ⵜⵙⵏⵜⵉ ⵜⴰⵏⴱⴰⴹⵜ ⴰⵏⵏⴰⵍ ⵓⵙⵍⵉⴷ ⵉⵥⵍⵉⵏ ⵙ ⵉⵎⵙⵡⵓⵔⵉⵜⵏ ⴳ ⵉⴳⵔ ⵏ ⵡⴰⵙⵙⴰⵢ ⴰⵣⵣⵓⵍⴰⵏ ⵏ ⵜⵏⵣⵣⵓⵜⵉⵏ ⴷ ⵡⵓⴳⴳⵉⴷⵏ

ⵙⴳ ⴰⵙⵙ ⵏ ⵓⵙⵉⵎⵡⴰⵙ 20 ⵎⴰⵕⵚ 2026, ⴰⵙⵏⵜⵉ ⵏ ⵓⵙⵔⵓⵙ ⵏ ⵜⵓⵜⵔⵉⵡⵉⵏ ⵏ ⵓⵙⵢⴰⴼⵓ ⴳ ⵓⵏⵏⴰⵍ ⵓⵙⵍⵉⴷ ⴳ ⵡⴰⵙⵉⵜ ⴰⵍⵉⴽⵜⵕⵓⵏⵉ: https://mouakaba.transport.gov.ma
ⴳ ⵓⵙⴰⵜⵉ ⵏ ⵓⵙⵢⴰⴼⵓ ⵏ ⵡⴰⵜⵉⴳ ⵏ ⵓⴽⵎⵉⴹⵏ ⴳ ⵉⴳⴰⴷⴰⵣⵏ ⵉⴳⵔⴰⵖⵍⴰⵏⵏ, ⴷ ⵜⵓⴳⴳⴰ ⵏⵏⵙ ⴼ ⵡⴰⵜⵉⴳ ⵏ ⵉⵎⴰⵇⵇⴰⴷⵏ (ⵍⵎⴰⵣⵓⵟ ⴷ ⵍⵉⵚⴰⵏⵚ) ⴳ ⵓⵎⵓⵔ ⵏ ⵍⵎⵖⵔⵉⴱ, ⵜⵙⵙⵏⵜⵉ ⵜⴰⵏⴱⴰⴹⵜ ⵜⴰⵎⵀⵍⵜ ⵜⴰⵎⴰⵢⵏⵓⵜ ⵏ ⵓⴼⴽⴰ ⵏ ⵜⴰⵍⵍⴰⵍⵜ ⵜⴰⵙⵎⴰⵢⵏⵓⵜ ⵉ ⵉⵎⵙⵡⵓⵔⵉⵏ ⴳ ⵉⴳⵔ ⵏ ⵡⴰⵙⵙⴰⵢ ⵏ ⵜⵏⵣⵣⵓⵜⵉⵏ ⴷ ⵡⵓⴳⴳⵉⴷⵏ, ⵣⵓⵏ ⴷ ⵜⴰⵎⵀⵍⵜ ⵍⵍⵉ ⵜⵙⵙⵏⵜⵉ ⴳ ⵎⴰⵕⵚ 2022.
ⵉⴳⴰ ⵓⵡⵜⵜⴰⵙ ⵜⵏⴱⴰⴹⵜ ⵙ ⵡⴰⵏⵏⴰⵍ ⴰⴷ ⵓⵙⵔⵉⴷ ⴷ ⵓⵙⵍⵉⴷ ⴰⴷ ⵜⴼⵙⵙⵓⵙ ⵜⵓⴳⴳⴰ ⵏ ⵡⴰⵜⵉⴳ ⵏ ⵉⵎⴰⵇⵇⴰⴷⵏ ⴳ ⵓⴳⴰⴷⴰⵣ ⴰⴳⵯⵏⵙⴰⵏ ⵍⵍⵉⵖ ⵜⴷⴼⴼⴰⵔ ⴰⵍⵍⴰⵢⵙ ⵏⵏⵙ ⴳ ⵓⵎⴰⴹⴰⵍ ⴰⴽⴽⵯ, ⴰⴼⴰⴷ ⴰⴷ ⵜⴼⵔⴳ ⵜⴰⵣⵎⵔⵜ ⵏ ⵓⵙⵖⵉ ⵏ ⵉⵎⵓⵔⵉⵢⵏ, ⴷ ⵓⴼⵔⴰⴳ ⵏ ⵓⵙⵙⴼⵓⵖ ⵏ ⵜⵏⵣⵣⵓⵜⵉⵏ ⵙ ⵉⴳⴰⴷⴰⵣⵏ ⵙ ⵜⵖⴰⵔⴰⵙⵜ ⵜⴰⵎⴰⵏⵓⵏⵜ ⵏ ⵓⵍⵓⵊⵉⵙⵜⵉⴽ. ⵢⵉⵍⵉ ⴰⵡⴷ ⵓⵙⴼⵍⵙ ⵏ ⵡⴰⵙⵙⴰⵢ ⵏ ⵉⵎⵓⵔⵉⵢⵏ ⴷ ⵓⵙⵓⵍ ⵏ ⵜⵏⵓⴼⴰ ⵏ ⵡⴰⵙⵙⴰⵢⵏ.
ⵣⵓⵏ ⴷ ⵜⴰⵎⵀⵍⵜ ⵉⵣⵔⵉⵏ, ⵔⴰⴷ ⵙⵢⴰⴼⴰⵏ ⵉⵎⵙⵡⵓⵔⵉⵏ  ⴳ ⵉⴳⵔ ⵏ ⵡⴰⵙⵙⴰⵢ ⵏ ⵜⵏⵣⵣⵓⵜⵉⵏ ⴷ ⵡⵓⴳⴳⵉⴷⵏ, ⵙⴳ ⵓⵙⵉⵎⵡⴰⵙ 20 ⵎⴰⵕⵚ 2026, ⵥⴹⴰⵕⵏ ⴰⴷ ⵙⵔⵙⵏ ⵜⵓⵜⵔⵉⵡⵉⵏ ⵏⵏⵙⵏ ⵏ ⵓⵙⴼⵢⴰⴼⴰⵙ ⵜⵖⴰⵔⴰⵙⵜ ⵏ ⵜⵔⵓⴱⴱⴰ ⴳ ⵡⴰⵙⵉⵜ ⴰⵍⵉⴽⵜⵕⵓⵏⵉ: https://mouakaba.transport.gov.ma , ⴷ ⵓⴹⴼⴼⵓⵕ ⵏⵏⵙⵏⵜ ⵙ ⵜⵖⴰⵔⴰⵙⵜ ⵜⴰⵍⵉⴽⵜⵔⵓⵏⵉⵜ.
ⵉⵇⵇⴰⵏ ⴰⴷ ⵏⵙⴽⵯⵜⵉ ⵜⵔⵓⴱⴱⴰ ⵍⵍⵉ ⵔⴰⴷ ⵉⵙⵢⴰⴼⴰ ⴳ ⵡⴰⵏⵏⴰⵍ ⵓⵙⵍⵉⴷ ⵉⵥⵍⵉ ⵙ : ⴰⵙⵙⴰⵢ ⵏ ⵜⵏⵣⵣⵓⵜⵉⵏ ⴷ ⵡⴰⵙⵙⴰⵢ ⴰⵎⴰⵜⴰⵢ ⵏ ⵉⵏⵎⵓⴷⴷⴰ, ⵜⵉⵎⵙⵙⵓⴷⵓⵜⵉⵏ (ⵟⵟⴰⴽⵙⵉⵢⴰⵜ) ⵜⵉⵎⵥⵢⴰⵏⵉⵏ ⴷ ⵜⵉⵎⵇⵇⵔⴰⵏⵉⵏ ⴷ ⵡⴰⵙⵙⴰⵢ ⵓⵙⵍⵉⴳ ⴷ ⵉⵏⵙⵎⵓⴷⴷⴰ ⵏ ⵓⵙⵙⴰⵢ ⵏ ⵉⵏⵎⵓⴷⴷⴰ ⴷ ⵡⴰⵙⵙⴰⵢ ⴰⵏⵎⴰⵍⵍⴰⵢ ⴷ ⵡⵉⵢⵢⴰⴹ.