ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⴷⵓⴷⴰⵏⵜ ⵏ ⴽⴰⵥⴰⵅⵉⵙⵜⴰⵏ

ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵏⴰⵙ 25 ⵏⵓⵡⴰⵏⴱⵉⵔ 2025 ⴳ ⵕⵕⴱⴰⵟ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⴷⵓⴷⴰⵏⵜ ⵏ ⴽⴰⵥⴰⵅⵉⵙⵜⴰⵏ, ⵎⴰⵙⵙ ⵢⵉⵔⵍⴰⵏ ⴽⵓⵛⴰⵏⵓⴼ, ⵍⵍⵉ ⵉⵙⴽⵔⵏ ⵢⴰⵜ ⵜⵔⵣⵣⵉⴼⵜ ⵉ ⵜⴳⵍⴷⵉⵜ ⵏⵜⵜⴰ ⴷⵏ ⵢⴰⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ. ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵎⴹⴰⴽⴰⵕ ⵅⴼ ⵉⴱⵔⵉⴷⵏ ⵏ ⵓⵙⴱⵓⵖⵍⵓ ⵏ ⵜⵣⴷⴰⵢⵉⵏ ⴷ ⵜⵡⵉⵣⵉ ⵉⵕⵡⴰⵏ ⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⴽⴰⵥⴰⵅⵉⵙⵜⴰⵏ, ⵙ ⵜⵏⴰⵔⴰ ⵏ ⵉⵏⵎⵖⵓⵔⵏ ⵏ ⵜⵎⵉⵣⴰⵔ ⵙ ⵙⵏⴰⵜ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴽⴰⵥⴰⵅⵉⵙⵜⴰⵏ, ⵎⴰⵙⵙ ⵇⴰⵙⵉⵎ ⵊⵓⵎⴰⵕⵜ ⵜⵓⴽⴰⵢⵉⴼ.
ⴳ ⵜⵣⵡⵉⵔⵉ ⵏ ⵓⵏⵎⵓⵇⵇⴰⵔ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴳⴳⴷⵏ ⵓⵚⴽⵉⵡⵏ ⴷ ⵉⵚⵏⴼⴰⵕⵏ ⵉⵅⴰⵜⴰⵔⵏ ⵍⵍⵉ ⵜⴳⴳⴰ ⵜⵎⴰⵣⵉⵔⵜ ⵏⵏⵖ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⴷⴷⵉⴷ ⴰⵡⴷ ⵅⴼ ⵜⵉⵔⴰⵜ ⵏ ⵜⵏⴱⴰⴹⵜ ⴷ ⵉⴳⵎⴰⵎⵏ ⵏⵏⵙ ⴰⴽⴽⵯ ⴳ ⵓⵣⵣⴳⴳⵉⵔ ⵏ ⵜⴰⵏⵏⴰⵢⵜ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵉⵔⴰⵏ ⴰⴷ ⵜⵙⵖⴰⵡⵍ ⵜⴰⵡⴰⴷⴰ ⵏ ⵍⵎⵖⵔⵉⴱ ⴰⵎⴰⵍⴰⵢ.
ⵉⵙⵏⵉⵎⵎⵔ ⴽⵓ ⵢⴰⵏ ⵙⴳ ⵙⵉⵏ ⵉⴷⵉⵙⵏ ⵜⴰⵏⵏⴰⵢⵉⵏ ⵉⵎⵙⴰⵙⴰⵏ ⵏ ⵜⵎⵉⵣⴰⵔ ⵙ ⵙⵏⴰⵜ ⴳ ⵓⵎⵢⴰⵡⴰⴹ ⴰⴽⴷ ⵜⵎⵙⴰⵔⵉⵏ ⵏ ⵓⵙⵉⴷⴼ ⴰⵎⵛⴰⵔⴰⴽ, ⴷ ⵓⵙⴷⵓⵙ ⵏ ⵡⴰⵏⵏⴰⵍ ⴰⵎⴰⴹⵍⴰⵏ ⴰⵎⵢⴰⵖ ⵙⵍⴰⵀⵡⴰⵏ ⴰⴽⴽⵯ ⵏⴳⵔ ⵜⵎⵜⵜⴰ ⵉⵎⵓⵏⵏ, ⵎⴽⵍⵍⵉ ⵙⵙⵉⵎⵖⵓⵔⵏ ⵙ ⵡⴰⴷⴷⴰⴷ ⵏ ⵜⴳⴷⵓⴷⴰⵏⵜ ⵏ ⴽⴰⵥⴰⵅⵉⵙⵜⴰⵏ ⵉⵙⵏⴰⵍⵏ ⵜⴰⵎⵓⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⴷ ⵓⵙⵏⴰⵍ ⵏ ⵓⵖⴰⵡⴰⵙ ⵏ ⵓⵏⴱⴰⴹ ⴰⵏⵉⵎⴰⵏ ⵉⴳⴰⵏ ⵜⴰⵙⵉⵍⴰ ⵜⴰⵢⴰⵡⵏⵜ ⴷ ⵜⵎⴰⴳⴳⵓⵜ, ⵃⵎⴰ ⴰⴷ ⵢⵉⵍⵉ ⵓⴼⵙⵙⴰⵢ ⴰⵙⵔⵜⴰⵏ ⵉ ⵓⵎⵏⵣⴰⵖ ⵉⵜⵜⵓⵙⴽⴰⵔⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⴱⵓⵖⵍⵓ ⵏ ⵡⴰⵜⵉⴳ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳⵔ ⵍⵎⵖⵔⵉⴱ ⴷ ⴽⴰⵥⴰⵅⵉⵙⵜⴰⵏ, ⴷ ⵓⵙⴱⵓⵖⵍⵓ ⵏ ⵜⴷⵉⵏⴰⵎⵉⵜ ⴳ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⴳⴳⴰⵏ ⵜⴰⵢⴰⴼⵓⵜ ⵏ ⵜⵏⵓⴼⴰ ⵜⵉⵙⵔⵜⴰⵏⵉⵏ ⴷ ⵜⴷⴰⵎⵙⴰⵏⵉⵏ ⴷ ⵜⴷⵍⵙⴰⵏⵉⵏ ⵏ ⵜⵎⵉⵣⴰⵔ ⵙ ⵙⵏⴰⵜ.