ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⴰⵙⵙ ⵏ ⵓⴽⵡⴰⵙ 7 ⵢⵓⵍⵢⵓⵣ 2026

• ⴳ ⵜⵣⵡⵉⵔⵉ ⵉⵙⵏⵜⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 05.26 ⵉⵣⵍⵉⵏ ⵙ ⵓⵏⴳⵔⴰⵡ ⵏ ⵓⵏⵣⵡⵉ ⴷ ⵓⵏⴳⵉⴳⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵓⵏⵣⵡⵉ ⴷ ⵓⵏⴳⵉⴳⵜ, ⴹⴰⵕⴰⵜ ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⵏⵏⴰⵢⵉⵏ ⵍⵍⵉ ⴼⵍⵍⴰⵙ ⵉⵜⵜⵡⵏⵏⴰⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵓⵇⵡⵡⵓⵎ ⴷ ⵡⴰⵎⴰⵏ.
• ⴳ ⵎⴰ ⵉⵣⴷⵉⵏ ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 052.26 ⵉⵣⴷⵉⵏ ⴷ ⵓⵏⴳⵔⴰⵡ ⴰⵎⵙⵙⵓⴳⵓⵔ ⵏ ⵜⴷⵓⵙⵉ ⵜⴰⵏⴰⵎⵓⵔⵜ ⵉⵎⵓⵏⵏ, ⵉⵜⵜⵓⵙⵎⴰⵜⴰⵢ ⵙ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵉⴷⴷⴰⵏ.
• ⴹⴰⵕⴰⵜ ⵏ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 03.26 ⵉⵣⴷⵉⵏ ⴷ ⵓⵙⵏⴼⵍ ⵏ ⵓⵙⴰⵔⵎ ⴰⵎⴰⴷⴷⵓⴷ ⵏ ⵉⵙⵉⴳⴳⵍⵏ ⴷ ⵉⵔⵣⵣⵓⵜⵏ ⵉⴽⵉⵎⵉⵢⵏ ⴳ ⵜⵉⴳⵎⵉ ⵜⵓⵎⵍⵉⵍⵜ ⵙ ⵜⵎⵙⵙⵓⵔⵜ ⵏ ⵜⵉⵡⵉⵙⵉ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
• ⴳ ⵎⴰ ⵉⵣⴷⵉⵏ ⴷ ⵓⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.25.631 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.13.852 ⵉⴼⴼⵖⵏ ⴳ 14 ⵚⴰⴼⴰⵕ 1435 (18 ⴷⵓⵊⴰⵏⴱⵉⵔ 2013) ⵉⵣⴷⵉⵏ ⴷ ⵜⵉⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵓⵙⵡⵓⵜⵜⵓ ⵏ ⵡⴰⵜⵉⴳ ⵏ ⵓⵣⵣⵏⵣⵉ ⵏ ⵉⵙⴰⴼⴰⵔⵏ ⵉⵜⵜⵓⵙⴽⴰⵔⵏ ⴳ ⵓⴳⵏⵙ ⵏ ⵜⵎⵓⵔⵜ ⵏⵖ ⵉⵜⵜⵓⵙⵉⴹⵏⵏ ⵉ ⵓⴳⴷⵓⴷ, ⵉⵜⵜⵓⵙⵉⵅⵔ ⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵉⴷⴷⴰⵏ, ⴹⴰⵕⴰⵜ ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⵏⵏⴰⵢⵉⵏ ⵍⵍⵉ ⴼⵍⵍⴰⵙ ⵉⵜⵜⵡⵏⵏⴰⵏ.
• ⴹⴰⵕⴰⵜ ⵏ ⵉⵎⴹⴰⴽⴰⵕ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵙⵉⵏ ⵉⵙⵏⵜⴰⵢⵏ ⵏ ⵉⵎⵕⵚⵓⵎⵏ ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵥⵍⵉⵏ ⵙ:
  • ⵓⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.26.327 ⵙ ⵓⵙⵡⵓⵜⵜⵓ ⵏ ⵡⴰⵍⴱⵓⴹ ⵏ ⵓⴷⴼⵜⴰⵔ ⵏ ⵉⵙⵉⴽⵣⵏ ⵉⵣⴷⵉⵏ ⴷ ⵓⵙⵜⴰⵢ ⵉ ⵜⵏⵙⵙⵉⵅⴼⵜ ⵏ ⵜⵙⴷⴰⵡⵉⵜ ⵜⴰⴳⴷⵓⴷⴰⵏⵜ ⴷ ⵓⵙⵓⴷⵙ ⵏ ⵜⵙⵇⵇⵉⵎⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵖⵓⵔⵉ ⵏ ⵉⵙⵜⴰⵢⵏ ⴷ ⵜⵎⴰⵎⴽⵉⵏ ⵏ ⵜⵡⵓⵔⵉ ⵏⵏⵙ.
  • ⵓⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.26.329 ⵙ ⵓⵙⵡⵓⵜⵜⵓ ⵏ ⵡⴰⵍⴱⵓⴹ ⵏ ⵓⴷⴼⵜⴰⵔ ⵏ ⵉⵙⵉⴽⵣⵏ ⵉⵣⴷⵉⵏ ⴷ ⵓⵙⵜⴰⵢ ⵉ ⵜⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵙⴷⴰⵡⴰⵏⵜ ⴷ ⵓⵙⵓⴷⵙ ⵏ ⵜⵙⵇⵇⵉⵎⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵖⵓⵔⵉ ⵏ ⵉⵙⵜⴰⵢⵏ ⴷ ⵜⵎⴰⵎⴽⵉⵏ ⵏ ⵜⵡⵓⵔⵉ ⵏⵏⵙ.
• ⴹⴰⵕⴰⵜ ⵏ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.25.145 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.10.420 ⵉⴼⴼⵖⵏ ⴳ 20 ⵛⴰⵡⵡⴰⵍ 1431 (29 ⵛⵓⵜⴰⵏⴱⵉⵔ 2010) ⵙ ⵓⵙⵏⵙⵉ ⵏ ⵉⴹⵕⵉⵚⵏ ⵏ ⵓⵙⵍⴳⵏ ⵓⵟⵟⵓⵏ 52.05 ⵉⵣⴷⵉⵏ ⴷ ⵜⵎⵙⵙⵓⴳⵓⵔⵜ ⵏ ⵓⵙⵉⴽⵍ ⵅⴼ ⵉⴱⵔⴷⴰⵏ ⴳ ⵎⴰ ⵉⵣⴷⵉⵏ ⴷ ⵉⵍⵓⴳⵏⵏ ⵏ ⵓⵙⵉⴽⵍ ⵅⴼ ⵉⴱⵔⴷⴰⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⴽⵜ.
   

ⵉⵙⵎⴷ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⵎⴰⵣ ⵏ ⵢⴰⵜ ⵜⵎⵢⴰⵇⵇⴰⵏⵜ ⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵢⵜ ⴷ ⵜⵏⴱⴰⴹⵜ ⵏ ⵔⵓⵙⵢⴰ ⵜⴰⴼⵉⴷⵉⵔⴰⵍⵉⵜ ⵅⴼ ⵡⴰⵙⵙⴰⵢ ⴰⴳⵔⴰⵖⵍⴰⵏ ⴳ ⵉⴱⵔⴷⴰⵏ, ⵍⵍⵉ ⵉⵜⵜⵓⵙⴳⵎⴹⵏ ⴳ ⵙⴰⵏⵜ ⴱⵉⵜⵉⵔⵙⴱⵓⵔⴳ ⴳ 1 ⵉⴱⵔⵉⵔ 2026, ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 049.26 ⵉⵙⵖⵥⵏ ⵜⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ.

ⵉⵙⵎⴷ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵅⴼ ⵉⵙⵓⵎⴰⵔ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ ⵉⵎⵙⴰⵙⴰⵏ ⴷ ⵓⵎⵏⵏⵉ 92 ⵙⴳ ⵓⴷⵓⵙⵜⵓⵔ.

• ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ, ⵜⵜⵓⵙⵏⵎⴰⵍⴰⵏ :
  • ⵎⴰⵙⵙ ⵄⵓⵎⴰⵕ ⵕⴰⴱⵉⵄ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵎⵉⵔⵉⴽⵉⵢⵉⵏ ;
  • ⵎⴰⵙⵙⴰ ⵏⴰⴷⴰ ⵍⴱⵇⵇⴰⵍⵉ ⵍⵃⴰⵙⴰⵏⵉ, ⵜⴰⵏⵎⵀⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴳⴷⵓⴷⴰⵏⵜ ⴷ ⵉⵎⵙⴽⴰⵔⵏ ⵓⵔ ⵉⴳⵉⵏ ⵉⵏⴱⴰⴹⵏ ;
• ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ - ⵉⴳⵔ ⵏ ⵓⵎⵢⴰⵡⴰⴹ, ⵉⵜⵜⵓⵙⵏⵎⴰⵍⴰ :
  • ⵎⴰⵙⵙ ⵎⵓⵚⵟⴰⴼⴰ ⴰⵎⴷⵊⴰⵕ, ⴰⵏⵎⵀⴰⵍ ⵏ ⵓⵎⵢⴰⵡⴰⴹ ⴷ ⵜⵣⴷⴰⵢⵉⵏ ⴷ ⵉⵎⵙⴽⴰⵔⵏ ⵏ ⵓⵙⵏⵖⵎⵙ ;
• ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⵉⵜⵜⵓⵙⵏⵎⴰⵍⴰ :
  • ⵎⴰⵙⵙⴰ ⵃⴰⵍⵉⵎⴰ ⵖⵉⵢⴰⵜ, ⵜⴰⵏⵎⵀⴰⵍⵜ ⵏ ⵜⵣⴷⴰⵢⵉⵏ ⴷ ⵡⴰⵎⵓⵏ ⵓⵖⵔⵉⵎ ;
• ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⴳⴷⴷ ⵏ ⵜⵎⵙⵙⵓⴳⵓⵔⵜ, ⵜⴻⵜⵜⵓⵙⵏⵎⴰⵍⴰ :
  • ⵎⴰⵙⵙⴰ ⵇⴰⵟⵉⴼⴰ ⵍⵇⵔⵇⵔⵉ, ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ.