ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⵏⵓⴱⵉⴹⵜ ⵉⵜⵜⵓⵙⵎⴰⴳⴰⵍⵏ ⵙ ‘‘ⵓⵙⴽⴰⵏ ⵏ ⵍⵎⵖⵔⵉⴱ’’ ⴳ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ
- ⴰⵙⵖⵥⵏ ⵏ ⵜⵓⴳⵜ ⵏ ⵜⵎⴳⴳⵉⵢⵉⵏ ⴷ ⵓⵙⵓⵙⵙⵏ ⵅⴼ ⵓⵙⵎⴰⴷ ⵏ ⵓⵣⵎⵣ ⴰⵎⵣⵡⴰⵔⵓ ⵏ ⵓⵙⵏⵜⵉ ‘ⴰⵥⵟⵟⴰ 1’ ⵉⵜⵜⵓⵙⴽⴰⵔⵏ ⵙ ⵓⵎⵓⵔⵙ ⴳ ⵓⵣⵎⵣ ⵍⵍⵉ ⵢⴰⵙ ⵉⵜⵜⴰⵡⴼⴽⴰⵏ ;
- ⴰⵎⵙⴰⵙⴰ ⵏ ⵅⴼ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵉⵏ ⵜⵉⵎⵣⵡⵓⵔⴰ ⵏ ⵡⴰⵎⵎⴰⵥ ⵏ ⵡⴰⴽⴰⵍ ⵉ 5 ⵉⵎⵙⵙⵓⵔⵓⵜⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵃⵎⴰ ⴰⴷ ⴳⵉⵏ 6 ⵏ ⵉⵙⵏⵜⴰⵢ.
ⴳ ⵜⴱⵔⵉⴷⵜ ⵏ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵉⵔⴰⵏ ⴰⴷ ⴰⵍⵍⵏⵜ ⵍⵎⵖⵔⵉⴱ ⴰⴷ ⵉⴳ ⵜⵎⵉⵣⴰⵔ ⵜⵉⵎⵣⵡⵓⵔⴰ ⴳ ⵓⵎⴰⴹⴰⵍ ⴳ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ, ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ ⴰⵙⵙ ⵏ ⵡⴰⴽⵕⴰⵙ 17 ⵛⵓⵜⴰⵏⴱⵉⵔ 2025 ⴰⴳⵔⴰⵡ ⵏ ⵜⵙⵇⵇⵉⵎⵜ ⵏ ⵜⵏⵓⴱⴹⴰ ⵉⵜⵜⵓⵙⵎⴰⴳⴰⵍⵏ ⵙ ‘‘ⵓⵙⴽⴰⵏ ⵏ ⵍⵎⵖⵔⵉⴱ’’ ⴳ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ ⴳ ⵉⴳⵔ ⵉⵙⵙⵓⴳⵔⵏ, ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵙⵖⵥⵏ ⵏ ⵜⵓⴳⵜ ⵏ ⵜⵎⴳⴳⵉⵢⵉⵏ.
ⵜⴱⵉⴷⴷ ⵜⵙⵇⵇⵉⵎⵜ ⵅⴼ ⵅⴼ ⵓⵙⵎⴰⴷ ⵏ ⵓⵣⵎⵣ ⴰⵎⵣⵡⴰⵔⵓ ⵏ ⵓⵙⵏⵜⵉ ‘ⴰⵥⵟⵟⴰ 1’ ⵍⵍⵉ ⵉⵜⵜⵓⵙⴽⴰⵔⵏ ⵙ ⵓⵎⵓⵔⵙ ⴳ ⵓⵣⵎⵣ ⵍⵍⵉ ⵢⴰⵙ ⵉⵜⵜⴰⵡⴼⴽⴰⵏ , ⵃⵎⴰ ⴰⴷ ⵉⵙⵏⵜⵉ ⵓⵣⵎⵣ ⵜ ⵉⴷ ⵉⴹⴼⴰⵕⵏ ⵉⵥⵍⵉⵏ ⵙ ⵜⵖⵓⵔⵉⵡⵉⵏ ⵢⴰⵜⵜⵓⵢⵏ ⵉⵥⵍⵉⵏ ⵙ ⵓⵙⵏⵜⵉ ⵍⵍⵉ ⵎⵓⵏ ⵉⵎⵙⵙⴰⵔⵓⵜⵏ ⴳ ⵍⵍⴰⵏⵜ ⵜⵎⵙⵙⵏⵜⴰⵢ ⵏ ⴼⵕⴰⵏⵙⴰ ⴷ ⴷⴷⴰⵏⵉⵎⴰⵕⴽ.
ⵖⵉⴽⵍⵍⵉ ⵜⴼⴽⴰ ⵜⵙⵇⵇⵉⵎⵜ ⴰⵎⵙⴰⵙⴰ ⵏⵏⵙ ⵅⴼ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵉⵏ ⵜⵉⵎⵣⵡⵓⵔⴰ ⵏ ⵡⴰⵎⵎⴰⵥ ⵏ ⵡⴰⴽⴰⵍ ⵉ 5 ⵉⵎⵙⵙⵓⵔⵓⵜⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵍⵍⵉ ⵉⵜⵜⵓⵙⵜⴰⵢⵏ ⴳ ⵓⴳⵔⴰⵡ ⵏ ⵜⵙⵇⵇⵉⵎⵜ ⵜⵓⵏⴱⵉⴹⵜ ⴳ 6 ⵎⴰⵕⵚ 2025, ⵃⵎⴰ ⴰⴷ ⴳⵉⵏ 6 ⵏ ⵉⵙⵏⵜⴰⵢ ⵍⵍⵉ ⴷ ⵉⵎⵙⴰⵙⴰⵏ ⴰⴽⴷ ‘‘ⵓⵙⴽⴰⵏ ⵏ ⵍⵎⵖⵔⵉⴱ’’ ⴳ ⴽⵕⴰⴹⵜ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵙ ⵎⴰ ⵉⵜⵜⴳⴰⵏ 319 ⵎⵍⵢⴰⵕ ⵏ ⵓⴷⵔⵀⴰⵎ.
ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵜⵡⵓⵔⵉ ⵍⵍⵉ ⵉⵣⵣⵓⴳⴰⵣⵏ ⴳ ⵓⵣⵓⴳⴳⵣ ⵉⴼⵔⵔⵣⵏ ⵏ ‘‘ⵓⵙⴽⴰⵏ ⵏ ⵍⵎⵖⵔⵉⴱ’’ ⴳ ⴳ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵙⴷⴷⵉⴷ ⵎⴰ ⵙ ⵔⴰⴷ ⵜⴰⵡⵙ ⵜⴷⵉⵏⴰⵎⵉⵜ ⵏ ⵓⵙⵙⴰⵔⵓ ⴳ ⵜⴷⵔⴰⵡⵜ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵏ ⵉⵎⵙⴽⴰⵔⵏ ⵉⵏⴰⵎⵓⵔ ⴷ ⵉⴳⵔⴰⵖⴰⵍⴰⵏⵏ ⴳ ⵜⵎⴰⵣⵉⵔⵜ ⵏⵏⵖ, ⵖⵉⴽⵍⵍⵉ ⵔⴰⴷ ⵜⵙⴷⵓⵙ ⴳ ⵡⴰⵜⵉⴳ ⴷ ⵓⵖⴷⴰⵔ ⵏ ⵜⴳⵍⴷⵉⵜ ⵃⵎⴰ ⴰⴷ ⵜⴳ ⵢⴰⵏ ⵡⴰⵎⵎⴰⵙ ⴰⵙⴳⴰⵏⵡⴰⵏ ⴷ ⵓⵎⴰⴹⵍⴰⵏ ⵏ ⵜⵥⴹⵉⵕⵜ ⴳ ⵉⴳⵔ ⴰⴷ ⴰⵙⵜⵕⴰⵜⵉⵊⵉ ⵎⵓ ⵉⵥⵉⵍ ⵉⵎⴰⵍ ⵏⵏⵙ.
ⵉⵙⴷⴷⵉⵙ ⵓⵏⵙⵙⵉⵡⴼ ⵏ ⵜⵏⴱⴰⴹⵜ ⵅⴼ ⵡⴰⵜⵉⴳ ⵉⵍⵍⴰⵏ ⵖⵓⵔ ⵓⵙⵖⵉⵡⵙ ⵏ ⵜⵓⵚⴽⴰⵡⵉⵏ ⵜⵉⵏⴰⴷⴰⵡⵉⵏ ⵖ ⵉⵍⵍⴰ ⵓⵥⵟⵟⴰ ⵏ ⵜⵉⴼⴰⵡⵜ ⴷ ⵉⴼⵜⴰⵙⵏ ⴷ ⵓⵙⵔⵓⵙ ⵏ ⵓⵙⴼⵙⵉ ⵏ ⵡⴰⵎⴰⵏ, ⴷ ⵓⵣⴷⴷⵓⵢ ⵏ ⵉⵣⵎⴰⵣ ⵏ ⵓⵙⵎⴰⴷ ⵏ ⵜⵡⵓⵔⵉⵡⵉⵏ ⵉⵥⵍⵉⵏ ⵙ ⵓⵀⵉⴷⵕⵓⵊⵉⵏ ⴰⵣⴳⵣⴰ ⴳ ⵓⵣⵎⵣ ⵍⵍⵉ ⴰⵙ ⵉⵜⵜⴰⵡⴼⴽⴰⵏ. ⵉⵙⴽⵜⵉ ⴰⵡⴷ ⵎⴰ ⵙ ⴰⵔ ⵉⵜⵜⴰⵡⵙⴽⴰⵔ ⵓⵙⵜⴰⵢ ⵏ ⵉⵙⵏⵜⴰⵢ ⴳ ⵓⵙⴰⵜⵉ ‘‘ⵓⵙⴽⴰⵏ ⵏ ⵍⵎⵖⵔⵉⴱ’’ ⵙ ⵢⴰⵜ ⵜⵖⴰⵔⴰⵙⵜ ⵏ ⵓⵙⵓⵙⵙⵏ ⵉⴼⴰⵡⵏ ⴳ ⵜⵍⵍⴰ ⵢⴰⵜ ⵜⴷⵔⴰⵡⵜ ⵉⵎⵙⴰⵙⵏ, ⵍⵍⵉ ⵉⵜⵜⴰⵡⵙⵏ ⵉⵎⵙⵙⴰⵔⵓⵜⵏ ⴷ ⴰⴷ ⵙⵡⵓⵔⵉⵏ ⵅⴼ ⵡⴰⴽⴰⵍⴰ ⴰⴳⴷⵓⴷⴰⵏ.
ⵉⵇⵇⴰⵏⴷ ⴰⴷ ⵏⵙⴽⵜⵉ ⵎⴰ ⵙ ⵓⴽⴰⵏ ⵙⵓⵍ ⵜⵕⵥⵎ ⵜⵖⴰⵔⴰⵙⵜ ⵏ ⵓⵙⵜⴰⵢ ⵉ ⵉⵎⵙⵙⴰⵔⵓⵜⵏ ⵃⵎⴰ ⴰⴷ ⴳⵉⵏ ⴰⵙⵙⴰⵔⵓ ⵏⵏⵙ ⴳ ⵜⴳⵍⴷⵉⵔ ⵉⵟⵟⴰⴼⵏ ⵜⵓⴳⵜ ⵏ ⵉⵙⵓⴳⴰⵎ ⵉⵡⵏⵏⴰⴹⵏ ⵉⵎⵢⴰⵡⴰⵏⵏ ⴷ ⵓⵖⴷⴰⵔ ⴰⵊⵖⵔⴰⴼⵉ ⴷ ⵓⵙⵜⵕⴰⵜⵉⵊⵉ ⴷ ⵜⵓⵚⴽⴰⵡⵉⵏ ⵜⵉⵏⴷⴰⵡⵉⵏ ⵉⵍⵍⴰⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.
