ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵏⵓⴱⴳ ⴰⵎⴰⵔⵉ ⵏ ⵓⵏⵙⵙⵉⵅⴼ ⴰⵎⵣⵣⵉⵔⴳ ⵏ ⵜⵙⵎⵉⵔⵉⵜ ⵏ ⵡⴰⵎⵓⵏ ⵏ ⵓⵕⵓⴱⴱⴰ ⵉⵜⵜⵓⵙⵎⴰⴳⵍⵏ ⵙ ⵓⵎⵙⴰⵙⴰ ⴰⵣⴳⵣⴰⵡ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ 18 ⴽⵜⵓⴱⵕ 2022, ⵎⴰⵙⵙ ⴼⵔⴰⵏⵙ ⵜⵉⵎⵔⵎⴰⵏⵙ, ⴰⵎⴰⵔⵉ ⴰⵎⵣⵣⴳⵉⵔ ⵏ ⵜⵙⵎⵉⵔⵉⵜ ⵏ ⵡⴰⵎⵓⵏ ⵏ ⵓⵕⵓⴱⴱⴰ ⵉⵜⵜⵓⵙⵎⴰⴳⵍⵏ ⵙ ⵓⵎⵙⴰⴰ ⴰⵣⴳⵣⴰⵡ, ⵍⵍⵉ ⴷ ⵉⵔⵣⴼⵏ ⵙ ⵕⵕⴱⴰⵟ ⵓⵙⵙⴰⵏ ⵏ 18 ⴷ 19 ⴽⵜⵓⴱⵕ ⴰⴷ ⵉⵙⴳⵎⴹ ⴰⵎⵙⴰⵙⴰ ⵏ ⵜⵓⵛⵛⵔⴽⴰ ⵜⴰⵣⴳⵣⴰⵡⵜ ⴳⵔ ⵡⴰⵎⵓⵏ ⵏ ⵓⵕⵓⴱⴱⴰ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⵖⴼ ⵜⵥⴹⴰⵕⵜ ⴷ ⵓⵏⵣⵡⵉ ⴷ ⵜⵡⴰⵏⵏⴰⴹⵜ. ⵉⴳⴰ ⵓⵎⵙⴰⴳⴰⵔ ⴰⴷ ⴰⵣⵎⵣⵣⵓ ⵉ ⵓⵔⵣⵣⵓ ⵖⴼ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵖⴼ ⵓⵙⴷⵓⵙ ⵏ ⵜⵓⵛⵛⵔⴽⴰ ⵜⴰⵙⵜⵔⴰⵜⵉⵊⵉⵜ ⴳⵔ ⵍⵎⵖⵔⵉⴱ ⴷ ⵡⴰⵎⵓⵏ ⵏ ⵓⵕⵓⴱⴱⴰ, ⵍⵍⵉ ⵎⵉ ⵢⴰⴽⴽⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵜⵉⵏⴷⵉ ⵉⵥⵍⵉⵏ.
ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵄⴰⵣⵉⵣ ⴰⵅⵏⵓⵛ, ⵎⴰⵔ ⵔⴰⴷ ⵢⴰⵡⵙ ⵓⵎⵀⵍ ⵏ ⵜⵓⵙⵙⵔⴽⴰ ⵜⴰⵣⴳⵣⴰⵡⵜ ⴳⵔ ⵍⵎⵖⵔⵉⴱ ⴷ ⵡⴰⵎⵓⵏ ⵏ ⵓⵕⵓⴱⴱⴰ, ⴰⵙⵙⴰⵔⵓ ⵏ ⵎⴰⵕⵕⴰ ⵜⵉⵣⵎⵎⴰⵔ ⵍⵍⵉ ⵢⴰⴽⴽⴰ ⴳ ⵓⵙⵡⵉⵔ ⵏ ⵜⵏⴼⵔⵓⵜ ⵜⴰⵏⵥⴹⴰⵕⵜ, ⴷ ⵍⵀⵉⴷⵔⵓⵊⵉⵏ ⴰⵣⴳⵣⴰⵡ, ⴷ ⵓⵣⴷⴰⵢ ⴰⵏⵡⵏⵏⴰⴹ, ⴷ ⵉⵣⵔⵉⵔⵉⴳ ⵏ ⵓⴳⴰⵣ ⵉⵣⴷⵉⵏ ⴳⵔ ⵓⵕⵓⴱⴱⴰ ⴷ ⵍⵎⵖⵔⵉⴱ ⴷ ⵏⵉⵊⵉⵔⵢⴰ, ⵉⵏⵄⵜ ⵙ ⵜⵉⵏⴷⵉ ⵏ ⵜⵓⵛⵛⵔⴽⴰ ⴳ ⵓⴷⵃⴰⵢ ⵙ ⵓⵎⵎⴰⵜⵜⵉ ⵏⵏⵙⵏ ⴰⵏⵥⴹⴰⵕ ⴷ ⵓⴼⵔⴰⴳ ⵖⴼ ⵜⵡⵏⵏⴰⴹⵜ ⴷ ⵓⴽⴰⵎ ⵏ ⵜⴷⴰⵎⵙⴰ ⵜⴰⵣⴳⵣⴰⵡⵜ.
ⵉⴼⵓⴽⴽⴰ ⴷⵉⵜⵜⵓⴱⴷⵔ ⵎⴰⵙ ⵉⴽⵛⵎ ⵓⵎⵙⴰⴳⴰⵔ ⴰⴷ ⴳ ⵓⵙⴰⵜⵉ ⴰⵎⵣⵡⴰⵔⵓ ⴳ ⵡⴰⵏⴰⵡ ⵏⵏⵙ ⵍⵍⵉ ⵉⵙⵎⵓⵏⵏ ⴰⵎⵓⵏ ⵏ ⵓⵕⵓⴱⴱⴰ ⴰⴽⴷ ⵓⵡⴰⵏⴽ ⴰⵎⵛⵛⵔⴽ, ⵉⵎⵉⵍ ⵢⴰⵎⵓ ⵏ ⵜⵉⴽⴽⵉ ⵏ ⵜⴷⵉⵏⴰⵎⵉⵜ ⵜⵓⵎⵏⵉⴳⵜ ⵉ ⵉⵎⵢⴰⵙⵙⴰⵜⵏ ⵉⵢⵓⴳⴰⵏⵏ, ⴷ ⵜⵓⴱⴷⴷⴰ ⵎⵏⵉⴷ ⵏ ⵉⵏⴰⵥⴰⵕⵏ ⵍⵍⵉ ⵉⴱⵣⵣⴻⵎⴻ ⵡⴰⴷⴷⴰⴷ ⴰⴳⵔⴰⵖⵍⴰⵏ ⵉⵎⵔⴰⵏ. ⴱⵔⵔⵃⵏ ⵢⴰⵏ ⵙⵉⵏ ⴰⴷ ⵙ ⵓⵥⵓⵥⴹ ⵏⵏⵙⵏ ⴰⴷ ⴳⵉⵏ ⵜⵓⵛⵛⵔⴽⴰ ⴳ ⵢⵓⵏⵢⵓ 2021 ⵃⵎⴰ ⴰⴷ ⵙⴷⵓⵙ ⴰⵎⵢⴰⵡⴰⵙ ⵏⵏⵙⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵓⵏⵣⵡⵉ.
