ⵉⵙⵙⵉⵅⴼ ⵓⵏⵙⵙⵉⵅⴼⴼ ⵏ ⵜⵏⴱⴰⴹⵜ ⵜⵉⵡⵔⵉⵡⵉⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⴰⵎⵣⵡⴰⵔⵓ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵏ ⵜⵎⵏⴰⴹⵜ ⵏ ⴼⴰⵙ-ⵎⴽⵏⴰⵙ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵏⴰⵙ 09 ⵢⵓⵏⵢⵓ 2026 ⴳ ⴼⴰⵙ, ⵜⵉⵡⵔⵉⵡⵉⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⴰⵎⵣⵡⴰⵔⵓ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵏ ⵜⵎⵏⴰⴹⵜ ⵏ ⴼⴰⵙ-ⵎⴽⵏⴰⵙ, ⵎⴰⵢⴰⴷ ⴳ ⵓⵙⴰⵜⵉ ⵏ ⵓⵙⵎⴷ ⵏ ⵓⵣⵣⴳⵉⵔ ⵏ ⵓⵙⵏⴼⴰⵕ ⴰⵏⴰⵎⵓⵔ ⵉⵣⴷⵉⵏ ⴷ ⵓⵙⵔⵓⵙ ⵏ ⵜⴳⵔⵓⵎⵎⵉⵡⵉⵏ ⵜⵉⴷⵓⵙⴰⵏⵉⵏ ⵜⵉⴽⴰⵍⴰⵏⵉⵏ, ⵙ ⵓⵣⵣⴳⵉⵔ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵔⴰⵏ ⴰⴷ ⵙⵔⵓⵙⵏ ⵢⴰⵏ ⵓⵙⴳⴳⴷ ⴰⵎⴰⵜⴰⵢ ⴰⴷⵓⵔⴰⵏ ⴳ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.
ⴳ ⵓⵙⵏⵜⵉ ⵏ ⵓⴳⵔⴰⵡ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⴷ ⵓⵙⵎⵔⵙ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵏ ⵜⵎⵏⴰⴹⵜ ⴼⴰⵙ-ⵎⴽⵏⴰⵙ, ⵉⴳⴰ ⵢⴰⵏ ⵓⵣⵎⵎⵣⵓ ⴰⴷⵙⵍⴰⵏ ⵏ ⵓⵙⵔⵓⵙ ⵏ ⵢⴰⵜ ⵜⵏⴱⴰⴹⵜ ⵜⴰⴷⵓⵙⴰⵏⵜ ⵜⴰⵎⵏⴰⴹⴰⵏⵜ ⵉⴳⴰⵏ ⵜⴰⵎⵢⴰⴼⴰⴷⵜ ⴷ ⵜⵎⴳⴳⵓⵔⴰⵏⵜ, ⵎⴰⵢⴰⴷ ⵔⴰⴷ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵜⵖⴰⵔⴰ ⵏ ⵜⵏⵓⴼⴰ ⵜⵉⴷⵓⵙⴰⵏⵉⵏ ⴷ ⵓⵙⵓⴷⵙ ⵏⵏⵙⵏⵜ ⵉ ⵉⵎⵓⵔⵉⵏ ⴷ ⵜⵎⵓⵔⵉⵢⵉⵏ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏⴳⵔ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⴰⴽⴽⵯ ⴳ ⵓⵙⵡⵉⵔ ⵏ ⵜⵎⵏⴰⴹⵜ, ⵉⵎⵙⴰⵙⴰⵏ ⴷ ⵜⵎⵓⵖⵍⵉ ⵜⴰⴳⵍⴷⴰⵏⵜ ⵜⴰⵏⴼⵔⴰⵔⵜ, ⵉⵔⴰⵏ ⴰⵙⴳⴳⴷ ⴷ ⵓⵙⵎⵓⵜⵜⴳ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.
ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙ ⵜⵍⴰ ⵜⵎⵏⴰⴹⵜ ⵏ ⴼⴰⵙ-ⵎⴽⵏⴰⵙ ⵢⴰⵜ ⵜⵉⵍⴰⵍⵜ ⵜⴰⴷⵙⵍⴰⵏⵜ ⴳ ⵓⴳⵏⵙⵓ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⵍⵍⵉⴳ ⵉⵍⴽⵎ ⵓⵎⴹⴰⵏ ⵏ ⵉⵎⵣⴷⴰⵖⵏ ⵏⵏⵙ ⴰⴷⴷⴰⵢ ⵏ 4.5 ⵎⵍⵢⵓⵏ ⵏ ⵓⴼⴳⴰⵏ, ⵎⴰⵢⴰⴷ ⵉⴳⴰⵏ ⴰⴷⴷⴰⵢ ⵏ 12 ⴳ ⵜⵎⵉⴹⵉ ⵏ ⵉⵎⵣⴷⴰⵖⵏ ⵏ ⵡⴰⵎⵓⵔ, ⴷ ⵢⴰⵏ ⵓⵍⵉⵍⵉ ⴰⴷⵙⵍⴰⵏ ⵏ ⵉⵎⵣⴷⴰⵖⵏ ⵏ ⵜⵙⴳⴳⵉⵡⵉⵏ ⵜⵉⴼⴰⵔⴰⵏⵉⵏ ⵍⵍⵉ ⵉⴳⴰⵏ 36 % ⴳ ⵜⵎⵉⴹⵉ ⵏ ⵉⵎⵣⴷⴰⵖⵏ ⵏ ⵜⵎⵏⴰⴹⵜ. ⵎⴰⵢⴰⴷ ⵉⵙⴽⵔⵏ ⵙⴳ ⵓⵙⴳⵓⴷⴷⵉ ⵏ ⵜⵏⵓⴼⴰ ⵜⵉⴷⵓⵙⴰⵏⵉⵏ, ⴷ ⵓⵙⴷⵓⵙ ⵏ ⵜⵣⵔⴼⵜ ⵜⴰⴽⴰⵍⴰⵏⵜ ⴳ ⵓⴽⵛⵛⵓⵎ ⵙ ⵓⵙⵓⵊⵊⵉ, ⵢⴰⵏ ⵙⴳ ⵉⵎⵏⵣⴰⵢⵏ ⵉⴷⵙⵍⴰⵏⵏ ⵏ ⵓⵙⵏⴼⴰⵕ ⴰⴷ ⴳ ⵜⵎⵏⴰⴹⵜ ⴰⴷ.
ⵉⵖⵔⴰ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉ ⵉⵎⵙⴽⴰⵔⵏ ⴷ ⵜⵙⴳⴳⵉⵡⵉⵏ ⵜⵉⵎⴰⴼⴰⴷⵉⵏ ⴰⴷ ⵙⵎⵔⴰⵙⵏ ⵜⵉⵙⵉⵍⵍⵉ ⴷ ⵓⵙⵔⵓⵔⵓ ⵏ ⵓⵣⵣⴳⵉⵔ ⵏ ⵓⵙⵏⴼⴰⵕ ⵏ ⵓⵙⴽⵓ ⴷ ⵓⵙⵎⵓⵜⵜⴳ ⵏ ⵉⵙⴳⵏⴰⴼⵏ ⵉⵜⵙⴳⴳⴰⵏⵏ ⴷ ⵉⵎⵏⴰⴹⴰⵏⵏ ⴳ ⵜⵎⵏⴰⴹⵜ ⵏ ⴼⴰⵙ-ⵎⴽⵏⴰⵙ, ⵍⵍⵉ ⵉⵍⵍⴰⵏ ⴳ ⵓⵙⴳⵏⵓ ⴰⵎⵙⵔⵓⵔⵓ ⵏ ⵓⵙⴷⵓⵙ ⵏ ⵜⵓⵎⴰⵢⵜ ⵜⴰⴷⵓⵙⴰⵏⵜ ⴷ ⵓⵙⴳⵓⴷⴷⵉ ⵏ ⵜⵏⵓⴼⴰ ⵜⵉⴷⵓⵙⴰⵏⵉⵏ ⵉ ⵉⵎⵣⴷⴰⵖⵏ ⵏ ⵜⵎⵏⴰⴹⵜ.
ⵜⵍⴰ ⵜⵎⵏⴰⴹⵜ ⴰⴷ ⵢⴰⵜ ⵜⵓⵎⴰⵢⵜ ⵜⴰⴷⵓⵙⴰⵏⵜ ⵜⴰⴷⵙⵍⴰⵏⵜ, ⵍⵍⵉ ⵢⵓⵎⴰⵏ ⴳ ⵓⵙⵡⵉⵔ ⵏ ⵜⴱⵍⵓⵖⵜ ⵜⴰⴷⵓⵙⴰⵏⵜ ⵜⴰⵎⵣⵡⴰⵔⵓⵜ ⴷ ⵜⵏⵓⴼⴰ ⵏ ⵓⵙⴳⵓⴷⴷⵉ 427 ⵏ ⵜⵎⵔⵙⵍⵜ ⵜⴰⴷⵓⵙⴰⵏⵜ. ⵜⵍⴰ ⵓⵍⴰ ⵢⴰⵜ ⵜⵣⴷⴰⵢⵜ ⵏ ⵉⵙⴳⵏⴰⴼⵏ ⵍⵍⵉⵖ ⵎⵓⵏⵜ ⵙⵎⵎⵓⵙⵜ 5 ⵏ ⵜⵎⵔⵙⴰⵍ ⵜⵉⵙⴳⵏⴰⴼⵉⵏ ⵜⵉⵙⴷⴰⵡⴰⵏⵉⵏ ⴷ 14 ⵏ ⵜⵎⵔⵙⵍⵜ ⵜⴰⵙⴳⵏⴰⴼⵜ ⴳ ⵜⵎⵏⴰⴹⴰⵜ ⴷ ⵜⵉⵏ ⵜⵙⴳⴰ, ⴳ ⵓⵣⵡⵉⵍ ⵏⵏⵙⵏⵜ ⴰⵎⵎⴰⵙ ⴰⵙⴳⵏⴰⴼ ⴰⵙⴷⴰⵡⴰⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⴼⴰⵙ.
ⴳ ⵜⵉⵡⵔⵉⵡⵉⵏ ⵏ ⵓⵙⵇⵇⵉⵎ ⴰⴷ, ⵉⵙⵎⵏⵉⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵏ ⵜⵎⵏⴰⴹⵜ ⴼⴰⵙ-ⵎⴽⵏⴰⵙ, ⴰⵀⵉⵍ ⵏ ⵜⵡⵓⵔⵉ ⵏ ⵜⴳⵔⵓⵎⵎⴰ ⴷ ⵜⵙⴳⵓⵔⵉ ⵏⵏⵙ ⵏ ⵓⵙⴳⴳⵯⴰⵙ 2026 ⴷ ⵓⵎⴰⵡⴰⵙ ⵏⵏⵙ ⵏ ⵜⴷⴱⵍⵜ, ⴷ ⵓⵎⴹⴰⵏ ⵏ ⵉⵙⵏⴼⴰⵔⵏ ⵏ ⵜⵖⵜⴰⵙⵉⵏ, ⵍⵍⵉ ⵉⵜⵜⵓⵙⵉⴹⵏⵏ ⴷ ⵓⵙⵔⴰⴷ ⵏⵏⵙⵏⵜ.
ⵉⴳⴰ ⵓⴳⵔⴰⵡ ⴰⴷ ⵢⴰⵏ ⵓⵣⵎⵎⵣⵓ ⵏ ⵓⵙⴷⴷⵉⴷ ⵏ ⵜⵉⵍⴰⵍⵜ ⵏ ⵓⵙⵏⵎⴰⵍⴰ ⵏ ⵉⴱⵔⵉⴷⵏ ⵏ ⵓⵙⵓⵊⵊⵉ ⴳ ⵓⴳⵏⵙⵓ ⵏ ⵜⵎⵏⴰⴹⵜ, ⴷ ⵓⵙⴷⵓⵙ ⵏ ⵓⵎⵢⴰⴼⴰⴷ ⵏⴳⵔ ⵜⴱⵍⵓⵖⵜ ⵜⴰⴷⵓⵙⴰⵏⵜ ⵜⴰⵎⵣⵡⴰⵔⵓⵜ ⴷ ⵉⵙⴳⵏⴰⴼⵏ, ⴷ ⵓⵙⴱⵓⵖⵍⵓ ⵏ ⵓⵎⵓⵙⵙⵓ ⵏ ⵉⵎⵓⴹⴰⵏ ⵏⴳⵔ ⵉⵙⵡⵉⵔⵏ ⵏ ⵜⴱⵍⵓⵖⵜ. ⵎⴰⵢⴰⴷ ⵔⴰⴷ ⵢⴰⵡⵙ ⴳ ⵓⵙⴱⵉⴷⴷ ⵏ ⵓⵣⵣⵉⴳⵣ ⵅⴼ ⴽⵔⴰ ⵏ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⴷ ⵓⵙⴱⵓⵖⵍⵓ ⵏ ⵜⵎⵉⵜⴰⵔ ⵏ ⵓⵙⵏⵓⴱⴱⴳ ⵏ ⵉⵎⵙⵡⵓⵔⵉⵢⵏ.
ⴳ ⵓⵙⴰⵜⵉ ⴰⴷ, ⵜⵍⴰ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵢⴰⵜ ⵜⵉⵍⴰⵍⵜ ⵜⴰⴷⵙⵍⴰⵏⵜ ⴳ ⵓⵎⵢⴰⵡⴰⵙ ⵏ ⵜⵓⵎⴰⵢⵜ ⵜⴰⴷⵓⵙⴰⵏⵜ ⵜⴰⵎⵏⴰⴹⴰⵏⵜ, ⴷ ⵓⴹⴼⴼⵓⵕ ⵏ ⵉⵙⵔⵓⵙⵏ ⵏ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ, ⴷ ⵓⵙⴱⵓⵖⵍⵓ ⵏ ⵓⵙⵎⵔⵙ ⵏ ⵉⵙⵓⴳⴰⵎ ⵏ ⵓⴼⴳⴰⵏ ⴷ ⵉⵎⵔⵉⵙⵏ ⵍⵍⵉ ⵢⵍⵍⴰⵏ, ⵙ ⵢⴰⵜ ⵜⵎⵓⵖⵍⵉ ⵉⴱⴷⴷⵏ ⵅⴼ ⵓⵙⴳⵓⴷⴷⵉ ⴷ ⵜⵎⴳⴳⵓⵔⵉ ⴷ ⵜⵣⵔⴼⵜ ⵜⴰⴽⴰⵍⴰⵏⵜ.
ⵉⵜⵜⵓⵙⴷⴷⵉⴷ ⵓⵍⴰ ⵅⴼ ⵜⵉⵍⴰⵍⵜ ⵏ ⵓⵙⵎⴷ ⵏ ⵉⵙⵏⴼⴰⵔⵏ ⵏ ⵓⵙⵎⵓⵜⵜⴳ ⵏ ⵜⵓⵙⴽⵉⵡⵉⵏ ⵜⵉⴷⵓⵙⴰⵏⵉⵏ, ⴷ ⵓⵙⴱⵓⵖⵍⵓ ⵏ ⵓⵎⵓⵜⵜⵉ ⴰⵎⵓⵟⵟⵓⵏ, ⴷ ⵓⵙⴷⵓⵙ ⵏ ⵜⵉⵔⵔⴰⵔⵉⵏ ⵏ ⵓⴹⴼⴼⵓⵕ ⴷ ⵓⵙⵉⴹⵏ ⵉⵎⵙⴰⵙⴰⵏ ⴷ ⵉⵡⵜⵜⴰⵙⵏ ⵏ ⵓⵙⴳⴳⴷ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⴷ ⵓⴹⴼⴼⵓⵕ ⵏ ⵜⵉⵔⵔⴰⵔⵉⵏ ⵏ ⵉⵎⵣⴷⴰⵖⵏ ⴳ ⵓⵙⵡⵉⵔ ⵏ ⵜⵎⵏⴰⴹⵜ ⴼⴰⵙ-ⵎⴽⵏⴰⵙ.
ⵜⴻⵜⵜⵓⵙⵎⵍⴰ ⴰⵡⴷ ⵜⵉⵍⴰⵍⵜ ⵏ ⵓⵙⵎⵓⵜⵜⴳ ⴷ ⵓⵣⵣⴳⵉⵔ ⵏ ⵓⵀⵉⵍ ⴰⵙⴼⵔⵓⵔⴰⵏ ⴰⵎⵏⴰⴹⴰⵏ, ⵍⵍⵉ ⵉⴳⴰⵏ ⵢⴰⵜ ⵜⵎⵔⵉⵙⵜ ⵜⴰⴷⵙⵍⴰⵏⵜ ⵏ ⵓⵙⴷⵓⵙ ⵏ ⵜⵓⵎⴰⵢⵜ ⵜⴰⴷⵓⵙⴰⵏⵜ ⵙ ⵜⵎⵉⵜⴰⵔ ⵏ ⵜⵎⵏⴰⴹⵜ, ⴷ ⵓⵙⵔⴰⴷ ⵏ ⵓⵎⵢⴰⴼⴰⴷ ⵏⴳⵔ ⵉⵙⵡⵉⵔⵏ ⵏ ⵜⴱⵍⵓⵖⵜ, ⴷ ⵓⵙⴷⵓⵙ ⵏ ⵓⵙⵎⴷ ⴷ ⵜⵖⴰⵔⴰ ⵏ ⵜⵏⵓⴼⴰ ⵜⵉⴷⵓⵙⴰⵏⵉⵏ.
ⴳ ⵓⴳⵔⴰⵡ ⴰⴷ, ⵉⵜⵜⵓⵙⴷⴷⵉⴷ ⵓⵍⴰ ⵎⴰⵙ ⴷ ⵉⴳⴰ ⵓⴼⴳⴰⵏ ⵢⴰⵏ ⵓⵎⵓⵙⵙⵓ ⴰⴷⵙⵍⴰⵏ ⵏ ⵓⵙⵎⵓⵔ ⵏ ⵓⵎⵓⵜⵜⵉ ⴰⴷ, ⵙ ⵓⵙⵎⴷ ⵏ ⵓⵙⵎⵓⵜⵜⴳ ⴷ ⵓⵙⵎⵓⵙⵙⵓ ⵏ ⵉⵎⵙⵡⵓⵔⵉⵢⵏ ⵏ ⵜⴷⵓⵙⵉ, ⴷ ⵓⵙⴱⵓⵖⵍⵓ ⵏ ⵜⴷⴱⵍⵜ ⵏ ⵜⵉⴼⵉⵔⴰⵙ ⴳ ⵓⴳⵯⵏⵙ ⵏ ⵜⵎⵏⴰⴹⵜ, ⵎⴰⵢⴰⴷ ⵉⵎⵙⴰⵙⴰⵏ ⴷ ⵉⵙⵔⵓⵙⵏ ⵏ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⴷ ⵓⵢⴰⵡⴰⵙ ⴳ ⵓⵙⵔⴰⴷ ⵏ ⵓⵙⵎⴷ ⴷ ⵜⵖⴰⵔⴰ ⵏ ⵜⵏⵓⴼⴰ ⵍⵍⵉ ⵉⵜⵜⵓⴼⴽⴰⵏ ⵉ ⵉⵎⵣⴷⴰⵖⵏ.
ⵃⴹⵕⵏ ⴳ ⵓⴳⵔⴰⵡ ⴰⴷ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵓⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⴼⴰⵙ-ⵎⴽⵏⴰⵙ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⴼⴰⵙ-ⵎⴽⵏⴰⵙ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵏ ⵜⵎⵏⴰⴹⵜ ⴼⴰⵙ-ⵎⴽⵏⴰⵙ.