ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵉⵅⴼ ⵢⴰⵏ ⵓⴳⵔⴰⵡ ⵏ ⵓⴹⴼⴼⵓⵕ ⵏ ⵓⵙⵓⴳⴳⵣ ⵏ ⵓⵙⴰⵔⵡ ⵏ ⵓⵙⴰⵙⵜⵡⴰ ⵏ ⵓⵏⴰⴳⵔⴰⵡ ⵏ ⵜⴷⵓⵙⵉ

ⵉⵙⵏⵎⴰⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙⴰ ⵏ ⵓⵙⵉⵏⴰⵏ 11 ⵉⴱⵔⵉⵔ 2023 ⴳ ⵕⵕⴱⴰⴹ, ⴰⴳⵔⴰⵡ ⵉⵜⵜⵓⵥⵍⴰⵢ ⵉ ⵓⴹⴼⴼⵓⵕ ⵏ ⵓⵙⵓⴳⴳⵣ ⵏ ⵓⵙⴰⵔⴰⵡ ⵏ ⵓⵏⴳⵔⴰⵡ ⵏ ⵜⴷⵓⵙⵉ , ⵙ ⵜⵉⵍⵉⵜ ⵏ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴷ ⵎⴰⵙⵙ ⵄⴱⴷⵍⵍⴰⵟⵉⴼ ⵍⵎⵉⵔⴰⵡⵉ ⴰⵎⴰⵡⵙⴰⵙ ⵏ ⵓⵙⵍⵎⴷ  ⵢⴰⵜⵜⵓⵢⵏ ⴷ ⵓⵔⴻⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ ⴰⵎⴰⵡⵙⴰⵙ ⴰⵎⴰⵍⴰⵍ ⵖⵓⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ.
ⴷ ⵓⵙⵓⵎⵎⵏ ⵉ ⵡⴰⵇⵇⴰⵙ ⴰⴳⵍⴷⴰⵏ ⵢⴰⵜⵜⵓⵢⵏ ⵉⵍⴰⵖⴰⵏ ⵙ ⵜⵉⴳⴳⵉ ⵏ ⵓⵙⴰⵙⵜⵡⴰ ⴰⵥⵖⵕⴰⵏ ⵉ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⵉⵙⵉⵜⵜⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ, ⵙ ⵢⵉⵍⵉⵢ ⵓⵎⵏⵉⴳ ⴳ ⵎⴰⵕⵕⴰ ⵉⵖⴰⵡⴰⵙⵏ ⵉⵣⴷⵉⵏ ⵙ ⵓⵙⴰⵙⵜⵡⴰ ⵏ ⵓⵏⴳⴰⵔⴰⵡ ⴰⴷⵓⵙⴰⵏ, ⵉⵍⴰⵖⴰ ⵉ ⵉⴳⵔⴰⵏ ⵉⵎⵏⵜⴰⵢⵏ ⵙ ⵜⴰⵣⵣⴰⵣⵜ ⵏ ⵓⵙⵉⴳⴳⵣ ⵏ ⵇⵇⴰⵄ ⴰⴽⵓⵎⵏ ⵏ ⵓⵙⴰⵙⵜⵡⴰ, ⵏⵏⴰ ⵉⵙⴷⵉⴽⵉⵏⵏ ⵅⴼ ⴽⴽⵓⵥ ⵏ ⵜⵎⴰⵜⵜⴰⴳⵉⵏ ⵜⵉⵙⵉⵍⴰⵏⵉⵏ ⵉⵙⴳⵏⵙⴻⵙⵏ ⴳ ⵓⵙⴱⵓⵔⵣ ⵏ ⵓⵏⴱⴰⴹ ⴰⵙⴳⵏⴼⴰⵏ, ⴷ ⵡⴰⴷⵣ ⵏ ⵉⵙⵓⴳⴰⵏ ⵉⵏⴼⴳⴰⵏⵏ, ⴷ ⵓⵙⵖⵔⵜ ⵏ ⵓⵙⴽⴰⵏ ⴰⴷⵓⵙⴰⵏ, ⴷ ⵓⵙⵙⴹⴼⵕ ⵏ ⵜⵙⵎⵓⵟⵟⵓⵏⵜ ⵏ ⵓⵏⴰⴳⴰⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.
 

ⵉⵙⵙⵓⵍⵖ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵙ ⵉⵙⵙⴹⵕⵓⵜⵏ ⴳ  ⵡⴰⴷⵣ ⵏ ⵉⵙⵓⴳⴰⵏ ⵉⵏⴰⴼⴳⴰⵏ ⴷ ⵓⴽⴰⵎ ⵏⵏⵙⵏ, ⴷ ⵓⵙⴰⵙⵜⵡⴰ ⵏ ⵓⵏⴳⵔⴰⵡ ⵏ ⵓⵙⵎⵓⵜⵜⴳ ⵏ ⵉⵙⴰⵜⵉⵜⵏ ⵉⴷⵓⵙⴰⵏⵏ, ⴷ ⵓⵙⴱⴰⵔⴰⵡ ⵏ ⵓⵖⴰⵏⴰⵙ ⵏ ⵓⵙⴰⵏⵓⵏ ⴰⵎⵥⵍⴰⵢ ⵏⵏⵙⵏ, ⴰⵙⵙⴹⴼⵕ ⵉ ⵡⴰⴷⴰⵙ ⵏ ⵓⴼⵓⴽⴽⵓ ⵏ ⵓⴳⴹⴰⵎ ⴰⵎⵣⵡⴰⵔⵓ ⵓⴳⵉⵍ ⵙ ⵓⵙⵖⵔⵜ ⵏ 450 ⵏ ⵡⴰⵎⵎⴰⵙ, ⴳ ⵓⵎⵏⵉⴷ ⴰⴷ ⴰⵡⴹⵏ 1400 ⵏ ⵡⴰⵎⵎⴰⵙ ⴰⴷⵓⵙⴰⵏ.
ⵉⵄⵥⵥⵕ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵎⴰⵙ ⴷ ⵉⵙⵖⵏⵓⵜ ⵏ ⵓⵙⵔⵓⵙ ⵏ ⵜⵖⵉⵡⴰⵏⵉⵏ ⵏ ⵜⵙⵏⵉⵊⵊⵉⵜ ⴷ ⵜⵙⴰⵙⴼⵔⴰⵏⵜ ⴷ ⵜⵙⵏⵉⵊⵊⵉⵜ ⵏ ⵜⵖⵎⴰⵙ, ⵉⵜⵜⵓⵙⵖⵉⵡⵙⵏ ⴳ ⵕⵕⴰⵛⵉⴷⵢⴰ ⴷ ⴱⵏⵉ ⵎⵍⵍⴰⵍ ⴷ ⴳⵍⵎⵉⵎ, ⵜⵙⵙⴰⴷⴰ ⴳ ⵓⴱⵔⵉⴷ ⴰⵎⴷⴷⴰⴷ, ⵙ ⵓⵡⵇⵕ ⵏ ⵜⴽⵜⵓⵜ ⵜⴰⴽⵓⴷⴰⵏⵜ ⵉⵜⵜⵓⵙⵡⵓⵜⵜⴰⵏ, ⵉⵙⵙⵉⵙⴼⵉⵡ ⵎⴰⵙ ⴷ ⵉⵙⵖⵏⵓⵜⵏ ⴰⴷ ⵥⴹⴰⵕⵏ ⴰⴷ ⴳⵏ ⴰⵙⴰⵢⵔⴰⵔ ⴷ ⵉⵍⴷⴷⵉⵏ ⵉⵙⴰⵜⵉⵜⵏ ⵉⴷⵓⵙⴰⵏⵏ ⵙⴳ ⵜⴰⵔⵡⴰ ⵏ ⵡⴰⵏⵙⵉⵡⵏ ⴰⴷ, ⴰⵢⴰⴷ ⴰⴷ ⵉⴱⵔⵣ ⴳ ⵜⴷⵓⴽⵉ ⵏ ⵓⵙⴰⵔ ⵏ ⵉⵎⵙⴳⵏⴰⴼⵏ ⴳ ⵓⵙⵡⵉⵔ ⵏ “ ⵜⵉⵏⵔⵣⴰⴼ ⵜⵉⵎⵙⵏⵉⵊⵊⵉⵜⵉⵏ”
 ⵉⴳⴳⵔⴰ ⴳ ⵓⴳⵔⴰⵡ, ⴰⵙⴷⴷⵉⴷ ⵅⴼ ⵎⴰⵙⴷ ⵜⴰⵏⴱⴰⴹⵜ ⵜⵎⵔⵉⵙ ⵙ ⵓⵙⵖⵓⴷⵓ ⵏ ⵓⵙⴽⴰⵏ ⴰⴷⵓⵙⴰⵏ, ⵙ ⵓⵙⵃⴷⵓⴷⵉ ⵏ  ⵜⵣⵎⵎⴰⵔ ⵜⵉⵎⵜⵜⴰⵜⵉⵏ ⴷ ⵜⵏⴰⴼⴳⴰⵏⵉⵏ , ⴼⴰⴷ ⴰⴷ ⵉⵜⵜⵓⵙⵎⴷⴰⵔ ⵉ ⵉⵙⵙⵓⵜⵓⵔⵏ ⵏ ⵓⵙⴰⵔⴰⵡ ⴰⴳⵍⴷⴰⵏ ⵉⵣⴷⵉⵏ ⵙ ⵓⴼⵔⴰⴳ ⴰⵏⴰⵎⵓⵏ.
ⵉⴳⴰ ⵡⵉⵏ ⵓⴱⴷⴰⵔ, ⵎⴰⵙ ⴷ ⴰⵙⴰⵔⴰⵡ ⵏ ⵓⵙⴰⵙⵜⵡⴰ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ ⵉⵙⵙⵏⵜⴰ ⵜⵉⵔⵙⴰⵍ ⵏ ⵓⵡⴰⵏⴽ ⵜⵉⵏⴰⵎⵓⵏⵉⵏ, ⵏⵏⴰ ⵉⵣⵎⵔⵏ ⴰⴷ ⵉⵙⵙⴹⵕⵓ ⵜⴰⵣⵔⴼⵜ ⵜⴰⴼⵔⴽⴰⵏⵜ ⴳ ⵡⴰⴷⴰⴼ ⵏ ⵉⵊⵎⵉⵍⵏ ⵜⵉⴷⵓⵙⴰⵏⵉⵏ ⴷ ⵜⵎⵙⵓⵊⵊⴰⵢ ⵉ ⵇⵇⴰⵄ ⵉⵏⴰⵎⵓⵔⵏ.