ⵜⵙⵙⵉⵅⴼ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵉⵜⵜⴰⵡⵥⵍⴰⵢⵏ ⵉ ⵓⵣⵣⵔⴰⵢ ⵏ ⵉⵎⵔⵙⵉ ⵏ ⵜⵣⵎⵔⵜ ⵏ ⵜⵎⵙⴰⵖⵜ
ⵜⵙⵙⵉⵅⴼ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴼⴰⵟⵉⵎⴰ ⵣⵣⴰⵀⵔⴰ ⵍⵎⵏⵚⵓⵕⵉ, ⴰⵙⵙ ⴰⴷ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵉⵜⵜⴰⵡⵥⵍⴰⵢⵏ ⵉ ⵓⵣⵣⵔⴰⵢ ⵏ ⵉⵎⴰⵢⵏⵓⵜⵏ ⵏ ⵡⴰⴷⴷⴰⴷ ⴰⴷⵎⵙⴰⵏ ⴰⵏⴰⵎⵓⵔ ⴷ ⵓⴹⴼⴼⵓⵕ ⵏ ⵉⵙⵎⵓⵜⵜⴳⵏ ⴳ ⵎⴰ ⵉⵥⵍⵉⵏ ⵙ ⵜⵣⵎⵔⵜ ⵏ ⵜⵎⵙⴰⵖⵜ ⵏ ⵜⵏⴰⵎⵓⵔⵉⵏ ⴷ ⵉⵏⴰⵎⵓⵔⵏ ⴷ ⵓⵔⵣⵣⵓ ⵏ ⵜⵓⵙⵓⵔⵜ ⵏ ⵓⵙⵏⴼⵍ ⵏ ⵡⴰⵜⵉⴳⵏ ⵅⴼ ⵓⴳⴰⴷⴰⵣ ⴰⵏⴰⵎⵓⵔ ⴷ ⵜⵓⴷⵔⵜ ⵜⴰⴽⵓⵢⴰⵙⵜ ⵏ ⵜⵏⴰⵎⵓⵔⵉⵏ ⴷ ⵉⵏⴰⵎⵓⵔⵏ.
ⴳ ⵜⵣⵡⵉⵔⵉ ⵏ ⵓⴳⵔⴰⵡ ⴰⴷ, ⵜⵙⴷⴷⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵎⴰⵙ ⵉⵍⵍⴰ ⵓⴼⵔⴰⴽ ⵖⵓⵔ ⵜⵏⴱⴰⴹⵜ ⵙ ⵡⴰⴷⴷⴰⴷ ⴰⴷⴰⵎⴰⵙⴰⵏ ⵏ ⵓⵣⵎⵣ ⴰⴷ ⵉⵎⴷⵏ ⴷ ⵉⵏⵥⴰⵕⵏ ⵉⴷⴷⴰⵏ ⴷⵉⴷⵙ ⵙ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵖⴰⵡⴰⵙ ⵓⵏⴱⵉⴷ. ⵜⵙⵙⵏ ⴰⵡⴷ ⵙ ⵡⴰⴳⴳⵯⴰ ⵉⵥⵥⴰⵢⵏ ⵖⵓⵔ ⵜⵡⵊⵉⵡⵉⵏ ⵜⵉⵎⵖⵔⴰⴱⵉⵢⵉⵏ, ⵙⵍⴰⵀⵡⴰⵏ ⴰⴽⴽⵯ ⵜⵉⴳⵔⵓⵎⵎⵉⵡⵉⵏ ⴷ ⵜⵔⵓⴱⴱⴰ ⵜⵉⵏⴰⵎⵓⵏⵉⵏ ⵜⵉⵎⵥⵍⴰⴹⵉⵏ ⴷ ⵜⵏⴰⵎⵎⴰⵙⵉⵏ.
ⵜⵙⴷⴷⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵎⴰⵙ ⴷ ⵔⴰⴷ ⵢⵉⵍⵉ ⵓⴼⵔⴰⴳ ⵏ ⵜⵣⵎⵔⵜ ⵏ ⵜⵎⵙⴰⵖⵜ ⴷ ⵓⵃⵟⵟⵓ ⵏ ⵓⵎⵢⴰⵎⴰⵥ ⴰⵏⴰⵎⵓⵏ ⵍⵍⵉ ⵉⴳⴰⵏ ⵢⴰⵜ ⵜⵖⴰⵡⵙⴰ ⵜⴰⵎⵣⵡⴰⵔⵓⵜ ⵜⴰⵏⴰⴼⵍⵍⴰⵜ ⴳ ⵓⵙⵔⵓⵙ ⵏ ⵓⵖⴰⵡⴰⵙ ⵓⵏⴱⵉⴹ. ⵜⵙⴷⴷⵉⴷ ⴰⵡⴷ ⵎⴰⵙ ⵓⵔ ⵔⴰⴷ ⵜⴰⵊⵊ ⵜⵏⴱⴰⴹⵜ ⴽⵔⴰ ⵏ ⵓⵙⵎⵎⵓⴷ ⴳ ⵓⵎⵢⴰⵡⴰⴹ ⴰⵎⴰⵙⴰⵢ ⴷ ⵓⵎⵙⵖⴰⵏ ⴷ ⵉⵙⵏⴼⴰⵍ ⵉⵎⵙⴷⵉⴷⴷⵉⵢⵏ ⴳ ⵓⵙⵡⵉⵔ ⴰⵎⴰⴹⵍⴰⵏ ⴷ ⵓⴼⵔⴰⴳ ⵏ ⵏ ⵜⵣⵎⵔⵜ ⵏ ⵜⵎⵙⴰⵖⵜ ⵏ ⵜⵏⴰⵎⵓⵔⵉⵏ ⴷ ⵉⵏⴰⵎⵓⵔⵏ. ⵔⴰⴷ ⵜⵙⵡⵓⵔⵉ ⴰⵡⴷ ⵜⵏⴱⴰⴹⵜ ⵅⴼ ⵓⵙⵓⴷⵙ ⴷ ⵓⵙⵍⴽⵎ ⵏ ⵉⵎⴰⴽⴽⴰⵢⵏ ⵉⵎⵉⵔⴰⵏⵏ ⵍⵍⵉ ⵉⵜⵜⵓⵥⵕⴰⵏ ⴷ ⵉⵎⵙⵖⴰⵏⵏ ⵉⵔⴰⵏ ⴰⵙⴼⵙⵉ ⵏ ⵡⴰⴹⵓ ⵏ ⵓⵙⴰⵍⵉ ⵏ ⵡⴰⵜⵉⴳⵏ ⵅⴼ ⵜⵓⴷⵔⵜ ⵜⴰⴽⵓⵢⴰⵙⵙⵜ ⵏ ⵉⵏⴰⵎⵓⵔⵏ ⴷ ⵓⴹⵎⴰⵏ ⵏ ⵓⵔⴳⴳⵉⴳ ⵏⵏⵙⵏ ⴷ ⵓⵙⵙⵓⵜⵜⵓ ⴰⵎⴰⴳⵏⵓ ⵙ ⵉⴼⵔⴷⵉⵙⵏ ⵉⴷⵙⵍⴰⵏⵏ ⴳ ⵓⴳⴰⴷⴰⵣ ⴰⵏⴰⵎⵓⵔ.
ⴳ ⵓⵙⴰⵜⵉ ⵏ ⵜⵓⵙⵏⴰ ⴷ ⵓⴹⴼⴼⵓⵕ ⵏ ⵜⵏⴱⴰⴹⵜ ⵉ ⵉⵙⵏⵜⴰⵍ ⵎⵢⴰⵏⴰⵡⵏⵉⵏ ⵉⵇⵇⵏⵏ ⵅⴼ ⵜⵓⴷⵔⵜ ⵜⴰⴽⵓⵢⴰⵙⵙⵜ ⵏ ⵉⵎⵖⵔⴰⴱⵉⵢⵏ. ⵉⵜⵜⵓⵖⵜⵙ ⴰⵡⴷ ⵓⵙⴽⴽⵉⵔ ⵏ ⵢⴰⵜ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⴰⵙⴰⵙⵜ ⴳ ⵉⵍⵍⴰ ⴰⴽⴽⵯ ⵉⴳⵔⴰⵏ ⵉⵎⴰⵡⵙⴰⵙⵏ ⵉⵜⵜⵓⵥⵍⴰⵢⵏ, ⵃⵎⴰ ⴰⴷ ⵜⵜⵎⵓⵏ ⵙ ⵢⴰⵜ ⵜⵎⵙⴽⴰⵔⵜ ⵜⴰⵡⴰⵍⴰⵏⵜ ⵉ ⵓⴹⴼⴼⴰⵕ ⵏ ⵓⵙⵏⴼⵍ ⵏ ⵡⴰⵜⵉⴳⵏ ⴷ ⵓⵙⵔⵓⵙ ⵏ ⵉⵎⴰⴽⴽⴰⵢⵏ ⵉⵎⵙⵙⵉⴷⵏ ⵉ ⵓⴼⵔⴰⴳ ⵏ ⵜⵣⵎⵔⵜ ⵏ ⵜⵎⵙⴰⵖⵜ ⵏ ⵜⵏⴰⵎⵓⵔⵉⵏ ⴷ ⵉⵏⴰⵎⵓⵔⵏ, ⵙⵍⴰⵀⵡⴰⵏ ⴰⴽⴽⵯ ⵜⵉⵖⴰⵡⵙⵉⵡⵉⵏ ⵅⴼ ⵉⵍⵍⴰ ⵓⵙⵖⴰⵡⵙⴰ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵕⴽⵉ.
ⵉⵣⵔⵉ ⵓⴳⵔⴰⵡ ⴰⴷ ⵙ ⵜⵉⵍⵉⵜ ⵏ ⵉⵎⴰⵙⵙⵏ ⴰⵎⴰⵡⵙⴰⵙ ⵏ ⵓⴳⵯⵏⵙⵓ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ ⴷ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⴷ ⵜⵕⵡⵉ ⵜⴰⴳⴷⵓⴷⴰⵏⵜ ⴷ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵏⵜ ⴷ ⵓⴱⴰⴹ ⵏ ⵓⵜⵛⵉ ⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵓⵙⵙⴰⵔⵓ ⴷ ⵓⵙⵉⴷⴼ ⴰⴷⵎⵙⴰⵏ ⴷ ⵓⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ.
