ⵉⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⴼⵓⵕ ⵏ ⵏ ⵉⵎⵓⴽⵔⵉⵙⵏ ⵉⵊⵖⵔⴰⴼⵏ ⴷ ⵉⵙⵔⵜⴰⵏⵏ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵅⴼ ⵜⴷⴰⵎⵙⴰ ⵜⴰⵏⴰⵎⵓⵔⵜ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵏⴰⵙ 28 ⵉⴱⵔⵉⵔ 2026 ⴳ ⵕⵕⴱⴰⵟ, ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⴼⵓⵕ ⵏ ⵏ ⵉⵎⵓⴽⵔⵉⵙⵏ ⵉⵊⵖⵔⴰⴼⵏ ⴷ ⵉⵙⵔⵜⴰⵏⵏ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵅⴼ ⵜⴷⴰⵎⵙⴰ ⵜⴰⵏⴰⵎⵓⵔⵜ. ⵉⵜⵜⵓⵙⴽⴰⵔⴳ ⵓⴳⵔⴰⵡ ⴰⴷ ⵢⴰⵏ ⵓⴱⴷⴷⵉ ⵅⴼ ⵜⵉⵍⵉⵜ ⵏ ⵓⵙⴰⴳⵓⵔ ⵏ ⵜⵥⴹⴰⵕⵜ ⴷ ⵓⵙⴷⴷⵉⴷ ⵅⴼ ⵎⴰⵙ ⵜⵍⵍⴰ ⵜⵊⴰⵡⵜ ⵏ ⵓⴳⴰⴷⴰⵣ ⴰⵏⴰⵎⵓⵔ ⵙ ⵜⵎⵜⵜⴰⵡⵉⵏ ⵜⵉⵏⴼⵍⴰⵃⵉⵏ ⴷ ⵜⵎⵜⵜⴰⵡⵉⵏ ⵜⵉⵏⵙⵉⵍⵉⵏ ⵉⵣⵔⴰⵢ ⴳ ⵡⴰⴷⴷⴰⵏ ⵉⵀⵢⴰⵏⵏ.
ⴳ ⵜⵣⵡⵓⵔⵉ ⵏ ⵓⴳⵔⴰⵡ ⴰⴷ, ⵙⵎⵏⵉⴷⵏⵜ ⵉⴳⵔⴰⵏ ⵉⵎⴰⵡⵙⴰⵙⵏ ⵉⵎⵢⵏⴰⵡⵏ ⵉⵙⴼⵙⵔⵏ ⵅⴼ ⵜⵉⴹⴰⴼ ⵏ ⵡⴰⴷⴷⴰⴷ ⴰⴳⵔⴰⵖⵍⴰⵏ ⵅⴼ ⵜⵡⵓⵔⵉ ⵏ ⵉⵎⵓⵙⵙⵓⵜⵏ ⵉⵎⵢⵏⴰⵡⵏ. ⵙ ⵜⵎⵍⴷⴰ ⴰⴷ ⵏⵉⵜ ⵉⵜⵜⵓⵙⴽⴰⵔ ⵓⴱⴷⴷⵉ ⵅⴼ ⵓⴼⵔⴼⵓⴷ ⵏ ⵜⴳⵍⴷⵉⵜ ⵙⴳ ⵜⴷⵔⵉⵎⵜ ⵜⴰⴱⵕⵕⴰⵏⵉⵜ ⵏⵏⴰ ⵉⵙⵎⴷⴰⵏ ⵎⴰ ⵉⵜⵜⴳⴰⵏ ⵏ 6 ⵉⵢⵉⵔⵏ.
ⵉⵜⵜⵓⵖⵜⴰⵙ ⴳ ⵓⴳⵔⴰⵡ ⴰⴷ, ⴰⵙⵓⵍ ⵏ ⵓⵙⵔⵓⵙ ⵏ ⵡⴰⵏⵏⴰⵍ ⴰⵥⵕⴼⴰⵏ ⵓⵙⵔⵉⴷ ⴷ ⵓⵎⴰⵥⵍⴰⵢ ⵉⵜⵜⵓⴼⴽⴰⵏ ⵉ ⵉⵎⴰⵣⵣⴰⵍⵏ ⵏ ⵉⴳⵔ ⵏ ⵡⴰⵙⵙⴰⵢ ⴰⵣⵣⵓⵍⴰⵏ ⵏ ⵜⵙⴱⴱⴰⴱⵉⵏ ⴷ ⵉⵎⴷⴰⵏⵏ, ⴰⴼⴰⴷ ⴰⴷ ⵉⵜⵜⵓⴹⵎⴰⵏ ⵓⴼⵔⴼⵓⴷ ⵏ ⵉⴳⴰⴷⴰⵣⵏ ⵙ ⵜⵖⴰⵔⴰⵙⵜ ⵜⴰⵎⴰⴳⵏⵓⵜ, ⴷ ⵓⵙⴼⵍⵙ ⵏ ⵓⵙⵓⵍ ⵏ ⵜⵏⴰⴼⵓⵜⵉⵏ ⵏ ⵡⴰⵙⵙⴰⵢ ⴰⴳⴷⵓⴷⴰⵏ, ⵙ ⵡⴰⵜⵉⴳ ⵍⵍⵉ ⴱⴷⴷⴰ ⵉⵍⵍⴰⵏ, ⴱⵍⴰ ⵜⵜⵓⴹⵕⴰⵏ ⵍⵊⵓⴱ ⵏ ⵉⵏⴰⵎⵓⵔⵏ. ⵖⵉⴽⵍⵍⵉ ⵔⴰⴷ ⵉⵖⴰⵎⴰ ⵡⴰⵜⵉⴳ ⵍⴳⴰⵣ ⵏ ⵏ ⵓⴱⵓⵟⴰⵢ ⴷ ⵓⵙⵓⵍ ⵏ ⵏ ⵡⴰⵏⵏⴰⵍ ⴰⵥⵕⴼⴰⵏ ⵏ ⵓⵥⴰⵕⵓⵕ ⵉⵜⵜⵓⴼⴽⴰⵏ ⵉ ⵓⵙⵎⵔⵙ ⵏ ⵜⴳⵎⵎⵉ ⵃⵎⴰ ⴰⴷ ⵉⵖⵎⴰ ⵡⴰⵜⵉⴳ ⴰⵎⵉⵔⴰⵏ ⴱⵍⴰ ⴽⵔⴰ ⵏ ⵓⵙⵏⴼⵍ.
ⵎⴽⵍⵍⵉ ⵉⵜⵜⵓⵖⵜⴰⵙ ⴰⵡⴷ ⴰⴷ ⵜⵉⵍⵉ ⵜⵡⵓⵔⵉ ⵅⴼ ⵓⵙⴳⴳⴷ ⴷ ⵓⴹⴼⴼⵓⵕ ⵏ ⵜⵙⵔⴷⴰⵙⵉⵏ ⵏ ⵓⴱⵟⵟⵓ ⵏ ⵜⵢⴰⴼⵓⵜⵉⵏ ⵜⵉⵏⴼⵍⴰⵃⵉⵏ ⴳ ⵓⴳⴰⴷⴰⵣ ⴰⵏⴰⵎⵓⵔ ⵃⵎⴰ ⴰⴷ ⴰⵡⴹⵏⵜ ⵜⵢⴰⴼⵓⵜⵉⵏ ⴰⴷ ⵉ ⵉⵏⴰⵎⵓⵔⵏ ⵙ ⵡⴰⵜⵉⴳⵏ ⵉⵎⵏⵏⴰⵡⵏ.
