ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴰⴽⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵍⴼⵉⵟⵏⴰⵎ
ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵎⵡⴰⵙ 25 ⵢⵓⵍⵢⵓⵣ 2025, ⵉⵎⴹⴰⴽⴰⵕⵏ ⴰⴽⴷ ⵎⴰⵙⵙ ⵜⵕⴰⵏ ⵜⵏⴰⵀ ⵎⴰⵏ, ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵍⴼⵉⵟⵏⴰⵎ, ⵍⵍⵉⵖ ⵙⴰⵡⵍⵏ ⵅⴼ ⵜⵖⴰⵔⴰⵙⵉⵏ ⵏ ⵓⵙⵖⵓⴷⵓ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵏⴳⵔ ⵍⵎⵖⵔⵉⴱ ⴷ ⵍⴼⵉⵟⵏⴰⵎ ⵙ ⵜⵏⵏⵓⴱⴹⴰ ⵏ ⵉⵏⵎⵖⵓⵔⵏ ⵏ ⵜⵎⵉⵣⴰⵔ ⵙ ⵙⵏⴰⵜ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⵙⵔⵎⵓⵏⵜ ⵏ ⵍⴼⵉⵟⵏⴰⵎ ⵎⴰⵙⵙ ⵍⵓⵏⵖ ⴽⵓⵏⵖ.
ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵉⵎⴹⴰⴽⴰⵔⵏ ⴰⴷ ⵙ ⵡⴰⵍⴰⵢ ⵏ ⵜⵣⴷⴰⵢⵉⵏ ⵏⴳⵔ ⵍⵎⵖⵔⵉⴱ ⴷ ⵍⴼⵉⵟⵏⴰⵎ ⴷ ⵜⴰⵔⵉⵜ ⵏ ⵓⵙⵎⵓⵜⵜⴳ ⵏ ⵜⵣⴷⴰⵢⵉⵏ ⵜⵉⵙⵔⴰⵏⵏ ⵏ ⵓⵙⴱⵓⵖⵓⵍⵓ ⵏ ⵜⵣⴷⴰⵢⵉⵏ ⵙ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ ⵉⵎⵙⴰⵙⴰⵏ ⴷ ⵜⵢⴰⴼⵓⵜ ⵏ ⵓⵎⵣⵔⵓⵢ ⵉⵜⵜⵓⵛⵔⴰⴽⵏ ⴷ ⵓⵙⵖⵓⴷⵓ ⵏ ⵓⵎⵢⴰⵡⴰⵙ ⴰⴷⴰⵎⵙⴰⵏ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ.
ⴳ ⵎⵏⵉⴷ ⵏⵏⵙ, ⵉⵡⵉ ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵍⴼⵉⵟⵏⴰⵎ ⵎⴰ ⵉⴳⴰ ⵓⵡⵜⵜⴰⵙ ⵏ ⵜⵔⵣⵣⵉⴼⵜ ⵍⵍⵉ ⴷ ⵉⵙⴽⵔ ⵉ ⵍⵎⵖⵔⵉⴱ ⵏⵜⵜⴰ ⴷ ⵓⴽⴰⴱⴰⵔ ⵢⴰⵜⵜⵓⵢⵏ ⵍⵍⵉ ⴷ ⵉⵎⵓⵏ ⴰⵙⵖⵓⴷⵓ ⵏ ⵉⵎⵢⴰⵡⴰⵙⵏ ⵉⴷⴰⵎⵙⴰⵏ ⵉⴷⵓⴱⵍⵓⵎⴰⵙⵉⵏ ⴷ ⵉⴱⴰⵕⵍⵎⴰⵏⵉⵏ ⵏⴳⵔ ⵕⵕⴱⴰⵟ ⴷ ⵀⴰⵏⵓⵡⵉ ⵃⵎⴰ ⴰⴷ ⵍⴽⵎⵏⵜ ⴰⵙⵡⵉⵔ ⵏ ⵜⵣⵏⴷⴰⵢⵉⵏ ⵜⵙⵔⵜⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵏ.
ⵖ ⵎⵏⵉⴷ ⴰⴷ ⵉⵜⵜⴰⵡⵏⴰ ⵎⴰ ⵉⵥⴹⴰⵕ ⵍⵎⵖⵔⵉⴱ ⴰⴷ ⵢⴰⵜ ⵜⵡⵡⵓⵔⵜ ⵏ ⵉⵙⵙⴰⵔⵓⵜⵏ ⵏ ⵍⴼⵉⵜⵏⴰⵎ ⴳ ⵉⴼⵔⵉⵇⵢⴰ, ⵖ ⵜⵙⴳⴰ ⵏⵏⵙ ⵔⴰⴷ ⵍⴼⵉⵜⵏⴰⵎ ⵢⴰⵏ ⵓⵔⵇⵇⴰⵙ ⵏⴳⵔ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵏ ⵜⵎⵉⵣⴰⵔ ⵏ ⵜⴰⴳⵓⵜ ⵏ ⴰⵙⵢⴰ (ⴰⵙⵢⴰⵏ) ⵍⵍⵉ ⵉⴳⴰⵏ ⵢⴰⵏ ⵓⴳⴰⴷⴰⵣ ⵖ ⵉⵍⵍⴰ ⵎⴰ ⵉⵣⵔⵉⵏ 600 ⵎⵓⵍⵢⵓⵏ ⵏ ⵓⵏⵙⵎⵓⵔ.
ⵉⵍⵍⴰ ⴰⵡⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵜⵙⵓⵎⴰⵔ ⵜⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ ⵅⴼ ⵉⵍⵍⴰ ⵓⵎⵙⴰⵙⴰ ⴷ ⵓⵙⵎⵖⵔ ⵏ ⵓⵙⵎⵓⵜⵜⴳ ⵉⵜⵜⵓⵣⵎⴰⵎⵏ ⴳ ⵓⵙⵡⵉⵔ ⵏ ⵓⵙⵖⵓⴷⵓ ⵏ ⵜⵣⴷⴰⵢⵉⵏ ⵜⵉⴱⴰⵕⵍⴰⵎⴰⵏⵉⵏ ⴳ ⵍⵎⵖⵔⵉⴱ ⴷ ⵍⴼⵉⵜⵏⴰⵎ.
