ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵉⵊⵊ ⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙⴰⴷ ⴷⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵖⵔ ⵕⵕⴱⴰⵟ ⵉⵊⵊ ⵏ ⵜⵉⴳⵉⵡⵔⵜ ⵏ ⵜⵡⵓⵔⵉ ⵉⵣⵍⵉⵏ ⵙ ⵓⵙⵎⵏⵉⴷ ⵏ ⵓⴷⴷⵉⵙ ⴰⴼⵜⴰⵙ ⴰⵎⴳⵓⵔⴰⵏ ⵏⵏⴰⴹⵓⵕ ⵏ ⵓⴷⴰⵔⴰⵎ ⵍⵎⵓⵜⴰⵡⴰⵙⵉⵟ ⵎⴰⵢⴰⴷ ⵉⴳⴰⵏⵉⵏ ⴰⴷ ⵜⴽⵛⵎ ⵜⵉⴽⵍⵉⵜ ⵜⴰⵎⴰⵣⵡⴰⵔⵓⵜ ⵏⵏⵙ ⵏ ⵜⵡⵓⵔⵉ ⴷⴳ ⵓⵙⵙⴰⵏ ⵢⵓⵛⴽⴰⵏ ⵉⴷⵔⵓⵙⵏ ⵓⵍⴰ ⴰⵚⵏⴼⴰⵕ ⵏ ⵓⵙⵙⵓⵙⵄⵓ ⵏ ⵓⴷⴷⵉⵙ ⵏ ⵟⴰⵏⵊⴰ ⵍⵎⵓⵜⴰⵡⴰⵚⵉⵟ ⴷⴳ ⵡⴰⵎⵎⴰⵙ ⵏ ⵓⵕⵥⴰⵎ ⵏ ⵓⵙⴽⵔ ⵏ ⵓⴼⵔⴰⵙ ⴰⵎⴰⵢⵏⵓ ⵟⴰⵏⵊⴰ ⵍⵎⵓⵜⴰⵡⴰⵚⵉⵟ ⴽⵕⴰⴹ.
ⴷⴳ ⵓⴳⵔⴰⵡ ⴰⴷ ⵉⴽⵛⵎ ⵙ ⵓⵙⵖⵣⵣⵉⴼ ⵏ ⵜⵉⴳⵉⵡⵉⵔⵉⵏ ⵏ ⵜⵡⵓⵔⵉ ⵏⵏⴰ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵉⵣⵍⵉⵏ ⵙ ⵓⵙⴱⵓⵖⵍⵓ ⵏ ⵉⵚⵏⴼⴰⵕⵏ ⵏ ⵓⴼⵜⴰⵙⵏ ⵉⵎⵇⵇⵓⵕⴰⵏ ⴷⴳ ⵜⴳⵍⴷⵉⵜ ⵙⴰⵍⴰⵡⵏ ⴰⴽⴽⵯ ⵡⵉⵍⵍⵉ ⵎⵓⵏⵏⵉⵏ ⵙⴳ 28 ⵉⵏⵏⴰⵢⵔ ⵉⵣⵔⵉⵏ ⵉⵙⵎⵏⵉⴷ ⵓⵙⵇⵇⵉⵎ ⵏ ⵜⵉⴹⴰⴼ ⵏ ⵜⵙⵏⵓⵔⴰⵢⵜ ⵜⵣⵍⵉ ⵙ ⵟⴰⵏⵊⴰ ⵍⵎⵓⵜⴰⵡⴰⵚⵉⵟ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ "ⵏⵏⴰⴹⵓⵕ ⵏ ⵓⴷⴰⵔⴰⵎ ⵍⵎⵓⵜⴰⵡⴰⵚⵉⵟ " ⴰⵙⴼⵙⴰⵔ ⴷⴰⵜ ⵏ ⵜⵏⴰⵢⵜ ⵜⴰⵎⴰⵜⴰⵢⵜ ⵏ ⵓⴷⴷⵓⵔ ⵏ ⵓⴳⵍⵍⵉⴷ ⴼ ⵓⵃⵔⵛ ⵏ ⵜⵉⵡⵓⵔⵉⵡⵉⵏ ⵏ ⵉⵚⵏⴼⴰⵕⵏ ⴰⴷ ⴷ ⵜⵉⴽⵍⴰⵢ ⵉⴷⴷⴰⵏ ⵏ ⵓⵙⴱⵓⵖⵍⵓ ⵏⵙⵏⵏ
ⴽⵛⵎⵏ ⵙⵉⵏ ⵉⵚⵏⴼⴰⵕⵏ ⵉⵎⴰⵢⵏⵓⵏ ⴷⴳ ⵓⵙⴰⵜⵉ ⵏ ⵜⴰⵏⴰⵢⵜ ⵜⴰⴳⵍⴷⴰⵏⵜ ⵉⵔⴰⵏ ⵜⵉⵥⴹⵕⴰ ⵏ ⵍⵎⵖⵔⵉⴱ ⵏ ⵓⵏⴳⵔⴰⵡ ⴰⴼⵜⴰⵙⵏ ⵉⵔⵡⵉⵏ ⵓ ⵓⵙⴷⵓⵙ ⵏ ⵓⵎⵃⵉⵣⵡⴰⵔ ⵏ ⵜⴳⵍⴷⵉⵜ ⴷⴰⵜ ⵏ ⵡⴰⵍⵍⴰⵙ ⵏ ⵓⵙⴽⵔ ⵏ ⵓⵙⴷⴷⵉ ⵏ ⵡⴰⵜⵉⴳ ⴰⴳⵔⴰⵖⵍⴰⵏ.
ⵉⵙⵎⵓⵏ ⵓⵙⵔⵇⴱ ⴰⴷ ⵏⴳⵔ ⵜⴰⵎⵔⵏⵉⵡⵜ ⵜⴰⵏⴰⵎⵓⵔⵜ ⴷ ⵜⵉⴳⵎⵉ ⵜⵉⴳⵔⴰⵏⵜ ⴰⵛⴽⵓ ⵏ ⵜⵉⵙⵙⴽⵉ ⵏ ⵓⵖⵓⴷⵓ ⵏ ⵓⵙⵙⴰⵔⵓ ⴰⴳⴷⵓⴷⴰⵏ ⴷ ⵓⵎⵓⵙⵙⵓ ⵏ ⵉⴷⴳⴰⵔⵏ ⵉⵣⵍⵉⵏ ⴷ ⵜⵓⴳⵉ ⵏ ⵉⵎⵏⵉⴷⵏ ⵖⵓⴷⴰⵏⵉⵏ ⵏ ⵜⵡⵓⵔⵉ ⵎⴰⵢⴰⴷ ⵔⴰⴷ ⵉⵥⴹⴰⵕ ⵉⵎⵣⴷⴰⵖⵏ ⵏ ⵜⵙⴷⴷⵉⵡⵉⵏ ⵉⴷⵊⴰⵔⵏ ⵏ ⵜⵓⴳⵉ ⵏ ⵡⴰⵜⵉⴳ ⵉⵣⴰⵢⴷⵏ ⴷⴳ ⵊⴰⵊ ⵏ ⵢⵉⴳⵔⴰⵏ ⵏ ⵡⴰⴽⴰⵍ
ⵉⵜⵜⵡⵙⴽⴰⵔⵏ ⵏ ⵜⵉⴳⵉⵡⵔⵜ ⴰⴷ ⵙ ⵜⵉⵍⵉⵜ ⵏ ⵓⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⴰ ⴷ ⴰⵎⴰⵡⵙⴰⵙ ⵏ ⵓⴳⵏⵙⵓ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ ⴷ ⴰⵎⴰⵡⵙⴰⵙ ⵏ ⵜⴷⵎⵙⴰ ⵙ ⵓⵙⵣⵔⴼ ⴷ ⵜⵉⵔⵡⵉ ⵜⴰⴳⴷⵓⴷⴰⵏⵜ ⴼⴰⵡⵣⵉ ⵍⵇⵊⵄ ⴷ ⴰⵎⴰⵡⵙⴰⵙ ⵏ ⵡⴰⵎⴰⵏ ⴷ ⵜⴳⴰⵏⵉⵏ ⵎⴰⵙⵙ ⵏⵉⵣⴰⵔ ⴱⴰⵔⴰⴽⴰ ⴷ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵙⴰⵔⵓ ⴷ ⵓⵙⵉⴷⴼ ⴰⴷⵎⵙⴰⵏ ⵎⴰⵙⵙ ⵕⵕⵢⴰⴹ ⵎⵣⵡⵓⵔ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵉⴹⴰⴼ ⵏ ⵜⴰⵙⵓⵔⴰⵢⵜ ⵉⵣⵍⵉⵏ ⵙ ⵟⴰⵏⵊⴰ ⵍⵎⵓⵜⴰⵡⴰⵚⵉⵟ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⴳⵓⵔⵜ " ⵏⵏⴰⴹⵓⵕ ⵏ ⵓⴷⴰⵔⴰⵎ ⵏ ⵍⵎⵓⵜⴰⵡⴰⵚⵉⵟ " ⵎⴰⵙⵙ ⴼⵓⴰⴷ ⴱⵔⵉⵏⵉ"
