ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 18 ⵢⵓⵍⵢⵓⵣ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 12 ⵎⵓⵃⴰⵕⵕⴰⵎ 1445 ⵉⵎⵙⴰⵙⴰⵏ ⴰⴽⴷ 18 ⵢⵓⵍⵢⵓⵣ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵙⵎⵉⵏⴷ ⵏ ⵙⵏⴰⵜ ⵜⴽⵛⵛⵓⵎⵉⵏ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⴷ, ⵉⴹⵓⴼ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴽⵛⵛⵓⵎⵜ ⴼ ⵜⴰⵏⴰⴹⵜ ⵜⴰⵎⵣⵡⴰⵔⵓⵜ ⵉⵥⵍⵉⵏ ⵙ ⵓⵣⴳⵉⵔ ⵏ ⵜⵎⴰⵢⴰⵇⵇⴰⵏⵜ ⵜⵖⵔⴰⵖⴰⵍⴰⵏⵜ ⵏ ⵡⴰⵔⴰⵢ ⵏ ⵓⴳⴳⵉⴷⵏ ⴰⴽⴽⵯ ⵓⵏⵖⵓⴱⵓ ⵙ ⴱⵣⵣⵉⵣ ⴷ ⵜⴰⵏⴰⴹⵜ ⵜⵉⵙ ⵙⵎⵎⵓⵙⵜ ⵉⵥⵍⵉⵏ ⵙ ⵓⵣⴳⵉⵔ ⵏ ⵜⵎⴰⵢⴰⵇⵇⴰⵏⵜ ⵜⵖⵔⴰⵖⴰⵍⴰⵏⵜ ⵏ ⵓⵙⴱⴷⴷⵉ ⵏ ⵓⵎⵔⵔⵜ, ⵉⵃⵢⵉⵍ ⵜ ⵉⴷ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵡⴰⵀⴱⵉ ⴰⵎⴰⵡⴰⵙⴰⵙ ⵏ ⵜⵣⵔⴼⵜ.
ⴹⴰⵕⴰⵜ ⵎⴰⵢⴰⴷ, ⵉⴹⵓⴼ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴽⵛⵛⵓⵎⵜ ⵢⴰⴹⵏⵉⵏ ⵅⴼ ⵉⵎⴰⵢⵏⵓⵜⵏ ⵍⵍⵉ ⵔⴰⴷ ⵉⴽⵛⵎ ⵙ ⵓⵙⵍⴳⵏ ⵉⵣⵍⵉⵏ ⵙ ⵜⵎⵔⵙⴰⵍ ⵏ ⵓⵎⵔⵙⵡⴰⵙ ⴷ ⵜⵙⵏⵓⵔⴰⵢ ⵍⵍⵉ ⵜⵏⵜ ⵉⵔⵡⴰⵙⵏ ⴷ ⵓⵙⵍⴳⵏ ⵏ ⵓⵙⵍⴳⵏ ⴰⵎⴰⵜⴰⵢ ⵏ ⴱⴰⵏⴽ ⵍⵎⵖⵔⵉⴱ ⵉⵜⵜⴰⵡⵙⵏ ⴳ ⵜⴰⵙⵙⴰⵙⵉⵏ ⴷⴰⵔ ⵜⵎⵔⵙⴰⵍ ⵏ ⵓⵎⵔⵙⵡⴰⵙ ⵍⵍ ⵉⵥⴹⴰⵕⵏ ⴰⴷ ⵉⴳⴳⵔⵓ, ⵜⵃⵢⵉⵍ ⵜ ⵉⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵄⴰⵍⴰⵡⵉ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ, ⵉⵎⴹⴰⴽⴰⵕ ⵉⵙⵖⵥⵏ ⴰⵎⵕⵙⵓⵎ ⵓⵟⵟⵓⵏ2.24.475 ⵉⵙⵏⴼⵍⵏ ⵉⵙⵎⵉⴷⵏ ⴰⵎⵕⵙⵓⵎ ⵓⵟⵟⵓⵏ 2.19.333 ⵏ 5 ⴷⵓⵍⵃⵉⵊⵊⴰ 1440 ⵉⵎⵙⴰⵙⴰⵏ ⴷ 7 ⵖⵓⵛⵜ 2019 ⵉⵥⵍⵉⵏ ⵙ ⵡⴰⵏⴰⵡⵏ ⵏ ⵜⵖⴰⵎⵉⵏ ⵏ ⵜⴰⴳⴳⴰⵣⵉⵏ ⵜⵉⵏⵎⴰⵍⵉⵏ ⵏ ⵜⵎⵕⵚⵉⵏ ⴳ ⵜⵉⵏⵎⴰⵍ ⴷ ⵜⵎⵔⵙⴰⵍ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⴳⴷⵓⴷⴰⵏ, ⴷ ⵎⴰⵎⵏⴽ ⵙ ⵔⴰⴷ ⴳⵉⵙ ⵙⵢⴰⴼⴰⵏⵜ, ⵉⵃⵢⵉⵍ ⵜ ⵉⴷ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵎⵕⵙⵓⵎ ⵟⵟⵓⵏ2.24.366 ⵉⵙⵏⴼⵍⵏ ⵉⵙⵎⵉⴷⵏ ⴰⵎⵕⵙⵓⵎ ⵓⵟⵟⵓⵏ 2.03.729 ⵍⵍⵉ ⴷ ⵉⴼⴼⴰⵖⵏ ⴳ 07 ⵊⵓⵉⵏ 2004 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵜⴰⵎⵇⵔⴰⵏⵜ ⵏ ⵜⵏⵖⵎⴰⵙⵜ, ⵉⵃⵢⵉⵍ ⵜ ⵉⴷ ⵎⴰⵙⵙ ⵎⵓⵃⵎⵎⴰⴷ ⵎⴰⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⵔⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵙⴰⵄⵉⴷ ⵍⵃⵙⵉⵏⵉ, ⴰⵏⵎⵀⵍⴰ ⵏ ⵜⵉⵏⵎⵍ ⵜⵏⴰⵎⵓⵔⵜ ⵜⴰⵏⴰⴳⴰⵏⵜ ⵉ ⵢⵉⵊⵏⵢⵓⵕⵏ ;
- ⴳ ⵜⵎⴰⵡⵙⵜ ⵏ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵎⵓⵃⵎⵎⴰⴷ ⵍⴱⵇⵇⴰⵍⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵉⵎⴰⵙⵙⴰⵏⵉⵏ ⴷ ⵜⵉⵜⵉⵇⵏⵉⵢⵏ ⴳ ⵍⵃⵓⵙⴰⵢⵎⴰ ;
- ⴳ ⵜⵎⴰⵡⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵄⴰⴱⴷ ⵍⵡⴰⵃⴷ ⵕⵃⵃⴰⵍ, ⴰⵏⵎⵀⴰⵍ ⴰⵎⴰⵜⵜⴰⵢ ⵏ ⵜⵙⴱⴱⴰⴱⵜ.
- ⵎⴰⵙⵙ ⵄⴰⴱⴷ ⵍⵡⴰⵃⴷ ⵕⵃⵃⴰⵍ, ⴰⵏⵎⵀⴰⵍ ⴰⵎⴰⵜⵜⴰⵢ ⵏ ⵜⵙⴱⴱⴰⴱⵜ.
