ⴰⵔⵣⴰⴼ ⵏ ⵎⴰⵙⵙ ⴰⵅⵏⵓⵛ ⵉ ⴽⵕⴰⴹ ⵡⴰⵎⵎⴰⵙⵏ ⵉⴷⵓⵙⴰⵏⵏ ⵔ 1400 ⵏ ⵡⴰⵎⵎⴰⵙ ⵍⵍⵉ ⵔⴰⴷ ⵉⵜⵡⴰⵍⴰⵙ ⵓⵙⵖⵔⵜ, ⵃⵎⴰ ⴰⴷ ⵜⵜⵓⵙⵖⵓⴷⵓⵏⵜ ⵜⵖⴰⵔⵉⵡⵉⵏ ⵏ ⵜⵏⵓⴼⴰ ⵏ ⵢⵉⴳⵔ ⴰⴷⵓⵙⴰⵏ ⴰⴳⴷⵓⴷⴰⵏ

• ⵉⵔⵣⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⵖⵔ ⴽⵕⴰⴹ ⵡⴰⵎⵎⴰⵙⵏ ⵉⴷⵓⵙⴰⵏⵏ ⴷ ⵜⵎⵏⴰⴹⵉⵏ ⵏ ⵕⵕⴱⴰⵟ ⴷ ⵍⵎⵓⵃⵎⵎⴰⴷⵉⵢⴰ ⴷ ⴱⵏⵙⵍⵉⵎⴰⵏ, ⴷⴼⴼⵉⵙ ⵎⴰ ⴰⴷ ⴰⵙⵏ ⵉⵜⵜⵡⴰⵍⴰⵙ ⵓⵔⵖⵔⵜ ⴷ ⵓⵕⵥⵥⵓⵎ ⵏⵏⵙⵏ ⵉ ⵉⵏⵎⵓⵔⵉⵢⵏ;
• ⵉⵎⴷⴰ ⵡⴰⵍⴰⵙ ⵏ ⵓⵣⵖⵔⵜ ⵏ 100 ⵏ ⵡⴰⵎⵎⴰⵙ ⴰⴷⵓⵙⴰⵏ ⴰⵎⴰⴷⵓⵙ ⴳⵜⵎⵏⴰⴹⵉⵏ ⵎⵢⴰⵏⴰⵡⵏⵉⵏ ⵏ ⵜⴳⵍⵉⴷⵉⵜ, ⴷ ⵉⴷⵉⵔ ⵏ ⵓⵙⵎⴰⴷ ⵏ ⵡⴰⵍⴰⵙ ⵏ ⵓⵙⵖⵔⵜ ⵏ 1400 ⵏ ⵡⴰⵎⵎⴰⵙ ⵏⴰⴷⵓⵙⴰⵏ ⴰⵎⴰⴷⵓⵙ;
• ⴰⵙⵙⵓⴷⵓ ⴳ ⵓⵣⵓⴳⴳⵣ ⵏ ⵓⵖⴰⵡⴰⵙ ⵓⵏⴱⵉⴹ, ⴳ ⵓⵙⵖⵓⴷⵓ ⵏ ⵓⴼⵙⴰⵔ ⴰⴷⵓⵙⴰⵏ ⴷ ⵡⴰⴽⴰⵎ ⵏ ⵉⵎⵙⵡⵓⵔⵉⵢⵏ ⴳ ⵢⵉⴳⵔ, ⴰⵍⴰⵢ ⵙ ⵜⵡⵓⵔⵉⵡⵉⵏ ⵜⵉⴷⵓⵙⴰⵏⵉⵏ ⵜⵉⴳⴷⵓⴷⴰⵏⵉⵏ.

ⵉⵔⵣⴼ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴰⵙⵙ ⵏ ⵓⵢⵏⴰⵙ 30 ⵉⵏⵏⴰⵢⵔ 2023, ⵖⵔ ⴽⵕⴰⴹ ⵉⵔⵣⴰⴼⵏ ⵉⵏⴱⴰⵔⴰⵣⵏ ⵉ ⴽⵕⴰⴹ ⵡⴰⵎⵎⴰⵙⵏ ⵉⴷⵓⵙⴰⵏⵏ. ⵉⴳⴰ ⵍⵃⴰⵍ ⴰⵎⵎⴰⵙ ⴰⴷⵓⵙⴰⵏ ⴰⴼⴰⵔⴰⵏ ⴳ ⴱⵏⵙⵍⵉⵎⴰⵏ ⴷ ⵙⵉⵏ ⵡⴰⵎⵎⴰⵙⵏ ⵉⵖⵔⵎⴰⵏⵏ ⴳ ⵍⵎⵓⵄⵎⵎⴰⴷⵉⵢⴰ ⴷ ⵕⵕⴱⴰⵟ, ⴷⴼⴼⵉⵔ ⵎⴰ ⴰⴷ ⴰⵙⵏ ⵉⵜⵜⵡⴰⵍⴰⵙ ⵓⵙⵖⵔⵜ ⴷ ⵓⵇⵡⵡⵎ ⵏⵏⵙⵙ ⴳ ⵓⴰⵙⴳⴳⵯⴰⵙ ⵏ 2022, ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵓⵏⴱⵉⴹ ⵉⵜⵜⵡⴰⵜⴰⵙⵏ ⴰⵙⵖⵓⴷⵓ ⴷ ⵓⵙⴱⴰⵔⴰⵡ ⵏ ⵓⴼⵙⴰⵔ ⴰⴷⵓⵙⴰⵏ, ⵙ ⵓⵣⵣⴳⴰⵔ ⵏ ⵉⵖⵍⴰⴼⵏ ⵉⵎⴰⵜⵜⴰⵢⵏ ⵏ ⵉⴳⵍⴷⴰⵏⵏ.
ⵉⵎⴰⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴳ ⵓⵔⵣⴰⴼ ⵏⵏⵙⵏ ⵉ ⵡⴰⵎⵎⴰⵙ ⴰⵖⵔⵎⴰⵏ ⴳ ⵕⵕⴱⴰⵟ, ⵎⴰⵙⵙ ⵎⵓⵃⵎⵎⴰⴷ ⵍⵓⵄⵇⵓⴱⵉⵏ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵍⵇⵏⵉⵟⵕⴰ ⴷ ⵓⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵕⵕⴱⴰⵟ, ⵙ ⵜⵉⵍⵉⵜ ⵏ  ⵎⴰⵙⵙⴰ ⴰⵙⵎⵎⴰⴻ ⵖⵍⴰⵍⵓ ⵍⵄⵓⵎⴷⴰ ⵏ ⵜⵖⵔⵎⵜ ⵏ ⵕⵕⴱⴰⵟ, ⵉⵎⴽⵉⵏⵏⴰ ⵉⴷⵙⵏ ⵉⵎⴰⵏ ⵎⴰⵙⵙ ⵀⵉⵛⴰⵏ ⵍⵎⴷⵖⵔⵉ ⵍⵄⴰⵍⴰⵡ, ⴰⵏⴱⴱⴰⴷ ⵏ ⵜⵎⵏⴱⴰⴹⵜ , ⵍⵎⵓⵃⵎⵎⴰⴷⵉⵢⴰ ⴳ ⵓⵔⵣⴰⴼ ⵏ ⵡⴰⵎⵎⴰⵙ ⴰⴷⵓⵙⴰⵏ ⴰⵖⵔⵎⴰⵏ ⵍⵎⵓⵃⵎⵎⴰⴷⵉⵢⴰⵏ ⴷ ⵎⴰⵙⵙ ⵙⴰⵎⵉⵔ ⵍⵢⴰⵣⵉⴷⵉ, ⴰⵏⴱⴱⴰⴹ ⵏ ⵜⵙⴳⴰ ⵏ ⴱⵏⵙⵍⵉⵎⴰⵏ ⴳ ⵓⵔⵣⴰⴼ ⵏⵏⵙⵏ ⵉ ⵡⴰⵎⵎⴰⵙ ⴰⴷⵓⵙⴰⵏ ⴰⴼⴰⵔⴰⵏ ⴳ ⴱⵏⵉⵙⵍⵉⵎⴰⵏ.
ⵉⴽⵛⵎ ⵡⴰⵍⴰⵙ ⵏ ⵓⵣⵖⵔⵜ ⵏ ⵡⴰⵎⵎⴰⵙⵏ ⴰⴷ ⵉⴷⵓⵙⴰⵏⵏ, ⴷ ⵓⵙⴼⵓⵍⴽⵉ ⵏ ⵜⵡⵓⵔⵉⵡⵉⵏ ⵍⵍⵉ ⵢⴰⴽⴽⴰⵏ ⵉ ⵉⵏⵎⵓⵜⵉⵢⵏ, ⴷ ⵓⵙⴰⵜⵉ ⵏ ⵓⵙⵓⴼⵓ ⵏ ⵏ ⵜⵏⴱⴰⴹⵜ ⵉ ⵉⵙⵖⵡⴰⵏ ⵏⵏⵙ, ⵉⵎⵉⵍ ⵜⵎⵓⵔⵙ ⴳ ⵓⵙⵖⵔⵜ ⵏ 100 ⵏ ⵡⴰⵎⵎⴰⵙ ⴰⴷⵓⵙⴰⵏ ⵏ ⵓⴷⵡⴰⵙ ⴳ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵍⵡⵉⵍⴰⵢⴰ ⵏⵏⵙ, ⴳ ⵉⴷⵉⵔ ⵏ ⴰⴷ ⵜⴰⵡⴹ 1400 ⵏ ⵡⴰⵎⵎⴰⵙ ⴰⴷⵓⵙⴰⵏ.
ⴰⵔ ⵓⵜⵜⵡⴰⵍⴰⵙ ⵓⵣⵖⵔⵜ ⵏ ⵓⵇⵡⵡⵎ ⵏ ⵡⴰⵎⵎⴰⵙⵏ ⴰⴷ ⵉⴷⵓⵙⴰⵏⵏ, ⵙ ⵉⵎⴰⵙⵙⵏ ⴷ ⵉⵎⴰⵜⵜⵉⵡⵏ ⵉⵜⵔⴰⵔⵏ, ⴷ ⵉⵙⵓⴳⴰⵎ ⵉⵏⴼⴳⴰⵏⵏ ⵉⵍⴰⵇⵏ, ⵃⵎⴰ ⴰⴷ ⵔⴰⵔⵉⵏ ⵖⴼ ⵡⴰⵙⵙⵏ ⵏ ⵉⵏⵎⵓⵔⵉⵢⵏ ⴳ ⵢⵉⴳⵔ ⵏ ⵜⵡⵓⵔⵉⵡⵉⵏ ⵜⵉⴷⵓⵙⴰⵏⵉⵏ ⵜⵉⴷⵙⵍⴰⵏⵉⵏ, ⴷ ⵡⴰⵍⴰⵢ ⵙⵉⵏⵙⵏⵜ ⴷ ⵓⵙⵏⵎⵉⵍⵉ ⵙⵙⵏⵙ ⵉ ⵉⵎⵣⴷⴰⵖ. ⵓⵍⴰ ⵙ ⵓⴹⵎⴰⵏ ⵏ ⵜⵣⵔⴷⵜ ⵜⴰⵏⴰⵎⵓⵏⵜ ⵜⴰⴳⵔⴰⵏⵜ ⴳ ⵡⴰⴷⴰⴼ ⵏ ⵉⵎⵙⵙⵔⵙⵏ ⵖⵔ ⴰⵙⵓⵊⵊⵉ.
ⴰⵔ ⵉⵜⵜⴳⵏⵙⴰⵙ ⵓⵔⵣⴰⴼ ⴰⴷ ⵜⵉⵏⴷⵉ ⵍⵍⵉ ⵜⴰⴽⴽⴰ ⵜⵏⴱⴰⴹⵜ ⵉ ⵓⵙⵀⵡⵏ ⵏ ⵡⴰⴷⴰⴼ ⵏ ⵉⵏⵎⵓⵔⵉⵢⵏ ⵖⵔ ⵜⵡⵓⵔⵉⵡⵉⵏ ⵜⵉⴷⵓⵙⴰⵏⵉⵏ ⵉⵍⴰⵏ ⵜⵉⵕⵡⵉ, ⴳ ⵓⵙⴰⵜⵉ ⵏ ⵓⵙⴰⵡⵔ ⵏ ⵓⵙⵖⵓⴷⵓ ⵏ ⵓⵏⴰⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⴳ ⵓⵎⵙⴰⵙⴰ ⴰⴽⴷ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ, ⵉⵜⵜⵡⴰⵜⴰⵙⵏ ⴰⵙⴳⵓⴷⵓ ⵙⴳ ⵓⵥⵖⵕ ⵏ ⵓⵏⴰⴳⵔⴰⵡ ⴰⴷⵓⵙⴰⵏ, ⵓⵍⴰ ⴰⵙⵎⴰⵜⴰ ⵏ ⵜⴷⵓⵍⵉ ⵜⴰⴷⵓⵙⴰⵏⵜ ⵜⴰⵏⴰⵎⵓⵜⵏ, ⵙ ⵓⵙⵖⵓⴷⵓ ⵜ ⵜⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ.
ⴳ ⵓⵎⵙⴰⴷⴰⵖ ⴰⴽⴷ ⵜⵣⵎⵎⴰⵔ ⵏⵏⵙ ⴳ ⵓⵙⵡⵉⵔ ⵏ ⵓⵙⴷⵓⵙ ⵏ ⵓⴼⵙⴰⴷ ⴰⴷⵓⵙⴰⵏ, ⵙ ⵓⵙⵡⵓⵔⵉ ⵙ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵉⵎⴰⵜⵜⴰⵢⵏ, ⵜⵙⵔⵙ ⵜⵏⴱⴰⴹⵜ ⴰⵡⴷ ⵖⴼ ⵓⵎⴽⴽⵏ ⵏ ⵡⴰⵎⵎⴰⵙⵏ ⴰⴷ ⵉⴷⵓⵙⴰⵏⵏ ⵙ ⵉⵙⵓⴳⴰⵎ ⵉⵏⴼⴳⴰⵏⵏ. ⴳ ⵢⴰⵜ ⵜⵙⴳⴰ, ⵜⴷⴰⵃⵔ ⵜⵏⴱⴰⴹⵜ ⴰⵙⵏⵎⴰⵍⴰ ⵏ ⵓⴱⵔⵉⴷ ⵏ ⵓⵙⵎⴽⵍ, ⴷ ⵡⴰⴽⴰⵎ ⵉⵎⵣⵣⵓⵍⴰⵏⵏ ⵏ ⵢⵉⴳⵔ ⴰⴷⵓⵙⴰⵏ ⴰⴷ ⵙⵡⵓⵔⵉⵏ ⴳ ⵢⵉⴳⵔ ⴰⵎⴰⵜⴰⵢ, ⵃⵎⴰ ⴰⴷ ⵙⴱⴷⴷⵏ ⵜⵉⵏⵣⵔⴰⴼ ⵜⵉⵎⵊⵊⴰⵊⴰⵢⵉⵏ ⴷ ⵓⵙⵖⵓⴷⵓ ⵏ ⵓⵛⴽⵓⴽⵍ ⴰⴷⵓⵙⴰⵏ ⴳ ⵜⵙⴳⴳⵯⵉⵏ ⵎⵣⴰⵔⴰⵢⵏⵉⵏ ⵏ ⵜⴳⵍⴷⵉⵜ, ⴷ ⵉⵙⵙⵉⴼⵙⵓⵙ ⵏ ⵡⴰⴳⴳⵯⴰ ⵖⴼ ⵉⵙⴳⵏⴰⴼⵏ ⵉⴷⵡⵙⴰⵏⵏ. ⴳ ⵜⵙⴳⴰ ⵢⴰⴹⵏ, ⴰⵔ ⵜⵙⵡⵓⵔⵉ ⵖⴳ ⵡⴰⵍⴰⵢ ⵏ ⵓⵎⴹⴰⵏ ⵏ ⵉⵎⵙⴳⵏⴰⴼⵏ ⴷ ⵉⵏⵙⵎⴰⴳⴰⵍⵏ ⵉⵏⴰⴼⵓⵖⵏ ⵏ ⵓⵙⴳⴳⵯⴰⵙ 2023 ⵏ ⵓⵙⵖⵍ ⵏ 20%, ⴳ ⵉⴷⵉⵔ ⵏ ⵓⵙⵉⵍⵖ ⵏ 100% ⴳ ⵓⵙⴳⴳⵯⴰⵙ ⵏ 2026; ⵙ ⵡⵓⴳⴳⴰⵔ ⵏ 90.000 ⵏ ⵓⵎⵙⵡⵓⵔⵉ ⴳ ⵢⵉⴳⵔ ⴰⴷⵓⵙⴰⵏ.
ⵉⴼⵓⴽⴽ ⴰⴷ ⵏⴱⴷⵔ ⵉⵙ ⵜⵍⴰ ⵜⵏⴱⴰⴹⵜ ⴰⵙⵓⵍⴼ ⵉⵎⴷⴰⵏ ⵖⴼ ⵓⵙⵖⵓⴷⵓ ⵏ ⵓⵏⴰⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⵉⵙⴽⵓⵜⵜⴰⵏ ⵖⴼ ⴽⴽⵓⵥⵜ ⵏ ⵜⵔⵙⴰⵍ ⵜⵉⴷⵙⵍⴰⵏⵉⵏ, ⵉⴳⴰⵏ ⴰⵙⴽⵓⵜⵜ ⵖⴼ ⵓⵏⴱⴰⴹ ⵉⵖⵓⴷⴰⵏ ⵉⵡⴰⵜⵙⵏ ⴰⵙⴷⵓⵙ ⵏ ⵉⵎⴰⵙⵙⵏ ⵏ ⵓⵙⵍⴳⵏ ⴷ ⵓⵙⵡⵜⵜⵓ ⵏ ⵜⵡⵓⵔⵉ ⵏ ⵉⵎⴳⴳⴰⵢⵏ ⴷ ⵓⵙⴼⵓⵍⴽⵉ ⵏ ⵉⵙⴰⵢⵔⴰⵔⵏ ⵏ ⵓⵙⵏⵓⴱⴱⴳ. ⴷ ⵏⵏⵉⴳ ⵓⵢⴰ ⴰⵙⵎⵓⵟⵟⵓⵏ ⵏ ⵓⵏⴰⴳⵔⴰⵡ ⴰⴷⵓⵙⴰⵏ, ⵃⵎⴰ ⴰⴷ ⵢⵉⵍⵉ ⵓⵙⵡⵜⵜⵓ ⴷ ⵓⴹⴼⴰⵕ ⵏ ⵓⴱⵔⵉⴷ ⵏ ⵓⵙⵎⴽⵍ ⵏ ⵉⵏⴰⵎⵓⵔⵏ ⴳ ⵜⴼⵔⴽⵉⵡⵉⵏ ⵎⴻⴰⵔⴰⵢⵏⵉⵏ ⵏ ⵓⵙⵎⴽⵍ.