ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵎⴷⵉⵡⵉⵍ ⴰⴽⴷ ⵓⵎⴰⴷⵉ ⵏ ⵓⵏⵙⵙⵉⵅⴼ ⵏ ⵍⴱⴰⵏⴽ ⵏ ⵓⵕⵓⴱⴱⴰ ⵉ ⵓⵙⵙⴰⵔⵓ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵏⵅⵓⵛ, ⴰⵙⵙ ⵏ ⵓⵙⵉⵏⴰⵙ 18 ⴽⵜⵓⴱⵕ 2022, ⴳ ⵡⴰⵏⵙⴰ ⵏ ⵔⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⵎⴰⵙⵙ ⵔⵉⴽⴰⵔⴷⵓ ⵎⵓⵔⵉⵏⵢⵓ ⴼⵉⵍⵉⴽⵙ, ⴰⵎⴰⵔⵉ ⴰⵏⵙⵙⵉⵅⴼ ⵏ ⵍⴱⴰⵏⴽ ⵏ ⵓⵔⵓⴱⴱⴰ ⵉ ⵓⵙⵙⴰⵔⵓ, ⵍⵍⵉ ⴷ ⵉⵔⵣⴼⵏ ⴰⵔⵣⴰⴼ ⵏ ⵜⵡⵓⵔⵉ ⵙ ⵍⵎⵖⵔⵉⴱ.
ⵉⴳⴰ ⵓⵎⵙⴰⴳⴰⵔ ⴰⴷ ⴰⵣⵎⵣⵣⵓ ⴰⴷ ⵜⵜⵓⴳⵔ ⵜⵉⴼⴰⵡⵜ ⵖⴼ ⵜⵉⵏⴷⵉ ⵏ ⵜⵉⵛⵛⵔⴽⴰ ⵍⵍⵉ ⵉⵣⴷⵉⵏ ⴳⵔ ⵍⵎⵖⵔⵉⴱ ⴷ ⵍⴱⴰⵏⴽ ⵏ ⵓⵕⵓⴱⴱⴰ ⵉ ⵓⵙⵙⴰⵔⵓ, ⴷ ⵓⵙⴼⵙⵔ ⵏ ⵜⵖⴰⵔⴰⵙⵉⵏ ⵏ ⵓⵙⴷⵓⵙ ⵏ ⵓⵙⴱⵓⵖⵍⵓ ⵏⵏⵙ, ⴷ ⵓⴹⴼⴰⵕ ⵏ ⵜⵙⵜⵔⴰⵜⵉⵊⵉⵏ ⴷ ⵉⵖⴰⵡⴰⵙⵏ ⵉⵙⵜⴰⵡⵀⵎⵎⴰⵏ ⵍⵍⵉ ⵉⵙⵔⵙ ⵍⵎⵖⵔⵉⴱ, ⵙ ⵜⵏⴰⵔⴰ ⵜⴰⵎⵉⵖⵉⵙⵜ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵢⴰⵊⵊ ⵕⴱⴱⵉ, ⵉⵏⴳⵔⴰⵙⵏⵜ ⵜⵉⵍⵍⵉ ⵉⵜⵜⵡⴰⵜⴰⵙⵏ ⴰⵙⵔⵓⵙ ⵏ ⵓⵎⵓⴽⵏ ⵉⴷⵔⴰⵏ ⵊⴰⵊ ⵏ ⵢⵉⴳⵔ ⴰⵎⴰⵜⵓ, ⴷ ⵡⴰⵣⵣⴰⵣ ⵏ ⵓⵣⵓⴳⴳⵣ ⵏ ⵓⵙⴰⵡⵔ ⵏ ⵓⵎⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⵀⵡⵏ ⵏ ⵜⵡⵓⵔⵉⵡⵉⵏ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ.
ⵉⵙⵙⵉⵜⴳ ⵓⵏⵙⵙⵉⵅⴼ ⵏ ⵜⵏⴱⵏⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵙ ⵓⵙⴰⴷⵎⵔ ⵍⵍⵉ ⴷ ⵉⵙⵙⵓⵎⴰⵏ ⵍⴰⵏⴽ ⵏ ⵓⵕⵓⴱⴱⴰ ⵉ ⵓⵙⵙⴰⵔⵓ ⴳ ⵓⵣⵎⵣ ⵏ ⵓⴱⴰⵢⵢⵓⵕ, ⵍⵍⵉ ⴳ ⵉⵙⵔⵙ ⴰⵎⵎⴰⴽⵏ ⵍⵍⵉ ⵢⵓⵡⵙⵏ ⴳ ⵡⴰⵣⵣⴰⵣ ⵏ ⵓⵚⵕⴰⴼ ⵏ ⵡⴰⴷⴷⴰⴷ, ⴷ ⵓⵙⵀⵡⵏ ⵏ ⵜⵎⴳⴳⵉⵢⵉⵏ ⵏ ⵓⵙⵖⵣⵏ ⵏ$ⵖⴼ ⵉⵙⵖⵏⵓⵜⵏ.
ⵉⴷⴷⴰ ⴷ ⵓⵔⵣⴰⴼ ⴰⴷ, ⴰⴽⴷ ⵓⵏⵀⵍⵍⴰ ⵍⵍⵉ ⵜⴼⴽⴰ ⵜⵏⴱⴰⴹⵜ ⵉ ⵉⵙⵖⵓⴷⵓ ⵏ ⵓⵏⵣⵡⵉ ⵏ ⵓⵙⵙⴰⵔⵓ, ⴷ ⵓⵙⵙⵔⵇⴱ ⵏ ⵓⵙⵀⵡⵏ ⵏ ⵓⵍⴷⴰⵢ ⵏ ⵓⵙⵙⴰⵔⵓ, ⵍⵍⵉ ⵉⴳⴰⵏ ⵜⴰⵎⵙⵙⵉⵍⵉⵜ ⵜⴰⴷⵙⵍⴰⵏⵜ ⵏ ⵓⵙⵙⵉⴷⵔ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ, ⴳ ‘ ⵜⵏⵜⵜⴰⵎⵜ ⵜⴰⵎⴰⵢⵢⵓⵏⵓⵜ ⵏ ⵓⵙⵙⴰⵔⵓ”, ⴳ ⵓⵎⵙⴰⵙⴰ ⴰⴽⴷ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ.ⵉⵎⴰⵜⵜⴰⵢⵏ.
