ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 12 ⵢⵓⵏⵢⵓ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 15 ⴷⵓⵍⵃⵉⵊⵊⴰ 1446 ⵉⵎⵙⴰⵙⴰⵏ ⴰⴽⴷ 12 ⵢⵓⵏⵢⵓ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵖⴰⵔⴰⵙⵜ ⵏ ⵓⵙⵖⵥⵏ ⴷ ⵉⴷⴷⴰⵏ ⴳ ⵓⴷⵓⵙⵜⵓⵔ, ⵙⵍⴰⵀⴰⵡ ⴰⴽⴽⵯ ⴰⵎⵏⵏⵉ ⵡⵉⵙ 81 ⴳⵉⵙ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 20.25 ⵉⵙⵖⵥⵏ ⴰⵎⵕⵙⵓⵎ ⵉⴳⴰⵏ ⴰⵙⴳⵏ ⵓⵟⵟⵓⵏ 2.25.302 ⵍⵍⵉⴷ ⵉⴼⴼⴰⵖⵏ ⴳ 5 ⵛⴰⵡⵡⴰⵍ 1446 (4 ⵉⴱⵔⵉⵔ 2025) ⵉⵙⵏⴼⵍⵏ ⴰⵙⵍⴳⵏ ⵓⵟⵟⵓⵏ 52.20 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵎⴰⵏ ⴷ ⵜⴳⴰⵏⵉⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⴱⵓⵡⴰⵕⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⴳ ⵎⵏⵉⴷ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 23.25 ⵉⵙⵖⵥⵏ ⴰⵎⵕⵙⵓⵎ ⵙ ⵓⵍⴳⵏ ⵓⵟⵟⵓⵏ 2.25.168 ⵍⵍⵉ ⴷ ⵉⴼⴼⴰⵖⵏ ⴳ27 ⵕⵎⴹⴰⵏ 1446 (28 ⵎⴰⵕⵚ 2025) ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 47.18 ⵉⵥⵍⵉⵏ ⵙ ⵓⵙⴳⴳⴷ ⵏ ⵡⴰⵎⵎⴰⵙⵏ ⵉⵙⴳⴰⵡⴰⵏ ⵏ ⵓⵙⵙⴰⵔⵓ ⴷ ⵓⵙⴽⴰⵔ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ … ⵏ ⵓⵙⵙⴰⵔⵓ, ⵉⵙⵎⵏⵉⴷ ⵜ ⵎⴰⵙⵙ ⵎⵙⵟⴰⴼⴰ ⴱⴰⵢⵜⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⴰⵏ ⵙ ⵜⵓⵇⵇⵏⵉⵡⵉⵏ ⴰⴽⴷ ⵓⴱⴰⵕⵍⵎⴰⵏ, ⴰⵎⵙⵙⵉⵡⵍ ⵏ ⵜⵏⴱⴰⴹⵜ ⴳ ⵓⴷⵖⴰⵔ ⵏ ⵎⴰⵙⵙ ⴽⴰⵔⵉⵎ ⵣⵉⴷⴰⵏ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⴰⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵅⴼ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.430 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵎⴳⴳⵉⵢⵉⵏ ⵏ ⵓⵙⵏⵎⴰⵍⴰ ⵉ ⵉⴱⴰⵔⵉⵛⵏ ⴷ ⵜⴱⴰⵔⵉⵛⵉⵏ ⵉⵙⵡⵓⵔⵉⵏ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.456 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.04.89 ⵍⵍⵉ ⴷ ⵉⴼⴼⴰⵖⵏ ⴳ 18 ⴳ ⵕⴰⴱⵉⵄ ⴰⵎⴳⴳⵓⵔⵓ 1425 (7 ⵢⵓⵏⵏⵓ 2004) ⵉⵎⵎⴰⵍⴰⵏ ⵜⵡⵓⵔⵉⵡⵉⵏ ⵏ ⵜⵎⵔⵙⴰⵍ ⵜⵉⵙⴷⴰⵡⴰⵏⵉⵏ ⴷ ⵉⵙⵓⴽⴰ ⵏ ⵜⵖⵓⵔⵉⵡⵉⵏ ⵜⵉⵏⴼⵍⵍⴰⵜⵉⵏ ⴷ ⵉⵙⵍⴽⵉⵏⵏ ⵉⵏⴰⵎⵓⵔⵏ ⵉⵎⵙⴰⵙⴰⵏ, ⵉⵙⵎⵏⵉⴷ ⵜ ⵎⴰⵙⵙ ⵄⴰⵣⴷⴷⵉⵏ ⵎⵉⴷⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵍⴽⴽⴰⵡⵜ ⵏ ⵜⵓⵔⴰⴳⵜ ⵏ ⵓⵏⴷⴰⵀ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵜⵜⵛⴰⴹ, ⵉⵜⵜⵓⵙⴳⵎⴰⴹⵏ ⴳ ⴷⴷⴰⵅⵍⴰ ⴳ 14 ⵄⵓⵛⵜ 2024, ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 02.25 ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜ ⵎⴰⵙⵙ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ- ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ, ⵜⵜⵓⵙⵏⵎⵍⴰⵏ :
- ⵎⴰⵙⵙⴰ ⵎⵓⵏⵢⴰ ⵎⵓⵥⵓⵕⵉ, ⵜⴰⵏⵎⵀⴰⵍⵜ ⵏ ⵜⴳⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉ ⴼ ⵓⵙⵎⵓⵜⵜⴳ ⵏ ⵜⵙⴳⴰ ⵏ ⵛⵛⵕⵇ ;
- ⵎⴰⵙⵙⴰ ⵀⵉⵏⴷ ⴱⵏ ⵍⵃⴱⵉⴱ, ⵜⴰⵏⵎⵀⴰⵍⵜ ⵏ ⵓⵙⵖⵉⵡⵙ ⴷ ⵉⵙⵓⴳⴰⵎ ⴷ ⵜⵎⵖⵓⵏⵜ ;
- ⴳ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵉⵜⵜⵓⵙⵏⵎⵍⴰ :
- ⵎⴰⵙⵙ ⵕⴰⵛⵉⴷ ⴱⴰⵀⵉ, ⴰⵏⵎⵀⴰⵍ ⵏ ⵉⵎⵓⵙⵙⵓⵜⵏ ⵉⵎⴳⵓⵔⵉⵏ ⵉⵎⵢⴰⵡⴰⵏ ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵏⵎⵍⴰ :
- ⵎⴰⵙⵙ ⵎⵓⵃⵎⵎⴰⴷ ⴱⵍⴰⵢⵀ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵉⵙⴰⵍⵎⴰⴷⵏ ⴳ ⵜⵉⵟⵡⴰⵏ.
- ⵎⴰⵙⵙ ⵎⵓⵃⵎⵎⴰⴷ ⴱⵍⴰⵢⵀ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵉⵙⴰⵍⵎⴰⴷⵏ ⴳ ⵜⵉⵟⵡⴰⵏ.
