ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 05 ⵢⵓⵏⵢⵓ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 08 ⴷⵓⵍⵃⵉⵊⵊⴰ 1446 ⵉⵎⵙⴰⵙⴰⵏ ⴰⴽⴷ 05 ⵢⵓⵏⵢⵓ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵢⴰⵏ ⵓⵙⵎⵏⵉⴷ ⴰⵎⴰⵡⵙⴰⵙ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵉⵣⵡⵉⵔⵉ ⵏ ⵓⴳⵔⴰⵡ ⴰⴷ, ⵙ ⵓⵣⵎⵣⵣⵓ ⵏ ⵍⵄⵉⴷ ⵏ ⵜⴼⴰⵙⴽⴰ ⴰⵎⴱⴰⵕⴽⵉ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵉⵙⵎ ⵏⵏⵙ ⴷ ⵉⵙⵎ ⵉⴳⵎⴰⵎⵏ ⵏ ⵜⴱⴰⴹⵜ ⵉⵙⵔⵖⵓⴷⵏ ⵉ ⵓⵎⵏⵓⴽⴽⴰⵍ ⵏ ⵉⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵉⴳⴰⵎⴰⵏ ⵏ ⵜⵡⵓⵊⴰ ⵜⴰⵄⴰⵍⴰⵡⵉⵜ ⵜⴳⵔⵔⴰⵎⵜ ⴷ ⵓⴳⴷⵓⴷ ⴰⵎⵖⵔⵉⴱⵉ, ⵉⵜⵜⵔ ⵉ ⴱⴰⴱ ⵏ ⵉⴳⵏⵡⴰⵡⵏ ⴰⴷ ⵉⴳ ⴰⴼⴰⵔⴰⵢ ⵅⴼ ⴱⴰⴱ ⵏ ⵡⴰⴷⴷⵓⵔ ⴷ ⵢⵉⵍⵉ ⵜⴰⴷⵓⵙⵉ ⵏⵏⵙ, ⴷ ⴰⴷ ⵉⴽⵛⵎ ⵍⵄⵉⴷ ⴰⴷ ⴰⵎⴱⴰⵕⴽⵉ ⵅⴼ ⵉⵎⵖⵔⵉⴱⵉⵏ ⴰⴽⴽⵯ ⴷ ⵜⴷⵓⵙⵉ ⴷ ⵓⴼⵔⴰ.
ⴹⴰⵕⴰⵜ ⵎⴰⵢⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵎⵏⵉⴷ ⵅⴼ ⵓⵛⵛⵉⵍⵏ ⵏ ⵉⵎⵃⵣⵡⵓⵔⵏ ⵏ ⵍⴱⴰⴽⴰⵍⵓⵕⵢⴰ - ⵜⴰⵙⵓⵜⵍⵜ ⵏ 2025, ⵉⵙⵎⵏⵉ ⴷ ⵜ ⵎⴰⵙⵙ ⵎⵓⵃⵎⵎⴰⴷ ⵙⴰⵄⴷ ⴱⵕⵕⴰⴷⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ.
ⴳ ⵎⵏⵉⴷ ⴰⴷ ⵏⵉⵜ, ⵢⵉⵡⵉ ⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵉⴳⴰ ⵉⴳⴰ ⵓⵟⵟⵓⵏ ⵏ ⵉⵎⵏⴽⴰⴷⵏ ⴷ ⵜⵉⵎⵏⴽⴰⴷⵉⵏ395 495, ⵎⴰ ⵉⵜⵜⴳⴰⵏ 0,41 % ⵉⵖ ⵜ ⵏⵎⵙⴰⵙⴰ ⴷ ⵜⵙⵓⵜⵍⵜ ⵏ 2024 ⵖ ⵍⵍⴰⵏ ⵉⵎⵏⴽⴰⴷⵏ ⴷ ⵜⵎⵏⴽⴰⴷⵉⵏ ⴷ ⵜⵉⵎⵏⴽⴰⴷⵉⵏ ⵉⴳⴰ ⵉⴷⵔⵉⴼⵉⵏ 110065 ⵎⴰ ⵉⵜⵜⴳⴰⵏ 22%.
ⵖⵉⴽⵍⵍⵉ ⵉⵙⴰⵡⵍ ⵎⴰⵙⵙ ⴰⵎⴰⵡⴰⵙⴰⵙ ⵅⴼ ⵉⵎⵏⴽⴰⴷⵏ ⴷ ⵜⵎⵏⴽⴰⴷⵉⵏ ⵉⵍⵍⴰⵏ ⴳ ⵡⴰⴷⴷⴰⴷ ⵏ ⵓⵎⵎⵄⴹⵕ, ⵉⵏⵏⴰ ⵎⴰ ⵙ ⵙⵢⴰⴼⴰⵏ ⴳ ⵜⵓⴳⵜ ⵏ ⵜⵎⴳⴳⵉⵢⵉⵏ ⵙⵔⵙⵏ ⵉⵥⵍⵉⵏ ⵖ ⵜⵍⵍⴰ ⵜⵏⴰⵎⵉⵜ ⵏ ⵉⵙⴳⵓⵎⵏ ⵉ ⵉⵎⵃⵉⵣⵡⵓⵔⵏ ⴷ ⵡⴰⴷⴰⴷ ⵏ ⵓⵙⴽⴰⵔ ⵏⵏⵙⵏ ⵉⵎⵙⴰⵙⴰⵏ ⴷ ⴰⵢⵍⵍⵉ ⵙ ⵖⴰⵡⵙⴰⵏ.
ⴰⵢⵍⵍⵉ ⵉⵥⵍⵉⵏ ⵙ ⵉⵎⵏⴽⴰⴷⵏ ⴷ ⵜⵎⵏⴽⴰⴷⵉⵏ ⵉⵍⵍⴰⵏ ⴳ ⵡⴰⴷⴰⴷ ⵉⵥⵍⵉⵏ, ⵜⴻⵜⵜⴰⵡⵙⴽⴰⵔ ⵜⵏⴰⵎⵉⵜ ⵏ ⵉⵙⴳⵓⵎⵏ ⵏ ⵉⵎⵃⵉⵣⵡⵔⵏ ⵉ ⵉⵏⵍⵎⴰⴷⵏ ⴷ ⵜⵏⵍⵎⴷⴰⵉⵏ ⵉⵎⵖⵔⵉⴱⵉⵏ ⴷ ⵢⵓⵔⵉⵏ ⴳ ⵜⵎⵉⵣⴰⵔ ⵓⵔ ⵉⵀⵢⴰⵏ ⴷ ⵡⵔⵔⴰⵡ ⵏ ⵉⵎⵣⴰⵡⴰⴳ ⵉⵣⴷⵖⵏ ⴳ ⵍⵎⵖⵔⵉⴱ. ⵉⵎⵓⴹⴰⵏ ⴰⵡⴷ ⵏⵜⵜⵏⵉ ⵣⵣⵔⵉⵏ ⵉⵎⵃⵉⵣⵡⵔⵏ ⴳ ⵓⴳⵯⵏⵙ ⵏ ⵜⵎⵔⵙⴰⵍ ⵏ ⵓⵙⵊⵊⵉ ⴷ ⵢⴰⵜ ⵜⵖⵔⴰⵙⵜ ⵉⴼⴰⵡⵏ, ⴷ ⵡⵓⵜⵓⵢ ⵏ ⵉⵎⵃⵉⵣⵡⵓⵔⵏ ⵉ ⵉⵏⴽⵔⴰⴼ ⵏ ⵜⵎⵔⵙⴰⵍ ⵏ ⵓⴱⵏⵏⵉⵇ.
ⵃⵎⴰ ⴰⴷ ⵢⵉⵍⵉ ⵓⵙⵢⴰⴼⴰ ⴳ ⵜⵙⵓⵜⵍⵜ ⴰⴷ, ⵢⵉⵡⵉ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵜⵜⵓⵙⴽⴰⵔⵏⵜ ⵜⵓⴳⵜ ⵏ ⵜⵎⴳⴳⵉⵢⵉⵏ ⵖ ⵉⵍⵍⴰ ⵓⵙⵓⵊⴷ ⵏ 1995 ⵏ ⵡⴰⵎⵎⴰⵙ ⵏ ⵉⵎⵃⵉⵣⵡⴰⵔ ⵖ ⵉⵍⵍⴰ 29998 ⵏ ⵜⴷⵍⴰ ⴳ ⵓⵙⵡⵉⵔ ⴰⴽⴽⵯ ⵜⴳⴰⴷⵉⵎⵉⵏ, ⴷ ⵓⵙⵎⵓⵙⵙⵓⵏ ⵉⵙⵓⴳⴰⵎ ⵉⵏⴰⴼⴰⴳⴰⵏⵏ. ⵖⵉⴽⵍⵍⵉ ⵉⵍⵍⴰ ⵓⵙⵅⵉⵜⵔ ⵏ ⵓⵙⵡⵉⵔ ⵏ ⵉⵙⴼⵍⵙ ⵏ ⵓⵙⵍⴽⵉⵏ ⵍⴱⴰⴽⴰⵍⵓⵕⵢⴰ ⴷ ⵜⵉⵏⵎⵎⴰⵍⵉⵏ ⵏ ⵜⵏⵇⵇⴰⴹ ⵙ ⵜⵖⴰⵔⴰⵙⵜ ⵏ ⵓⴼⴰⵔⵙ ⵏ ⵉⵙⵍⴽⵙⵉⵏ ⵉⵚⵃⴰⵏ, ⵉⵜⵜⴰⵡⴽⴰⵙ ⵓⵙⴳⵎⴹ ⵏ ⵓⴼⵓⵙ ⴷ ⵜⵓⴳⴳⵜ ⵏ ⵜⵏⵓⴼⴰ ⵜⵎⴰⵟⵟⵓⵏⵉⵏ ⵏ ⵉⵙⵍⴽⵉⵏ.
- ⴰⵢⵍⵍⵉ ⵉⵥⵍⵉⵏ ⵙ ⵓⵏⵙⵜⵉ ⵏ ⵓⵙⵍⴳⵏ ⵓⵟⵟⵓⵏ 16.25 ⵉⵙⵏⴼⵍⵏ ⴰⵙⵍⴳⵏ ⵓⵟⵟⵓⵏ 36.21 ⵉⵥⵍⵉⵏ ⵙ ⵡⴰⴷⴷⴰⴷ ⵓⵖⵔⵉⵎ, ⵙⵎⴰⵜⵜⵉⵏⵜ ⵙ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵉⴷⴷⴰⵏ.
ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.716 ⵉⵥⵍⵉⵏ ⵙ ⵜⵉⵣⵎⵎⴰⵔ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵢⵉⵍⵉⵏⵜ ⵖⵓⵔ ⵡⵉⵍⵍⵉ ⵉⵜⵜⴳⴰⵏ ⵜⴰⵡⵓⵔⵉ ⵏ ⵙⵙⴰⵏⴷⵉⴽ ⴷ ⵜⵖⵔⴰⴷ ⵏ ⵜⵡⵓⵔⵉ ⵍⵍⵉ ⵜⵜⴳⴰⵏ ⴳ ⵜⵖⴰⵔⴰⵙⵜ ⵏ ⵜⵎⵙⵏⵜⴰⵢ, ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⵍⵍⵉ ⴼⵍⵍⴰⵙ ⵉⵜⵜⵓⵙⴽⴰⵔⵏ, ⵉⵙⵎⵏⵉⴷ ⵜ ⵎⴰⵙⵙ ⵄⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⴼⵜ.
ⵉⴷⴷⴰ ⴷ ⵓⵙⵏⵜⵉ ⴳ ⵜⵖⴰⵔⴰⵙⵜ ⵏ ⵓⵣⵓⴳⴳⵣ ⵏ ⵓⴷⵍⵉⵙ ⵡⵉⵙ ⵚⵎⵎⵓⵙ ⵏ ⵓⵙⵍⴳⵏ ⵏ ⵜⵙⴱⴱⴰⴱⵜ, ⵉⵥⵍⵉⵏ ⵙ ⵉⵎⵓⴽⵔⵉⵙⵏ ⵉⵍⵍⴰⵏ ⵖⵓⵔ ⵜⵎⵙⵙⵏⵜⵉⵜ, ⵍⵍⵉ ⴰⵔ ⵉⵜⵜⵉⵏⵉ ⵓⵎⵕⵙⵓⵎ ⵉⵎⵎⴰⵍⵏ ⵜⵉⵖⵔⴰⴷ ⵏ ⵙⵙⴰⵏⴷⵉⴽ ⵉⵍⵍⴰⵏ ⴳ ⵉⴹⵕⵉⵚⵏ ⵏ ⵓⵙⵡⵓⴷⴷⵓ ⵍⵍⵉ ⵉⵙⵉⴷⵔⵓⵙⵏ ⴰⵣⵎⵣ ⵉ ⵜⵎⵏⵙⵙⵏⵜⴰⵢ ⴷ ⵓⵙⵖⵓⴷⵓ ⵏ ⵜⵙⵓⵙⵖⵜ ⴷ ⵓⵙⴷⵓⵙ ⵏ ⵜⵎⴳⴳⵉⵢⵉⵏ ⴷ ⵜⵔⵡⵉ ⵜⴰⵏⴱⴹⴰⵢⵜ.
ⵉⴳⴰ ⵓⵎⵕⵙⵓⵎ ⴰⴷ ⵢⴰⵏ ⵓⵏⴱⴷⴰⴷ ⴰⴷⵙⵍⴰⵏ ⴳ ⵓⵚⵏⴼⴰⵕ ⵓⵙⴼⵓⴽⵍⵉ ⵏ ⵜⵡⵓⵔⵉⵡⵉⵏ ⵉⴳⴰⵏ ⵢⴰⵜ ⵜⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⵏ ⵜⵏⴱⴰⴷⵜ, ⵙⵍⴰⵀⵡⴰⵏ ⴰⴽⴽⵯ ⵜⴰⴱⵔⵉⴷⵜ ⵏ ⵜⵡⵓⵔⵉ 2023-2026, ⵍⵍⵉ ⵜⵉⵡⵙ ⵜⵏⴱⴰⴹⵜ ⴰⴷ ⵜⵙⴷⵓⵙ ⵜⵙⵓⵙⵖⵜ ⵏ ⵜⵎⴳⴳⵉⵢⵉⵏ ⵜⵓⵙⵍⴳⵉⵏ ⴷ ⵜⵉⵏⴱⴹⴰⵢⵉⵏ, ⵍⵍⵉⵖ ⵜⵔⴰ ⴰⴷ ⵜⵙⴽⵔ ⴳ ⵓⵙⴰⵜⵉ ⵓⵍⴳⵉⵏ ⵢⴰⵜ ⵜⴱⵔⵉⴷⵜ ⵉⵙⵙⵔⵅⴰⵏ ⴷ ⴰⵔ ⵉⵙⵡⵓⴷⴷⵓ ⵜⵡⵉⵔⵉⵡⵉⵏ ⴳ ⵍⵎⵖⵔⵉⴱ.
ⵉⴳⴰ ⵡⵓⵜⵜⴰⵙ ⵏ ⵓⵎⵕⵙⵓⵎ ⴰⴷ ⴰⵙⵏⵎⴰⵍⴰ ⵏ ⵜⵣⵎⵎⴰⵔ ⵍⵍⵉ ⵙ ⴷ ⵉⵇⵇⴰⵏⴰⴷ ⵉⵍⵉⵏⵜ ⴳ ⵜⵡⵓⵔⵉ ⵏ ⵙⵙⴰⵏⴷⵉⴽ ⴷ ⵜⵖⵔⴰⴷ ⵍⵍⵉ ⵜⵜⴰⵎⵥⵏ ⵡⵉⴷⴰ ⵜⵜ ⵉⵜⵜⴳⴰⵏ ⵙ ⴰⵢⵍⵉ ⵉⵙⴽⴰⵔ ⵉⵎⵎⴰⵍⴰⵏ ⵜⴰⵎⵓⵣⴰⵢⵜ ⵏⵏⵙ ⵃⵎⴰ ⴰⴷ ⵜⵉⵍⵉ ⵜⵣⵔⴼⵜ ⴷ ⵉⵇⵇⴰⵏ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵓⵎⵢⴰⵡⴰⵙ ⴰⵙⵔⴷⴰⵙ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵏ ⴱⵓⵕⴽⵉⵏⴰ ⴼⴰⵙⵓ, ⵉⵜⵜⵓⵙⴳⵎⴰⴹⵏ ⴳ ⵕⵕⴱⴰⵟ ⴳ 24 ⵢⵓⵍⵢⵓⵣ 2025, ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 01.25 ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵍⵡⴷⵉⵢⵉ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⴷ ⵓⵏⵣⴰⵖ ⴰⵏⴰⵎⵓⵔ ⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵉⵜⵜⵓⵙⵏⵎⵍⴰ :
- ⵎⴰⵙⵙ ⵢⵓⵙⵓⴼ ⵍⴽⴱⵉⴷⴰ, ⴰⵏⵎⵀⴰⵍ ⵏ ⵜⵎⴳⵓⵔⵉⵏ ⵏ ⵡⵓⵜⵛⵉ ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⵍⴰⵏ :
- ⵎⴰⵙⵙ ⴰⵃⵎⴰⴷ ⵏⴹⴰⵎⵉ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⵎⵓⵔⵜ ⵜⴰⵏⴼⵍⵍⴰⵜ ⵏ ⵜⵉⴼⴰⵡⵜ ⴷ ⵓⵎⵉⴽⴰⵏⵉⴽ ⴳ ⵜⴳⵎⵎⵉ ⵜⵓⵎⵍⵉⵍⵜ ;
- ⵎⴰⵙⵙ ⵎⵓⵍⴰⵢ ⵉⴱⵕⴰⵀⵉⵎ ⵙⴷⵕⴰ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵉⵙⴰⵍⵎⴰⴷⵏ ⴳ ⵎⴽⵏⴰⵙ ;
- ⴳ ⵜⵎⴰⵡⴰⵙⵜ ⵏ ⵜⵎⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⵎⵓⵏⵜ ⴷ ⵜⵏⵎⵢⴰⵍⴰⵍⵜ, ⵉⵜⵜⵓⵙⵏⵎⴰⵍⴰ
- ⵎⴰⵙⵙ ⵃⴰⵙⵙⴰⵏ ⵛⵡⵉⵅ, ⴰⵏⴼⵍⵓⵙ ⴰⵎⴰⵜⴰⵢ ;
- ⴳ ⵜⵎⴰⵡⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⵓⵊⴰ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵟⵟⴰⵍⴱ ⴱⵉⵡⵉ ⴰⴱⴰ ⵃⴰⵣⵉⵎ, ⴰⵎⴳⴳⵉⵡⵙ ⴰⵎⴰⵜⴰⵢ.
