ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵡⵛⴰ ⵉⵊⵊⵏ ⵢⵉⵏⴰⵡ ⴷ ⴰⴳⵍⴷⴰⵏ ⵙ ⵜⵎⵍⴷⴰ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⵉⵛⵏⵏⵄⵏ

 ⵜⵉⵟⵟⴰⵡⵉⵏ -  ⵉⵡⵛⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵎⴷⴷⵉⵜ ⴰⴷ ⵏ ⵓⵙⵉⵏⴰⵙ, ⵉⵊⵊⵏ ⵢⵉⵏⴰⵡ ⵙ ⵜⵎⵍⴷⴰ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⵉⵛⵏⵏⵄⵏ, ⵉ ⴷ ⵉⵜⵜⴰⵙⵏ ⴰⴽⴷ ⵜⵎⴽⵜⵉⵜ ⵜⵉⵙ 26 ⵏ ⵓⵖⵊⴷⵎ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵓⴷⴰⴱⵓ ⵏ ⵉⵏⵓⴱⴰ ⵏⵏⵙ.  

ⵉⵜⵜⵡⴰⵃⵙⴰⴱ ⵓⵙⴼⵓⴳⴳⵍ ⵙ ⵜⴼⵓⴳⵍⴰ ⵏ ⵓⴷⴰⴱⵓ ⵉⵛⵏⵏⵄⵏ, ⵙ ⵉⵛⵜ ⵜⵎⵍⴷⴰ ⴷ ⵜⴰⵙⴳⴳⵯⴰⵙⴰⵏⵜ ⵏ ⵓⵙⴰⵎⵓⵏⵢ ⵏ ⵜⵖⵓⵏⵉⵡⵉⵏ ⵏ ⵍⴱⴰⵢⵄⴰ ⵉⵜⵜⵎⴱⴷⴷⴰⵍⵏ, ⴷ ⵜⵓⴼⵔⴰⵢⵉⵏ ⵏ ⵜⵎⵅⵙⴰ ⴷ ⵓⵙⵓⴼⵓ, ⵉ ⴰⵏⵖ ⵉⵙⵎⵓⵏⴰⵏ ⵍⴱⴷⴰ, ⵉⵍⵍⴰ ⵓⵙⵙⴰⵏ ⵓⵔ ⴰⵙ ⵔⵏⵏⵢⵏⵜ ⵖⵉⵔ ⵜⴰⴷⵓⵙⵉ ⴷ ⵍⵎⵜⵏ. ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴱⴷⵓ ⵏ ⵉⵏⴰⵡ ⴰⴷ ⴰⵎⴰⵜⴰⵢ .

ⴰⵎⴽ ⵉ ⵜⵍⵍⴰ ⴷ ⵉⵛⵜ ⵜⵎⵍⴷⴰ ⵏ ⵓⴱⴷⴷⵉ ⵖⵔ ⵡⴰⴷⴷⴰⴷ ⵏ ⵓⴳⴷⵓⴷ: ⵎⴰⵢⵏ ⴷ ⵏⴳⴳⴰ ⴷ ⵓⵎⵎⵉⵥⵏ, ⴷ ⵎⵉⵏ ⴰⵏⵖ ⵉⵜⵜⵕⴰⵊⴰⵏ ⴷ ⵉⵙⵏⴼⴰⵔⵏ ⴷ ⵉⵎⵄⴰⵉⵜⵏ, ⴷ ⵜⴽⵍⵉ ⵖⵔ ⵢⵉⵎⴰⵍ, ⵙ ⵜⴼⵍⵙⵜ.  

ⵏⵅⴷⵎ, ⵙⴳ ⵡⴰⵎⵉ ⵏⵇⵇⵉⵎ ⵅⴼ ⵓⴷⴰⴱⵓ, ⵃⵎⴰ ⴰⴷ ⵏⴱⵏⴰ ⵉⵊⵊⵏ ⵍⵎⵖⵔⵉⴱ ⵉⵣⵣⵉⴳⵣ, ⵉⵎⵓⵏ, ⵉⵜⵜⵎⵣⵙⵉⵡⵣⴰ, ⵙ ⵜⵏⴽⵔⵉ ⵙ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴼⴳⴰⵏⵜ ⵜⴰⵏⵎⴷⵓⵜ, ⴰⴽⴷ ⵓⵙⴷⵡⵙ ⵏ ⵓⵎⴽⴰⵏ ⵏⵏⵙ ⴳⵔ ⵓⵙⴰⴳⵔⴰⵡ ⵏ ⵜⵎⵉⵣⴰⵔ ⵉ ⴷ ⵢⵓⵍⵢⵏ. ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ

ⴰⵇⵇⴰ ⵎⴰⵏⵉ ⵜⵉⵡⴹ ⵜⴰⵎⴰⵣⵉⵔⵜ ⵏⵏⵖ, ⵓⵔ ⴷ ⵢⵓⵙⵉ ⴰⵎⵏⵏⵉ ⵡⴰⵀⴰ, ⵎⴰⵛⴰ ⴷ ⵜⴰⵢⴰⴼⵓⵜ ⵏ ⵉⵛⵜ ⵜⵎⵓⵖⵍⵉ ⵜⵉⴳⴳⵯⵊ, ⵙ ⵓⵙⴳⴳⵎ ⵏ ⵉⵙⵜⴰⵢⵏ ⵏ ⵜⴳⵎⵉ ⵉⵎⵇⵇⵔⴰⵏⵏ, ⴷ ⵓⵔⴳⴳⵉⴳ ⴰⵙⵔⵜⴰⵏ ⴷ ⵓⵎⵔⵙⴰⵍ, ⵉ ⴷⵉ ⵉⵜⵜⴷⴷⵔ ⵍⵎⵖⵔⵉⴱ.

ⵎⴰⵍⴰ ⵏⴱⴷⴷ ⵅⴼ ⵓⵙⵏⴰⵍ ⴰⴷ ⵉⵎⵜⵏⵏ, ⵏⴱⴷⴷ ⵍⴱⴷⴰ ⵄⵎⴰ ⴰⴷ ⵏⵙⵙⴷⵓⵙ ⵉⵙⴱⴷⴰⴷⵏ ⵏ ⵡⴰⵍⴰⵢ ⴰⴷⵎⵙⴰⵏ ⴷ ⵡⴰⵎⵓⵏⴰⵏ, ⵙ ⵎⵉⵏ ⵉⵜⵜⵕⴰⵃⵏ ⴰⴽⴷ ⵓⵎⴰⴽⵏⴰⵡ ⵏ ⵜⴳⵎⵉ ⴰⵎⴰⵢⵏⵓ, ⴷ ⵜⵓⵚⴽⴰ ⵏ ⵉⵛⵜ ⵜⴷⴰⵎⵙⴰ ⵉⵜⵜⵎⵃⵉⵣⵡⴰⵔⵏ, ⵉⵎⵢⴰⵏⴰⵡ, ⵉⵏⵏⵓⵕⵥⵎ, ⴰⵢⴰ ⴳ ⵉⵊⵊⵏ ⵓⵙⴰⵜⵉ ⴷ ⴰⵎⴰⴽⵔⵓ-ⴷⵎⵙⴰⵏ ⵉⵔⴳⴳⵉⴳⵏ, ⵉⵚⵃⴰⵏ. ⵉⵔⵏⵓ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵓⵛⴰ ⵡⴰⵅⵅⴰ ⵎⵙⴹⴼⴰⵕⵏ ⵉⵙⴳⴳⵓⵙⴰ ⵏ ⵍⴰⵣⴰⵖ, ⴷ ⵜⴰⵙⵙⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⵜⵟⵟⴷ ⵜⴷⴰⵎⵙⴰ ⵏⵏⵖ ⵜⴰⵏⴰⵎⵓⵔⵜ ⴳ ⵉⵊⵊⵏ ⵓⵙⵖⴰⵍ ⵏ ⵜⴳⵎⵉ ⵉⵙⵜⵡⴰⵀⵎⵎⴰⵏ, ⵣⴳⴳⴰ ⵜⵢⴰⵔⵉⵜⴰ.

ⴰⵎⴽ ⵉⵥⵕⴰ ⵍⵎⵖⵔⵉⴱ ⵉⵛⵜ ⵜⵏⵓⴽⵔⵉ ⵏ ⵜⵎⴳⵓⵔⵉ, ⵎⴰⵏⵉ ⵓⵍⵢⵏ ⵉⵙⵓⴼⴰⵖ ⵏ ⵜⵎⴳⵓⵔⵉ ⵙⴳ 2014 ⴰⵔ ⵍⵓⵅ, ⵓⴳⴳⴰⵔ ⵙ ⵓⵣⴳⵏ, ⵓⵍⴰ ⴽⵟⵕ ⵙ ⵜⴰⵣⵣⵓⵍⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵍⵎⵖⵔⵉⴱ. ⵉⵏⵏⴰ ⵙⵓⵍⴱⴰⴱ ⵏ ⵡⴰⴷⴷⵓⵔ .

ⵙ ⵍⴼⴹⵍ ⵏ ⵉⵙⵡⴰⵍⴰⵜⵏ ⵉⵙⵜⵔⴰⵜⵉⵊⵉⵢⵉⵏ ⵉ ⵉⴹⴼⴰⵕ ⵍⵎⵖⵔⵉⴱ, ⴷⵡⵍⵏ ⴰⵙⵙⴰ ⵉⴳⵔ ⵏ ⵜⵀⵉⵔⵉⵜⵉⵏ ⴷ ⵜⵢⵍⴰⵍⵉⵏ ⴷ ⵜⵏⵣⵎⴰⵔⵉⵏ ⵉⵜⵜⵡⴰⵙⵎⴰⵢⵏⵓⵏ, ⴷ ⵜⵎⴳⵓⵔⵉⵡⵉⵏ ⵏ ⵎⴰⵛⵛⴰ ⴷ ⵜⵉⵏⵏⵉ ⵏ ⵜⵎⴰⵍⵍⴰⵢⵜ, ⴷ ⵉⵛⵜ ⵜⵙⵏⵢⴰⵏⵜ ⴷ ⵜⴰⵎⵇⵇⵔⴰⵏⵜ ⵉ ⵜⴷⴰⵎⵙⴰ ⵏⵏⵖ ⵉ ⴷ ⵉⵜⵜⴰⵍⵢⵏ, ⵍⴰ ⴳ ⵎⵉⵏ ⵉⵥⵍⵉⵏ ⴳ ⵓⵙⵙⴰⵔⵉ ⵏⵉⵖ ⴰⵙⵍⵓⵍⵉ ⵏ ⵜⵎⵍⴷⵉⵡⵉⵏ ⵏ ⵜⵡⵓⵔⵉ.

ⵜⵙⵙⵏⴷ ⵎⵍⵉⵃ, ⵉⵍⴰ ⵓⵔ ⵣⵎⵎⵔⵖ ⴰⴷ ⵕⴹⵉⵖ ⵡⴰⵅⵅⴰ ⵏⵉⵡⴹ ⵉⵊⵊⵏ ⵓⵙⵡⵉⵔ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ, ⵎⴰⵍⴰ ⵓⵔ ⵜⴳⴳⵓ ⴼⵓⵙ ⴷⴳ ⵓⵙⴽⵓⵏⵉ ⵏ ⵜⴼⴰⴷⵉⵡⵉⵏ ⵏ ⵉⵏⴰⵎⵓⵔⵏ, ⵙⴳ ⵎⵕⵕⴰ ⵉⵏⴰⵡⵏ ⵏ ⵡⴰⵎⵓⵏ, ⴳ ⴽⵓⵍⵍⵓ ⵜⵉⵎⵏⴰⴹⵉⵏ ⴷ ⵜⵙⴳⴳⵉⵡⵉⵏ. ⵙ ⵓⵢⴰ, ⵏⵜⵜⵉⵛ ⵉⵛⵜ ⵍⵀⵉⵎⵎⵜ ⴷ ⵜⴰⵎⵇⵇⵔⴰⵏⵜ ⵃⵎⴰ ⴰⴷ ⵜⴽⴽⵔ ⵜⴳⵎⵉ ⵜⴰⵏⴼⴳⴰⵏⵜ, ⴷ ⵓⵙⵎⴰⵜⴰ ⵏ ⵓⵃⵟⵟⵓ ⴰⵏⴰⵎⵓⵏ, ⴷ ⵡⴰⵏⵏⴰⵍ ⵓⵙⵔⵉⴷ ⵉ ⵜⵡⴰⵛⵓⵏⵉⵏ ⵉ ⵉⵙⵜⴰⵀⵍⵍⵏ. ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ

ⵙⴱⴰⵏⴻⵏⵜ ⵉⴷ ⵜⵉⵢⴰⴼⵓⵜⵉⵏ ⵏ ⵓⵙⵉⴹⵏ ⴰⵎⴰⵜⴰⵢ ⵏ ⵉⵎⵣⴷⴰⵖ ⴰⵙⴳⴳⵯⴰⵙ ⵏ 2024; ⵅⴼ ⵛⴰ ⵏ ⵉⵙⵏⴼⴰⵍ ⵉⴷⵉⵎⵓⵖⵔⴰⴼⵉⵢⵏ, ⵉⵏⴰⵎⵓⵏⵏ, ⴷ ⵉⵏⵏⵉ ⵏ ⵡⴰⴽⴰⵍ, ⵉ ⵉⵍⵍⴰ ⵉⵅⵚⵚ ⴰⴷ ⵜⵏ ⵏⴽⵙⵉ ⵙ ⵜⴰⵢⵏⵉⵜ ⴳ ⵓⵙⵓⵊⴷ ⵏ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ.

ⴰⵎⴽⵏⴰⵡ ⵏ ⵓⵢⴰ; ⵉⵜⵜⵡⴰⵣⵎⵎⴻⵎ ⵉⵊⵊⵏ ⵓⴷⵡⴰⵍ ⵖⵔ ⴷⴼⴼⵔ ⴷ ⴰⵎⵇⵇⵔⴰⵏ ⴳ ⵥⵥⵍⴹ ⵉ ⵎⵢⴰⵏⴰⵡⵏ ⴳ ⵓⵙⵡⵉⵔ ⴰⵏⴰⵎⵓⵔ, ⵙⴳ 11.9 % ⴰⵙⴳⴳⵯⴰⵙ ⵏ 2014, ⴰⵔ 6.8% ⴰⵙⴳⴳⵯⴰⵙ ⵏ 2024.

ⵎⴰⵛⴰ ⵡⴰⵅⵅⴰ ⴰⵎⵏⵏⵉ ⵄⴰⴷ ⴷⵉⵏ ⴳ ⵛⴰ ⵏ ⵜⵎⵏⴰⴹⵉⵏ, ⵓⵍⴰ ⴽⵟⵕ ⴳ ⵜⵎⵏⴰⴹⵉⵏ ⵏ ⵍⴽⴰⵎⴱⴰⵡⴰⵜ, ⵓⴷⵎⴰⵡⵏ ⵏ ⵥⵥⵍⴹ, ⵎⵉⵏⵣⵉ ⵓⵔ ⴷⵉⵏ ⴱⵓ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵎⵉⵏ ⵜⵜⵃⵡⴰⵏⴰⵏ ⵉⵎⵣⴷⴰⵖ.

ⴰⵇⵇⴰ ⵉⵡⴹ ⴷ ⵡⴰⴽⵓⴷ ⵃⵎⴰ ⴰⴷ ⵜⵉⵍⵉ ⵉⵛⵜ ⵜⵏⵓⴽⴽⵔⴰ ⵏ ⵜⵉⴷⵜⵜ, ⴳ ⵓⵙⵙⵖⵔⵜ ⵏ ⵉⴳⵔⴰⵏ ⵏ ⵡⴰⴽⴰⵍⵏ ⴷ ⵓⴼⴰⵇⵇⵉ ⴰⴽⴷ ⵉⴱⵟⵟⵓⵜⵏ ⵉⵏⴰⵎⵓⵏⵏ ⴷ ⵉⵏⵏⵉ ⵏ ⵡⴰⴽⴰⵍⵏ.

ⵙ ⵓⵢⴰ ⵏⵜⵜⴻⵜⵜⵔ ⵃⵎⴰ ⴰⴷ ⵢⵉⵍⵉ ⵓⵎⵓⵜⵜⵉ ⵙⴳ ⵜⵎⵢⴰⴷⴰⵙⵉⵏ ⵜⵉⴱⵍⴷⵉⵢⵉⵏ ⵏ ⵜⴳⵎⵉ ⵜⴰⵏⴰⵎⵓⵏⵜ, ⵖⵔ ⵉⵛⵜ ⵜⵎⵍⴰⴷⴰⵙⵜ ⵏ ⵜⴳⵎⵉ ⵏ ⵡⴰⴽⴰⵏ ⵉⵎⵍⴰⴷⴰⴼⵏ. ⵏⵜⵜⵅⵙ ⴰⴷ ⴽⴽⵙⵏ ⵉⴳⵓⵎⵎⴰ ⵏ ⵜⴳⵎⵉ ⵎⵕⵕⴰ ⵉⵎⵣⴷⴰⵖ ⴷ ⵉⵏⴰⵎⵓⵔⵏ, ⴳ ⵎⵕⵕⴰ ⵜⵎⵏⴰⴹⵉⵏ.

ⵙ ⵓⵢⴰ, ⵏⵙⵡⴰⵍⴰ ⵜⴰⴱⴰⴹⵜ, ⵃⵎⴰ ⴰⴷ ⵜⴹⴼⴰⵕ ⵉⵛⵜ ⵜⵙⵓⵜⴰ ⴷ ⵜⴰⵎⴰⵢⵏⵓⵜ ⵙⴳ ⵉⵖⴰⵡⴰⵙⵏ ⵏ ⵜⴳⵎⵉ ⵜⴰⵏⴰⴽⴰⵍⵜ, ⵉⵜⵜⴱⴷⴷⴰⵏ ⵅⴼ ⵜⵓⵥⵍⴰⵢⵉⵏ ⵜⵉⴷⵖⵔⴰⵏⵉⵏ, ⵙ ⵜⵙⴳⴰ ⵉⵣⵣⵉⴳⵣⵏ, ⴷ ⵓⵎⵏⵣⴰⵢ ⵏ ⵜⵡⵉⵣⴰ ⴳⵔ ⵉⴳⵔⴰⵏ ⵉⵏⴰⴽⴰⵍⵏ. ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵉⵅⵚⵚ ⵉⵖⴰⵡⴰⵙⵏ ⴰⴷ ⴱⵉⴷⴷⵏ ⵅⴼ ⵓⵙⵎⵓⵏⵉ ⵏ ⵜⵣⵎⵎⴰⵔ ⵏ ⵉⵎⵙⴽⴰⵔⵏ, ⵅⴼ ⵛⴰ ⵏ ⵉⵣⵡⵉⵔⵏ ⴱⴰⵏⵏ, ⴷ ⵉⵙⵏⴼⴰⵔⵏ ⵙ ⵍⴰⵜⵔ ⵏⵏⵙⵏⵜ, ⴰⵎ

ⴰⵎⵣⵡⴰⵔⵓ: ⴰⵙⵙⵏⴰⵍ ⵏ ⵓⵙⵡⵓⵔⵉ, ⵙ ⵓⵙⵉⵜⴳ ⵏ ⵜⵣⵎⵎⴰⵔ ⵜⵉⴷⵎⵙⴰⵏⵉⵏ ⴷ ⵜⵉⵙⴳⴰⵡⴰⵏⵉⵏ, ⴷ ⵢⴰⵏ ⵓⵏⵣⵡⵉ ⴰⵚⴱⵃⴰⵏ ⵉ ⵜⵙⵏⵜⴰⵢⵜ ⵏ ⵓⵙⵙⴰⵔⵓ ⴰⴷⵖⵔⴰⵏ

ⵡⵉⵙ ⵙⵉⵏ : ⴰⵙⴷⵡⵙ ⵏ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⵜⵉⴷⵙⵍⴰⵏⵉⵏ, ⴳ ⵉⴳⵔ ⵏ ⵓⵙⵙⴳⵎⵉ ⴷ ⵓⵙⵍⵎⴷ, ⴷ ⵓⵃⵟⵟⵓ ⵏ ⵜⴷⵓⵙⵉ, ⵙ ⵎⵉⵏ ⵉⵜⵜⵚⵓⵏⵏ ⵜⵉⵎⵎⵓⵣⵖⴰ ⵏ ⵉⵏⴰⵎⵓⵔⵏ, ⴷ ⵜⵣⵔⴼⵜ ⵉⵏⴰⴽⴰⵍⵏ.

ⵡⵉⵙ ⴽⵕⴰⴹ: ⴰⴷ ⴱⵉⴷⴷⵏ ⵅⴼ ⵛⴰ ⵏ ⵜⵎⵣⵣⴰ ⵉⵙⵓⵍⵏ ⵉ ⵓⵙⴳⴰⵎ ⵏ ⵡⴰⵎⴰⵏ, ⴳ ⵜⵉⵍⵉ ⵜⴰⵙⵙⴰⵙⵜ ⵏ ⵡⴰⵎⴰⵏ ⴷ ⵓⴱⴷⴷⵍ ⵏ ⵓⵏⵣⵡⵉ.

ⵡⵉⵙ ⴽⴽⵓⵥ: ⵉⵙⵏⴼⴰⵔⵏ ⵏ ⵓⵙⵙⵖⵔⵜ ⴰⵏⴰⴽⴰⵍ, ⴳ ⵎⵉⵏ ⵉⵜⵜⴰⴷⴼⵏ ⴰⴽⴷ ⵉⵙⵏⴼⴰⵔⵏ ⵉⵏⴰⵎⵓⵔⵏ ⵉⵎⵇⵇⵔⴰⵏⵏ ⵉ ⵜⴻⵜⵜⵙⵙⵏ ⵜⴰⵎⴰⵣⵉⵔⵜ.