ⵉⵜⵜⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⵙⴰⴳⴰⵔⵏ ⴰⴽⴷ ⵡⴰⵎⵓⵏ ⴰⵙⵡⵉⵙⵔⵉ ⴷ ⵓⵎⴰⵡⵙⴰⵙ ⵏ ⵜⵎⴳⵔⵓⵉ ⵏ ⵍⵉⵎⴰⵕⴰⵜ
ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛⵏ ⴰⵎⵙⴰⴳⴰⵔ ⴰⴽⴷ ⵎⴰⵙⵙ ⴳⵉ ⴱⴰⵔⵎⵉⵍⵉⵏ, ⴰⵏⵙⵙⵉⵅⴼ ⵏ ⵡⴰⵎⵓⵏ ⴰⵙⵡⵉⵙⵔⵉ, ⴳ ⵜⴰⵎⴰ ⵏ ⵜⵙⵓⵜⵍⵜ ⵜⵉⵙⵙ ⵙⵉⵎⵔⴰⵡ ⴷ ⵚⴹⵉⵚⵜ ⵏ ⵉⴼⵔⴷⵉⵙⵏ ⵏ ⵓⵎⵙⴰⵙⴰ ⵏ ⵜⵎⵜⵜⴰ ⵉⵎⵓⵏⵏ ⵉⵙⵓⵜⴰⵢ ⵖⴼ ⵓⵙⵏⴼⵍ ⵏ ⵓⵏⵣⵡⵉ, ⵍⵍⵉ ⵉⵍⵍⴰⵏ ⴳ ⵜⵖⵔⵎⵜ ⵏ ⴳⵍⴰⵙⴽⵓ ⴳ ⵙⴽⵓⵟⵍⴰⵏⴹⴰ.
ⵎⵙⴳⴷⴰⵍⵏ ⵙ ⵙⵉⵏ, ⴰⵙⵙ ⵏ ⵓⵙⵉⵏⴰⵙ 2 ⴽⵟⵓⴱⵕ, ⵖⴼ ⵉⵙⴱⵓⵖⵍⵓⵜⵏ ⵉⵥⵍⵉⵏ ⵙ ⴰⵏⵣⵡⵉ, ⵎⴽⵉⵍⵍⵉ ⵙⴰⵡⵍⵏ ⵖⴼ ⵜⵖⴰⵔⴰⵙⵉⵏ ⵏ ⵓⵙⴱⵓⵖⵍⵓ ⵏ ⵉⵎⵢⴰⵙⵙⴰⵜⵏ ⵉⵢⵓⴳⴰⵏⵏ ⴳ ⵜⵓⴳⵜ ⵏ ⵢⵉⴳⵔⴰⵏ, ⵙⵙⵏⵜⵎⵏ ⵖⴼ ⵓⵣⵓⵛⵛⵍ ⵏ ⵓⵙⴷⵓⵙ ⵏ ⵜⴷⵔⴰⵡⵜ ⴳ ⵙⵏⴰⵜ ⵜⵎⵉⵣⴰⵔ ⴰⴷ.
ⵉⵎⴽⵉⵏⵏⴰ ⵉⵎⵙⴰⴳⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴽⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⴻⵜⵉⴽⵏⵓⵍⵓⵊⵉⵜ ⵉⵣⵡⴰⵔⵏ ⴳ ⵓⵡⴰⵏⴽ ⵏ ⵍⵉⵎⴰⵕⴰⵜ, ⵎⴰⵙⵙ ⵙⵓⵍⵟⴰⵏ ⴱⵏ ⴰⵃⵎⴰⴷ ⴰⵍⵊⴰⴱⵉⵔ.
ⵉⵙⴼⴰⵡ ⵓⵎⴰⵡⵙⴰⵙ ⵏ ⵍⵉⵎⴰⵕⴰⵜ, ⴳ ⵜⴰⵙⴳⵓⵔⵉ ⵏⵏⵙ ⵉ ⵜⵖⵎⵙⴰ ⴷⴼⴼⵉⵔ ⵏ ⵉⵎⴷⵉⵡⴰⵍ ⴰⴷ, ⵎⴰⵙ ⴷⴰ ⵙⵡⵓⵔⵉⵏ ⵜ ⵜⵎⵉⵣⴰⵔ ⴰ ⵙ ⵙⴰⵏⵜ ⵖⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵢⵉⴳⵔⴰⵏ ⵏ ⵜⵥⴹⴰⵕⵜ, ⵜⵉⵥⴹⴰⵕⵉⵏ ⵜⵉⵎⵙⵎⴰⵢⵏⵓⵜⵉⵏ, ⴷ ⵜⵡⵓⵔⵉ ⵏ ⵓⵏⵣⵡⵉ.
ⴳ ⵜⵙⴳⴰ ⵢⴰⴹⵏ ⵉⵙⴰⵡⵍ ⵖⴼ ⵓⴱⵓⵔⵙ ⵏⵏⵙ “ⵙ ⵉⵎⵢⴰⵙⵙⴰⵜⵏ ⵉⵎⵣⵔⴰⵢⵏ ⵉⵙⵜⵔⴰⵜⵉⵊⵉⵏ ⴷ ⵡⵉⵏ ⵜⴰⵢⵎⴰⵜ ⵍⵍⵉ ⵉⵎⵓⵏⵏ ⵍⵉⵎⴰⵕⴰⵜ ⵜⵉⵄⵔⴰⴱⵉⵏ ⵉⵎⵓⵏⵏ ⴰⴽⴷ ⵜⴳⵍⴷⵉⵜ ⵏ ⵍⵎⵖⵔⵉⴱ.”
ⴳ ⵜⵙⴳⴰ ⵏⵏⵙ, ⵉⵙⵙⵓⵜⴳ ⵎⴰⵙⵙ ⴰⵅⵏⵓⵛ ⵙ ⵜⵎⵍⴰⵍⵜ ⵍⵍⵉ ⵉⴳⴰⵏ ⵜⵉⵏ ⵍⵉⵎⴰⵕⵜ ⵜⵉⵄⵔⴰⴱⵉⵏ ⵉⵎⵓⵏⵏ ⴳ ⵓⵎⵎⴰⵜⵜⵉ ⴰⵏⵥⴹⴰⵕ ⴳ ⵓⵎⴰⴹⴰⵍ, ⵙ ⵜⵓⵍⵍⵓⵖⵜ ⵏ ⵓⵙⵙⴰⵔⵓ ⵏⵏⵙ ⵉⴳⴳⵓⴷⵉⵏ ⴳ ⵢⵉⴳⵔⴰⵏ ⵏ ⵜⵥⴹⴰⵕⵉⵏ ⵜⵉⵎⵙⵎⴰⵢⵏⵓⵜⵉⵏ.
ⵉⵏⵄⵜ ⴳ ⵜⵙⴳⴰ ⵢⴰⴹⵏⵉⵏ, ⵙ ⵢⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉⵜⵜⵢⴰⵣⴰⵏⵏ ⵉ ⵎⴷⵔⴰⵡⵏ ⵏ ⵓⴳⵔⴰⵡ “ⴽⵓⴱ-26” ⵍⵍⵉ ⵉⵍⴰⵏ ⵜⵉⵅⵅⵉⵜⵔⵜ ⵜⴰⵏⴰⵎⵎⴰⵙⵜ ⴳ ⵓⵙⵎⴰⵇⵇⵍ ⵙ ⵎⴰⵙ ⵉⵙⴷⴷⵉⴷ ⵖⴼ ⵓⵣⵓⵛⵛⵍ ⵏ ⵓⵙⵏⵜⵉ ⵏ ⵜⵡⵓⵔⵉ, ⴷ ⵡⴰ ⴷ ⴰⴱⵔⵉⴷ ⵍⵍⵉ ⵉⴽⴽⴰ ⵍⵎⵖⵔⵉⴱ ⵙ ⵜⵉⴷⵜ ⴳ ⵡⴰⵏⵏⴰⵍ ⵏⵏⵙ ⵉ ⵜⵡⵓⵔⵉ ⵏ ⵓⵏⵣⵡⵉ ⵜⴰⵎⴰⴹⵍⴰⵏⵜ, ⴷ ⵓⵣⵣⴳⴰⵔ ⴳ ⵓⵙⵡⵉⵔ ⴰⵏⴰⵎⵓⵔ ⵏ ⵜⵓⴳⵜ ⵏ ⵜⵎⴳⴳⵉⵢⵉⵏ ⴳ ⵉⴳⵔⴰⵡⵏ ⵏ ⵓⵏⵣⵡⵉ ⵉⵣⵔⵉⵏ.
ⴳ ⵓⵎⵏⵉⴷ ⴰⴷ - ⵉⵔⵏⴰ ⵎⴰⵙ ⴰⵅⵏⵓⵛ - ⴷⴰ ⵉⵜⵜⴰⵙⵉ ⵓⵙⵙⴰⵔⵓ ⴳ ⵜⵓⴳⵜ ⵏ ⵢⵉⴳⵔⴰⵏ ⴳ ⵍⵎⵖⵔⵉⴱ ⵙ ⵜⵎⵏⵜⵉⵍⵜ ⵏ ⵜⵙⵓⵍⴰⵏⵜ.
