ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴷⴷⵉⵙ ⴰⵙⴳⵏⴰⴼ ⴰⵎⵙⴷⴰⵡ ⴰⴳⵔⴰⵖⵍⴰⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵕⵕⴱⴰⵟ ⴷ ⵉⴼⴽⴰ ⵜⵓⵎⵍⴰⵢⵉⵏ ⵓⵜⵓⵢⵏⵉⵏ ⵏ ⵓⵕⵥⵥⵓⵎ ⵏ ⵡⴰⵎⵎⴰⵙ ⴰⵙⴳⵏⴰⴼ ⴰⵎⵙⴷⴰⵡ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴳⴰⴷⵉⵔ
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⴽⴷ ⴱⴰⴱ ⵏ ⵜⵓⵜⵜⴰⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙⴰ ⵏ ⵡⴰⵢⵏⴰⵙ, ⴰⵔⵥⴰⵎ ⵏ ⵓⴷⴷⵉⵙ ⴰⵙⴳⵏⴰⴼ ⴰⵎⵙⴷⴰⵡ ⴰⴳⵔⴰⵖⵍⴰⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵕⵕⴱⴰⵟ, ⵜⵓⵚⴽⴰ ⵜⴰⵎⴰⵣⵡⴰⵔⵓⵜ ⵜⴰⴳⵔⴰⵖⵍⴰⵏⵜ ⵉⵙⵡⵓⵔⵉⵏ ⵅⴼ ⵓⵙⴱⵓⵖⵍⵓ ⵏ ⵉⵊⵊⵏ ⵓⴼⵙⴰⵔ ⵙ ⵜⵖⵔⴰ ⵢⴰⵜⵜⵓⵢⵏ ⴷⴳ ⵓⵙⵡⵉⵔ ⴰⵏⴰⵎⵓⵔ, ⴷⵉ ⵜⴰⵏⴰⴼⵓⵜ ⵏ ⴰⴽⴽⵯ, ⴷ ⵜⵢⴰⴽⴽⴰ ⴰⵙⵎⵓⵜⴳ ⵙ ⵓⵙⵡⵉⵔ ⵢⴰⵜⵜⵓⵢⵏ ⴳ ⵜⴰⵣⵣⵓⵍⵉⵏ ⵏ ⵜⴷⵓⵙⵉ.
ⴰⵎⴽ ⵉⵡⵛⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵙⵙⴰ, ⵜⵓⵎⵍⴰⵢⵉⵏ ⵏⵏⵙ ⵢⴰⵜⵜⵓⵢⵏ ⵃⵎⴰ ⴰⴷ ⵉⵏⵏⵕⵥⵎ ⵡⴰⵎⵎⴰⵙ ⴰⵙⴳⵏⴰⴼ ⴰⵙⵎⴷⴰⵡ ⴳ ⵓⴳⴰⴷⵉⵔ, ⴰⴳⵓⵎ ⵏ ⵜⵙⵏⵉⵊⵊⵉⵜ ⵏ ⵓⵥⴰⵍⵢ ⵉ ⵖⴰ ⴳⴳⵏ ⵉⵊⵊⵏ ⵓⵏⴳⴰⵣ ⵏ ⵜⵉⴷⵜⵜ ⴳ ⵜⵏⴰⴼⵓⵜⵉⵏ ⵏ ⵜⵙⵏⵉⵊⵊⵉⵜ ⴷ ⵓⵙⵎⵓⵜⵜⴳ ⵏ ⵉⴹⴱⵉⴱⵏ ⴳ ⵓⵙⵡⵉⵔ ⵏ ⵜⵙⴳⴰ ⵏ ⵙⵓⵙ ⵎⴰⵙⵙⵜ.
ⵎⴰⵎⴽ ⵉⵜⵜⵡⴰⵃⵙⴰⴱ ⵓⴷⴷⵉⵙ ⴰⵙⴳⵏⴰⴼ ⴰⵎⵙⴷⴰⵡ ⴰⴳⵔⴰⵖⵍⴰⵏ ⵎⵓⵃⵎⵎⴷ ⵡⵉⵙ ⵚⴹⵉⵚ ⴳ ⵕⵕⴱⴰⵟ, ⵉ ⵜⴳⴳⴰ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙ ⵚⴹⵉⵚ ⵉ ⵜⵎⴰⵙⵙⴰⵏⵉⵏ ⵏ ⵜⴷⵓⵙⵉ, ⴷ ⵉⵊⵊⵏ ⵓⵎⴰⴽⵏⴰⵡ ⵏ ⵜⵉⴷⵜⵜ ⵏ ⵉⵊⵊⵏ ⵡⴰⴽⵓⴷ ⴷ ⴰⵎⴰⵢⵏⵓ ⵏ ⵜⵓⵚⴽⵉⵡⵉⵏ ⵜⵉⵙⴳⵏⴰⴼⵉⵏ ⵜⵉⵜⵔⴰⵔⵉⵏ ⴷ ⵜⵎⵉⵖⵉⵙⵉⵏ, ⵅ ⵓⵢⵏⵏⵉ, ⵉ ⵉⵜⵜⴳⴳ ⵙ ⵜⵎⵓⵖⵍⵓ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵀⵍⵍⵉ ⵏⵏⵙ ⵢⴰⵜⵜⵓⵢⵏ.
ⵅⵏⵏⵉ, ⵎⵣⵔⵉ ⴰⴷ ⵉⵜⵜⵅⵙ ⴰⴷ ⵉⵊⵊ ⵎⵕⵕⴰ ⵉⵏⴰⵎⵓⵔⵏ ⴰⴷ ⴰⴷⴼⵏ ⵖⵔ ⵜⵏⴰⴼⵓⵜⵉⵏ ⵏ ⵓⵏⵀⵍⵍⵉ ⴰⴷⵓⵙⴰⵏ ⵙⴳ ⵜⴰⵙⵓⵜ ⵜⴰⵎⴰⵢⵏⵓⵜ, ⵙ ⵓⴱⴷⴷⵉ ⵅⴼ ⵜⵎⵔⵙⵍⵜ ⵏ ⵓⵙⵏⴳⴰⴼ ⵉ ⴷⵉ ⵜⵜⴰⴷⴼⵏⵜ ⵉⵙⵏⵓⵍⴼⴰ ⵏ ⵜⵙⵏⵉⵊⵊⵉⵜ ⵉ ⵢⵓⴳⵓⵔⵏ ⵖⵔ ⵣⵣⴰⵜ.
ⴰⴽⴷ ⵓⵢⵏⵏⵉ, ⵓⴷⴷⵉⵙ ⴰⴷ ⴰⴷ ⵢⵉⵔⴰⵔ ⵜⵉⵍⴰⵍⵜ ⵜⴰⵎⵇⵇⵔⴰⵏⵜ ⵉ ⵉⵜⵜⵉⵛ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⵙⵎⵓⵜⵜⴳ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴳ ⵢⵉⴳⵔ ⴰⴷ ⴰⵚⴱⵃⴰⵏ, ⴷ ⵜⵎⵅⵙⴰ ⵏ ⴱⴰⴱ ⵏⵏⵙ ⴰⴷ ⴰⵙ ⵉⵡⵡⵛ ⵉⵊⵊⵏ ⵓⵙⵎⵓⵜⵜⴳ ⵙ ⵜⵖⵔⴰ, ⵉ ⵉⵜⵜⵔⴰⵃⵏ ⴰⴽⴷ ⵜⵣⵣⵉⴳⵣⵜ ⵜⴰⵎⴰⵙⵙⴰⵏⵜ ⴷ ⵜⴻⵜⵉⴽⵏⵓⵍⵓⵊⵉⵜ ⴳ ⵉⴳⵔⴰⵏ ⵏ ⵓⴳⵏⴼⵉ, ⴷ ⵡⴰⵔⴰⵢ ⴷ ⵓⵙⵓⴳⵓⵔ ⴷ ⵜⵉⵏⵏⵓⴱⴹⴰ ⵜⴰⴷⵓⵙⴰⵏⵜ, ⵙ ⵎⵉⵏ ⴷ ⵉⵜⵜⴰⵙⵏ ⴰⴽⴷ ⵉⵙⴱⴷⴰⴷⵏ ⵉⴳⵔⴰⵖⵍⴰⵏⵏ.
