰⵍⵏ ⵏⵏⵙⵏ ⴷ ⴷ ⵓⵎⴰⵢⴰⵡⵙ ⵏⵏⵙⵏ ⴰⴼⴰⴷ ⴰⵃⵟⵟⵓ ⵏ ⵜⵉⵡⵜⵜⵎⵉⵏ ⵏ ⵡⵓⵍⵍⵉ ⴷ ⵜⴰⵏⴽⵔⴰ ⵙ ⵉⵏⴰⵡⵏ ⵉⵎⵖⵔⵉⴱⵉⵢⵏ.
ⴷⴼⴼⵉⵔ ⵉⵎⵙⴰⵙ ⵓⵙⵇⵇⵉⵎ ⵏ ⵉⵎⴰⵡⴰⵙⵏ ⵅⴼ ⵢⴰⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵙⵏⵎⴰⵍⴰ ⵍⵍⵉⵉⵙⵏⴼⵍ ⵉⴽⵎⵍⵏ ⴰⵙⵍⴳⵏ ⵏ ⵓⵙⵏⵎⴰⵍⴰ ⵉⵥⵍⵉⵏ ⵙ ⵉⵏⴱⴹⴰⵢⵏ .
ⵉⵎⵙⴰⵙⴰ ⴱⴰⴱ ⵏ ⵡⴰⵙⵙⵓⵔ ⵓⵍⴰ ⵅⴼ ⴽⴽⵓⵥ ⵏ ⵉⵙⴼⴰⵔⵏ ⵏ ⵍⵎⴰⵔⴰⵙⵉⵎ ⵉⵥⵍⵉⵏ ⵙ ⵉⴳⵔ ⴰⵄⵙⴽⵔⵉⵢ .ⵢⴰⵏ ⵉⵥⵍⵉ ⵙ ⵓⵙⴰⵢⵍⴰⵍ ⴰⵄⵙⴽⵔⵉ ⵡⵉⵙⵙ ⵙⵉⵏ ⵉⵥⵍⵉ ⵙ ⵡⴰⴷⴷⴰⴷ ⵏ ⵍⵎⵓⵍⵃⴰⵇⵉⵏ ⵉⵄⵙⴽⵔⵉⵢⵏ .ⵙⵉⵏ ⵉⵙⵏⴼⴰⵔⵏ ⵏ ⵍⵎⴰⵔⴰⵙⵉⵎ ⵙⵏⴼⵍⵏ ⴽⵎⵍⵍⵏ ⴹⴰⵀⵉⵔ ⵏ ⵉⵎⵙⵖⴰⵏⵏ ⵉⵄⵙⴽⵔⵉⵢⵏ .
ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⵏ ⵜⴰⴷⵔⴰⵡⵜ ⴷ ⵓⵎⵢⴰⵡⴰⵙ ⴳⵔ ⵍⵎⵖⵔⵉⴱ ⴷ ⵎⵏⵏⴰⵡⵜ ⵏ ⵜⵉⵎⵉⵣⴰⵔ ⵏ ⵜⵜⴰⴳⵎⴰⵜ ⴷ ⵜⵉⴷⴷⵓⴽⵍⴰ , ⵉⵎⵙⴰⵙⴰ ⵓⵙⵇⵇⵉⵎ ⵏ ⵉⵎⴰⵡⴰⵙⵏ ⵅⴼ 11 ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴳⵉⵙⵏⵜ 8 ⵥⵍⵉⵏⵜ ⵙ ⵓⵙⴰⵢⴰⵙ ⴰⴼⵔⵉⵇⵉ ⴷ ⵙⵏⴰⵜ ⵏ ⴰⵙⵢⴰ ⴷ ⵢⴰⵜ ⴷ ⵢⴰⵜ ⵜⴰⵎⵣⵉⵔⵜ ⴳ ⵓⵕⵓⴱⴱⴰ.
ⵙⴹⵉⴹⵜ ⵜⵎⵢⴰⵇⵇⴰⵏⵉⵏ ⴷⴰⵔⵙⵏ ⴰⴷⴷⵓⵔ ⵍⵍⵉⵖ ⵜⵜⵢⴰⵡⵙⴳⵎⴰⴹⵏⵜ ⴳ ⵜⵉⵎⴷⵉⵏⵉⵏ ⵏ ⴷⴷⴰⵅⵍⴰ ⴷ ⵍⵄⵢⵓⵏ ⴳ ⵚⵚⴰⵃⵕⴰ ⵜⴰⵎⵖⵔⵉⴱⵉⵢⵜ ⵎⴰⵢⴰ ⵉⴳⴰ ⵜⵓⵙⵙⵏⴰ ⵉⵙⴼⴰⵡⵏ ⵙ ⵜⴰⵎⵓⵏⵜ ⵏ ⵡⴰⴽⴰⵍ ⴰⵎⵖⵔⵉⴱⵉ ⴷ ⵜⴰⵙⴳⴰ ⵢⴰⴷ ⵏ ⵡⴰⴽⴰⵍ ⴰⵏⴰⵎⵓⵔ.
