ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⵎⴰⵙⵙⴰ ⴼⴰⵟⵉⵎⴰ ⵣⵣⵀⵔⴰ ⵍⵎⵏⵚⵓⵕⵉ, ⵎⴰⵙⵙ ⵄⴱⴷ ⵍⵇⴰⴷⵔ ⵄⵎⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⴰⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ
ⵔⵔⴱⴰⵟ
ⵜⵙⵏⵓⴱⴳ ⵎⴰⵙⵙⴰ ⴼⴰⵟⵉⵎⴰ ⵣⵣⵀⵔⴰ ⵍⵎⵏⵚⵓⵕⵉ, ⵜⴰⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⵎⴰⵙⵙ ⵄⴱⴷ ⵍⵇⵇⴰⴷⵔ ⵄⵎⴰⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⴰⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ, ⴳ ⵢⴰⵏ ⵓⵏⵎⵓⵇⵇⴰⵔ ⵉⵜⵜⴰⵡⵥⵍⴰⵢⵏ ⵙ ⵓⵔⵣⵣⵓ ⵏ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴰⵎⵍⵜⴰⵖ ⴷ ⵓⵣⴷⴷⵓⵢ ⵏ ⵜⵎⴳⴳⵉⵢⵉⵏ ⴳⵔ ⵜⵏⴱⴰⴹⵜ ⴷ ⵓⵙⵇⵇⵉⵎ ⴳ ⵉⵙⴷⴰⵡⵏ ⵉⴳⴰⵏ ⵉⵙⵜⵕⴰⵜⵉⵊⵉⵏ ⵉⵎⵍⵜⴰⵖⵏ ⴳ ⵉⴳⵔⴰⵏ ⵉⴷⴰⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⵡⵏⵏⴰⴹⵏ, ⵙ ⵎⴰ ⵔⴰⴷ ⵢⴰⵡⵙⵏ ⴳ ⵓⴱⵔⵉⴷ ⵏ ⵜⴳⵎⵉ ⴷ ⵉⵙⴳⴳⴷⵏ ⵉⵣⵣⵓⴳⴰⵣⵏ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵙⴷⴷⵉⴷ ⵅⴼ ⵜⵍⴰⵍⵜ ⵜⴰⴷⵙⵍⴰⵏⵜ ⵍⵍⵉ ⵉⵙⴽⴰⵔ ⵓⵙⵇⵇⵉⵎ ⴳ ⵓⵙⴰⵜⵉ ⵏ ⵜⵡⵔⵉⵡⵉⵏ ⵏⵏⵙ ⵜⵉⴷⵙⵜⴰⵔ ⴷ ⵜⵓⵍⴳⵉⵏⵉⵏ, ⵙⵍⴰⵀⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⵢⴰⵏ ⵓⵎⴷⵔⴰⵡ ⵏ ⵓⵙⵡⵓⴷⴷⵓ ⵏ ⵉⵙⵏⴼⴰⵕⵏ ⵉⵅⴰⵜⴰⵔⵏ ⴷ ⵓⵙⵎⵏⵉⴷ ⵏ ⵜⵎⵔⵏⵉⵡⵜ ⵜⴰⵖⴰⵔⴰⵏⵜ ⴳ ⵓⵙⵡⵓⴷⴷⵓ ⵏ ⵓⵙⴽⴽⵉⵏ ⴰⵎⴰⵜⴰⵢ ⵙ ⵜⵎⴰⵙⴰⵢⵜ ⴷ ⵜⵕⵉ.
