ⵉⵙⵏⵓⴱⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵉⵙⵏⵓⴱⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ 21 ⴽⵜⵓⴱⵕ 2025 ⴳ ⵕⵕⴱⴰⵟ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ. ⵎⴹⴰⴽⴰⵔⵏ ⵅⴼ ⵜⵎⴳⴳⵉⵢⵉⵏ ⵜⵓⵏⴱⵉⴷⵉⵏ ⵍⵍⵉ ⵔⴰⴷ ⵉⵕⵥⵎ ⴰⴱⵔⵉⴷ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴳ ⵜⵎⴰⵣⵉⵔⵜ ⵏⵏⵖ, ⴷ ⵜⵡⵉⵙⵉ ⴳ ⵓⵙⵡⵓⴷⴷⵓ ⵢⵎⴰⵏ ⵏ ⵜⵡⵓⵔⵉⵡⵉⵏ ⵍⵍⵉ ⵉⵙⵔⵙ ⵓⴷⵓⵙⵜⵓⵔ ⵉ ⵓⴳⵔⴰⵡ ⵃⵎⴰ ⴰⴷ ⵜⴷⵓⵙ ⵜⵎⴰⵖⵉⵔⵜ ⵏⵏⵖ ⴳ ⵎⵏⵉⴷ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⴷ ⵎⴰⵎⵏⴽ ⵙ ⵔⴰⴷ ⵜⵉⵍⵉ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵖⵓⵔ ⵜⵎⵔⵙⴰⵍ ⵏ ⵜⵏⵏⵓⴱⴹⴰ ⴷ ⵓⵙⴷⵓⵙ ⵏⵏⵙⵏⵜ ⴷ ⵉⵎⴷⵔⴰⵡⵏ ⴳ ⵢⴰⵏ ⵓⵙⴰⵜⵉ ⵏ ⵓⵙⵎⴰⴷ ⴰⵎⵔⵙⴰⵍ, ⵍⵍⵉ ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵙⵔⵏⵓ ⵔⴱⴱⵉ, ⵍⵍⵉ ⵔⴰⴷ ⵉⵙⵔⵙ ⵜⵉⵢⴰⴼⵓⵜⵉⵏ ⴳ ⵜⵖⵔⴰⵙⵜ ⵏ ⵜⵓⵚⴽⴰ ⵏ ⵍⵎⵖⵔⵉⴱ ⵏ ⵜⵣⴷⴳⵉ ⴷ ⵜⴳⵎⵉ.
ⵉⴳⴰ ⵓⴳⵔⴰⵡ ⴰⴷ ⵢⴰⵏ ⵓⵣⵎⵣ ⵏ ⵓⵎⴹⴰⴽⴰⵕ ⵅⴼ ⵉⵏⴰⵥⴰⵕⵏ ⵎⵏⵉⴷ ⵜⵓⵎⴰⵏⵜ ⵓⵙⴳⵓⴼⵙⵓ ⴷ ⵜⵎⵎⴰⴽⵉⵏ ⵏ ⵓⵙⵎⵓⵜⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⵥⵍⵉⵏ ⵙ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵓⵙⴳⵓⴼⵙⵓ. ⵙ ⵜⵎⵍⴷⴰ ⴰⴷ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵎⴰ ⵙ ⵉⵇⵇⴰⵏ ⴰⴷ ⵜⵜⵓⵙⴽⵉⵔⵏⵜ ⵜⵓⴳⵜ ⵏ ⵜⵎⴳⴳⵉⵢⵉⵏ ⵃⵎⴰ ⴰⴷ ⵜⵉⵍⵉ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵙⴱⴷⴷⵉ ⵓⵙⴳⵓⴼⵙⵓ, ⵍⵍⵉ ⵔⴰⴷ ⵉⵙⵔⵙ ⵜⵢⴰⴼⵓⵜ ⵏ ⵓⵙⵡⵓⴷⴷⵓ ⵏ ⵜⵙⵜⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⵙⵎⵏⵉⴷ ⵏ ⵓⵙⵜⴰⵍ ⵍⵍⵉ ⵉⵙⴽⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵅⴼ ⴰⵙⵡⵓⴷⴷⵓ ⵏ ⵜⵙⵜⵕⴰⵜⵉⵊⵉⵜ ⴰⴷ ⴷ ⵓⵙⵔⵓⵙ ⵏ ⵜⵖⴰⵔⴰⵙⵉⵏ ⵏ ⵉⵥⵉⵕ ⴰⵙⵜⵕⴰⵜⵉⵊⵉ ⵏ ⵉⵎⴰⵍ ⴳ ⵉⴳⵔ ⴰⴷ.
ⵉⴳⴰ ⴰⵡⴷ ⵓⴳⵔⴰⵡ ⴰⴷ ⵢⴰⵏ ⵓⵣⵎⵣⵣⵓ ⵏ ⵓⵎⴹⴰⴽⴰⵕ ⵅⴼ ⵉⵎⴰⵙⵙⵏ ⵏ ⵜⵡⵉⵙⵉ ⵏ ⵉⴳⵔⴰⵏ ⵉⵎⴰⵡⵙⴰⵙⵏ ⴳ ⵜⵓⴳⵜ ⵏ ⵉⵚⵏⴼⴰⵕⵏ ⵉⵎⴰⴷⴷⴰⵙⵏ, ⵍⵍⵉ ⵔⴰⴷ ⵉⵙⴽⵔ ⵓⴳⵔⴰⵡ ⴳ ⵉⴳⵔ ⵏ ⵜⵣⴷⴳⵉ, ⵖ ⵉⵍⵍⴰ ⵓⵙⵔⵓⵙ ⵏ ⵜⴽⴰⴷⵉⵎⵉⵜ ⵜⴰⵎⵖⵔⵉⴱⵉⵜ ⵏ ⵜⵣⴷⴳⵉ ⴷ ⵓⵙⴰⵔⵎ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵉⵎⴰⵙⵙⵏ ⵏ ⵓⵙⵖⵓⴷⵓ ⵏ ⵉⴼⵙⵙⴰⵢⵏ ⵉⵎⴰⵟⵟⵓⵏ ⵉⵙⵏⴼⴰⵍ ⴳ ⵉⴳⵔ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵢⵍⵍⵉ ⵔⴰⴷ ⵉⵙⴷⵓⵙ ⵜⵉⵎⵥⴹⴰⵕ ⵏ ⵉⵎⴷⵔⴰⵡⵏ ⵉⴳⴷⵓⴷⴰⵏⵏ ⴷ ⵉⵎⵥⵍⴰⵢ ⴷ ⵡⴰⵎⵓⵏ ⵓⵖⵔⵉⵎ ⴳ ⵉⴳⵔ ⴰⴷ.
ⵉⴳⴰ ⵓⴳⵔⴰⵡ ⴰⴷ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⵙⴷⴷⵉⴷ ⵅⴼ ⵡⴰⵜⵉⴳ ⵉⵍⵍⴰⵏ ⵖⵓⵔ ⵡⴰⵎⵓⵏ ⵓⵖⵔⵉⵎ ⵙ ⵜⵖⴰⵔⴰⵙⵜ ⵏ ⵜⵡⵉⵙⵉ ⵏ ⵜⵎⵙⵙⵏⵜⴰⵢ ⵜⵉⵏⴰⵎⵓⵔⵉⵏ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⴰⴽⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⴷⵍⵙⴰ ⵏ ⵜⵣⴷⴳⵉ ⴳ ⵡⴰⵎⵓⵏ, ⴷ ⵡⴰⵜⵉⴳ ⵏ ⵜⴷⵔⴰⵡⵜ ⵜⴰⵎⴳⵔⵓⵜ ⴷ ⵓⵎⵙⴰⵙⴰ ⵏⴳⵔ ⴰⴽⴽⵯ ⵉⵎⴷⵔⴰⵡⵏ ⵎⵏⵉⴷ ⵓⵙⴱⴷⴷⵉ ⵏ ⵉⵏⴰⵥⴰⵕⵏ ⵏ ⵓⵙⴳⵓⴼⵙⵓ ⴷ ⵓⴹⴼⵉⵕ ⵏ ⵡⴰⵏⵣⴰ ⵏ ⵉⵙⴳⴳⴷⵏ ⴷ ⵉⵚⵏⴼⴰⵕⵏ ⵉⵅⴰⵜⴰⵔⵏ ⵍⵍⵉ ⵜⴳⴳⴰ ⵜⴰⵎⵓⵔⵜ ⵏⵏⵖ.
