ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵏⵉⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴳⵉⵢⵓⵎ - ⴷⵓⴳ ⴰⵅⴰⵜⴰⵔ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵏ ⵍⵓⴽⵙⵓⵎⴱⵓⵔⴳ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ 11 ⴽⵜⵓⴱⵕ 2022; ⴳ ⵕⵕⴱⴰⵟ, ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⴳⵉⵢⵓⵎ, ⴷⵓⴳ ⴰⵅⴰⵜⴰⵔ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵏ ⵍⵓⴽⵙⵓⵎⴱⵓⵔⴳ, ⵍⵍⵉ ⴷ ⵉⵔⵣⴼⵏ ⴰⵔⵣⴰⴼ ⵏ ⵜⵡⵓⵔⵉ ⵙ ⵍⵎⵖⵔⵉⴱ, ⵖⴼ ⵓⴽⴰⴱⴰⵕ ⵏ ⵉⵔⴳⴰⴻⵏ ⵏ ⵜⵡⵓⵉⵔⵉⵡⵉⵏ ⵉⴳⵏⵙⴰⵙ ⵏ ⵜⵎⵙⵙⵏⵜⴰⵢ ⵉⵥⵍⵉⵏ ⴳ ⵉⴳⵔⴰⵏ ⵉⴷⵎⵙⴰⵏⵏ ⵎⵢⴰⵏⴰⵡⵏⵉⵏ, ⵉⵎⵙⴰⴳⴰⵔ ⴳ ⵓⵔⵣⴰⴼ ⵏⵏⵙ ⵉ ⵜⴳⵍⴷⵉⵜ ⴰⴽⴷ ⵜⵓⴳⵜ ⵏ ⵉⵎⴰⵡⵙⴰⵙⵏ ⴷ ⵉⵎⴰⵙⴰⵢⵏ ⵎⵇⵇⵓⵔⵏ.
ⵉⴳⴰ ⵓⵎⵙⴰⴳⴰⵔ, ⵍⵍⵉ ⵉⵥⵕⴰⵏ ⵜⵉⵍⵉⵜ ⵏ ⵎⴰⵙⵙ ⴼⵔⴰⵏⵣ ⴼⴰⵢⵓⵜ, ⴰⵎⴰⵡⵙⴰⵙ ⵏ ⵜⴷⴰⵎⵙⴰ ⵏ ⵍⵓⴽⵙⵓⵎⴱⵓⵔⴳ, ⴷ ⵎⴰⵙⵙ ⵎⵉⵃⵎⵎⴰⴷ ⵄⴰⵎⵉⵔ, ⴰⵎⵙⵇⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴱⵍⵊⵉⴽⴽⴰ ⴷ ⵜⴰⴷⵓⴳⵜ ⵜⴰⵅⴰⵜⴰⵔⵜ ⵍⵓⴽⵙⵓⵎⴱⵓⵔⴳ, ⴰⵣⵎⵣⵣⵓ ⴳ ⵙⴰⵡⵍⵏ ⵙⵉⵏ ⵉⴼⵔⴷⵉⵙⵏ ⴰⴷ ⵖⴼ ⵓⵥⵓⵥⴹ ⵏⵏⵙⵏ ⵉⵛⵛⴰⵔⵏ ⴳ ⵓⵙⴷⵓⵙ ⵏ ⵏ ⵜⵓⵛⵛⵔⴽⴰ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ, ⴷ ⵉⵎⵏⵉⴷⵏ ⵏⵏⵙⵏ ⴰⴷ ⵔⵏⵓⵏ ⴰⵙⴱⵓⵖⵍⵓ ⵏ ⵉⵎⵢⴰⵙⵙⴰⵜⵏ ⵉⴷⵎⵙⴰⵏⵏ ⴷ ⵉⵏⵙⴱⴰⴱⵏ, ⴳ ⵓⵙⵙⵔⵇⴱ ⵏ ⵜⵎⵙⵙⵏⴰⵜⴰⵢ ⵜⵉⵍⵓⴽⵙⵓⵎⴱⵓⵔⵉⵢⵉⵏ ⵖⴼ ⵜⵉⴼⵉ ⵏ ⵉⵣⵎⵣⵣⴰ ⵉⵎⴰⵢⵢⵓⵏⵓⵜⵏ ⵏ ⵓⵙⵙⴰⵔⵓ ⴳ ⵍⵎⵖⵔⵉⴱ, ⵙⵡⴰ ⴳ ⵓⵙⵡⵉⵔ ⴰⵢⵓⴳⴰⵏ ⵏⵖ ⴷ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⵎⴽⵕⴰⴹ ⵍⵎⵖⵔⵉⴱ-ⵍⵓⴽⵙⵓⵎⴱⵓⵔⴳ-ⵉⴼⵔⵉⵇⵉⵢⴰ.
ⵉⵎⴽⵉⵍⵍⵉ ⵉⴼⵙⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵙⴰⵡⵔⵏ ⵍⵍⵉ ⵉⵕⵥⵎ ⵍⵎⵖⵔⵉⴱ, ⵙ ⵢⵉⵡⵉⵣ ⴰⵎⴰⵜⵜⴰⵢ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ, ⴰⴷ ⵢⴰⵊⵊ ⵕⴱⴱⵉ, ⵍⵍⵉ ⵉⵙⴷⵓⵙⵏ ⴰⴷⵖⴰⵔ ⵏ ⵜⴳⵍⴷⵉⵜ ⵉⴳⴰⵏ ⵜⴰⴷⴽⴽⵯⴰⵏⵜ ⵏ ⵓⵍⴷⴰⵢ ⴰⴷⵎⵙⴰⵏ ⴷ ⵓⵎⴳⵓⵔⴰⵏ ⴳ ⵜⵎⵏⴰⴹⵜ.
