ⵜⴰⴼⵓⴳⵍⴰ ⵏ ⵓⵣⵣⵔⴰⵢ ⵏ ⵜⵏⴱⴰⴹⵉⵏ ⴳⵔ ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵕⴰ ⵍⵎⵏⵚⵓⵕⵉ ⴷ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ
ⵉⵣⵔⵉ ⵖ ⵡⴰⵙⵙ ⴰⴷ ⵏ ⵓⵙⵉⴹⵢⴰⵙ ⵜⴰⴼⵓⴳⵍⴰ ⵏ ⵓⵣⵣⵔⴰⵢ ⵏ ⵜⵏⴱⴰⴹⵉⵏ ⴳⵔ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴼⴰⵟⵉⵎⴰ ⵣⵣⴰⵀⵕⴰ ⵍⵎⵏⵚⵓⵕⵉ ⴷ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴳ ⵓⵙⵖⵉⵎ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴳ ⵕⵕⴱⴰⵟ.
ⵣⵔⵉⵏ ⵉⵙⵓⵔⵉⴼⵏ ⵏ ⵜⴼⵓⴳⵍⴰ ⴰⴷ ⴳ ⵢⴰⵜ ⵜⴹⴰⵕⵓⵜ ⵉⵜⵜⵓⵙⵎⴰⵜⵜⵔⵏ ⵙ ⵓⵣⵔⴰⴽ ⵏ ⵜⵎⵢⵓⵔⵉⵏ ⵜⵉⵎⵙⵙⵓⴳⴰⵔ ⵜⵉⵣⴰⵢⴽⵓⵜⵉⵏ ⵍⵍⵉ ⵉⵙⴷⵓⵙⵏ ⵜⴰⴷⵍⵙⴰ ⵏ ⵓⵙⵏⴼⵍ ⵏ ⵜⵎⵙⵜⴳⴳⴰⵔⵉⵏ ⴷ ⵓⵙⵙⵔⵙ ⵏ ⵢⵉⵅⴼ ⴳ ⵜⵏⵓⴼⴰ ⵏ ⵓⵚⴰⵃⴰ ⴰⵎⴰⵜⴰⵢ.
ⵙ ⵜⵎⵍⴷⴰ ⵢⴰⴷ, ⵉⵜⵜⵓⵙⴽⴰⵔ ⵓⵙⵎⵏⵉⴷ ⵏ ⵉⴼⴰⵢⵍⵓⵜⵏ ⵉⵙⵜⵕⴰⵜⵉⵊⵉⵢⵏ ⴷ ⵉⵙⵏⴼⴰⵕⵏ ⵉⵎⵇⵔⴰⵏⵏ ⵉⵣⵣⵓⴳⴰⵣⵏ, ⵖⵉⴽⵍⵍⵉ ⵉⵍⵍⴰ ⵓⵙⴷⴷⵉⴷ ⵎⴰ ⵙ ⴷⵉⵇⵇⴰⵏ ⵓⵙⵓⵍ ⵏ ⵜⵡⵓⵔⵉ ⵙ ⵓⵏⵜⵜⵉ ⵏⵏⵉⵜ ⵏ ⵜⵉⵍⵍⵉⵜ ⴷ ⵜⵎⵍⵍⵉⵜ ⵉ ⵓⵙⵔⵓⵙ ⵏ ⵜⴰⵏⵏⴰⵢⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵙⵍⴰⵀⵡⴰⵏ ⴰⴽⴽⵯ ⴰⵢⵍⵍⵉ ⵉⵥⵍⵉⵏ ⵙ ⵉⵙⵏⴼⴰⵕⵏ ⵉⵏⴰⵎⵓⵏⵏ ⵉⵎⵇⵔⴰⵏⵏ ⴷ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵜⴰⴷⴰⵎⵙⴰⵏⵜ ⴷ ⵓⵙⵖⵓⴷⵓ ⵏ ⵜⵕⵡⵉ ⵏ ⵜⴰⵔⵉⵜ ⵜⴰⵎⵖⵔⵉⴱⵉⵜ.
ⴳ ⵜⴳⵉⵔⴰ ⵏ ⵜⴼⵓⴳⵍⴰ ⴰⴷ, ⵉⵜⵜⵓⵙⴷⴷⵉⴷ ⵓⵖⵜⴰⵙ ⵉⵛⵛⴰⵔⵏ ⵅⴼ ⵓⵙⵓⵍ ⵏ ⵜⵓⴳⴳⴰⵙ ⵏ ⵓⵎⵢⴰⵡⴰⵙ ⴷ ⵢⴰⵏ ⵓⴼⵔⴰⵢ ⵢⴰⵜⵜⵓⵢⵏ ⵏ ⵜⵎⵙⵜⴳⴳⴰⵔⵜ ⵍⵍⵉ ⵔⴰⴷ ⵉⵙⵔⵙ ⵜⵉⵙⴰⵍ ⵏ ⵏ ⵜⵉⵕⵡⵉ ⵏ ⵓⵙⴽⴽⵉⵔ ⴷ ⵓⴹⴼⵓⵕ ⵏ ⵜⵙⵉⵜⵏⵉⵏ ⵏ ⵜⵏⴳⵎⵉ ⵏ ⵜⴳⵍⴷⵉⵜ ⴳ ⵉⴳⵔⴰⵏ ⴰⴽⴽⵯ.
