ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵙⵓⵜⵍⵜ ⵜⵉⵙ ⵜⵥⴰⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵉⵜⵜⴰⵡⵙⴽⴰⵔⵏ ⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ
- ⴰⵙⵖⵥⵏ ⵏ 12 ⵏ ⵓⵚⵏⴼⴰⵕ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵜⵓⵙⵔⵉⴷⵜ ⵏ ⵓⵙⵙⴰⵔⵓ ⵍⵍⵉ ⵉⵜⵜⴰⵡⵙⴽⴰⵔⵏ ⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ :
- ⵉⵣⵔⵉ ⵡⴰⵜⵉⴳ ⵏ ⵓⵎⴰⵜⴰ ⵉⵙⵙⴰⵔⵓⵜⵏ ⵉⵜⵜⵓⵙⵖⵥⵏ ⵎⴰ ⵉⵜⵜⴳⴳⴰⵏ 45 ⵎⵍⵢⴰⵕ ⵏ ⵓⴷⵔⵉⵀⴰⵎ
- ⴰⵙⴽⴰⵔ 12.500 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⴷⵉⵜ ⴷ ⵡⴰⵔ ⵜⵓⵙⵔⵉⴷⵜ ;
- ⵥⵍⵉⵏ ⵉⵚⵏⴼⴰⵕⵏ ⵉⵜⵜⴰⵡⵙⵖⵥⵏ ⵙ ⵜⵙⴳⴳⵉⵡⵉⵏ ⴰⴽⴽⵯ ⵏ ⵜⴳⵍⴷⵉⵜ ⵙⵎⵓⵏⵏ 6 ⵉⴳⵔⴰⵏ ;
- ⴰⵙⵖⵣⵏ ⵏ ⵜⵙⴹⴼⵕⵜ ⵏ ⵜⵎⵢⴰⵇⵇⴰⵏⵜ ⴳ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵉⵣⵍⵉⵏ ⵙ ⵉⵚⵏⴼⴰⵔⵏ ⵏ ⵓⵙⵙⴰⵔⵓ ⵉⴳⴰ ⵉⵙⵜⵕⴰⵜⵉⵊⵉⵏ.
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 02 ⴽⵜⵓⴱⵔ 2025 ⴳ ⵕⵕⴱⴰⵟ, ⵜⴰⵙⵓⵜⵍⵜ ⵜⵉⵙ ⵜⵜⵥⴰⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵉⵜⵜⴰⵡⵙⴽⴰⵔⵏ ⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ, ⵍⵍⵉ ⵎⵓ ⵉⵍⵍⴰ ⵓⵙⵡⵓⴷⴷⵓ ⵏⵏⵙ ⵣⵖ ⵎⴰⵕⵚ 2023 ⵙ ⵓⵎⵙⴰⵙⴰ ⴷ ⵜⵔⴰⵔⵜⵉⵏ ⵢⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ.
ⵜⵙⵖⵥⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⵙⴰⵜ 7 ⵏ ⵓⵚⵏⴼⴰⵕ ⵏ ⵜⵎⵢⴰⵇⵇⴰⵏⵜ ⴷ 5 ⵏ ⵜⵎⵢⴰⵇⵇⴰⵏⵉⵏ ⵜⵙⴹⴼⴰⵕ, ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⴰⴷⵙⵍⴰⵏ ⵏ ⵓⵙⵙⴰⵔⵓ, ⵍⵍⵉ ⴷ ⵉⴷⴷⴰⵏ ⴳ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ. ⵉⴳⴰ ⵡⴰⵜⵉⴳ ⵏ ⵉⵙⵙⴰⵔⵓⵜⵏ ⵏ 12 ⵏ ⵉⵚⵏⴼⴰⵕⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵎⴰ ⵉⵜⵜⴳⴳⴰⵏ 45 ⵎⵍⵢⴰⵕ ⵏ ⵓⴷⵔⵉⵀⴰⵎ ⵍⵍⵉ ⵔⴰⴷ ⵉⵙⴽⵔ 12.500 ⵏ ⵜⵔⵙⵓⵜ ⵏ ⵜⵡⵓⵔⵉ ⵖ ⵜⵍⵍⴰ 2.500 ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ 10 000 ⵏ ⵜⵡⵓⵔⵉ ⵡⴰⵔ ⵜⵓⵙⵔⵉⴷⵜ.
ⵥⵍⵉⵏ ⵉⵙⵏⴼⴰⵕⵏ ⵍⵍⵉ ⵅⴼ ⵉⵍⵍⴰ ⵓⵙⵖⵥⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵓⵙⵙⴰⵔⵓ ⵜⵉⵙⴳⴳⵉⵡⵉⵏ ⴰⴽⴽⵯ ⵏ ⵜⴳⵍⴷⵉⵜ. ⴱⴹⴰⵏ ⵉⵚⵏⴼⴰⵕⵏ ⴰⴷ ⵙ 6 ⵏ ⵉⴳⵔⴰⵏ : ⵜⴰⵥⴹⴰⵕⵜ ⴷ ⵜⴰⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵏ ⵓⵜⵜⵛⵉ ⴷ ⵉⵙⴰⴷⵓⵔⵏ ⴷ ⵜⵉⵎⵜⵜⴰⵡⵉⵏ ⵏ ⵜⵓⵚⴽⴰ ⴷ ⵓⵙⵖⵓⴷⵓ ⵏ ⵡⵔⵔⴰⵙ.
ⵖⵉⴽⵍⵍⵉ ⵜⵙⵖⵥⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵜⵙⴹⴼⵕⵜ ⵏ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵓⵙⵏⴼⴰⵕ ⴰⵙⵜⵕⴰⵜⵉⵊⵉ ⵉⵣⴷⵉⵏ ⴷ ⵉⴳⵔ ⵏ ⵡⴰⵙⵙⴰⵢ ⵏ ⵓⵎⵥⵥⴰⵕⵓⵕ.
