ⴰⵎⵙⴰⵡⴰⵍ ⴰⵏⴰⵎⵓⵏ ⴳ ⵢⵉⴳⵔ ⵏ ⵓⵙⵍⵎⴷ ⴰⵎⴰⵜⵜⴰⵢ ⵉⵜⵜⴰⵡⵉ ⵖⵔ ⴰⵎⵙⴰⵙⴰ ⴳⵔ ⵜⵏⴱⴰⴹⵜ ⴷ ⵜⵏⴰⵎⵎⴰⵙⵉⵏ ⵜⵉⵏⵎⵓⵍⵍⴰ ⵏ ⵓⵙⵍⵎⴷ ⴰⴽⴽⵯ ⵓⵜⵜⵓⴳⵏⵙⴻⵙⵏ
- ⴳ ⵓⵙⵎⵖⵔ ⵏ ⵓⴱⵔⵉⴷ ⵏ ⵓⵎⵙⴰⵡⴰⵍ ⵉⴽⴽⵏ ⴽⵕⴰⴹ ⵉⵢⵢⵉⵔⵏⴳⵔ ⵜⵏⴱⴰⴹⵜ ⵏ ⵜⵏⴰⵎⵎⴰⵙⵉⵏ ⵜⵉⵏⵎⵓⵍⵍⴰ ⵏ ⵓⵙⵍⵎⴷ , ⴳ ⵓⵏⵣⵡⵉ ⵏ ⵜⴼⵍⵙⵜ ⵏ ⵜⵎⴰⵙⴰⵢⵜ ⴷ ⵜⵙⵏⵜⴰⵢⵜ ⵜⵓⵎⵏⵉⴳⵜ;
- ⴳ ⵓⵙⵖⵙⵙⴰ ⵏ ⵓⵍⵜⴰⵖ ⵏ ⵜⵏⴰⵎⵎⴰⵙⵉⵏ ⵜⵉⵏⵎⵓⵍⵍⴰ ⵉⴳⴰⵏ ⴰⵎⴳⴳⴰⵢ ⴰⴷⵙⵍⴰⵏ ⴳ ⵓⵙⴰⵡⵔ ⴰⵙⵜⵔⴰⵜⵉⵊⵉ ⵏ ⵓⵙⴷⵓⵙ ⵏ ⵜⵍⴷⴰⵢⵜ ⵏ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵜⴰⵎⵖⵔⵉⴱⵉⵜ;
- ⵜⵎⵙⴰⵙⴰ ⵜⵏⴱⴰⴹⵜ ⴰⴷⴷ ⵜⵏⴰⵎⴰⵙⵉⵏ ⵜⵉⵏⵎⵓⵍⵍⴰ ⵖⴼ ⵜⵓⴳⵜ ⵏ ⵉⵙⵖⵡⴰⵏ, ⴷⵉⴳⵙⵏ ⴰⵙⵔⵓⵙ ⵏ ⵓⵙⵍⴳⵏ ⴰⴷⵙⵍⴰⵏ ⵉⵜⵜⴽⴰⵎⵏ ⵉⴳ ⴰⵎⵢⵉⵡⵏ ⵉⵍⵉⵏⵜ ⴷⵉⴳⵙ ⵎⴰⵕⵕⴰ ⵜⵉⵔⵓⴱⴱⴰ ⵏ ⵓⵏⴳⵔⴰⵡ ⵏ ⵓⵙⵍⵎⴷ ⴳ ⵓⵙⴳⴳⵯⴰⵙ ⵏ 2022
ⵉⴱⴷⴷⴰ ⵎⴰⵙⵙ ⴰⵏⵙⵙⵉⵅⴼ ⵏ ⵜⴱⴰⴹⵜ, ⴰⵙⵙ ⵏ ⵓⵙⵉⵏⴰⵙ 18 ⵉⵏⵏⴰⵢⵔ 2022, ⵖⴼ ⵉⵎⵓⵙⵙⵓⵜⵏ ⵏ ⵓⵙⴳⵎⴹ ⵏ ⵓⵎⵙⴰⵙⴰⴳⵔ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ - ⵉⴳⵔ ⵏ ⵓⵙⴳⵎⵓ ⴰⵏⴰⵎⵓⵔ - ⴷ ⵉⵏⵎⵓⵍⵍⴰ ⵏ ⵓⵙⵍⵎⴷ ⵙ ⵙⵎⵎⵓⵙⵜ ⴰⴽⴽⵯ ⵉⵜⵜⵓⴳⵏⵙⴻⵙⵏ, ⴳ ⵓⵙⴰⵜⵉ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴰⵏⴳⵔⴰⵏ.
ⵉⵉⴷⴰ ⵓⵙⴳⵎⴹ ⵖⴼ ⵓⵎⵙⴰⵙⴰ ⵉⵙⵜⴰⵡⵀⵎⵎⴰⵏ ⴳ ⵓⴱⵔⵉⴷ ⵏ ⵓⵙⴷⴷⵉ ⵏ ⵉⵖⵉⵎⵉⵜⵏ ⵏ ⵓⵎⵙⴰⵙⴰⵡⵍ ⴰⵏⴰⵎⵓⵏ, ⵍⵍⵉ ⴳ ⵜⵜⵏⵀⵍⵍⴰ ⵙ ⵓⵥⵍⴰⵢ ⵜⵏⴱⴰⴹⵜ, ⴷ ⵓⵙⴰⵜⴰⵍ ⵏ ⵓⵣⵣⴳⵉⵔ ⵏ ⵉⵙⵖⵡⴰⵏ ⵏⵏⵙ ⵉⵍⴰⵏ ⵓⴳⴳⵓⴳ ⴰⵏⴰⵎⵓⵏ, ⴳ ⵓⵎⵙⴰⵙⴰ ⴰⴽⴷ ⵓⵥⵓⵥⴹ ⵏⵏⵙ ⴰⴷ ⵜⵔⴰⵔ ⴰⵎⵙⴰⵡⴰⵍ ⴰⵏⴰⵎⵓⵏ ⵉⴳⴰ ⴰⵎⵎⴰⴽ ⴰⴷⵙⵍⴰⵏ ⵏ ⵓⵙⴼⵓⵍⴽⵉ ⵏ ⵡⴰⴷⴷⴰⴷⵏ ⵉⵏⴰⵎⵓⵏⵏ ⵉⵣⵣⵓⵍⴰⵏⵏ ⵏ ⵉⵎⵙⵡⵓⵔⵉⵜⵏ, ⵓⵍⴰ ⴰⴳⵣⴰⵢ ⵏ ⵜⵎⵍⴰⵍⵜ ⴰⴳⵏⵙⴰⵙ ⵏ ⵉⵎⴷⵔⴰⵡⵏ ⵉⵏⴰⵎⵓⵏⵏ ⴷ ⵓⵙⵓⴷⵙ ⵏ ⵜⴷⵉⵎⵓⴽⵔⴰⵜⵉⵜ ⵜⴰⵎⴷⵔⴰⵡⵜ.
ⵥⵍⵉⵏⵜ ⵜⴼⵔⴽⵉⵡⵉⵏ ⵏ ⵓⵎⵙⴰⵡⴰⵍ ⴰⴷ ⴰⵏⴳⵔⴰⵏ, ⵙ ⵉⵎⴷⵉⵡⵉⵍ ⵉⵎⵙⴽⴰⵏ, ⴷ ⵓⵍⵜⴰⵖ ⵏ ⵎⴰⵕⵕⴰ ⵉⴼⵔⴷⵉⵙⵏ, ⵉⴳⵔⴰⵏ ⵓⵏⴱⴹⵏ ⴷ ⵜⵔⴰⴱⴱⵓⵜⵉⵏ ⵜⵉⵏⴰⵎⵓⵏⵉⵏ, ⴷ ⵓⵎⵙⴰⵙⴰ ⴰⴽⴷ ⵜⵖⴰⵔⴰⵙⵜ ⵉⵙⴽⴰⵏ ⵖⴼ ⵓⵙⵙⴼⵍⴷ, ⴷ ⵜⵎⴰⵙⴰⵢⵜ, ⴷ ⵜⴼⵍⵙⵜ ⵉⵜⵜⵓⵙⵏⴼⵍⵏ, ⴷ ⵓⵙⵓⴷⵙ ⵏ ⵜⵖⵉⵎⵉⵜⵉⵏ ⵏ ⵓⵎⵙⴰⵡⴰⵍ.
ⴰⵔ ⵉⵙⴼⴳⴳⴰ ⵓⵎⵙⴰⵙⴰ ⴰⴷ ⵜⵉⵔⴰⵜ ⵉⵛⵛⴰⵔ ⵏ ⵉⴼⵔⴷⵉⵙⵏ ⵎⵣⴰⵔⴰⵢⵏⵉⵏ, ⴷ ⵓⵍⵜⴰⵖ ⵏⵏⵙⵏ ⵉⵎⴷⴰⵏ ⴳ ⵜⵖⴰⵔⴰⵙⵜ ⵏ ⵓⵙⵉⴷⴼ ⵏ ⵓⵎⵓⵔⵙ ⵏ ⵓⵙⴰⵡⵔ ⵏ ⵓⵎⵓⴽⵏ ⴰⵙⴳⵎⴰⵏ, ⵍⵍⵉ ⵉⵡⴰⵜⵙⵏ ⴰⵙⵉⵍⵉ ⵏ ⵜⵉⵕⵡⵉ ⵏ ⵜⵉⵏⵎⵍ ⵜⴰⴳⴷⵓⴷⴰⵏⵜ, ⴷ ⵓⵙⴷⵓⵙ ⵏ ⵜⵍⴷⴰⵢⵜ ⵏⵏⵙ, ⴰⵔ ⵉⵙⵔⵓⵙ ⴳ ⵓⵙⵉⵣⵡⵔ ⵏⵏⵙ ⴰⵙⵙⵉⵜⴳ ⵏ ⵜⵎⵍⴰⵍⵉⵏ ⵏ ⵜⵙⵇⵇⵉⵎⵜ ⵏ ⵓⵙⵍⵎⴷ , ⵍⵍⵉ ⵢⵓⴽⵍⴰⵍⵏ ⴰⵡⵇⵇⵔ ⵙ ⵓⵜⵉⵅⵅⵉⵜⵔⵜ ⵏ ⵜⴱⵔⴰⵜ ⵏⵏⵙ ⴷ ⴱⵓⵔⵙ ⵙ ⵉⵙⴼⴰⵙⴽⴰⵜⵏ ⵏⵏⵙ ⴷ ⵜⵣⵎⵎⴰⵔ ⵏⵏⵙ ⵉⵙⵙⵓⴷⴰⵏ ⵉ ⵓⵙⴰⵃⴰ ⵏ ⵜⵉⵏⵎⵍ ⵜⴰⵎⵖⵔⵉⴱⵉⵜ.
ⴰⵔ ⵉⵜⵜⵉⵏⵉ ⵓⵎⵙⴰⵙⴰ ⴽⵉⴳⴰⵏ ⵏ ⵜⵎⴳⴳⵉⵢⵉⵏ ⵉⵇⵇⵏⵏ ⵙ ⵜⵓⴳⵜ ⵏ ⵉⵙⴷⴰⵡⵏ ⵉⵜⵜⵓⵙⵔⵙⵏ ⵖⴼ ⵜⴱⴰⴷⵓⵜ ⵏ ⵓⵎⵙⴰⵡⴰⵍ : ⵍⵍⵉ ⵉⴳⴰⵏ :
ⴰⵣⵣⵔⴰⵢ ⵏ ⵓⵙⵍⴳⵏ ⴰⴷⵙⵍⴰⵏ ⴰⵎⵉⵔⴰⵏ ⵏ ⵉⵎⵙⵡⵓⵔⵉⵜⵏ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ, ⴷ ⵓⵙⵔⵓⵙ ⵏ ⵓⵙⵍⴳⵏ ⴰⴷⵙⵍⴰⵏ ⴰⵎⵢⵉⵇⵏ ⵉⵜⵜⴽⴰⵎⵏ ⵉⴳ ⴰⵎⵢⵉⵡⵏ ⵉⵍⵉⵏ ⴷⵉⴳⵙ ⵎⴰⵕⵕⴰ ⵉⴼⵔⴷⵉⵙⵏ ⵏ ⵓⵏⴳⵔⴰⵡ ⴰⵙⴳⵎⴰⵏ;
ⴰⵎⵙⵓⴼⵓⵖ ⵏ ⵜⴳⵔⵓⵎⵎⴰ ⵏ ⵉⵙⴷⴰⵡⵏ ⵉⵎⵙⵓⵜⵓⵔⵏ ⵉⵍⴰⵏ ⴰⵙⵉⵣⵡⵔ, ⵉⴳⴰ ⵍⵃⴰⵍ :
ⴰⵙⴷⴰⵡ ⵏ ⵜⵎⵙⵙⵓⴳⵓⵔⵜ ⵜⴰⵙⴳⵎⴰⵏⵜ;
ⴰⵙⴷⴰⵡ ⵏ ⵉⵎⵛⵛⵉⵡⵕⵏ ⵏ ⵓⵙⵡⴰⵍⴰ ⴷ ⵓⵙⵖⵉⵡⵙ ⴰⵙⴳⵎⴰⵏ;
ⴰⵙⴷⵡⴰ ⵏ ⵉⵙⵍⵎⴰⴷⵏ ⵏ ⵓⵙⵍⵎⴷ ⴰⵎⵏⵣⵓ, ⴷ ⵓⵙⵎⵓⵜⵜⴳ ⵉⵜⵜⵓⵙⵎⴰⴳⵍⵏ ⵉⵡⵔⵉⵏⵏ ⵉ ⵓⵉⵍⴽ ⵏⵏⵏⵙ ⴰⵏⵚⵍⵉⵢ;
ⴰⵙⴷⴰⵡ ⵏ ⵉⵙⵓⵜⴰⵢ ⵏ ⵓⵙⵍⵎⴷ ⵉⵍⴰⵏ ⵜⵓⴳⴳⴰ ⵜⵉⵏⴰⴼⵍⵍⴰⵜⵉⵏ;
ⴰⵙⴷⴰⵡ ⵏ ⵉⵙⵓⵜⴰⵢ ⵏ ⵓⵙⵍⵎⴷ ⵉⵍⴰⵏ ⵜⵓⴳⴳⴰ ⵏ ⴹⴹⵓⴽⵟⵓⵕⴰ.
ⴰⵙⵖⵉⵡⵙ ⵏ ⵓⵣⵔⴰⵡ ⵏ ⵉⵙⴷⴰⵡⵏ ⵉⵎⵙⵓⵜⵓⵔⵏ ⵢⴰⴹⵏⵉⵏ ⵉⵜⵜⵓⵙⵔⵙⵏ ⵖⵓⵔ ⵉⵏⵎⵓⵍⵍⴰ ⴰⴽⴽⵯ ⵉⵜⵜⵓⴳⵏⵙⴻⵙ ⵙ ⵙⵎⵎⵓⵙ;
ⴰⵙⵓⴷⵓ ⵏ ⵓⵎⵙⴰⵡⴰⵍ ⵖⴼ ⵉⵙⴷⴰⵡⵏ ⵏ ⵉⵙⵓⵜⴰⵢ ⵏ ⵓⵙⵓⴷⵙ ⵏ ⵜⴽⴰⴷⵉⵎⵉⵢⵉⵏ ⵜⵉⵏⵎⵏⴰⴹⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ.
ⵔⴰⴷ ⵢⴰⵡⵙ ⵓⵎⵙⴰⵙⴰ ⴰⴷ ⴷ ⵓⴳⵣⴰⵢ ⴷ ⵓⵙⵎⵔⵙⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴰⵏⴳⵔⴰⵏ ⴷ ⵓⵙⵙⵏⵜⵉ ⵏⵏⵙ ⵉ ⵜⵎⵍⴰⵍⵜ ⵜⴰⴷⵙⵍⴰⵏⵜ ⵏ ⵉⵏⵎⵓⵍⵍⴰ ⵏ ⵓⵙⵍⵎⴷ ⵉⴳⴰⵏ ⴰⵎⴷⵔⴰⵡ ⴰⴷⵙⵍⴰⵏ ⴳ ⵓⴱⵔⵉⴷ ⵏ ⵓⵎⵓⴽⵏ ⴰⵙⴳⵎⴰⵏ.
ⵜⵙⴰⵡⵍ ⵜⵏⴱⴰⴹⵜ ⵙ ⵓⵣⵎⵣⵣⵓ ⴰⴷ ⵖⴼ ⵓⵙⵉⵜⵎ ⵏⵏⵙ ⴰⴷ ⵉⵕⵥⵎ ⵓⵎⵙⴰⵙⴰ ⴰⴷ ⵉⴷⵉⵔ ⴰⵎⴰⵢⵏⵓ ⴳ ⵓⴱⵔⵉⴷ ⵏ ⵓⵙⴽⵔⵜ ⴰⵖⵣⵓⵔⴰⵏ ⵏ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⵏ ⵓⵙⵍⵎⴷ ⵀ ⵓⵙⴰⵡⵔ ⵏ ⵜⵏⴽⵔⴰ ⵙ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵉⵍⴰⵏ ⵜⵉⵕⵡⵉ, ⵉⵜⵜⴹⵎⴰⵏ ⴰⵙⴰⵍⵉ ⴰⵏⴰⵎⵓⵏ, ⴰⵔ ⵜⵙⵙⵍⵡⵓ ⴰⵙⵓⵎⵓ ⴷ ⵓⵙⵉⴽⵙⵍ ⵏ ⵜⴼⵓⵍⵉⵏ, ⴰⵔ ⵜⵜⴰⵊⵊⴰ ⴰⵙⵎⵓⵜⵜⴳ ⴷ ⵓⵣⵖⵔⵜ ⵏ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⴰⴷ ⵓⵎⵓⵏ ⵙ ⵜⵉⵕⵡⵉ ⴳ ⵜⴳⵎⵉ ⴷ ⵓⵙⴱⵓⵖⵍⵓ ⵏ ⵜⵎⴰⵣⵉⵔⵜ ⵏⵏⵙⵏ.
ⵉⵍⵍⴰ ⴳ ⵜⵙⵎⵓⵏⵉ ⴰⴷ ⴳ ⵜⵙⴳⴰ ⵏ ⵜⵏⴱⴰⴹⵜ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⴳ ⵜⵙⴳⴰ ⵏ ⵜⵔⵓⴱⴱⴰ ⵜⵉⵏⴰⵎⵓⵏⵉⵏ ⵉⴷ ⵎⴰⵙⵙ ⵉⵎⵓⵔⴰ ⵉⵎⴰⵜⴰⵢⵏ ⵏ ⵉⵏⵎⵓⵍⵍⴰ ⵏ ⵓⵙⵍⵎⴷ ⴰⴽⴽⵯ ⵉⵜⵜⵓⴳⵏⵙⴻⵙⵏ ⵙ ⵙⵎⵎⵓⵙ.
