ⴰⵣⵔⵔⵓⵢ ⵏ ⵜⵏⴱⴰⴹⵉⵏ ⴳⵔ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ ⴷ ⵓⵏⵙⵙⵉⵅⴼ ⴰⵎⴰⵢⵏⵓ ⵎⴰⵙⵙ ⵄⴰⵣⵉⵣ ⴰⵅⵏⵓⵛ
ⵕⵕⴱⴰⵟ - ⵜⵣⵔⵉ ⴰⵙⵙ ⴰ ⵏ ⵓⵙⵉⵎⵡⴰⵙ ⴳ ⵕⵕⴱⴰⵜ, ⵜⴼⵓⴳⵍⴰ ⵏ ⵓⵣⵔⵔⵓⵢ ⵏ ⵜⵏⴱⴰⴹⵉⵏ ⴳⵔ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵍⵍⵉ ⵉⵙⵎⵍ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⵙ ⵡⵉⵙⵙ ⵚⴹⵉⵚ, ⴷ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ.
ⴳ ⵜⴳⵓⵔⵉ ⵏⵏⵙ ⵙ ⵓⵣⵎⵣⵣⵓ ⴰⴷ, ⵉⵙⵙⵔⵖⵓⴷ ⵎⴰⵙⵙ ⵍⵄⵔⵎⴰⵏⵉ ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵜⵏⴱⴰⴹⵜ ⵖⴼ ⵜⴼⵍⵙⵏⵜ ⵜⴰⴳⵍⴷⴰⵏⵜ ⵜⴰⵎⵜⵜⴰⵢⵜⵏ ⴰⵔ ⴰⵙ ⵉⵙⵙⵉⵜⵉⵎ ⵉ ⵜⵏⴱⴰⴹⵜ ⵜⴰⵎⴰⵢⵏⵓⵜ ⴰⵏⵏⴰⵡ ⴷ ⵡⴰⵡⵡⴰⵙ ⵎⴷⴰⵏⵉⵏ.
ⵉⵎⵉⵏⵏⵉ ⵉⵙⴰⵡⵍ ⵖⴳ ⵉⵙⵉⵜⵉⵎⵏ ⵏⵏⵙ ⵉ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵙ ⵓⵎⵓⵔⵙ ⴳ ⵜⵉⴳⴳⵉ ⵏ ⵜⵎⵙⴽⵉⵔⵉⵏ ⵏⵏⵙ ⵜⵉⵎⴰⵢⵏⵓⵜⵉⵏ ⴳ ⵉⵙⴳⴳⵯⴰⵙⵏ ⴷ ⵉⴷⴷⴰⵏ ⴳ ⵓⵙⵡⵓⵔⵉ ⵏ ⵜⴳⵍⴷⵉⵜ ⵃⵎⴰ ⴰⴷ ⵉⵙⵍⵍⵡⵓ ⵜⵉⵢⴰⴼⵓⵜⵉⵏ ⵜⵉⵎⵓⴼⴰⵢ ⴳ ⵓⵎⴰⵍⵓ ⵏ ⵉⵏⴰⵥⴰⵕⵏ ⵎⵇⵇⵓⵔⵏ, ⵙ ⵍⴰⵡⴰⵏ ⴰⴽⴽⵯ ⴰⴱⴰⵢⵢⵓⵕ ⵏ ⴽⵓⵔⵓⵏⴰ.
ⴳ ⵜⵙⴳⴰ ⵏⵏⵙ, ⵉⵙⵙⵓⵜⴳ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵙ ⵉⵔⴼⵙⴰⵏ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵣⵔⵉⵏ, ⵉⵙⵅⵉⵜⵔ ⵙ ⵓⵏⵣⵡⵉ ⴰⴷⵖⵔⵉ ⵍⵍⵉ ⵉⵥⵍⵉⵏ ⵜⵉⵡⵓⵔⵉⵡⵉⵏ ⵊⴰⵊ ⵏ ⵜⵓⴳⵜ ⵜⵓⵏⴱⵉⴹⵜ ⵉⵣⵔⵉⵏ” ⵎⵇⵇⴰⵔ ⴷ ⴰⴽⴽⵯ ⵜⵉⵏⵎⵎⴰⵔ ⵍⵍⵉ ⴳ ⵜⵥⴹⴰⵔ ⴰⴷ ⵜⵣⵔⵉ ⴽⵔⴰⵢⴳⴰⵜ ⵜⴰⵏⴱⴰⴹⵜ ⵙⵡⴰ ⵜⵉⵙⵔⵜⴰⵢ ⵏⵖ ⵜⵉⵎⵉⵔⴰⵏⵉⵏ ⵏⵖ ⵜⵉⵍⵍⵉ ⵉⵇⵇⵏⵏ ⵙ ⵓⴱⴰⵢⵢⵓⵕ ⴽⵓⴼⵉⴷ-19.
ⴰⵎⵏ ⵉⵙⵙⵔⵖⵓⴷ ⵎⴰⵙⵙ ⴰⵅⵏⵓⵛ ⵎⴰⵙⵙ ⵍⵄⵜⵎⴰⵏⵉ ⵖⴼ ⵓⵎⵓⵔⵙ ⵍⵍⵉ ⵉⵥⵍⵉⵏ ⵜⴰⵏⴱⴰⴹⵜ ⵉⵣⵔⵉⵏ ⵍⵍⵉ ⴷ ⵉⴼⴽⴰⵏ ⵜⵉⵢⴰⴼⵓⵜⵉⵏ ⴷ ⵉⵙⵖⵏⵓⵜⵏ ⵎⵇⵇⵓⵔⵏⵉⵏ ⵜⴱⴷⴷ ⵖⴼ ⵓⵣⵓⴳⴳⵣ ⵏ ⵉⵙⴰⵡⴰⵔⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵏ ⵜⴳⵎⵉ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.
