ⴰⵙⵉⵡⴹ ⵉⵥⵍⵉⵏ ⵓⵙⵏⵜⵉ ⵏ ⵜⵏⴱⴰⴹⵜ ⵉ ⵓⵖⴰⵡⴰⵙ ⵏ ⵡⴰⵍⵍⴰⵙ ⵜⵙⵉⵥⴹⵕⵜ ⵏ ⵜⵎⵏⴰⴹⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⵓⵙⵍⵉⴷⵏ ⵍⵍⵉ ⵢⵓⵜⵏ ⵜⵎⴷⵉⵏⵜ ⵏ ⵓⵙⴼⵉ

ⵙ ⵓⵙⵡⴰⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⴰ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵙⵔⵓⵙ ⵏ ⵜⴽⵙⵙⴰ ⵍⵍⵉ ⵢⴰⴽⴽⴰ ⵉ ⵉⵏⵎⵓⵔⵉⵢⵏ ⴷ ⵜⵏⵎⵓⵔⵉⵢⵉⵏ ⴰⴽⴽⵯ ⵡⴰⴷⴷⴰⴷⵏ ⵏ ⵜⵓⴷⵔⵜ, ⵙⵍⴰⵀⵡⴰⵏ ⴰⴽⴽⵯ ⴰⴱⴷⴷⴰⴷ ⴰⴽⴷ ⵡⵉⴷⴰ ⵉⵙⵖⴰⵡⵙⴰⵏ ⴷ ⵜⵉⴽⴽⵉ ⵏ ⵏⴰⵏⵏⴰⵍ ⴷ ⵜⵡⵉⵙⵉ ⵙⵔⵙⵏ ⵉⵣⵍⵉⵏ, ⵜⵙⵙⴼⵓⵖ ⴷ ⵜⵏⴱⴰⴹⵜ ⵓⵖⴰⵡⴰⵙ ⵏ ⵡⴰⵍⵍⴰⵙ ⵜⵙⵉⵥⴹⵕⵜ ⵏ ⵜⵎⵏⴰⴹⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⵓⵙⵍⵉⴷⵏ ⵍⵍⵉ ⵢⵓⵜⵏ ⵜⵎⴷⵉⵏⵜ ⵏ ⵓⵙⴼⵉ, ⴰⵙⵙ ⵏ ⴰⵙⴰⵎⴰⵙ 14 ⴷⵓⵊⴰⵏⴱⵉⵔ 2025, ⴹⴰⵕⴰⵜ ⵏ ⵓⵏⵥⴰⵕ ⵉⴳⴳⵓⵜⵏ ⵍⵍⵉ ⵜ ⵏⵏ ⵓⵔ ⵊⵊⵓ ⵓⵔ ⵉⴽⴽⴰⵏ, ⵍⵍⵉ ⵉⵙⴽⵔⵏ ⵏ ⵓⵏⴳⵉⵙⵏ ⴷ ⵡⵉⵍⵍⵉ ⵜⵉⵡⵉ ⵜⵎⵜⵜⴰⵏⵜ ⵜⵓⴳⵜ ⵏ ⵜⵓⵚⴽⴰⵡⵉⵏ ⵜⵉⵏⴰⴷⵡⵉⵏ ⴷ ⵉⵎⵎⴰⵙⵏ ⵉⴷⵙⵍⴰⵏⵏ.
ⵉⵕⵚⴰ ⵓⵖⴰⵡⴰⵙ ⴰⴷ ⵅⴼ ⵜⵎⵢⴰⴷⴰⵙⵜ ⵜⴰⵎⴰⵜⴰⵢⵜ ⵏⵏⵙⵖ ⵍⵍⴰⵏⵜ ⵜⵓⴳⵜ ⵏ ⵜⵎⴳⴳⵉⵢⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵉⴷⴼ ⵙ ⵜⵖⴰⵔⴰⵙⵜ ⵏ ⵓⵖⴰⵡⵍ ⴷ ⵓⵎⵔⴰⵔⴰ ⵏ ⴰⵢⵍⵍⵉ ⵙ ⵖⴰⵡⵙⴰⵏ ⵉⵎⵣⴷⴰⵖⵏ ⵓⵏⴳⵉⵙⵏ.
ⵉⵍⵍⴰ ⴳ ⵓⵖⴰⵡⴰⵙ ⴰⴷ ⵜⵓⴳⵜ ⵏ ⵜⵎⴳⴳⵉⵢⵉⵏ ⵉⵍⵍⴰⵏ ⴳ ⵡⴰⴷⴰⴷ ⴰⵙⵜⵕⴰⵜⵉⵊⵉ ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⵓⵙⴷⵔⵓⵙ ⴳ ⵜⵡⴰⵖⵉⵜ ⴰⴷ, ⵖ ⵉⵍⵍⴰ ⵜⵉⴽⴽⵉ ⵏ ⵜⵡⵉⵙⵉⵡⵉⵏ ⵏ ⵓⵖⴰⵡⵍ ⵉ ⵜⵡⵉⵊⵉⵡⵉⵏ ⵎⵓ ⵉⴷⴷⴰ ⵡⴰⵢⴷⴰ ⵏⵏⵙⵏ ⴷ ⵜⵚⴽⴰ ⵏ ⵜⴷⵔⵡⵉⵏ ⵉⵅⵍⴰⵏ ⵙ ⵜⵖⵔⴰⵙⵜ ⵏ ⵓⵙⴳⴳⴷ ⴷ ⵡⴰⵍⵍⴰⵙ ⵏ ⵢⵓⵚⴽⴰ ⵏ ⵜⵃⵓⵏⴰ ⵏ ⵜⵙⴱⴱⴰⴱⵜ ⵙ ⴽⵛⵉⵎⵏ ⵡⴰⵎⴰⵏ ⴷ ⵓⴱⴷⴷⴰⴷ ⴷ ⵉⴷⴱⴰⴱ ⵏⵏⵙ ⵙ ⵓⵎⵙⴰⵙⴰ ⴰⴽⴷ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙⵏⵜ ⴰⵙⴷⵓⵙ ⵏ ⵡⴰⴷⴷⵓⵔ ⵏ ⵓⵏⵎⵓⵔⵉ ⴷ ⵓⵔⵓⵙ ⵏ ⵉⴼⵔⴷⵉⵙⵏ ⵏ ⵜⵓⴷⵔⵜ ⵜⴰⴽⵓⵢⴰⵙⵜ ⴷ ⵓⵙⴷⵓⵙ ⵏⵏⵙ.  
ⴳ ⵓⵙⴰⵜⵉ ⴰⴷ, ⵙ ⵓⵎⵙⴰⵙⴰ ⴰⴽⴷ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⵙⵎⵓⵏ ⵜⵏⴱⴰⴹⵜ ⵜⵓⴳⵜ ⵏ ⵉⵎⴰⵙⵙⵏ ⴷ ⵉⵙⵓⴳⴰⵎ ⵉⵏⴰⴼⴳⴰⵏⵏ ⵢⵓⴼⴰⵏ ⴰⴽⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⵉⵎⴷⵔⴰⵡⵏ ⴰⴽⴽⵯ, ⵃⵎⴰ ⴰⴷ ⵙⵙⵏⵜⵉⵏⵜ ⵜⵏⴱⴰⴹⵉⵏ ⵜⵉⴷⵖⴰⵔⴰⵏⵉⵏ ⵜⵉⵡⵓⵔⵉⵡⵉⵏ ⵏ ⴳ ⵓⵣⵓⴳⴳⵣ ⵏ ⵜⵎⴳⴳⵉⵢⵉⵏ ⵎⵓ ⵉⵜⵜⵓⵙⴽⴰⵔ ⵓⵙⵖⵉⵡⵙ ⴷ ⵓⵙⵉⴷⴼ ⵙ ⵜⵖⴰⵔⴰⵙⵜ ⵏ ⵓⵖⴰⵡⵍ ⵙ ⴰⵢⵍⵍⵉ ⵙ ⵙⵖⴰⵡⵙⴰⵏ ⵉⵎⵣⴷⴰⵖⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⴰⴷ ⴷ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⴰⴷ ⵙ ⵖⵉⴽⵍⵍⵉ ⵙ ⴷ ⵉⵇⵇⴰⵏ. 
ⵉⴳⴰ ⵓⵙⵏⵜⵉ ⵏ ⵓⵖⴰⵡⴰⵙ ⴰⴷ, ⵜⵉⴽⴽⵍⵉⵜ ⵢⴰⴹⵏ, ⵜⴰⵎⴰⵜⴰⵔⵜ ⵏ ⵜⵎⴰⵙⴰⵢⵜ ⵎⵏⵉⴷ ⵏ ⵜⴰⵙⵙⴰⵙⵉⵏ ⴷ ⵜⵡⴰⵖⵉⵢⵉⵏ ⵜⵉⴳⴰⵎⴰⵏⵉⵏ, ⴰⵔ ⵉⵎⵎⴰⵍⴰ ⴰⵡⴷ ⵜⴰⴽⵙⵙⴰ ⵍⵍⵉ ⵢⴰⴽⴽⴰ ⵓⴳⵍⵍⵉⴷ ⵉ ⵉⵎⵓⵔⵉⵢⵏ ⴷ ⵓⵙⵉⴷⴷ ⴰⴽⴷ ⵜⵓⵙⵔⵉⵡⵉⵏ ⵏⵏⵙⵏ ⴳ ⵢⴰⵏ ⵓⵙⴰⵜⵉ ⵏ ⵜⵡⵉⵣⵉ ⵜⴰⵎⴰⵜⴰⵢⵜ ⵉ ⴷ ⵡⴰⵍⵍⴰⵙ ⵏ ⵜⵓⵚⴽⴰ ⵏ ⵜⵎⵏⴰⴹⵉⵏ ⴷ ⵓⵙⴷⵓⵙ ⵏ ⵓⵃⵟⵟⵓ ⵣⴳ ⵉⵎⵉⵣⵉⵢⵏ ⵏ ⵓⵎⴰⵍⵓ.