ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴱⵔⵔⴽ ⴰⵎⴰⵡⴰⵙ ⵏ ⴱⵕⵕⴰ ⵏ ⵜⴳⵍⴷⵉⵜ ⵜⴰⵄⵔⴰⴱⵜ ⵏ ⵙⵙⴰⵄⵓⴷⵉⵢⴰ
ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵍⵅⵎⵉⵙ 16 ⵢⵓⵏⵢⵓ 2022, ⴳ ⵓⵙⴰⴳⵓⵔ ⵏ ⵜⵏⵙⵙⵉⵅⴼⵜ ⴳ ⵕⵕⴱⴰⴹ, ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⴷⴰⵏ ⴰⴳⵍⵍⵉⴷ ⴼⴰⵢⵚⵍ ⴱⵏ ⴼⵔⵃⴰⵏ ⴱⵏ ⵄⴱⴷ ⵍⵍⴰⵀ ⴰⵍ ⵙⵓⵄⵓⴷ, ⴰⵎⴰⵡⴰⵙ ⵏ ⴱⵕⵕⴰ ⵏ ⵜⴳⵍⴷⵉⵜ ⵜⴰⵄⵔⴰⴱⵜ ⵏ ⵙⵙⴰⵄⵓⴷⵉⵢⵢⴰ, ⵏⵏⴰ ⵉⵙⵙⴽⵔⵏ ⴰⵔⵣⴰⴼ ⵏ ⵜⵡⵓⵔⵉ ⵉ ⵍⵎⵖⵔⵉⴱ.
ⵉⴳⴰ ⵓⵏⵎⵓⵇⵇⴰⵔ ⴰⴷ , ⵢⴰⵜ ⵜⵎⵍⴷⴰ ⵏ ⵓⵙⴷⴷⵉⴷ ⵅⴼ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵉⵖⵓⴷⴰⵏ ⵏⵏⴰ ⵉⵣⴷⵉⵏ ⴳⵔ ⵜⵎⵉⵣⴰⵔ, ⵏⵏⴰ ⴷⴰⵔ ⵢⴰⵏ ⵓⵃⵟⵟⵓ ⵉⵥⵍⵉⵏ ⴷⴰⵔ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵕⴱⴱⵉ ⴰⴷ ⵜ ⵢⴰⵊⵊ, ⴷ ⴳⵯⵎⴰⵙ ⴰⵎⵙⵡⵓⵔⵉ ⵏ ⵍⵃⴰⵔⴰⵎⴰⵢⵢⵓⵏ ⴰⴳⵍⵍⵉⴷ ⵙⴰⵍⵎⴰⵏ ⴱⵏ ⵄⴱⴷ ⵍⵄⴰⵣⵉⵣ ⴰⵍ ⵙⴰⵄⵓⴷ.
ⴳ ⵜⵣⵡⵓⵔⵉ ⵏ ⵓⵏⵎⵓⴳⴳⴰⵔ ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵡⴰⴷⴷⴰⴷ ⵏ ⵙⵙⴰⵄⵓⴷⵉⵢⵢⴰ ⴰⵎⵙⴷⵓⵙ, ⴰⵎⵣⴷⴰⵢ, ⵉ ⵜⴰⵎⵓⵏⵜ ⵏ ⵍⵎⵖⵔⵉⴱ ⴰⴷⵖⵔⴰⵏ, ⵎⴽⵉⵏⵏⴰ ⵎⵙⴰⵡⴰⵍⵏⵜ ⵜⵎⵉⵣⴰⵔ ⵅⴼ ⵡⴰⵜⵉⴳ ⵏ ⵓⵙⵙⴽⴰⵔ ⵏ ⵜⵉⴽⴽⵍⵜ ⵜⴰⵎⴰⵢⵢⵓⵏⵓⵜ ⵏ ⵜⵏⵇⵇⵉⵙⵜ ⵜⴰⵏⴰⴼⵍⵍⴰⵜ ⵉⵛⵛⴰⵔⵏ ⴳⵔ ⵜⵎⵉⵣⴰⵔ ⵍⵎⵖⵔⵉⴱ ⴷ ⵙⵙⴰⵄⵓⴷⵉⵢⵢⴰ, ⴰⵢⴷⴷⵖ ⵜⴳⴰ ⵜⴰⵎⵎⴰⴽⵜ ⵜⴰⴳⵊⴷⴰⵏⵜ ⵏ ⵓⵎⵢⴰⵡⴰⵙ ⴳⵔ ⵜⵎⵉⵣⴰⵔ, ⵍⵍⵉ ⵉⴳⴰⵏ ⵢⴰⵜ ⵜⵙⵓⵔⵉⴼⵜ ⵖⵔ ⵓⵙⴱⵓⵖⵍⵍⵓ ⵏ ⵜⵖⴰⵔⴰⵙⵉⵏ ⵏ ⵓⵎⵢⴰⵡⴰⵙ ⴰⵙⵉⵏⴰⵏ ⴷ ⴰⴷ ⴰⵙ ⵉⵜⵜⵓⴼⴽ ⵢⴰⵜ ⵜⵓⴷⵔⵜ ⵜⴰⵎⴰⵢⵢⵓⵏⵓⵜ, ⵙⵍⴰⵡⴰⵏ ⴰⴽⴽⵯ ⴷⴷⴰⵡ ⵏ ⵓⵎⴰⵍⴰ ⵏ ⵜⵉⵔⵉⵜ ⵉⵣⴷⴷⵉⴳⵏ ⵉⵛⵛⴰⵔⵏ ⴳⵔ ⵜⵎⵉⵣⴰⵔ ⴷ ⵜⵣⵎⵔⵜ ⵏⵏⴰ ⴰⴽⴽⴰⵏⵜ ⵜⴷⵎⵙⵉⵡⵉⵏ ⵏⵏⵙⵏⵜ.
ⵎⴽⵉⵏⵏⴰ ⵎⵔⴰⵔⴰⵏ ⵜⵙⴳⴳⵉⵡⵉⵏ ⵙ ⵙⵏⴰⵜ ⵉⵎⴰⵍ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵙⵔⵇⴱ ⵏ ⵜⵎⵙⵏⵜⵉⵜⵉⵏ ⵏ ⵓⵙⵖⵍⵍⴰ, ⵙⵙⵉⵡⵍⵏ ⵅⴼ ⵡⵓⴷⴷⵓⵔ ⵏ ⵓⵙⴷⵓⵙ ⵏ ⵡⴰⴷⴰⴼ ⵏ ⵉⵎⴳⴳⵉⵜⵏ ⵉⴷⵎⵙⴰⵏ ⴷ ⵉⵔⴳⴰⵣⵏ ⵏ ⵜⵡⵓⵔⵉⵡⵉⵏ ⴳ ⵜⵎⵉⵣⴰⵔ, ⴳ ⵜⴷⵉⵏⴰⵎⵉⵢⵜ ⴰⴷ, ⴰⵢⵏⵏⴰ ⵉⵔⵣⵏ ⵜⵉⵖⴰⵔⴰⵙⵉⵏ ⵜⵉⵎⴰⵢⵢⵓⵏⵓⵜⵉⵏ ⵉⵃⵍⴰⵏ ⴷⴰⵜ ⵏ ⵓⵙⴷⵓⵙ ⴷ ⵓⴱⵓⵖⵍⵍⵓ ⴷ ⵜⵉⵅⵅⵉⵜⵔⵜ ⵏ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⵙⵉⵏⴰⵏ ⴳⵔ ⵜⴳⵍⴷⵉⵜⵉⵏ.
