ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵓⵙⵍⴳⵎ ⵏ ⵓⵕⵟⵟⴰⵍ ⴰⵏⴼⵍⴰⵃ ⵏ ⵍⵎⵖⵔⵉⴱ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⴰⴽⵕⴰⵙ 25 ⵢⵓⵏⵢⵓ 2025 ⵢⴰⵏ ⵓⴳⵔⴰⵡ ⵏ ⵓⵙⵇⵇⵉⵎ ⵏ ⵓⵙⵍⴳⵎ ⵏ ⵓⵕⵟⵟⴰⵍ ⴰⵏⴼⵍⴰⵃ ⵏ ⵍⵎⵖⵔⵉⴱ, ⵉⵥⵍⵉ ⵓⴳⵔⴰⵡ ⴰⴷ ⵙ ⵓⴼⵙⵔ ⵏ ⵉⵎⵓⵙⵙⵓⵜⵏ ⴷ ⵜⵢⴰⴼⵓⵜ ⵏ ⵍⴱⴰⵏⴽ ⴷ ⵉⵖⴰⵡⴰⵙⵏ ⵏ ⵜⵡⵓⵔⵉ ⵏⵏⵙ ⴳ ⵉⵙⴳⴳⵯⴰⵙⵏ ⴷ ⵉⴷⴷⴰⵏ.
ⴳ ⵜⵣⵡⵓⵔⵉ ⵏ ⵓⴳⵔⴰⵡ ⴰⴷ, ⵉⵙⵙⵉⵎⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵜⵔⴰⴱⴱⵓⵜ ⵏ ⵓⵕⵟⵟⴰⵍ ⴰⵏⴼⵍⴰⵃ ⵏ ⵍⵎⵖⵔⵉⴱ ⵙ ⵜⵡⵓⵔⵉ ⵏⵏⵙ ⵍⵍⵉⵖ ⵜⴳⴰ ⵢⴰⵜ ⵜⵎⵔⵙⵍⵜ ⵍⵍⵉ ⵉⵜⵜⴰⵡⵙⵏ ⴳ ⵜⵡⵉⵙⵉ ⴷ ⵓⴹⴼⵉⵕ ⵏ ⵓⵎⴰⴹⴰⵍ ⴰⴼⴰⵔⴰⵏ ⴷ ⵜⵡⵉⵙⵉ ⴳ ⵜⴳⵎⵉ ⵜⴰⴷⴰⵎⵙⴰⵏⵜ, ⵉⵙⴽⵜⵉ ⴷ ⵙ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵉⵥⵍⵉⵏ ⵙ ⵓⵣⵓⴳⴳⵣ ⵏ ⵓⵖⴰⵡⴰⵙ ⵏ ⵜⵡⵉⵙⵉ ⵏ ⵉⴽⵙⵙⴰⴱⵏ ⴷ ⵡⴰⵍⵍⴰⵙ ⵙ ⵓⴳⵯⵣⴷⵉ ⴰⵏⴰⵎⵓⵔ, ⵙⵍⴰⵀⵡⴰⵏ ⴰⴽⴽⵯ ⴰⵍⵍⴰⵙ ⵏ ⵉⵕⵟⵟⴰⵍⵏ ⵏ ⵉⴽⵙⵙⴰⴱⵏ ⵍⵍⵉ ⵢⴰⵏ ⴳ ⵉⵏⴱⴷⴰⴷⵏ ⵏ ⵓⵖⴰⵡⴰⵙ ⵍⵍⵉ ⵜⵙⵏⵜⵉ ⵜⵏⴱⴰⴹⵜ ⴳ ⵓⵣⵣⵓⴳⵯⵣ ⵏⵏⵙ.
ⵉⵍⵍⴰ ⵓⵙⵎⵖⵔ ⵙ ⵜⴰⵢⴰⴼⵓⵜ ⵏ ⵓⵕⵟⵟⴰⵍ ⴰⵏⴼⵍⴰⵃ ⵏ ⵍⵎⵖⵔⵉⴱ ⵍⵍⵉ ⵉⵡⴹⵏ ⵎⴰ ⵉⵜⵜⴳⴰⵏ 4.5 ⵎⵍⵢⴰⵕ ⵏ ⵓⴷⵔⵀⴰⵎ ⴰⵔ ⵜⵉⴳⵉⵔⴰ ⵏ 31 ⴷⵓⵊⴰⵏⴱⵉⵔ 2024 ⴷ ⵡⵓⴹⵓⴼ ⵉⵥⵉⵍⵏ ⵉ ⵜⴰⴳⴳⵯⴰⵜ ⵏ ⵓⵙⵢⴰⴼⵓ. ⵖⵉⴽⵍⵍⵉ ⵜⵣⴰⵢⴷ ⵜⵢⴰⴼⵓⵜ ⵜⵓⵣⴷⵉⴳⵜ ⵏ ⵍⴱⴰⵏⴽ ⵙ 32%. ⵜⴰⵢⴰⴼⵓⵜ ⴰⴷ ⵜⴰⵥⵕⴰⵏⵜ ⴳ ⵜⴳⵉⵔⴰ ⵏ ⵓⴳⵣⵣⵓⵎ ⴰⵎⴰⵣⵡⴰⵔⵓ ⵏ ⵓⵙⴳⴳⵯⴰⵙ ⵏ 2025 ⵍⵍⵉ ⵜⵙⴽⵔ ⵜⵎⵔⵙⵍⵜ ⵢⴰⵜ ⵜⵢⴰⴼⵓⵔ ⵉⵎⵙⴰⵙⴰⵏ ⴷ ⵉⵡⵜⵜⴰⵙⵏ ⵏⵏⵙ.
ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵓⵙⵍⴳⵎ ⵉⵙⵖⵥⵏ ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵍⴱⴰⵏⴽ ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⵙⴷⵓⵙ ⵏ ⵜⵎⵔⵙⵍⵜ ⴷ ⵓⵙⵖⵓⴷⵓ ⴷ ⵓⵙⴷⴷⵔ ⵏ ⵜⵥⵕⴼⵜ ⵏⵏⵙ ⵉⵎⵙⴰⵙⴰⵏ ⴷ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵍⵍⵉ ⵜⵙⵎⵏⵉⴷ. ⵔⴰⴷ ⵢⵉⵍⵉ ⵓⵣⵓⴳⴳⵯⵣ ⵏ ⵓⵖⴰⵡⵇⵙ ⵏ ⵍⴱⴰⵏⴽ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵏⴳⵔ ⴰⵡⴰⵏⴽ ⴷ ⵓⵕⵟⵟⴰⵍ ⴰⵏⴼⵍⴰⵃ ⵏ ⵍⵎⵖⵔⵉⴱ ⴷ ⵜⵙⵏⵓⵔⴰⵢⵜ ⵜⴰⵏⵎⵓⵔⵜ ⵏ ⵓⵙⵡⵓⴷⴷⵓ ⴰⵙⵜⵕⴰⵜⵉⵊⵉ ⵏ ⵜⵡⵉⵙⵉⵡⵉⵏ ⵏ ⵡⴰⵏⴽ ⴷ ⵓⴹⴼⵉⵕ ⵏ ⵜⵔⵡⵉ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ.
ⵉⵡⵉ ⴷ ⵓⵙⵇⵇⵉⵎ ⵏ ⵓⵙⵍⴳⵎ ⵎⴰ ⵙ ⵔⴰⴷ ⵜⵉⵍⵉ ⵜⵉⴽⴽⵉ ⵏ ⵓⵙⴼⵔⵔⵓ ⵏ ⵓⵖⴰⵡⴰⵙ ⵏ ⵉⴽⵙⵙⴰⴱⵏ ⴷ ⵡⴰⵍⵍⴰⵙ ⵓⴳⵯⵣⴷⵉ ⴰⵏⴰⵎⵓⵔ ⵣⵖ ⵜⵎⵙⴰⵙⵍⵜ ⵏ ⵡⴰⵏⴽ, ⵙ ⵢⴰⵜ ⵜⵎⵙⴰⵙⵍⵜ ⵉⵣⵔⵉⵏ 700 ⵎⵍⵢⵓⵏ ⵏ ⵓⴷⵔⵀⴰⵎ, ⵉⵏⵏⴰ ⴰⵡⴷ ⵓⵙⵇⵇⵉⵎ ⵎⴰ ⵙ ⵔⴰⴷ ⵉⵙⵢⴰⴼⴰ ⴳ ⵜⵡⵓⵔⵉ ⴰⴷ 50.000 ⵏ ⵓⴽⵙⵙⴰⴱ ⵖⵓⵔ ⵓⵕⵟⵟⴰⵍ ⴰⵏⴼⵍⴰⵃ ⴰⵎⵖⵔⵉⴱⵉ, ⵍⵍⵉ ⵖ ⵔⴰⴷ ⵉⵍⵉⵏⵜ ⵜⵙⵏⴹⴰⵡ ⴳ ⵓⴼⵔⵔⵓ ⵏ ⵉⵎⵔⵡⴰⵙⵏ.
