ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵉⴳⴰⵏ ⴰⵎⴰⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵉⵎⵣⵡⴰⴳⵏ ⴳ ⵜⴳⴷⵓⴷⴰⵏⵜ ⵏ ⴽⵉⵏⵢⴰ
ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵙⵙ ⵏ ⵓⵙⵉⵏⴰⵙ 27 ⵎⴰⵢⵓ 2025 ⴳ ⵕⵕⴱⴰⵟ, ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵉⴳⴰⵏ ⴰⵎⴰⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵉⵎⵣⵡⴰⴳⵏ ⴳ ⵜⴳⴷⵓⴷⴰⵏⵜ ⵏ ⴽⵉⵏⵢⴰ, ⵎⴰⵙⵙ ⵎⵓⵙⴰⵍⵢⴰ ⵎⵓⴷⴰⴼⵉⴷⵉ, ⵍⵍⵉⵖ ⵙⴰⵡⵍⵏ ⵅⴼ ⵉⵣⵎⴰⵣ ⵏ ⵓⵙⵖⵓⴷⵓ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵏⴳⵔ ⵍⵎⵖⵔⵉⴱ ⴷ ⴽⵉⵏⵢⴰ ⵙ ⵜⵉⵏⵏⵓⴱⴹⴰ ⵏ ⵉⵏⵎⵖⵓⵔⵏ ⵏ ⵜⵎⵉⵣⴰⵔ ⵙ ⵙⵏⴰⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴽⵉⵏⵢⴰ ⵎⴰⵙⵙ ⵡⵉⵍⵢⴰⵎ ⵕⵓⵜⵓ.
ⵉⵙⵙⵔⵖⵓⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵙ ⵓⵙⵡⵉⵔ ⵏ ⵜⵣⴷⴰⵢⵉⵏ ⵏⴳⵔ ⵜⵎⵉⵣⴰ ⵙ ⵙⵏⴰⵜ ⵣⵖ ⵍⵍⵉⵖ ⵉⵍⵍⴰ ⵎⴰⵙⵙ ⵡⵉⵍⵢⴰⵎ ⵕⵓⵜⵓ ⴳ ⵜⵏⵙⵙⵉⵅⴼⵜ ⵏ ⵜⴳⴷⵓⴷⴰⵏⵜ ⵏ ⵍⵉⵏⵢⴰ ⴳ ⵛⵓⵜⴰⵏⴱⵉⵔ 2022, ⵉⵙⴷⴷⵉⴷ ⵙ ⵜⴷⵉⵏⴰⵎⵉⵜ ⵉⵍⴰⵏ ⴳ ⵜⵣⴰⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵍⵍⵉ ⵉⴳⴰⵏ ⵢⴰⵏ ⵓⵎⴷⵢⴰ ⵏ ⵓⵙⵎⵓⵜⵜⴳ ⵢⴰⵜⵜⵓⵢⵏ ⴳ ⵜⵓⴳⴳⵜ ⵏ ⵉⴳⵔⴰⵏ.
ⴳ ⵎⵏⵉⴷ ⵏⵏⵙ, ⵢⵉⵡⵉ ⴷ ⵎⴰⵙⵙ ⵎⵓⵙⴰⵍⵢⴰ ⵎⵓⴹⴰⴼⵉ ⵎⴰ ⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⴷ ⵜⵙⴷⵓⵙ ⵉⴷⵔⴰⵡⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴷⴰⵡ ⵜⵉⵏⵏⵓⴱⴹⴰ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵍⵉⴷ, ⵉⵏⵏⴰ ⴰⵡⴷ ⵎⴰ ⵙ ⴰⵏⵏⵓⵕⵥⵎ ⵏ ⵜⵎⵙⵇⴰⴷⵜ ⵏ ⴽⵉⵏⵢⴰ ⴳ ⵕⵕⴱⴰⵟ ⵉⴳⴰ ⵢⴰⵏ ⵓⵎⴷⵢⴰ ⵏ ⵜⵉⵔⵉⵜ ⵉⴷⵓⵙⵏ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⵃⵎⴰ ⴰⴷ ⵙⵏⵜⵉⵏⵜ ⵢⴰⵏ ⵓⵣⵎⵣ ⴰⵎⴰⵢⵏⵓ ⴳ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵙⵍⴰⵀⴰⵡ ⴰⴽⴽⵯ ⵍⵍⵉⵖ ⴰⵔ ⵙⴼⵓⴳⵍⴰⵏⵜ ⴳ ⵓⵙⴳⴳⵯⴰⵙ ⴰⴷ ⵙ ⵓⵙⴽⵜⵉ ⵡⵉⵙ ⵚⴹⵉⵎⵔⴰⵡ ⵏ ⵜⵣⴷⴰⵢⵉⵏ ⵜⵉⴷⵓⴱⵍⵓⵎⴰⵙⵉⵏ.
ⵉⵣⴰⵢ ⴷ ⵉⵏⵏⴰ ⵓⵎⵙⵜⴳⴳⴰⵔ ⵏ ⴽⵉⵏⵢⴰ ⵎⴰ ⵉⵔⴰ ⴰⴷ ⵉⵔⵣⴼ ⵜⵎⴷⵉⵏⵉⵏ ⵜⵎⵖⵔⵉⴱⵉⵏ ⵃⵎⴰ ⴰⴷ ⵉⵥⵕ ⵎⴰⵏⵉ ⵉⵍⴽⵎ ⵓⵙⵡⵉⵔ ⵏ ⵜⴳⵎⵉ, ⵉⵙⵎⵍⴰ ⵎⴰ ⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⴷ ⵜⵙⵖⵓⴷⵓ ⴳ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵍⵎⵖⵔⵉⴱ ⴳ ⵜⵓⴳⵜ ⵏ ⵉⴳⵔⴰⵏ.
