ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵉⵥⵍⵉⵏ ⵙ ⵜⵏⴰⵔⴰ ⴷ ⵓⵙⴳⴳⴷ ⵏ ⵓⵖⴰⵡⴰⵙ ⵏ ⵡⴰⵔⴰⵢ ⴰⵏⴰⵎⵓⵏ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙⴰ ⵏ ⵓⵙⵉⵏⴰⵙ16 ⵛⵓⵜⴰⵏⴱⵉⵔ 2025 ⴳ ⵕⵕⴱⴰⵟ, ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵉⵥⵍⵉⵏ ⵙ ⵓⵏⴱⴰⴹ ⴷ ⵓⵙⴳⴳⴷ ⵏ ⵓⵖⴰⵡⴰⵙ ⵏ ⵡⴰⵔⴰⵢ ⴰⵏⴰⵎⵓⵏ ⵍⵍⵉⵖ ⵏⵏ ⵓⴳⴳⴰⵏ ⵅⴼ ⵜⵡⵓⵔⵉ ⴷ ⵎⴰⵏⵉ ⵜⵉⵡⴹ ⵜⵡⵓⵔⵉ ⵏ ⵉⵖⴰⵡⴰⵙⵏ ⵍⵍⵉ ⵉⵍⵍⴰⵏ ⴳ ⵓⵙⴰⵜⵉ ⵏ ⵡⴰⵔⴰⵢ ⴰⵏⴰⵎⵓⵏ, ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⴷ ⵓⴹⴼⵉⵕ ⵏ ⵓⵙⵡⵓⴷⴷⵓ ⵓⵣⵎⵎⴻⵎ ⴳ ⵡⴰⵔⵔⴰ ⴰⵏⴰⵎⵓⵔ ⵏ ⵉⵎⵣⴷⴰⵖ ⴷ ⵡⴰⵔⵔⴰ ⴰⵏⴰⵎⵓⵏ ⴰⵎⵢⵉⵡⵏ ⴷ ⵓⵣⵎⵎⴻⵎ ⴳ ⵓⵖⴰⵡⴰⵙ ‘‘ⴰⵎⵓ ⵜⴹⴰⵎⵓⵏ’’ ⴷ ⵓⴹⴼⵉⵔ ⵏ ⵓⵙⵢⴰⴼⴰ ⵏ ⵜⵡⵓⵊⵉⵡⵉⵏ ⵉⵙⵖⴰⵡⵙⴰⵏ ⵙⴳ ⵓⵖⴰⵡⴰⵙ ⵏ ⵡⴰⵏⵏⴰⵍ ⴰⵏⴰⵎⵓⵏ ⵓⵙⵔⵉⴷ.
ⴳ ⵓⵎⵣⵡⴰⵔⵓ ⵏ ⵓⴳⵔⴰⵡ ⴰⴷ, ⵢⵓⵍⵙ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵉⵙⴷⴷⵉⴷ ⵎⴰⵙ ⵜⵎⵎⴰⵖ ⵜⵏⴱⴰⴹⵜ ⴰⴷ ⵜⵙⴳⴳⵓⵣ ⵏ ⵓⵚⵏⴼⴰⵕ ⴰⵏⴰⵎⵓⵔ ⵏ ⵜⵉⵡⵉⵣⵉ ⵏ ⵓⵙⵎⴰⵜⴰⵢ ⵏ ⵡⴰⵔⴰⵢ ⴰⵏⴰⵎⵓⵏ ⵙ ⵖⵉⴽⵍⵍⵉ ⵙ ⵉⵇⵇⴰⵏ, ⵙ ⵢⴰⵜ ⵜⵖⴰⵔⴰⵙⵜ ⵉⴼⴰⵡⵏ ⵉⵎⵙⴰⵙⴰⵏ ⵖ ⵉⵍⵍⴰ ⵓⵡⵇⵇⵕ ⵏ ⵓⵖⴰⵡⴰⵙ ⴰⴳⵍⴷⴰⵏ, ⵉⵏⵏⴰ ⴰⵡⴷ ⵎⴰ ⵙ ⵏⵏ ⵜⴳⴳⴰ ⵜⵏⴱⴰⴹⵜ ⵜⵓⴳⴳⴰⵙ ⵏⵏⵙ ⴷ ⴰⵔ ⵜⴳⴳⴰ ⵜⵉⵎⴳⴳⵉⵢⵉⵏ ⴷ ⵓⵙⵔⵓⵙ ⵏ ⵜⵉⵔⵙⴰⵍ ⵏ ⵜⵙⵔⵜⵉⵜ ⵜⴰⵏⴰⵎⵓⵏⵜ ⵜⴰⵏⴰⵎⵓⵔⵜ ⵉⴳⴰⵏ ⵜⴰⵙⵓⵍⴰⵏⵜ ⵙ ⵖⵉⴽⵍⵉ ⵜⵜ ⵉⵏⵏⵓⵔⵣ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ  ⴰⴷ ⵜ ⵉⵙⵙⵔⵏⵓ ⵔⴱⴱⵉ.
ⵜⴹⴼⴰⵕ ⵜⵙⵇⵇⵉⵎⵜ ⴳ ⵓⴳⵔⴰⵡ ⴰⴷ ⵜⴰⵡⵓⵔⵉ ⵏ ⵓⵣⵎⵎⴻⵎ ⴳ ⵡⴰⵔⵔⴰ ⴰⵏⴰⵎⵓⵔ ⵏ ⵉⵎⵣⴷⴰⵖ ⴷ ⵡⴰⵔⵔⴰ ⴰⵏⴰⵎⵓⵏ ⴰⵎⵢⵉⵡⵏ. ⵉⵍⴽⵎ ⵓⵟⵟⵓⵏ ⵏ ⵡⵉⵍⵍⵉ ⵉⵜⵜⵓⵣⵎⵎⴰⵎⵏ ⵎⴰ ⵉⵜⵜⴳⴰⵏ 22,5 ⵎⵍⵢⵓⵏ ⵏ ⵓⴼⴰⴳⴰⵏ, ⵉⵍⴽⵎ ⵓⵟⵟⵓⵏ ⵏ ⵜⵉⵡⵊⵉⵡⵉⵏ ⵉⵜⵜⵓⵣⵎⵎⴰⵏ ⴳ ⵡⴰⵔⵔⴰ ⴰⵏⴰⵎⵓⵏ ⴰⵎⵢⵉⵡⵏ 5,3 ⵎⵍⵢⵓⵏ ⵏ ⵜⵡⵓⵊⴰ.
ⵖⵉⴽⵍⵍⵉ ⵏⵏ ⵓⴳⴳⴰⵏ ⵅⴼ ⵡⴰⵍⴰⵢ ⵏ ⵓⵟⵟⵓⵏ ⵏ ⵡⵉⴷⴰ ⵉⵙⵢⴰⴼⴰⵏ ⴳ ⵉⵖⴰⵡⴰⵙⵏ ⵏ ⵓⴼⵔⴰⴳ ⴰⴷⵓⵙⴰⵏ (ⴰⵎⵓ ⵜⴹⴰⵎⵓⵏ, ⴰⵎⵓ ⵉⵎⵙⵡⵓⵔⵉⵜⵏ, ⴰⵎⵓ ⵏ ⵡⵉⴷⴰ ⵓⵔ ⵉⵙⵡⵓⵔⵉⵏ ⴷ ⴰⵎⵓ ⵛⵛⴰⵎⵉⵍ) ⵙⴳ 8,5 ⵎⵍⵢⵓⵏ ⴰⵔ 24,3 ⵎⵍⵢⵓⵏ ⵏ ⵓⵎⵙⵢⴰⴼⴰ ⴳ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ ⵖⵓⵔ ⵜⴼⵏⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴳ ⵓⵣⵎⵣ ⵙⴳ ⴰⵙⴳⴳⵯⴰⵙ 2021 ⴰⵔ ⵜⵉⴳⵔⴰ ⵏ ⵓⵙⴳⴳⵯⴰⵙ ⵏ 2024.

ⵜⵡⵉⴷ ⴷ ⴰⵡⴷ ⵜⵙⵇⵇⵉⵎⵜ ⵅⴼ ⵓⵙⵏⴼⴰⵕ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⴷⵓⵙⴰⵏ ⵍⵍⵉ ⵉⵜⵜⵅⵉⵜⵉⵔⵏ, ⵜⵎⵍⴰ ⴰⵡⴷ ⵜⵓⴳⵜ ⵏ ⵉⵏⴰⵥⴰⵕⵏ ⵍⵍⵉ ⵉⵍⵍⴰⵏ ⵎⵏⵉⴷ ⵏ ⵜⵙⵙⵓⵍⴰⵏⵜ ⵏⵏⵙ  ⵖ ⵉⵍⵍⴰ ⵜⵉⴽⴽⵉ ⵏ ⵓⴼⵔⵔⵓ ⵓⵛⵛⵉⵍ.
ⴰⵢⵍⵍⵉ ⵉⵥⵍⵉⵏ ⵙ ⵜⵙⴳⴰ ⵏ ⵓⵖⴰⵡⴰⵙ ‘‘ⴰⵎⵓ ⵜⴹⴰⵎⵓⵏ’’, ⵜⵉⵡⵉ ⴷ ⵜⵙⵇⵇⵉⵎⵜ ⵎⴰ ⵙ ⵉⵙⴰⵢⴰⴼⴰ ⵎⴰ ⵉⵜⵜⴳⴰⵏ 4 ⵎⵍⵢⵓⵏ ⵏ ⵜⵡⵓⵊⴰ ( ⵎⴰ ⵉⵜⵜⴳⴰⵏ 11 ⵎⵍⵢⵓⵏ ⵏ ⵓⴼⴳⴰⵏ), ⵖⵉⴽⵍⵍⵉ ⵣⵉⵔⵉⵏ ⵉⵙⴷⵡⴰⵏ ‘‘ⴰⵎⵓ ⵜⴹⴰⵎⵓⵏ’’ ⵍⵍⵉ ⵉⵜⵜⵔⵓⵙⵏ ⴽⵓ ⴰⵙⵙ ⴳ ⵜⴼⵏⵏⵉⵇⵜ ⵎⴰ ⵉⵜⵜⴳⴰⵏ 102.000 ⵏ ⵓⵙⴷⴰⵡ ⴰⵔ ⵜⵉⴳⵔⴰ ⵏ ⵢⵓⵍⵢⵓⵣ 2025 ⵎⵏⵉⴷ ⵏ 93.000 ⵏ ⵓⵙⴷⴰⵡ ⴳ ⵢⵓⵍⵢⵓⵣ 2024.
ⵎⴽⵍⵍⵉ ⵜⵎⵍⴰ ⵜⵙⵇⵇⵉⵎⵜ ⵎⴰ ⵙ ⵜⵙⴽⵔ ⵜⵏⴱⴰⴹⵜ ⴰⵖⴰⵡⴰⵙ ⵏ ⵜⴰⵡⵙⵓⴷⵔⵉⵏ ⵏ ⵉⵎⵙⵡⵓⵔⵉⵏ ⵉⵎⵥⵍⴰⵢ ⴷ ⵡⵉⴷⴰ ⵓⵔ ⵉⵙⵡⵓⵔⵉⵏ ⵍⵍⵉ ⵉⵜⵜⴳⴳⴰⵏ ⵜⴰⵡⵓⵔⵉ ⵙⵔⵙⵏ ⵉⵥⵍⵉⵏ "AMO-TNS", ⵎⴰⵢⴰⴷ ⵢⵉⵡⵙ ⴳ ⵓⵔⴳⴳⵉⴳ ⵏ ⵜⵔⴰⴱⴱⵓⵜ ⵜⴰⵎⵓⵙⵙⵓⵜ ⴳ ⵡⴰⵎⵓⵏ, ⵖⵉⴽⵍⵍⵉ ⵜⵙⴽⵜⵉ ⵎⴰ ⵙ ⵉⵕⵥⵎ ⵓⵖⴰⵡⴰⵙ ⴰⴷ ⵜⴰⵡⵡⵓⵔⵜ ⵏ ⵓⵙⵉⴷⴼ 4,28 ⵎⵍⵢⵓⵏ ⵏ ⵓⵎⵙⵢⴰⴼⴰ ⴳ ⵓⴼⵔⴰⴳ ⴰⴷⵓⵙⴰⵏ ⵉⴱⴹⴰⵏ ⵅⴼ ⵉⵎⴼⵍⴰⵙⵏ ⵉⴷⵙⵍⴰⵏ ⴷ ⵉⵎⴽⴽⵓⵙⴰ ⵏⵏⵙⵏ.
ⴳ ⵓⵙⵡⵉⵔ ⵏ ⵓⵖⴰⵡⴰⵙ ⵏ ⵡⴰⵏⵏⴰⵍ ⴰⵏⴰⵎⵓⵏ ⵓⵙⵔⵉⴷ, ⵜⵉⵡⵉ ⴷ ⵜⵙⵇⵇⵉⵎⵜ ⵎⴰ ⵙ ⴷ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙⵏⵜ ⴰⵙⴼⵙⵉ ⵏ ⵡⴰⵏⴰⵡⵏ ⵏ ⵜⴳⴰⵎⵉⵜ ⵜⴰⵏⴰⵎⵓⵏⵜ ⵏ ⵜⵡⵉⵊⵉⵡⵉⵏ ⵉⵙⵖⴰⵡⵙⴰⵏ ⵍⵍⵉ ⵉⵙⵢⴰⴼⴰⵏ ⴰⵔ ⵜⵉⴳⵔⴰ ⵏ ⵖⵓⵛⵜ 2025 ⵎⴰ ⵉⵜⵜⴳⴰⵏ 4 ⵎⵍⵢⵓⵏ ⵏ ⵜⵡⵓⵊⴰ ⵖ ⵉⵍⵍⴰ 5,5 ⵎⵍⵢⵓⵏ ⵏ ⵡⴰⵣⵣⴰⵏ ⴷ 1,3 ⵎⵍⵢⵓⵏ ⵏ ⵓⴼⴳⴰⵏ ⵍⵍⵉ ⵉⵣⵔⵉⵏ 60 ⵏ ⵓⵙⴳⴳⵯⴰⵙ. 
ⵜⵙⵙⵎⵍⴰ ⵜⴰⵙⵇⵇⵉⵎⵜ ⴳ ⵓⴳⵔⴰⵡ ⴰⴷ ⵎⴰ ⵉⵜⵜⵓⴼⴽⴰ 40,5 ⵎⵍⵢⵓⵏ ⵏ ⵓⴷⵉⵔⵀⴰⵎ ⵉⴳⴰⵏ ⵜⵉⵡⵉⵙⵉⵡⵉⵏ ⵜⵓⵙⵔⴷⵉⵏ ⵏ ⵡⴰⵏⵏⴰⵍ ⴰⵏⴰⵎⵓⵏ ⴳ ⴷⵓⵊⴰⵏⴱⵉⵔ 2023, ⵜⵏⵏⴰ ⴰⵡⴷ ⵎⴰ ⵙ ⴷ 60% ⵏ ⵜⵡⵉⵊⵉⵏ ⴰⴷ ⵍⵍⵉ ⵉⵙⵢⴰⴼⴰⵏ ⵍⵍⴰⵏⵜ ⴳ ⵓⵎⴰⴹⴰⵍ ⴰⴼⵔⴰⵏ.
ⵜⵙⴽⵜⵉ ⴷ ⴰⵡⴷ ⵜⵙⵇⵇⵉⵎⵜ ⵙ ⵓⵎⵏⵉⴳⵏ ⵏ ‘‘ⵡⵏⵏⴰⵍ ⵢⵓⴼⴰⵏ ⵓⵙⵍⵉⴷ’’ ⵍⵍⵉ ⵜⵙⵏⵜⵉ ⵜⵏⴱⴰⴹⵜ ⵍⵍⵉ ⵉⵙⴷⵓⵙⵏ ⴰⵍⵎⵎⵓⴷ ⵏ ⵉⵏⴰⵍⵎⴰⴷⵏ ⴷ ⵜⵡⵉⵙⵉ 1,8 ⵎⵍⵢⵓⵏ ⵏ ⵜⵡⵓⵊⴰ ⵍⵍⵉ ⵉⵜⵜⵓⵣⵎⵎⴰⵎⵏ ⴳ ⵡⴰⵔⵔⴰ ⴰⵏⴰⵎⵓⵏ ⴰⵎⵢⵉⵡⵏ ⵍⵍⵉ ⵢⵓⵙⵉⵏ ⵉⵙⵎⴰⴳⵍⵏ ⵏ ⵜⵉⵏⵎⴰⵍⵏⵏⵙⵏ, ⵙⵍⴰⵀⵡⴰⵏ ⴰⴽⴽⵯ  ⵍⵍⵉⵖ ⵜⵜⵓⴼⴽⴰ ⵜⵉⵥⴹⵉⵜ ⵏ ⵡⵍⵍⴰⵍ ⵍⵍⵉ ⵉⵍⴽⵎⵏ ⵖ ⵓⴽⵛⵛⵓ ⴰⵏⵎⵍⴰⵏ ⵏ ⵓⵙⴳⴳⵯⴰⵙ ⴰⴷ 3,2 ⵎⵍⵢⵓⵏ ⵏ ⵓⵏⵍⵎⴰⴷ.