ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⴽⵔ ⵉⵎⴷⵉⵡⴰⵍ ⴰⴽⴷ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⵎⵉⵔⵉⴽⴰⵏ

ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ 29  ⵎⴰⵕⵚ 2022 ⴳ ⵕⵕⴱⴰⴹ, ⵎⴰⵙⵙ ⴰⵏⵜⵓⵏⵉ ⴱⵍⵉⵏⴽⵏ, ⴰⵎⴰⵡⴰⵙ ⵏ ⴱⵕⵕⴰ ⵏ ⵎⵉⵔⵉⴽⴰⵏ, ⵏⵏⴰ ⵉⵙⵙⴽⵔⵏ ⴰⵔⵣⴰⴼ ⵏ ⵜⵡⵓⵔⵉ ⵙ ⵍⵎⵖⵔⵉⴱ. 
ⵉⵍⵍⴰ ⴳ ⵓⴳⵔⴰⵡ ⵎⴰⵙⵙ ⵕ  ⵕⵉⵢⵢⴰⴹ ⵎⵣⵡⵡⵔ, ⴰⵎⴰⵡⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⴷ ⵎⴰⵙⵙ ⵎⵚⵟⴰⴼⴰ ⴱⴰⵢⵜⵜⴰⵙ, ⴰⵎⴰⵡⴰⵙ ⴰⵏⵎⴰⵍⴰⵍ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵣⴷⵉⵏ ⴷ ⵜⵣⴷⴰⵢⵉⵏ ⴰⴽⴷ ⵓⴱⵕⵍⵎⴰⵏ, ⴰⵏⵎⵀⴰⵍ ⴰⵏⴰⵎⵓⵏ ⵏ ⵜⴰⵙⵓⵔⴰⵢⵜⵜⴰⵎⴰⵜⴰⵢⵜ ⵏ ⵓⵙⵙⵉⵟⵏ ⵏ ⵍⴰⵍⴼⵉⵢⵢⴰ - ⵍⵎⵖⵔⵉⴱ. 
 ⵉⴳⴰ ⵓⵏⵎⵓⴳⴳⴰⵔ ⴰⴷ  ⵢⴰⵜ ⵜⵎⵍⴷⴰ ⵏ ⵏ ⵓⵙⵎⴰⵢⵢⵓⵏⵓ ⵏ ⵓⵙⴷⴷⵉⴷ ⵅⴼ ⵜⵉⵕⵡⵉ ⵏ ⵜⵣⴷⴰⵢⵉⵏ ⵏ ⵜⵉⴷⴷⵓⴽⵍⴰ ⵜⴰⵣⴰⵢⴽⵓⵜ ⵏⵏⴰ ⵉⵙⵎⵓⵏⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵎⴰⵔⵉⴽⴰⵏ. 
 ⴳ ⵓⵏⵎⵓⴳⴳⴰⵔ  ⵙⴷⴷⵉⴷⵏⵜ ⵜⵙⴳⴳⵉⵡⵉⵏ ⵜⵉⵔⵉⵜ ⵏⵏⵙⵏ ⵅⴼ  ⵓⵙⵎⵎⵓⴷ ⵏⵏⵙⵏ ⴳ ⵓⵎⵢⴰⵡⴰⵙ ⴳ ⵜⵎⵏⵜⵉⵍⵉⵏ ⵏⵏⴰ ⵉⵙⵙⴰⵡⵀⵎⵎⴰⵏ ⵉⵛⵛⴰⵔⵏ ⴳ  ⵜⵙⴳⴳⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⴷⴰⵎⵙⴰⵏⵉⵏ ⵉⵎⵢⴰⵏⴰⵡⵏ.  ⵎⴽⵉⵏⵏⴰ ⴳⵔⵏ ⵜⵉⴼⴰⵡⵜ ⵅⴼ ⵡⴰⴷⴷⴰⴷ ⴰⵎⴰⴹⵍⴰⵏ ⴷ ⵜⴱⴱⴰⵢⴹⴰⵕⵉⵏ ⵏⵏⴰ ⵉⵍⵎⴰⵡⴰⵢ ⵓⵊⵓⵊⵊⵉ ⴰⴷⵎⵙⴰⵏ ⴰⵎⴰⴹⵍⴰⵏ ⵃⵎⴰ ⴰⴷ ⴼⴼⵖⵏ ⵙⴳ ⵉⴷⵔⵉⵣⵏ ⵏ ⵜⵎⴰⴹⵓⵏⵜ ⵏ ⴽⵓⵕⵓⵏⴰ, ⵙⵍⴰⵡⴰⵏ ⴰⴽⴽⵯ ⴷⴰⵜ ⵏ ⵉⵜⵉⴳⵏ ⵢⴰⵜⵜⵓⵢⵏ ⵏ ⵜⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⴳ ⵓⵎⴰⴹⵍⴰⵏ ⴷ ⵓⵣⴷⴰⵢ ⵏ ⵉⵎⵔⵡⴰⵢⵏ ⵏ ⵉⵣⴷⴰⵢⵏ ⵏ ⵜⵎⵓⵣⵔⴰⴳ . 
ⵎⵔⴰⵔⴰⵏⵜ ⵜⵙⴳⴳⵉⵡⵉⵏ ⴳ ⵢⴰⵜ ⵜⵙⴳⴰ ⵏⵏⵉⴹⵏ ⴳ ⵉⵎⵏⵉⴷⵏ ⵏ ⵉⵙⴱⵓⵖⵍⵍⵓⵜⵏ ⵏ ⵉⵎⵎⵙⴽⴰⵍⵏ ⵏ ⵜⵙⴱⴱⴰⴱⵜ ⴷ ⵓⵙⵔⵇⴱ ⵏ ⵜⵎⵙⵙⵏⵜⵉⵜⵉⵏ ⵏ ⵓⵙⵖⵍⵍⴰ. ⴳ ⵓⵙⴰⵜⵉ ⴰⴷ, ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵙ ⵜⴷⵉⵏⴰⵎⵉⵜ ⵉⵖⵓⴷⴰⵏ ⵏⵏⴰ ⵉⵙⴼⵉⵔⵙⵏ ⵜⴰⵛⵛⴰⵔⵜ ⵜⴰⵙⵜⵔⴰⵜⵉⵊⵉⵢⵜ ⴳⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ, ⴷ ⵉⵚⵚⴹⵀⵕ  ⵜⵉⵔⵉⵜ ⵏⵏⵙ ⵅⴼ ⵓⵙⵉⵜⵜⵢ ⵏ ⵓⵙⵡⵉⵔ  ⵏ ⵓⵢⵏⵏⴰ ⵔⴰⵏⵜ ⵜⵎⵉⵣⴰⵔ. 
 

ⵉⵙⵙⵉⵙⴼⵡ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⴷ ⵜⴰⴳⵍⴷⵉⵜ ⵜⵇⵇⴰⴱⵍ  ⴰⵣⵓⴳⴳⵣ ⵏ ⴽⵉⴳⴰⵏ ⵏ ⵜⵙⵜⵔⴰⵜⵉⵊⵉⵢⵢⵉⵏ ⵏ ⵉⵙⴰⵔⵡⵏ ⵏⵏⴰ ⵉⵥⵟⵟⴰⵏ ⴷⴷⴰⵡ ⵏ ⵜⵏⴰⵔⴰ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ , ⵔⴱⴱⵉ ⴰⴷ ⵜ ⵉⵏⵚⵕ, ⵉⵙⴷⴷⵉⴷ ⵎⴰⵙⴷ ⵜⴰⵏⴱⴰⴹⵜ ⵜⵙⵔⵙ ⴽⵉⴳⴰⵏ ⵏ ⵜⵎⴳⴳⵉⵜⵉⵏ ⵏⵏⴰ ⵉⵣⵎⵔⵏ ⴰⴷ ⵜⵙⵙⵉⴷⵔⵉⵙ ⵉⴷⵔⵉⵣⵏ ⵏ ⴽⵓⵕⵓⵏⴰ ⴷ ⵓⴽⴰⵎ  ⵏ ⵓⵙⵖⵍⵍⴰ ⵉⵥⵍⵉⵏ ⴷⵙ ⵢⵉⵍⵉ ⵏ ⵓⴱⵓⵖⵍⵍⵓ ⴰⴷⵎⵙⴰⵏ. 
ⴳ ⵜⵙⴳⴰ ⵏⵏⵉⴹⵏ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⴷ ⵍⵎⵖⵔⵉⴱ ⵉⵣⴷⵉ ⴰⵣⵣⴳⴰⵔ  ⵏ ⴽⵉⴳⴰⵏ ⵏ ⵉⵙⵖⵏⵓⵜⵏ ⵏⵏⴰ ⵉⵥⵍⵉⵏⵙ ⵓⵖⵡⴰⵙ ⵏ ⵓⵏⵥⴻⵥ  ⵏ ⵍⴰⵍⴼⵉⵢⵢⴰ, ⴰⵏⵙⴰ ⴳⵔ ⵜⵏⴱⴰⴹⵜ ⵜⴰⵎⵖⵔⵉⴱⵉⵢⵜ ⴷ ⵜⵎⵏⵉⴷⵜ ⵏⵏⵙ ⵜⴰⵎⵉⵔⵉⴽⴰⵏⵉⵢⵜ ⵏⵏⴰ ⵉⵜⵜⵓⵙⵎⴷⵢⴰⵏ ⵙ “ⴰⴳⵔⴰⵡ ⵏ ⵓⵏⵥⴻⵥ ⵏ ⵍⴰⵍⴼⵉⵢⵢⴰ” ,  ⵉⵙⵙⵉⵍⵖ ⴳ ⵜⵉⵣⵉ ⵏⵏⴰⵖ  ⴰⵍⴰⵢ ⵏⵏⴰ ⵉⵍⵍⴰⵏ ⴳ ⵓⵙⵡⵉⵔ ⵏ ⵓⵣⵣⴳⵔ ⵏ ⴽⵉⴳⴰⵏ ⵏ ⵉⵙⵖⵏⵓⵜⵏ ⵏⵏⴰ ⵉⵍⵍⴰⵏ ⴳ ⵓⵖⴰⵡⴰⵙ ⵏ ⵓⵎⵢⴰⵡⴰⵙ “ⵜⴰⵏⵜⵜⴰⵎⵜ ⵜⴰⵙⵉⵏⴰⵏⵜ”.