ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 06 ⵎⴰⵕⵚ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 05 ⵕⴰⵎⴰⴹⴰⵏ ⵛⴰⵄⴱⴰⵏ1446 ⵉⵎⵙⴰⵙⴰⵏ ⴰⴽⴷ 06 ⵎⴰⵕⵚ ⴱⵕⴰⵢⵕ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵉⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵉⴳⴰⵏ ⴰⵙⵍⴳⵏ ⵓⵟⵟⵓⵏ 2.25.168 ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 47.18 ⵉⵥⵍⵉⵏ ⵙ ⵓⵙⴳⴳⴷ ⵏ ⵡⴰⵎⵎⴰⵙⵏ ⵉⵙⴳⴰⵡⴰⵏ ⵏ ⵓⵙⵙⴰⵔⵓ ⴷ ⵓⵙⴽⴰⵔ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⵜⵉⴽⵙⵉⵍⵉⵏ ⵏ ⵓⵙⵙⴰⵔⵓ, ⴹⴰⵕⴰⵜ ⵍⵍⵉⵖ ⵏⵏ ⴳⵉⵙ ⵍⵍⴰⵏ ⵜⴰⵏⵏⴰⵢⵉⵏ ⴷ ⴼⵍⵍⴰⵙ ⵢⵓⵛⴽⴰⵏ, ⵉⵙⵎⵏⵉⴷ ⵜ ⵎⴰⵙⵙ ⴽⴰⵔⵉⵎ ⵣⴰⵢⴷⴰⵏ, ⴰⵎⴰⵡⴰⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵉⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵓⵎⵕⵙⵓⵎ ⵓⵟⵟⵓⵏ 02.25.152 ⵉⵙⵡⵓⴷⴷⵓⵏ ⴰⵙⵍⴳⵏ ⵓⵟⵟⵓⵏ 18.18 ⵉⵥⵍⵉⵏ ⵙ ⵜⵡⵓⵔⵉⵡⵉⵏ ⵏ ⵜⵏⴼⴽⴰⵢⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵉⴱⴹⵉ ⵏ ⵜⵡⵉⵙⵉⵡⵉⵏ ⵉⴳⴰⵏ ⵜⵉⵏ ⵔⴱⴱⵉ, ⵉⵙⵎⵏⵉⴷ ⵜ ⵎⴰⵙⵙ ⵄⴱⴷ ⵍⴰⵡⴰⴼⵉ ⵍⴼⵜⵉⵜ ⴰⵎⴰⵡⵙⴰⵙ ⵏ ⵓⴳⵯⵏⵙ.
- ⴹⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓ 2.25.147 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⴳⴰ ⵏ ⵓⵣⴰⵣⵣⵍ ⴰⵎⴳⵓⵔⵉ ⴳ ⴱⵏⴳⵔⵉⵔ, ⵉⵙⵎⵏⵉⴷ ⵜ ⵎⴰⵙⵙ ⵕⵢⴰⴹ ⵎⵣⵡⵕ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵡⴰⵎⵎⴰⵙ ⴰⵄⵕⴰⴱ ⵏ ⵜⵖⵓⵔⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴰⵎⵓⵏⵉⵏ ⵉⵜⴳⴳⴰⵏ ⵜⵎⵎⵉ ⵉ ⵥⵥⵍⴹ ⴳ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵎⵓ ⵉⵍⵍⴰ ⵓⵙⵖⵥⵏ ⵏⵏⵙ ⴳ ⵍⵇⴰⵀⵉⵔⴰ ⴳ 9 ⵛⵓⵜⴰⵏⴱⵉⵔ 2021 ⵍⵍⵉ ⵜⵙⴳⵎⴹ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 13 ⵎⴰⵕⵚ 2024, ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 24.24 ⵍⵍⵉ ⵉⵙⵖⵥⵏ ⴰⵏⴳⵔⴰⵡ ⴰⴷ, ⵜⵙⵎⵏⵉⴷ ⵜⵏ ⵎⴰⵙⵙⴰ ⵏⴰⵄⵉⵎⴰ ⴱⵏⵢⴰⵃⵢⴰ, ⵜⴰⵎⴰⵡⵙⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⵓⵊⴰ ⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵎⵓⵃⵎⵎⴰⴷ ⵅⵍⴼⴰⵡⵉ, ⴰⵏⴼⵍⵓⵙ ⴰⵎⴰⵜⴰⵢ.
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ - ⵉⴳⵔ ⵏ ⵜⴼⵍⵍⴰⵃⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⴱⵉⵍⴰⵍ ⵃⵊⵊⵓⵊⵉ, ⴰⵏⵎⵀⴰⵍ ⵏ ⵓⵙⵉⵔⴰ ⴰⵏⴰⵎⵓⵔ ⴰⵣⵣⵓⵍⴰⵏ ⵏ ⵉⵎⵏⴷⵉ ⴷ ⵉⵛⴰⴽⴰⵏ ⵉⴷ ⴱⵓ ⵡⴰⵇⵇⴰⵢⵏ;
- ⵎⴰⵙⵙ ⵄⴰⴱⴷⵍⵀⴰⴷⵉ ⵙⵙⴱⵉⵄ, ⴰⵏⵎⵀⴰⵍ ⵏ ⵜⴳⵎⵉ ⴳ ⵉⴳⵔ ⴰⴼⴰⵔⴰⵏ ⴷ ⵜⵉⴳⴳⵉⵡⵉⵏ ⵏ ⵓⴷⵔⴰⵔ;
- ⵎⴰⵙⵙⴰ ⵍⴰⵎⵢⴰ ⵍⵖⵓⵜⵉ, ⵜⴰⵏⵎⵀⴰⵍⵜ ⵏ ⵓⵙⵉⵏⴰⴳ ⴰⵏⴰⵎⵓⵔ ⵏ ⵓⵔⵣⵣⵓ ⴰⵙⵏⴼⵍⴰⵃ;
- ⵎⴰⵙⵙⴰ ⴱⵓⵛⵕⴰ ⵛⵓⵕⴼⵉ, ⵜⴰⵏⵎⵀⴰⵍⵜ ⵓⵙⵍⵎⴷ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ.
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ - ⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵄⴱⴷⵍⵃⴰⴽⵉⵎ ⴰⵡⵕⴰⵖ, ⴰⵏⵎⵀⴰⵍ ⵏ ⵜⵉⴹⴰⴼ ⵏ ⵉⵎⵓⵙⵙⵓⵜⵏ ⵏ ⵜⴳⵎⵜ ⵜⴰⵢⵍⴰⵏⵜ;
- ⵎⴰⵙⵙ ⵎⵓⵃⵎⵎⴰⴷ ⵃⵎⴰⵎⵎⵓ, ⴰⵏⵎⵀⴰⵍ ⵏ ⵓⵙⵎⵓⵜⵜⴳ ⴰⵢⵍⴰⵏ ⴷ ⵉⵔⴳⴰⵣⵏ ⵏ ⵢⵉⵍⵍ ⴷ ⵜⵎⵉⵍⴰⵍⵜ.
