ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵖⵜⵙ ⴰⴷ ⵉⵔⵔ ⵙⴳ 31 ⴽⵟⵓⴱⵕ ⵙⴳ ⴽⵓⵍ ⴰⵙⴳⴳⵯⴰⵙ ⴷ ⵜⴰⴼⵓⴳⵍⴰ ⴷ ⵜⴰⵏⴰⵎⵓⵔⵜ ⵙ ⵢⵉⵙⵎ ⵏ "ⵜⴼⵓⴳⵍⴰ ⵏ ⵜⵎⵓⵏⵜ" (ⴰⵙⵉⵡⴹ ⵏ ⵓⴷⵉⵡⴰⵏ ⴰⴳⵍⴷⴰⵏ)
ⵕⵕⴱⴰⵟ - ⵡⴰ ⵉ ⵉⵍⵍⴰⵏ ⴷ ⴰⵙⵉⵡⴹ ⵏ ⵓⴷⵉⵡⴰⵏ ⴰⴳⵍⴷⴰⵏ :
"ⵓⵎⵉ ⵜⵥⵕⴰ ⵜⵖⴰⵡⵙⴰ ⵏⵏⵖ ⵜⴰⵏⴰⵎⵓⵔⵜ ⵉⵊⵊⵏ ⵓⵙⵏⴼⵍ ⴷ ⴰⵎⵣⵔⵓⵢⴰⵏ, ⵎⴰⵍⴰ ⵏⴽⵙⵉ ⴰⴽⵉⴷⵙ ⵓⵍⴰ ⵙ ⵜⵣⵣⵉⴳⵣⵜ ⵉ ⴷ ⵜⵡⵡⵉ ⵜⵖⵜⴰⵙⵜ ⵜⵉⵙ 2797/2015 ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ, ⵉ ⵜⵜⵓⵖⴰ ⵉⵍⵍⴰⵏ ⴷ ⴰⵙⵏⵜⵍ ⵏ ⵢⵉⵏⴰⵡ ⵢⴰⵜⵜⵓⵢⵏ ⴰⵎⴳⴳⴰⵔⵓ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵖⵔ ⵓⴳⴷⵓⴷⵏ ⵏⵏⵙ ⵉⵄⵣⵣⴰⵏ, ⵉⵜⵜⵡⴰⵖⵜⵙ ⴰⴷ ⵢⵉⵍⵉ ⵡⴰⵙⵙ ⵏ 31 ⴽⵟⵓⴱⵕ, ⵙⴳ ⴽⵓⵍ ⴰⵙⴳⴳⵯⴰⵙ, ⴷ ⵉⵛⵜ ⵜⴼⵓⴳⵍⴰ ⴷ ⵜⴰⵏⴰⵎⵓⵔⵜ, ⴷ ⵜⵎⵍⴷⴰ ⵉ ⴷⵉ ⵉⵜⵜⵉⵛ ⴱⴰⴱ ⵏ ⵡⴰⴷⴷⵓⵔ ⴰⵙⵓⵔⴼ ⵏⵏⵙ ⵢⴰⵜⵜⵓⵢⵏ.
ⵅⵏⵏⵉ, ⵉⵡⵡⴹ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⴰⴷ ⵉⵙⵎⵎⴰ ⵜⴰⵎⵍⴷⴰ ⴰⴷ ⵙ ⵢⵉⵙⵎ ⵏ "ⵜⴼⵓⴳⵍⴰ ⵏ ⵜⵎⵓⵏⵜ", ⵙ ⵎⵓⵏ ⴷ ⵜⴽⵙⵉ ⴷ ⵉⵏⵓⵎⴰⴽ ⴷ ⵉⵣⵓⵎⴰⵍ ⵅⴼ ⵜⵎⵓⵏⵜ ⵜⴰⵏⴰⵎⵓⵔⵜ ⴷ ⵜⵏⴰⴽⴰⵍⵜ ⵉⴷⵜⵜⴻⵜⵏ ⵏ ⵜⴳⵍⴷⵉⵜ. ⵎⴰⵏⵉ ⵉ ⵖⴰ ⵜⵉⵍⵉ ⵜⴼⵓⴳⵍⴰ ⴰⴷ ⴷ ⵉⵛⵜ ⵜⴼⵓⴳⵍⴰ ⴷ ⵜⴰⵏⴰⵎⵓⵔⵜ ⵉⵙⵎⵓⵏⴰⵏ ⵎⴰⵃⵏⴷ ⴰⴷ ⵏⵙⵙⵉⵡⵍ ⵅⴼ ⵓⵛⴱⴱⵕ ⴳ ⵉⴼⵓⵥⴰⵕⵏ ⵏ ⵜⴳⵍⴷⵉⵜ ⴷ ⵉⵣⵔⴼⴰⵏ ⵏⵏⵙ ⵓⵣⵔⵉⴼⵏ.
ⵎⴰⵎⴽ ⵉⵜⵜⵡⴰⵖⵜⵙ, ⴰⴷ ⵜⵉⵍⵉ ⵓⵏⵟⴰⵇ ⵓⵏⵏⵉⴳ ⴳ ⵢⵉⵎⴰⵍ ⴳ ⵙⵏⴰⵜ ⵏ ⵜⵎⵍⴷⵉⵡⵉⵏ ⴷ ⵜⵉⵎⴰⴷⴷⵓⴷⵉⵏ, ⵜⴰⵎⵣⵡⴰⵔⵓⵜ ⴳ ⵢⵉⵏⴰⵡ ⵏ ⵓⴷⴰⴱⵓ ⵉⵛⵏⵏⵄⵏ ⴷ ⵡⵉⵙ ⵙⵉⵏ ⴳ ⵓⵕⵥⵥⵓⵎ ⵏ ⵜⵡⴰⵍⴰⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ.
ⴰⵎⵎⵓ, ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵄⵍⵎ, ⵙ ⵡⴰⴷⴷⴰⴷ ⵏⵏⵙ ⵏ ⴰⴳⵍⴷⵓⵏ ⵉⵎⵓⵎⵏⵏ ⴷ ⵓⵏⵙⵙⵉⵅⴼ ⵏ ⵓⵡⴰⵏⴽ, ⵙ ⵜⵖⵜⴰⵙⵜ ⵏⵏⵙ ⴰⴷ ⵓⵇⴷⴷⵔ ⵏⵏⵙ ⵃⵎⴰ ⴰⴷ ⵉⵙⵙⵉⵡⵍ ⵖⵔ ⵓⴳⴷⵓⴷ ⵏⵏⵙ ⵉⵄⵉⵣⵣⵏ, ⵎⵍⵎⵉ ⵎⵎⴰ ⵉⵅⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ.
ⵎⴰⵏⵉ ⵉ ⵖⴰ ⵇⵇⵉⵎⵏⵜ ⵜⴼⵓⴳⵍⵉⵡⵉⵏ ⵏ ⵓⵙⴷⴷⵔ ⵏ ⵓⴽⵜⴰⵢ ⵏ ⵜⴽⵍⵉ ⵜⴰⵣⴳⵣⴰⵡⵜ, ⴱⵍⴰ ⵎⴰ ⴰⴷ ⵢⵉⵍⵉ ⵛⴰ ⵏ ⵢⵉⵏⴰⵡ ⴷ ⴰⴳⵍⴷⴰⵏ ⵢⴰⵜⵜⵓⵢⵏ ⵉ ⵓⴳⴷⵓⴷ ⵙ ⵜⵎⵍⴷⴰ ⴰⴷ".
