ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵏⵓⴱⴳ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵡⵓⵎⵍⴰⵏ ⵉⵥⵕⴼⴰⵏ

ⵉⵙⵏⵉⴱⴳ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛ, ⴰⵙⵙ ⴰ ⵏ ⵓⵙⵉⵎⵡⴰⵏ ⴳ ⵡⴰⵏⵙⴰ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴳ ⵕⵕⴱⴰⵟ, ⵎⴰⵙⵙ ⵊⴰⵡⵀⴰⵔ ⵏⵏⴼⵉⵙⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵡⵓⵎⵍⴰⵏ ⵉⵥⵕⴼⴰⵏⵏ, ⵍⵍⵉ ⵉⵙⵙⵏⴽⴷⵏ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵏⵇⵇⵉⵙ ⴰⵙⴳⵯⵙⴰⵏ ⵏ ⵜⵙⵇⵇⵉⵎⵜ ⴳ ⵓⵙⴳⴳⵯⴰⵙ 2021, ⴳ ⵓⵎⵙⴰⵙⴰ ⴰⴽⴷ ⵜⵓⵎⴰⵢⵢⵓⵉⵏ ⵏ ⵓⵙⵍⴳⵏ 43-05 ⵉⵇⵇⵏⵏ ⵙ ⵓⵙⴱⴷⴷ ⵏ ⵜⴰⵔⴷⴰ ⵏ ⵉⴷⵔⵉⵎⵏ ⵉⵎⴽⵉⵍⵍⵉ ⵉⵜⵜⵓⵙⵏⴼⵍ ⵉⵜⵜⵓⵙⵎⴷ.
ⵉⵣⵎⵎⴻⵎ ⵓⵏⵇⵇⵉⵙ ⴰⵎⴰⵍⴰⵢ, ⵍⵍⵉ ⵙⵙⵏⵏⵜ ⵜⵎⵉⵜⴰⵔ ⵏ ⵜⵉⵍⴰⵍ ⵏ ⵜⵙⵇⵇⵉⵎⵜ ⴳ ⵓⵙⴳⴳⵯⴰⵙ ⵏ 2021, ⵙⵡⴰ ⴳ ⵎⴰ ⵉⵇⵇⵏⵏ ⵙ ⵜⵙⴳⵓⵔⵉⵡⵉⵏ ⵏ ⵓⵙⵎⵎⵔⵡⵙ ⵉⵜⵜⵓⵙⵏⴽⴷⵏ ⵏⵖ ⵜⵓⵜⵔⵉⵡⵉⵏ ⵏ ⵡⵓⵎⵍⴰⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵏⵖ ⵉⵣⵣⵔⴰⵢⵏ ⵖⵓⵔ ⵜⵏⴱⴰⴹⵉⵏ ⵜⵉⵣⵔⴼⴰⵏⵉⵏ ⵜⵉⵎⵜⵡⴰⵍ.
ⵉⴼⵙⵔ ⵓⵏⵇⵇⵉⵙ, ⵜⵉⵎⵙⴽⵔⵉⵏ ⵉⵙⵜⴰⵡⵀⵎⵎⴰⵏ ⵉⵇⵇⵏⵏ ⵙ ⵓⵙⵖⵔⵜ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴱⴷⴷ ⵏ ⵜⴰⵔⴷⴰ ⵏ ⵉⴷⵔⵉⵎⵏ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ, ⵙ ⵓⵙⵎⵙⴰⵙⴰ ⵏⵏⵙ ⵉ ⵉⵙⴱⴷⴰⴷⵏ ⵉⴳⵔⴰⵖⵍⴰⵏⵏ ⴷ ⵜⵎⵙⴽⵉⵔⵉⵏ ⵜⵉⵎⵓⴼⴰⵢ ⴳ ⵓⵙⵡⵉⵔ ⴰⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⵉⵕⵡⵉ ⵏⵏⵙ, ⴷ ⵡⴰⵍⴰⵢ ⵏ ⵜⵉⴷⴷⵉ ⵏ ⵓⵣⴷⴰⵢ ⴰⵏⴰⵎⵓⵔ ⴳⵔ ⵜⵏⴱⴰⴹⵉⵏ ⵏ ⵓⵣⵣⴳⵉⵔ ⵏ ⵓⵙⵍⴳⵏ ⴷ ⵜⵏⴱⴰⴹⵉⵏ ⵏ ⵜⵓⴱⴷⴷⴰ ⴷ ⵓⵙⵍⴳⵎ ⴷ ⵎⴷⴷⵏ ⵉⵎⵍⵖⴰⵏⵏ ⴷ ⵢⵉⴳⵔ ⵓⵙⵍⵉⴳ.

ⵉⵎⴽⵉⵏⵏⴰ ⵉⵍⵍⴰ ⵡⴰⵡⴰⵍ ⴳ ⵜⵙⵎⵓⵏⵉ ⴰⴷ, ⵖⴼ ⵓⵔⵣⴰⴼ ⵏ ⵉⵎⵓⵣⴰⵢⵏ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵥⵕⴼⴰⵏⵜ (GAFI) ⵉⴷⴷⴰⵏ ⴰⴷ ⵢⵉⵍⵉ ⵙ ⵍⵎⵖⵔⵉⴱ, ⵙⴳ 16 ⴰⵔ 18 ⵉⵏⵏⴰⵢⵔ 2023, ⵃⵎⴰ ⴰⴷ ⴱⴷⴷⵏ ⵖⴼ ⵜⵎⵙⴽⵉⵔⵉⵏ ⴰⴽⴽⵯ ⵉⵙⵜⴰⵡⵀⵎⵎⴰⵏ ⵏ ⵜⴳⵍⴷⵉⵜ ⴳ ⵓⵙⵡⵉⵔ ⵏ ⵉⵙⴳⵓⵎⵏ ⵏ ⵜⴰⵔⵔⴰⵢⵜ ⵏ ⵜⵡⵡⵓⵔⵉ ⵖⴼ ⵉⵍⵍⴰ ⵓⵎⵙⴰⵙⴰ ⴰⴽⴷ ⵜⵔⴰⴱⴱⵓⵜ, ⴳ ⵉⴷⵉⵔ ⵏ ⵓⵡⵓⴼⵓⵖ ⵙⴳ ⵉⵎⵙⴷⴷⵉ ⵏ ⵓⴹⴼⴰⵕ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ.