ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵙⵓⵜⵍⵜ ⵜⵉⵙ ⵜⵜⴰⵎⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵉⵜⵜⴰⵡⵙⴽⴰⵔⵏ ⵙ ⵓⵎⵙⴰⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ
- ⴰⵙⵖⵥⵏ ⵏ 47 ⵏ ⵓⵚⵏⴼⴰⵕ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵜⵓⵙⵔⵉⴷⵜ ⵏ ⵓⵙⵙⴰⵔⵓ ⵉⵎⵙⴰⵙⴰⵏ ⴷ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ :
- 51 ⵎⵍⵢⴰⵕ ⵏ ⵓⴷⵉⵔⵀⴰⵎ ⴰⴷ ⵉⴳⴰⵏ ⴰⵜⵉⴳ ⵏ ⵉⵙⵙⴰⵔⵓⵜⵏ ⵏ ⵉⵚⵏⴼⴰⵕⵏ ⵍⵍⵉ ⵉⵜⵜⵓⵙⵖⵥⵏ ;
- ⴰⵙⴽⴰⵔ ⵎⴰ ⵉⵜⵜⴳⴰⵏ 17.000 ⵏ ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ ;
- ⵥⵍⵉⵏ ⵉⵚⵏⴼⴰⵕⵏ ⵍⵍⵉ ⵉⵜⵜⵓⵙⵖⵥⵏ ⵙ 23 ⵏ ⵜⵎⵏⴰⴹⵜ ⴳ 10 ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ;
- ⵎⴰ ⵉⵜⵜⴳⴰⵏ 20 ⵏ ⵉⴳⵔⴰⵏ ⴰⴷ ⵓⵎⵥⵏ ⵉⵚⵏⴼⴰⵕⵏ ⴰⴷ ;
- ⵜⵉⴽⴽⵉ ⵏ ⵓⴷⵔⴰⵣ ⴰⵙⵜⵕⴰⵜⵉⵊⵉ ⵉ 5 ⵏ ⵉⵚⵏⴼⴰⵕⵏ ⴳ ⵓⵙⴰⵜⵉ ⵏ ⵜⵡⵉⵙⵉ ⵉⵥⵍⵉⵏ ⵙ ⵉⵚⵏⴼⴰⵔⵏ ⴷⴰⵔ ⵉⵍⵍⴰ ⵓⴷⵔⴰⵣ ⴰⵙⵜⵕⴰⵜⵉⵊⵉ.
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 26 ⵢⵓⵏⵢⵓ 2025 ⴳ ⵕⵕⴱⴰⵟ, ⵜⴰⵙⵓⵜⵍⵜ ⵜⵉⵙ ⵜⵜⴰⵎⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵉⵜⵜⴰⵡⵙⴽⴰⵔⵏ ⵙ ⵓⵎⵙⴰⵙⴰ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ, ⵍⵍⵉ ⵎⵓ ⵉⵍⵍⴰ ⵓⵙⵡⵓⴷⴷⵓ ⵏⵏⵙ ⵣⵖ ⵎⴰⵕⵚ 2023 ⵉⵎⵙⴰⵙⴰⵏ ⴷ ⵜⵔⴰⵔⵜⵉⵏ ⵢⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ.
ⵢⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵎⴰ ⵙ ⵙⴽⵔⵏ ⵉⵙⵙⴰⵔⵓⵜⵏ ⴳ ⵜⴳⵍⴷⵉⵜ ⵢⴰⵜ ⵜⴷⵉⵏⴰⵎⵉⵜ ⵉⴼⵓⵍⴽⵉⵏ ⵍⵍⵉ ⵉⵜⵜⵓⵣⵎⵎⴰⵎⵏ ⴳ ⵜⵓⴳⵜ ⵏ ⵉⴳⵔⴰⵏ ⴳ ⵎⵏⵏⴰⵡⵜ ⵜⵎⵏⴰⴹ ⴷ ⵜⵙⴳⴳⵉⵡⵉⵏ.
ⵜⵙⵖⵥⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⵜⵜⴰⵎⵜ 36 ⵏ ⵓⵚⵏⴼⴰⵕ ⵏ ⵜⵎⵢⴰⵇⵇⴰⵏⵜ ⴷ 11 ⵏ ⵜⵎⵢⴰⵇⵇⴰⵏⵉⵏ ⵜⵙⴹⴼⴰⵕ, ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵜⴰⴷⵙⵍⴰⵏⵜ ⵏ ⵓⵙⵙⴰⵔⵓ, ⵍⵍⵉ ⴷ ⵉⴷⴷⴰⵏ ⴳ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ. ⵉⴳⴰ ⵡⴰⵜⵉⴳ ⵏ ⵉⵙⵙⴰⵔⵓⵜⵏ ⵏ 47 ⵏ ⵉⵚⵏⴼⴰⵕⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵎⴰ ⵉⵜⵜⴳⴳⴰⵏ 51 ⵎⵍⵢⴰⵕ ⵏ ⵓⴷⵔⵉⵀⴰⵎ ⵍⵍⵉ ⵔⴰⴷ ⵉⵙⴽⵔ 17.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵖ ⵜⵍⵍⴰ 9.000 ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ 8000 ⵏ ⵜⵡⵓⵔⵉ ⵡⴰⵔ ⵜⵓⵙⵔⵉⴷⵜ.
ⵥⵍⵉⵏ ⵉⵙⵏⴼⴰⵕⵏ ⵍⵍⵉ ⵅⴼ ⵉⵍⵍⴰ ⵓⵙⵖⵥⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵓⵙⵙⴰⵔⵓ 23 ⵏ ⵜⵎⵏⴰⴹⵜ ⴷ 10 ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵖ ⵍⵍⴰⵏ ⵜⵎⵏⴰⴹⵉⵏ ⴰⴷ : ⵕⵕⴰⵛⵉⴷⵢⴰ ⴷ ⵡⴰⵣⵣⴰⵏ ⴷ ⵛⴼⵛⴰⵡⵏ ⴷ ⵚⵚⵡⵉⵕⴰ ⴷ ⴱⵏⵉⵎⵍⵍⴰⵍ ⴷ ⵜⵔⵓⴷⴰⵏⵜ ⴷ ⴱⵓⵊⴷⵓⵔ.
ⵥⵍⵉⵏ ⵉⵚⵏⴼⴰⵕⵏ ⴰⴷ ⵙ 20 ⵏ ⵉⴳⵔⴰⵏ : ⵜⴰⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⴷ ⵜⵎⴳⵓⵔⵉ ⵏ ⵉⵙⴰⴼⴰⵔⵏ ⴷ ⵜⵎⴳⵓⵔⵉ ⵏ ⵓⵜⵜⵛⵉ ⴷ ⵜⵎⴳⵓⵔⵉ ⵜⵉⵥⴹⴰⵕ (ⵜⵉⴼⴰⵡⵜ) ⴷ ⵜⴰⵎⴰⵍⵍⴰⵢⵜ ⴷ ⵓⵙⵎⵓⵜⵜⵉ ⵏ ⵜⵏⵓⴼⴰ…
ⵜⴳⴰ ⵜⴰⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⵉⴳⵔ ⴰⴷⵙⵍⴰⵏ ⴰⵎⵣⵡⴰⵔⵓ ⴳ ⵓⵟⵟⵓⵏ ⵏ ⵉⵣⵎⴰⵣ ⵏ ⵜⵡⵓⵔⵉⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵏⵏⵙⵏ ⴳ ⵜⴰⵙⵓⵜⵍⵜ ⴰⴷ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵙ 54 % ⵏ ⵉⵣⵎⴰⵣ ⵏ ⵜⵡⵓⵔⵉ, ⵉⴹⴼⴰⵕ ⴷ ⵜ ⵉⴷ ⵉⴳⵔ ⵏ ⵓⵙⵎⵓⵜⵜⵉ ⵏ ⵜⵏⵓⴼⴰ ⵙ 9%, ⵉⴹⴼⴰⵕ ⴷ ⵜ ⵉⴷ ⵉⴳⵔ ⵏ ⵜⵎⴰⵍⵍⴰⵢⵜ ⵙ 8%.
ⵜⴳⴰ ⵜⵙⵓⵜⵍⵜ ⵜⵉⵙ ⵜⵜⴰⵎⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵉⵜⵜⴰⵡⵙⴽⴰⵔⵏ ⵙ ⵓⵎⵙⴰⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ ⵜⴰⵎⴳⴳⴰⵔⵓⵜ ⵍⵍⵉⵖ ⵜⵙⵖⵥⵏ ⵜⵙⵇⵇⵉⵎⵜ ⵉⵚⵏⴼⴰⵕⵏ ⵉⵙⵙⵓⵔⵓⵜⵏ ⵍⵍⵉ ⵎⵓ ⵉⴳⴰ ⵡⴰⵜⵉⴳ ⵏⵏⵙⵏ ⴷⴷⴰⵡ 250 ⵎⵍⵢⵓⵏ ⵏ ⵓⴷⵔⵀⴰⵎ ⴳ ⵜⵖⵔⴰⵙⵜ ⵏ ⵓⵙⵡⵓⴷⴷⵓ ⵏ ⵓⵙⵍⴳⵏ 22.24 ⵍⵍⵉ ⵉⵙⵖⵓⴷⴰⵏ ⵉⵙⵏⴼⵍ ⴰⵙⵍⴳⵏ 47.18 ⵙⵔⵙ ⵉⵥⵍⵉⵏ ⴳ ⵓⵙⴰⵜⵉ ⵏ ⵜⵡⵉⵙⵉ ⵜⴰⴷⵙⵍⴰⵏⵜ ⵏ ⵓⵙⵙⴰⵔⵓ, ⵜⵉⵎⵢⴰⵇⵇⴰⵏⵉⵏ ⵏ ⵉⵙⵙⴰⵔⵓⵜⵏ ⵍⵍⵉ ⵎⵓ ⵉⴳⴰ ⵡⴰⵜⵉⴳ ⵏⵏⵙ ⴷⴷⴰⵡ 250 ⵎⵍⵢⵓⵏ ⵏ ⵓⴷⵔⵀⴰⵎ ⵔⴰⴷ ⵢⵉⵍⵉ ⵓⵙⵖⵥⵏ ⵏⵏⵙⵏ ⴳ ⵓⵙⵡⵉⵔ ⴰⵙⴳⴰⵡⴰⵏ ⵉⵎⵙⴰⵙⴰⵏ ⴷ ⵡⴰⵔⵜⴰⵏⵎⵎⴰⵙⵜ ⴷ ⵜⵏⵎⵏⴰⴹⵜ ⵜⴰⵎⵉⵔⵉⵡⵜ.
ⵖⵉⴽⵍⵍⵉ ⵜⴼⴽⴰ ⵜⵙⵇⵇⵉⵎⵜ ⴰⴷⵔⵉⵣ ⴰⵙⵜⵕⴰⵜⵉⵊⵉ ⵉ 5 ⵉⵚⵏⴼⴰⵕⵏ ⴳ ⵜⵡⵉⵙⵉ ⵉⵥⵍⵉⵏ ⵙ ⵉⵚⵏⴼⴰⵕⵏ ⵉⵍⵍⴰⵏ ⴳ ⵓⴷⵔⵉⵣ ⴰⵙⵜⵕⴰⵜⵉⵊⵉ ⵉⵥⵍⵉⵏ ⵙ ⵉⴳⵔⴰⵏ ⴷ ⵜⵎⵙⵙⵓⴷⵓⵜⵉⵏ ⴷ ⵜⵎⴳⵓⵔⵉ ⵏ ⵍⴽⵉⵎⵢⴰ ⴷ ⵜⵎⵍⵙⵉⵜ ⴷ ⵜⵎⴳⵓⵔⵉ ⵏ ⵓⵎⵖⴰⵣ ⴳ ⵜⵙⴳⴳⵉⵡⵉⵏ ⴰⴷ : ⴼⴰⵙ-ⵎⴽⴰⵏⵙ ⴷ ⵍⵇⴱⵍⵜ ⴷ ⵙⵓⵙ ⵎⴰⵙⵙⴰ ⴷ ⵕⵕⴱⴰⵟ ⵍⵇⵏⵉⵟⵕⴰ ⴷ ⴷⴷⴰⵕ ⵍⴱⵉⴹⴰ ⵙⵟⵟⴰⵟ ⴷ ⵟⴰⵏⵊⴰ-ⵜⵉⵟⵟⵡⴰⵏ-ⵍⵃⵓⵙⴰⵢⵎⴰ.
