ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵎⴰⵡⴰⵙⵜ ⵜⴰⵎⵙⴳⴳⴰⵔⵜ ⵏ ⵓⴹⴼⴼⵓⵕ ⵏ ⵉⴹⵉⵚⵏ ⵏ ⵜⴰⵏⵏⴰⴹⵉⵏ ⵜⵉⵊⵢⵓⵙⵉⵢⴰⵙⵉⵢⵉⵏ ⴳ ⵓⴳⵎⵓⴹ ⴰⵏⴰⵎⵎⴰⵙ ⵅⴼ ⵜⴰⴷⴰⵎⵙⴰ ⵜⴰⵏⴰⵎⵓⵔⵜ

ⵙ ⵉⵥⵉⵕ ⵢⴰⵜⵜⵓⵢⵏ ⵉⵙⵓⵍⵏ ⵏ ⵉⵡⴰⵜⵜⵉⵢⵏ ⵏ ⵓⵙⴰⵔⵓⵖ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⵉⴹⵉⵚⵏ ⵏⵏⵙ ⵅⴼ ⵓⴳⴰⴷⴰⵣ ⴰⵏⴰⵎⵓⵔ, ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⴰⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⴰⵔⴰⵙ 30 ⵛⵓⵜⴰⵏⴱⵉⵔ 2026 ⴳ ⵔⵔⴱⴰⵟ, ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵎⴰⵡⴰⵙⵜ ⵜⴰⵎⵙⴳⴳⴰⵔⵜ ⵏ ⵓⴹⴼⴼⵓⵕ ⵏ ⵉⴹⵉⵚⵏ ⵏ ⵜⴰⵏⵏⴰⴹⵉⵏ ⵜⵉⵊⵢⵓⵙⵉⵢⴰⵙⵉⵢⵉⵏ ⴳ ⵓⴳⵎⵓⴹ ⴰⵏⴰⵎⵎⴰⵙ ⵅⴼ ⵜⴰⴷⴰⵎⵙⴰ ⵜⴰⵏⴰⵎⵓⵔⵜ, ⵎⴰⵏⵉ ⵖⵔ ⵜⵜⵓⵖⵜⴰⵙ ⵜⵓⵙⵙⵔⴰ ⵏ ⵓⴼⵔⴰ ⵏ ⵓⵍⴰⵍⵇ ⵓⵙⵔⵉⴷ ⴷ ⵓⵙⵍⵉⴳ ⵢⵓⵙⵉⵏ ⵉ ⵎⴰⵙⵙⴰⵏ ⵏ ⵢⵉⴳⵔ ⵏ ⵓⵙⴰⵙⴰⵢ ⵏ ⵜⴰⵖⴰⵡⴰⵙⵉⵏ ⴷ ⵉⵎⴷⴰⵏⵏ ⴰⴼⴰⴷ ⴰⴷ ⵜⴹⴼⵕ ⵜⴰⵣⴳⴰ ⵏ ⵓⵍⴰⵍⵇ ⵜⴰⵜⵜⵓⵢⵜ ⵏ ⵉⵡⴰⵜⵜⵉⵢⵏ ⵏ ⵓⵙⴰⵔⵓⵖ. ⵢⵓⵙⴰ ⴷ ⵓⵖⵜⴰⵙ ⴰⵏⴱⴰⴹⴰⵏ ⴼ ⴰⴷ ⵜⴰⵡⵉ ⵜⵓⵙⵙⵔⴰ ⵏ ⵓⵙⵎⵖⵔ ⵏ ⵓⵔⴳⴰⵏ ⵏ ⵉⵍⵓⵣⵣⵓⵜⵏ ⴷ ⵜⵓⵙⵙⵔⴰ ⵏ ⵜⴰⵏⴰⴼⵓⵜⵉⵏ ⵏ ⵓⵙⴰⵙⴰⵢ ⴰⴳⴷⵓⴷⴰⵏ ⵙ ⵓⵡⴰⵜⵜⴰⵢ ⴰⵎⵉⵔⴰⵏ ⵡⴰⵔ ⴰⵙⵎⵖⵔ ⵅⴼ ⵉⵏⴰⵎⵓⵔⵏ.
ⵜⴱⴱⴷ ⵜⵙⵇⵇⵉⵎⵜ ⵅⴼ ⵜⵉⵍⵉⵏ ⵏ ⵓⵖⵔⴰⵙ ⵜⴰⵣⵓⵔⴰⵏⵜ ⴷ ⵜⵓⵙⵙⵔⴰ ⵏ ⵓⵔⴳⴰⵏ ⵏ ⵓⵍⵓⵣⵣⵓ ⴰⵏⴰⵎⵓⵔ ⵙ ⵜⵖⴰⵡⴰⵙⵉⵏ ⵜⵉⴼⵍⴰⵃⵉⵏ ⴷ ⵜⵉⵖⴰⵡⴰⵙⵉⵏ ⵜⵉⵙⵉⵍⴰⵏⵉⵏ ⴳ ⵜⴰⴳⵏⴰⵜⵉⵏ ⵜⵉⵎⴰⵖⵏⵓⵏⵉⵏ. ⵎⴰⴽⴽⴰ ⵜⵜⵓⵙⵖⵣⵏ ⵎⴰⵙ ⴷ ⵓⵔⴳⴰⵏ ⵏ ⵓⵍⵓⵣⵣⵓ ⴰⵏⴰⵎⵓⵔ ⴰⵔ ⵉⵜⵜⵉⵍⵉ ⵙ ⵓⵎⵙⵙⵓⴳⴰⵔ ⵇⴰⵙ, ⵎⵍⴰⵅ ⵜⴰⵏⵏⴰⴹⵉⵏ ⵜⵉⵊⵢⵓⵙⵉⵢⴰⵙⵉⵢⵉⵏ ⴷ ⵓⵙⵎⴽⵍ ⵢⴰⴽⴰⵏ ⵓⵙⵉⵡⴹ ⵙ ⵉⴼⴰⵔⵙⵏ ⵜⴰⵣⵓⵔⴰⵏⵉⵏ ⴳ ⵓⵎⴰⴹⴰⵍ. ⵉⵛⴽⵉ ⵜⴰⴳⵍⴷⵉⵜ ⵜⵍⴰ ⴰⵖⵔⴰⵙ ⴰⵃⵟⵟⴰⵢ ⵏ ⵓⴳⴰⵙ ⵏ ⴱⵓⵜⴰⵏ ⴷ ⵓⴳⴰⵙⵡⴰⵍ ⵉⴳⵍⵍⵉⵏ ⴳⵔ 40 ⴷ 60 ⵓⵙⵙⴰⵏ.
ⴰⴷ ⵉⵣⴹⴰⵕⵏ ⵉⵎⵙⴳⴳⵓⵔⵏ ⵏ ⵢⵉⴳⵔ ⵏ ⵓⵙⴰⵙⴰⵢ ⴰⵎⵙⴳⴳⵓⵔ ⵏ ⵜⴰⵖⴰⵡⴰⵙⵉⵏ ⴷ ⵉⵎⴷⴰⵏⵏ, ⵣⵓⵏ ⴷ ⵜⵉⴽⴽⴰⵍ ⵜⵉⵎⵣⵡⵓⵔⴰ, ⴰⴷ ⵙⵔⵔⵙⵏ ⵜⵉⵔⴰⵜⵉⵏ ⵏ ⵓⵎⵢⴰⴼⴰⵡ ⴳ ⵓⵍⴰⵍⵇ ⴽⵕⴰⴹ ⵜⴰⵎⵉⵡⵉⵏ ⴳ ⵡⴰⵙⵉⵜ :  https://mouakaba.transport.gov.ma ⴷ ⵓⴹⴼⴼⵓⵕ ⵏⵏⵙ ⵙ ⵓⴱⵔⵉⴷ ⴰⵍⵉⴽⵜⵔⵓⵏⵉ.