ⵉⴳⴰ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵍⴱⴰⵏⴽ ⵏ ⵉⴼⵔⵉⵇⵢⴰ ⵉⵥⵍⵉⵏ ⵙ ⵜⴳⵎⵉ
ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵔⴰⵙ 26 ⵏⵓⵡⴰⵏⴱⵉⵔ 2025 ⵖ ⵕⵕⴱⴰⵟ, ⵉⵎⴹⴰⴽⴰⵕⵏ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵍⴱⴰⵏⴽ ⵏ ⵉⴼⵔⵉⵇⵢⴰ ⵉⵥⵍⵉⵏ ⵙ ⵜⴳⵎⵉ, ⵎⴰⵙⵙ ⵙⵉⴷⵉ ⵓⵍⴷ ⵜⵜⴰⵀ, ⵙ ⵜⵉⵍⵉⵜ ⵏ ⵜⵎⴰⵙⵜⴰⵏⵜ ⵏ ⵜⴷⴰⵎⵙⴰ ⴷ ⵜⵉⵎⴰⵍⵉⵜ, ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ. ⴳ ⵓⵏⵎⵓⴳⴳⴰⵔ ⴰⴷ, ⵙⴰⵡⵍⵏ ⴼ ⵜⵎⴷⵔⵔⴰⵡⵜ ⵉⵥⵉⵍⵏ ⵍⵍⵉ ⵢⵍⵍⴰⵏ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵍⴱⴰⵏⴽ ⵏ ⵉⴼⵔⵉⵇⵢⴰ ⵉⵥⵍⵉⵏ ⵙ ⵜⴳⵎⵉ.
ⴳ ⵜⵣⵡⵉⵔⵉ ⵏ ⵉⵎⴹⴰⴽⴰⵕⵏ, ⵉⵙⵙⵉⵎⵖⵓⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⵉⵍⵉⵜ ⵏ ⵜⵎⵔⵙⵍⵜ ⴰⴷ ⵜⴰⵎⴰⵍⴰⵏⵜ ⵖ ⵓⵙⵡⵉⵣⵉ ⵏ ⵉⵙⴳⴳⴷⵏ ⵉⵎⵇⵔⴰⵏⵏ ⴷ ⵜⵉⵡⵓⵔⵉⵡⵉⵏ ⵜⵉⵎⴰⴷⴷⴰⵙⵉⵏ ⵍⵍⵉ ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⵖ ⴽⵉⴳⴰⵏ ⵏ ⵉⴳⵔⴰⵏ, ⵙ ⵜⵡⵉⵙⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ. ⵉⵙⵙⵉⵜⴳ ⴰⵡⴷ ⵙ ⵜⵎⵢⴰⵏⴰⵡⵜ ⵏ ⵉⵙⵏⴼⴰⵕⵏ ⵍⵍⵉ ⵜⵙⴽⵔ ⵜⵔⴰⴱⴱⵓⵜ ⵏ ⵍⴱⴰⵏⴽ ⵏ ⵉⴼⵔⵉⵇⵢⴰ ⵖ ⵍⵎⵖⵔⵉⴱ.
ⴳ ⵎⵏⵉⴷ ⵏⵏⵙ, ⵉⵙⵙⵉⵜⴳ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵍⴱⴰⵏⴽ ⵏ ⵉⴼⵔⵉⵇⵢⴰ ⵉⵥⵍⵉⵏ ⵙ ⵜⴳⵎⵉ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ ⵅⴼ ⵓⵙⵏⵓⴱⴳ ⵏ ⵍⵎⵖⵔⵉⴱ ⵉ ⵓⵙⴰⴳⵔⴰⵡ ⵏ ⵓⵙⵙⴰⵔⵓ ⴰⴼⵔⵉⵇⵉ, ⴷ ⵓⴼⵓⵙ ⵏ ⵜⵡⵉⵣⵉ ⵍⵍⵉ ⴰⵙ ⵜⴼⴽⴰ ⵜⴳⵍⴷⵉⵜ, ⵍⵍⵉ ⵉⴳⴰⵏ ⴰⵎⴷⵔⴰⵡ ⴰⵎⵣⵡⴰⵔⵓ ⵏ ⵜⵎⵔⵙⵍⵜ ⴰⴷ.
ⵉⵏⵏⴰ ⴰⵡⴷ ⵎⴰⵙ ⴳⴰⵏ ⵉⵎⴹⴰⴽⴰⵕⵏ ⴰⴷ ⵢⴰⵜ ⵜⵎⵍⴷⴰ ⴼ ⵓⵙⵡⵉⵣⵉ ⵏ ⵉⵙⵏⴼⴰⵕⵏ ⵏ ⵜⴳⵎⵉ ⴳ ⵍⵎⵖⵔⵉⴱ ⵖ ⵍⵍⴰⵏ ⵉⵙⵏⴼⴰⵕⵏ ⴳ ⵜⵓⵙⵡⴽⵉⵡⵉⵏ ⵜⵉⵏⴰⴷⴰⵡⵉⵏ ⴷ ⵜⵥⴹⴰⵕⵜ, ⴷ ⵉⴳⵔⴰⵏ ⵉⵏⴰⵎⵓⵏⵏ. ⵎⴽⵍⵍⵉ ⵙⴰⵡⵍⵏ ⴼ ⵓⵙⵡⵉⵣⵉ ⵏ ⵜⵎⴳⴳⵉⵢⵉⵏ ⵏ ⵜⵏⴱⴰⴹⵜ ⵍⵍⵉ ⵔⴰⴷ ⵉⵙⴽ ⵉⵣⵎⴰⵣ ⵏ ⵜⵡⵓⵔⵉ ⵉ ⵉⵄⵔⵔⵉⵎⵏ ⴷ ⵓⵙⴷⵓⵙ ⵏ ⵜⵎⵙⵙⵏⵜⴰⵢ ⵜⵉⵎⵥⵢⴰⵏⵉⵏ.
ⵉⵙⵙⴽⵜⵉ ⴷ ⵎⴰⵙ ⵜⵍⵍⴰ ⵏⴳⵔ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵍⴱⴰⵏⴽ ⵏ ⵉⴼⵔⵉⵇⵢⴰ ⵉⵥⵍⵉⵏ ⵙ ⵜⴳⵎⵉ ⵢⴰⵜ ⵜⵎⴷⵔⵔⴰⵡⵜ ⵉⵥⵉⵍⵏ ⵣⵖ ⵓⵙⴳⴳⵯⴰⵙ ⵏ 1970, ⵍⵍⵉ ⵉⵍⵍⴰⵏ ⵜⵓⴳⵜ ⵏ ⵉⵎⵓⵙⵙⵜⵏ ⵉⵅⴰⵜⴰⵔⵏ ⵖ ⴽⵉⴳⴰⵏ ⵏ ⵉⴳⵔⴰⵏ ⵉⵎⵙⵙⵓⴷⵓⵏⵏ ⵍⵍⵉ ⵉⵎⵙⴰⵙⴰⵏ ⴷ ⵜⵙⵔⵉⵜ ⵏ ⵓⵙⵙⴰⵔⵓ ⴷ ⵉⵡⵜⵜⴰⵙⵏ ⵏ ⵜⴳⵎⵉ ⵏ ⵜⴳⵍⴷⵉⵜ.
