ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵎⴷⵉⵡⵉⵍ ⴰⴽⴷ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⴰⴱⵍⵉⵊⵉⴽⴽⵉ
ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵢⵏⴰⵙ 5 ⴷⵓⵊⴰⵏⴱⵉⵔ 2022, ⵉⵎⴷⵉⵡⴰⵍ ⵙ ⵜⴻⵜⵉⵇⵏⵉⵜ ⵏ ⵓⵎⵢⵉⵥⴰⵏ ⴰⵢⵓⴳⴰⵏ, ⴰⴽⴷ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⴰⴱⵍⵊⵉⴽⴽⵉ, ⵎⴰⵙⵙ ⴰⵍⵉⴽⵙⴰⵏⴷⵔ ⴷⵉ ⴽⵔⵓ, ⵍⵍⵉ ⵉⵣⵣⵓⵍⵏ ⴳ ⵜⵉⵣⵡⵓⵔⵉ ⵜⵉⴳⴳⵉ ⵏ ⵜⵓⴼⵔⵉⵏⵜ ⵜⴰⵎⵖⵔⴰⴱⵉⵜ ⵏ ⵜⴰⵡⵊⵊⴰ ⵏ ⵓⴹⴰⵕ ⴳ ⵜⵉⴳⵉⵔⴰ ⵏ ⴰⴽⵔⵡⴰⵙ ⴰⵎⴰⴹⵍⴰⵏ; ⵉⵙⵙⵉⵜⵎ ⴰⵙ ⴰⵎⵓⵔⵙ ⴳ ⵓⵎⵛⵡⴰⵔ ⵏⵏⵙ ⴳ ⵜⴱⵔⵣⴰ.
ⵙⵙⵉⵜⴳⵏ ⵙ ⵙⵉⵏ ⵙ ⵓⵣⵎⵣⵣⵓ ⴰⴷ, ⵉⵎⵢⴰⵙⵙⴰⵜⵏ ⵍⵍⵉ ⵉⵣⴷⵉⵏ ⵜⴰⵡⵊⵉⵡⵉⵏ ⵜⵉⴳⵍⴷⴰⵏⵉⵏ. ⵉⵎⴽⵉⵏⵏⴰ ⵙⴰⵡⵍⵏ ⵖⴼ ⵓⵙⵓⵏⴼⵓ ⵏⵏⵙⵏ ⵉ ⵓⴷⵔⴰⵡ ⴰⵎⵓⴼⴰⵢ ⵉⵍⵍⴰⵏ ⴳⵔ ⵜⵎⵉⵣⴰⵔ ⵏⵏⵙⵏ, ⵙ ⵍⴰⵡⴰⵏ ⴰⴽⴽⵯ ⴳ ⵓⵙⴱⴷⴷⵉ ⵏ ⵓⴱⵔⵙⵉⵡⴷ, ⴷ ⵓⵎⵢⴰⵡⴰⵙ ⴰⵢⵓⴳⴰⵏ ⴳ ⵢⵉⴳⵔ ⵏ ⵜⵣⵔⴼⵜ ⴷ ⵓⵣⵡⴰⴳ.
ⵉⴳⴰ ⵓⵎⵙⴰⴳⴰⵔ ⴰⴷ, ⴰⵣⵎⵣⵣⵓ ⵍⵍⵉ ⴳ ⵙⵙⵏⵜⵏ ⵙ ⵙⵉⵏ ⵜⵉⵅⵅⵉⵜⵔⵜ ⵏ ⵓⵙⴰⵍⵉ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵏⵙⴱⴰⴱ ⴳⵔ ⵍⵎⵖⵔⵉⴱ ⴷ ⴱⵍⵊⵉⴽⴽⴰ, ⵙ ⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⴰⴷⵎⵙⴰⵏ ⴰⵣⴳⵣⴰ, ⵉⵎⵉⵍ ⵉⵙⵙⵓⵜⴳ ⵎⴰⵙⵙ ⴰⵅⵏⵓⵛ, ⵎⴰⵙ ⵉⵥⴹⴰⵕ ⵍⵎⵖⵔⵉⴱ, ⵙ ⵜⵉⵥⵕⵉ ⵜⴰⵎⵉⵖⵉⵙⵜ ⵏ ⵓⴳⵍⵍⵉⴷ, ⴰⴷ ⵉⵍⴽⵎ ⵜⴰⵎⵣⵉⵣⵡⵔⵜ ⴳ ⵢⵉⴳⵔ ⵏ ⵜⵥⴹⴰⵕⵉⵏ ⵜⵉⵎⵙⵎⴰⵢⵏⵓⵜⵉⵏ ⴳ ⵓⵙⵡⵉⵏ ⴰⵙⴳⴰⵡⴰⵏ, ⵉⵏⵄⵜ ⴰⵏⵀⵍⵍⴰ ⵍⵍⵉ ⵜⴰⴽⴽⴰ ⵜⵏⴱⴰⴹⵜ ⵉ ⵓⵙⵖⵓⴷⵓ ⵏ ⵓⵙⵙⴰⵔⵓ, ⴷ ⵓⵙⵙⵔⵇⴱ ⴷ ⵓⵙⵀⵡⵏ ⵏ ⵓⵍⴷⴰⵢ ⵏ ⵉⵙⵙⴰⵔⵓⵜⵏ ⵉⵎⵣⵣⴰⵏ ⵓⵙⵔⵉⴷⵏ, ⵃⵎⴰ ⴰⴷ ⵜⵜⵓⵙⵉⵍⵖ ⵜⵎⵙⵙⵉⵍⵉⵜ ⵜⴰⴷⵙⵍⴰⵏⵜ ⵉ ⵓⵙⵙⵉⴷⵔ ⵏ ⵜⴷⵎⵙⴰ ⵜⴰⵏⴰⵎⵓⵔⵜ, ⵙ ⵜⵙⵖⵣⵏⵜ ⵏ “ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ.”
ⵉⵙⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴷⴷⴰⴷ ⵏ ⴱⵍⵊⵉⴽⴽⴰ ⴳ ⵜⵎⵏⵜⵉⵍⵜ ⵏ ⵜⵎⵏⵜⵉⵍⵜ ⵜⴰⵏⴰⵎⵓⵔⵜ, ⵍⵍⵉ ⴳ ⵜⵏⵏⴰ ⵏⵡⵉⵙ ⵉⴳⴰ ⵓⵙⵎⵜⵔ ⵏ ⵓⵏⴱⴰⴹ ⴰⵙⵉⵎⴰⵏ, ⵍⵍⵉ ⵉⵙⵔⵙ ⵍⵎⵖⵔⵉⴱ ⵙⴳ ⵓⵙⴳⴳⵯⴰⵙ ⵏ 2007, ⴰⴷⴰⵙⵉⵍ ⵉⵖⵓⴷⴰⵏ ⵉ ⵓⴼⵙⵙⴰⵢ ⵉⵜⵜⵓⴷⴳⵏ ⵖⵓⵔ ⵜⴼⵓⵍⵉⵏ ⵙ ⵙⵏⴰⵜ, ⵉⵖⴹⴼ ⵙ ⵜⵉⵅⵅⵉⵜⵔⵜ ⵏ ⵓⵏⵢⵓⴷⴷⵓ ⵏ ⵓⵎⵢⴰⵡⴰⵙ ⵖⴼ ⵜⵎⵏⵜⵉⵍⵉⵏ ⵉⵛⵛⴰⵔⵏ, ⴳ ⵓⵙⵡⵉⵔ ⵎⵉ ⴳⴳⵓⴷⵉⵏⵜ ⵜⴼⵓⵍⵉⵏ ⵊⴰⵊ ⵏ ⵜⵙⵇⵇⵉⵎⵉ ⵜⵉⴳⵔⴰⵖⵍⴰⵏⵉⵏ.
ⵙⵎⴰⵢⵏⵓⵏⵜ ⵜⴼⵓⵍⵉⵏ, ⴳ ⵜⵉⴳⵉⵔⴰ ⵏ ⵓⵎⵙⴰⴳⴰⵔ, ⵜⵉⵔⴰⵜ ⵏⵏⵙⵏ ⴳ ⵓⵙⴰⵍⵉ ⵙ ⵜⵙⵇⵇⵉⵎⵜ ⵉⵎⵔⴽⵙⵏ ⵏ ⵓⴷⵔⴰⵡ ⴰⵎⵖⵔⴰⴱⵉ ⴰⴱⵍⵊⵉⴽⴽⵉ, ⴷ ⵓⵡⴰⵜⵙ ⵏⵏⵙⵏ ⴰⴷ ⴳⵉⵏ ⴰⵎⵙⴰⴳⴰⵔ ⴳ ⵕⵕⴱⴰⵟ ⴳ ⵓⵙⴳⴳⵯⴰⵙ ⵏ 2023.
