ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 11 ⴷⵓⵊⴰⵏⴱⵉⵔ 2025

• ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 34.25 ⵉⵣⴷⵉⵏ ⵙ ⵓⵙⵎⴰⵜⵜⵉ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵉⴼⵜⴰⵙⵏ ⵙ ⵜⵎⵙⵙⵓⵔⵜ ⵜⵏⵢⴰⴼⵓⵜ ⴷ ⵓⵙⵏⴼⵍ ⵏ ⵓⵙⵍⴳⵏ ⵓⵟⵟⵓⵏ 15.02 ⵉⵥⵍⵉⵏ ⵙ ⵉⴼⵜⴰⵙⵏ ⴷ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵉⴼⵜⴰⵙⵏ ⴷ ⵜⵎⵙⵙⵓⵔⵜ ⵏ ⵓⵙⵢⴰⴼⵓ ⵏ ⵉⴼⵜⴰⵙⵏ, ⵉⵙⵎⵏⵉⴷ ⵜ ⵓⵎⴰⵡⵙⴰⵙ ⵏ ⵓⵇⵡⵡⵓⵎ ⴷ ⵡⴰⵎⴰⵏ.
  ⵉⴳⴰ ⵓⵡⵜⵜⴰⵙ ⵏ ⵓⵙⵏⴼⴰⵕ ⴰⵙⵖⵓⴷⵓ ⵏ ⵓⵙⴰⵜⵉ ⴰⵎⵔⵙⴰⵍ ⴷ ⵓⵎⴷⴷⴰⵙ ⵏ ⵉⴳⵔ ⵏ ⵉⴼⵜⴰⵙⵏ, ⴰⵢⵍⵍⵉ ⵔⴰⴷ ⵢⴰⵡⵙ ⵉ ⵓⵖⴰⵡⴰⵙ ⴰⴷ ⵉⵙⵡⵓⴷⴷⵓ ⵙ ⵢⴰⵜ ⵜⵏⵏⵓⴱⴹⴰ ⵉⴷⵓⵙⵏ ⴳ ⵉⴳⵔⴰⵏ ⵏ ⵜⵎⴳⵓⵔⵉ ⴷ ⵥⴹⴰⵕⵜ ⴷ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵓⵍⵓⵊⵉⵙⵜⵉⴽ ⴷ ⵡⵉⵢⵢⴰⴹ ; ⴷ ⵓⵙⴷⵓⴷ ⵏ ⵓⵣⴷⴷⵓⵢ ⴳ ⵉⵎⴷⵔⴰⵡⵏ ⵉⴳⴷⵓⴷⴰⵏⵏⵏ ⴷ ⵉⵎⵥⵍⴰⵢ ⴳ ⵓⵙⴰⵜⵉ ⵉⵎⵓⵏ ⵏ ⵜⴳⵎⵉ ⵏ ⵉⴼⵜⴰⵏ ⴷ ⵓⵙⵖⵓⴷⵓ ⵓⵙⵖⵉⵡⵙ ⴷ ⵓⵙⵡⵓⴷⴷⵓ ⵏ ⵉⵚⵏⴼⴰⵕⵏ ⵉⵎⴷⴷⴰⵙⵏ ⵃⵎⴰ ⴰⴷ ⵢⵉⵍⵉ ⵓⵙⵖⵓⴷⵓ ⴰⴷⵎⵙⴰⵏⵏ ⴷ ⵓⵏⴰⴽⵍⴰⵏ ⵏ ⵉⵙⵙⴰⵔⵓⵜⵏ.
• ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵢⴰⵏ ⴷ ⵎⵔⴰⵡ ⵏ ⵓⵙⵏⵜⵉ ⵏ ⵓⵎⵕⵙⵓⵎ ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉⵡⵉⵏ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵎⵏⵏⴰⵡⵜ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⴰⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵥⵍⵉⵏ ⵙ :
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1044 ⵉⵣⴷⵉⵏ ⵙ ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⵕⴱⴰⵟ-ⵙⵍⴰ-ⵇⵏⵉⵟⵕⴰ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1045 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⴼⴰⵙ-ⵎⴽⵏⴰⵙ ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1046 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⵍⵄⵢⵓⵏ-ⵙⵙⴰⵇⵢⴰ ⵍⵃⴰⵎⵕⴰ (ⵜⴰⵣⴳⴳⵯⴰⵖⵜ) ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1047 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⵛⵛⵕⵇ (ⵍⵇⴱⵍⵜ) ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1048 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⵓⴳⵍⵎⵉⵎ- ⵡⴰⴷ ⵏⵓⵏ ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1049 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⵙⵓⵙ- ⵎⴰⵙⵙⴰ ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1050 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⴷⵕⴰⵄⴰ- ⵜⴰⴼⵉⵍⴰⵍⵜ ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1051 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⴱⵏⵉⵎⵍⵍⴰⵍ-ⵅⵏⵉⴼⵕⴰ ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1052 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⴷⴷⴰⵅⵍⴰ- ⵡⴰⴷ ⴷⴷⴰⵀⴰⴱ ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1053 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⴷⴷⴰⵕ ⵍⴱⵉⴹⴰ-ⵙⵟⵟⴰⵜ ;
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1054 ⵉⵥⵍⵉⵏ ⵙ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⵜⵙⴳⴰ ⵏ ⵎⵕⵕⴰⴽⴽⵯⵛ-ⴰⵙⴼⵉ.
    ⵉⴳⴰ ⵓⵡⵜⵜⴰⵙ ⵉⵚⵏⴼⴰⵕⵏ ⵏ ⵉⵎⵕⵙⵓⵎⵏ ⴰⴷ ⵓⵙⴰⴽⵓⴷ ⵏ ⵓⵙⵏⵜⵉ ⴳ ⵓⵙⵡⵓⴷⴷⵓ ⵜⵡⵓⵔⵉ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⵏ ⴳ ⵎⴰⵕⵕⴰ ⵜⵉⵙⴳⴳⵉⵡⵉⵏ ⵏ ⵜⴳⵍⴷⵉⵜ, ⵍⵍⵉ ⵔⴰⴷ ⵉⴳ ⴰⵙⵙ ⴰⵎⵣⵡⴰⵔⵓ ⵏ ⵡⴰⵢⵢⵓⵔ ⵡⵉⵙⵙ ⴽⵕⴰⴹ ⵉⴷⴼⴰⵕⵏ ⵏ ⴰⴳⵔⴰⵡ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏⵏⵙⵏⵜ.
• ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵡⵉⵏ ⵏⵏⵙ ⵙ ⵓⵙⵖⵥⵏ ⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1041 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.06.574 ⵍⵍⵉ ⴷ ⵉⴼⴼⵖⵏ ⴳ 10 ⴷⵉⵍⵃⵉⵊⵊⴰ 1427 (31 ⴷⵓⵊⴰⵏⴱⵉⵔ 2006) ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵡⴰⵜⵉⴳ ⵏ ⵉⵔⴳⴰⵢⵏ ⵅⴼ ⵜⵎⵔⵏⵉⵡⵜ ⵏ ⵡⴰⵜⵉⴳ ⵍⵍⵉ ⵉⵍⵍⴰⵏ ⴳ ⵢⵉⴳⵔ ⵡⵉⵙⵙ ⴽⵕⴰⴹ ⵏ ⵓⵙⵍⴳⵏ ⴰⵎⴰⵜⴰⵢ ⵏ ⵉⵔⴳⴰⵢⵏ, ⵉⵙⵎⵏⵉⴷ ⵜ ⵓⵎⴰⵡⵙⴰⵙ ⴰⵎⴰⵔⵉ ⵖⵔ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵍⵜ.
  ⵉⴳⴰ ⵓⵡⴰⵜⵜⵙ ⵓⵙⵏⴼⴰⵕ ⵏ ⵓⵎⵕⵙⵓⵎ ⴰⴷ ⴰⵙⵏⴼⵍ ⴷ ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.06.574 ⵍⵍⵉ ⴷ ⵉⴼⴼⵖⵏ ⴳ 10 ⴷⵉⵍⵃⵉⵊⵊⴰ 1427 (31 ⴷⵓⵊⴰⵏⴱⵉⵔ 2006) ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵡⴰⵜⵉⴳ ⵏ ⵉⵔⴳⴰⵢⵏ ⵅⴼ ⵜⵎⵔⵏⵉⵡⵜ ⵏ ⵡⴰⵜⵉⴳ ⵍⵍⵉ ⵉⵍⵍⴰⵏ ⴳ ⵢⵉⴳⵔ ⵡⵉⵙⵙ ⴽⵕⴰⴹ ⵏ ⵓⵙⵍⴳⵏ ⴰⵎⴰⵜⴰⵢ ⵏ ⵉⵔⴳⴰⵢⵏ, ⵉⵎⵙⴰⵙⴰⵏ ⴰⴽⴷ ⴰⵎⵏⵏⵉ ⵡⵉⵙ 7 ⵏ ⵓⵙⵍⴳⵏ ⵏ ⵜⵥⵕⴼⵜ ⵓⵟⵟⵓⵏ 50.25 ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2026.
   

ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵡⵉⵏ ⵏⵏⵙ ⵙ ⵓⵙⵖⵎⵙ ⵅⴼ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴰⴷⵉⵡⴰⵏ ⴳⵔ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⴷ ⵜⵥⵥⵓⴹⴰ ⵜⴰⵔⵓⵙⵔⵉⴷⵜ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⵏⴱⴰⴹⵜ ⵏ ⵣⵣⴰⴽⴰⵜ ⴷ ⵜⵥⵥⵓⴹⴰ ⴷ ⵜⴷⵉⵡⴰⵏⵜ ⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⵉ ⵓⵙⵙⵉⵙⵏ ⵉⵎⵙⴷⴳⴰⵔⵏ ⵙ ⵓⵖⴰⵡⴰⵙ ⵏ ⵓⵎⵙⵡⵓⵔⵉ ⴰⴷⴰⵎⵙⴰⵏ ⵉⵜⵜⵓⵙⵖⵥⵏ ⵖⵓⵔⵙⵏ, ⵉⵜⵜⵓⵙⴳⵎⴰⴹⵏ ⴳ ⵎⴰⴽⴽⴰ ⵍⵎⵓⴽⴰⵔⵔⴰⵎⴰ ⴳ 5 ⵎⴰⵕⵚ 2025, ⴷ ⵓⵙⵏⴼⴰⵕ ⵏ ⵓⵙⴰⴹⵓⴼ ⵓⵟⵟⵓⵏ 60.25 ⵍⵍⵉ ⵙ ⵉⵙⵖⵥⵏ ⵜⵎⵢⴰⵇⵇⴰⵏⵜ ⴰⴷ, ⵉⵜⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.

ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⴹⴰⴽⴰⵕ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⵏⵏⵉ ⵡⵉⵙ92 ⴳ ⵓⴷⵓⵙⵜⵓⵔ :

• ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵉⵜⵜⵓⵙⵏⵎⴰⵍ :
  • ⵎⴰⵙⵙ ⵎⵓⵃⵎⵎⴰⴷ ⴱⵓⴷⵛⵉⵛ, ⴰⵏⵎⵀⴰⵍ ⵏ ⵜⴽⴰⴷⵉⵎⵉⵜ ⵜⴰⵏⵎⵏⴰⴹⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵙⴳⴰ ⵏ ⴱⵉⵎⵍⵍⴰⵍ-ⵅⵏⵉⴼⵕⴰ ;
• ⴳ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ, ⵜⵜⵓⵙⵏⵎⴰⵍⴰⵏ :
  • ⵎⴰⵙⵙ ⵙⴰⵄⵉⴷ ⵛⴰⴽⵉⵔⵉ, ⴷ ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵎⴰⵙⵙⴰⵏ ⵏ ⵕⵕⴱⴰⵟ ;
  • ⵎⴰⵙⵙⴰ ⴱⵓⵛⵔⴰ ⵍⴱⵣⴰⵕ, ⵜⴰⵏⵎⵀⴰⵍⵜ ⵏ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵜⵙⴱⴱⴰⴱⵜ ⴷ ⵓⵙⵡⵓⴷⴷⵓ ⴳ ⵎⵕⵕⴰⴽⴽⵯⵛ ;
  • ⵎⴰⵙⵙ ⴰⵃⵎⴰⴷ ⵛⴰⵇⵕⵓⵏ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵜⴰⵜⵉⴽⵏⵓⵍⵓⵊⵉⵜ ⴳ ⴰⵙⴼⵉ ;
• ⴳ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ - ⵉⴳⵔ ⵏ ⵓⵎⵓⵜⵜⵉ ⴰⵥⴹⴰⵕⴰⵏ -, ⵉⵜⵜⵓⵙⵏⵎⴰⵍⴰ :
  • ⵎⴰⵙⵙ ⵏⵓⵕⴷⴷⵉⵏ ⵎⵓⵙⴰⴼⵉⵔ, ⴰⵏⵎⵀⴰⵍ ⵏ ⵉⵎⴰⵇⵇⴰⴷⵏ ⴷ ⵜⵎⴳⵓⵔⵉⵏ ⵜⵉⵎⵖⵓⵣⵉⵏ ;
• ⴳ ⵜⵎⴰⵡⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴷⴷ ⵏ ⵜⵎⵙⵙⵓⴳⵓⵔⵜ, ⵉⵜⵜⵓⵙⵏⵎⴰⵍⴰ :
  • ⵎⴰⵙⵙⴰ ⵙⴰⵎⵢⴰ ⵛⴰⴽⵔⵉ, ⵜⴰⵏⵎⵀⴰⵍⵜ ⵏ ⵓⵙⵔⵅⵓ ⵏ ⵜⵖⴰⵔⴰⵙⵉⵏ ⴷ ⵓⵙⵉⵟⵟⵏ ⵏ ⵜⵎⵙⵙⵓⴳⵓⵔⵜ.