ⵉⵙⵙⵓⴼⵖ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵜ ⵜⵖⵜⴰⵙⵜ ⵉⴳⵎⴰⵏ ⵜⵓⴳⵜ ⵏ ⵜⵎⴳⴳⵉⵢⵉⵏ ⵉⵡⴰⵜⵙⵏ ⴰⵙⵏⵎⴰⵍⴰ ⵏ ⵉⴳⴰⴷⴰⵣⵏ ⵉⵥⵍⵉⵏ ⵙ ⵓⵣⵏⵣⵉ ⵏ ⵜⴼⴰⵙⴽⵉⵡⵉⵏ ⵏ ⵍⵄⵉⴷ ⴰⵎⵇⵇⵔⴰⵏ ⴷ ⵓⵙⴱⴷⴷⵉ ⵏ ⵜⵎⵙⴽⴰⵔ ⵉⵜⵜⴰⵡⵙⵏ ⴳ ⵓⵙⵖⵍⵉ ⵓⵔ ⵉⵎⵙⴰⵙⴰⵏ ⵏ ⵡⴰⵜⵉⴳⵏ ⵏⵏⵙⵏⵜ

ⴳ ⵓⵙⴰⵜⵉ ⵏ ⵓⵙⵉⵜⵜⴳ ⴰⵎⵖⵍⴰⵍ ⵙ ⵓⴼⵔⴰⴳ ⵏ ⵜⵣⵎⵔⵜ ⵏ ⵜⵙⵖⵉ ⵏ ⵜⵏⴰⵎⵓⵔⵉⵏ ⴷ ⵉⵏⴰⵎⵓⵔⵏ, ⴷ ⵓⴹⵎⴰⵏ ⵏ ⵓⵙⵡⵓⴷⴷⵓ ⴰⵎⴰⴳⵏⵓ ⴷ ⵓⵎⴰⴼⴰⵡ ⵏ ⵉⴳⴰⴷⴰⵣⵏ ⵉⵥⵍⵉⵏ ⵙ ⵓⵣⵏⵣⵉ ⵏ ⵜⴼⴰⵙⴽⵉⵡⵉⵏ ⵏ ⵍⵄⵉⴷ, ⴷ ⵓⵙⴷⵓⵙ ⵏ ⵉⵎⵏⵣⴰⵢⵏ ⵏ ⵜⵎⵃⵉⵣⵡⴰⵔⵜ ⵜⴰⴷⵔⴼⵉⵜ ⴷ ⵜⵣⴷⴷⵉⴳⵜ, ⵙ ⵓⵎⵙⴰⵙⴰ ⴰⴽⴷ ⵉⴹⵕⵉⵚⵏ ⵉⵣⵔⴼⴰⵏⵏ ⴷ ⵉⵏⵎⴰⵍⴰⵏⵏ ⵙ ⵎⵉ ⵙⵡⵓⵔⵉⵏ, ⵉⵙⵙⵓⴼⵖ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵢⴰⵜ ⵜⵖⵜⴰⵙⵜ ⵉⴳⵎⴰⵏ ⵜⵉⵎⴳⴳⵉⵢⵉⵏ ⵜⵉⴽⵓⴷⴰⵏⵉⵏ ⵉⵡⴰⵜⵙⵏ ⴰⵙⵏⵎⴰⵍⴰ ⵏ ⵜⵎⵀⵍⵉⵡⵉⵏ ⵏ ⵓⵙⵣⵏⵣⵉ ⴷ ⵓⵣⵏⵣⵉ ⵏ ⵜⴼⴰⵙⴽⵉⵡⵉⵏ, ⵙ ⵓⵣⵎⵣⵣⵓ ⵏ ⵄⵉⴷ ⵍⴰⴹⵃⴰ ⴰⵎⴱⴰⵔⴽⵉ ⵏ ⵓⵙⴳⴳⵯⴰⵙ 1447 / 2026, ⴰⴼⴰⴷ ⴰⴷ ⵜⵜⵓⵙⴱⴷⴷ ⵜⵙⵖⵍⵉⵜ ⵓⵔ ⵉⵜⵜⵓⵙⵉⵙⴽⵏⵏ ⴳ ⵡⴰⵜⵉⴳⵏ ⵏ ⵜⴼⴰⵙⴽⵉⵡⵉⵏ.
ⵜⴷⴷⴰ ⴷ ⵜⵖⵜⴰⵙⵜ ⴰⴷ ⵙ ⵓⵏⴱⴹ ⵏ ⵉⴹⵕⵉⵚⵏ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 113.14 ⵉⵥⵍⵉⵏ ⵙ ⵜⴳⵔⴰⵡⵉⵏ, ⴷ ⵓⵙⵍⴳⵏ ⵓⵟⵟⵓⵏ 104.12 ⵉⵥⵍⵉⵏ ⵙ ⵜⴷⵔⴼⵉ ⵏ ⵡⴰⵜⵉⴳⵏ ⴷ ⵜⵎⵃⵉⵣⵡⴰⵔⵜ, ⴷ ⵉⴹⵕⵉⵚⵏ ⵏ ⵓⵙⵏⵙⵉ ⵉⵥⵍⵉⵏ ⵙ ⵉⴳⵔ ⴰⴷ, ⴷⴼⴼⵉⵔ ⵏ ⵓⵎⵛⴰⵡⴰⵕ ⵏ ⵓⵙⵇⵇⵉⵎ ⵏ ⵜⵎⵃⵉⵣⵡⴰⵔⵜ, ⵙ ⵉⵡⵜⵜⴰⵙ ⵏ ⵓⵙⴱⴷⴷⵉ ⵏ ⴽⵓ ⵜⵉⵎⵙⴽⴰⵔ ⵏⵏⴰ ⵉⵣⵎⵔⵏ ⴰⴷ ⵉⴳⵍⵣ ⵉⵍⵓⴳⵏⵏ ⵏ ⵜⵎⵃⵉⵣⵡⴰⵔⵜ ⵜⴰⵣⵔⴼⴰⵏⵜ ⵏⵖ ⴰⴷ ⵉⵙⵔⵅⵓ ⴰⵎⵙⴰⵙⴰ ⴰⴳⴰⵎⴰⵏ ⵏ ⵉⴳⴰⴷⴰⵣⵏ.
ⴳ ⵓⵙⴰⵜⵉ ⴰⴷ, ⵜⵜⵓⵙⵔⵙⵏⵜ ⵜⵓⴳⵜ ⵏ ⵜⵎⴳⴳⵉⵢⵉⵏ ⵜⵉⵙⵏⵎⴰⵍⴰⵏⵉⵏ ⴷ ⵜⵉⵏ ⵓⵃⵟⵟⵓ ⵉⵡⴰⵜⵙⵏ ⴰⴹⵎⴰⵏ ⵏ ⵜⵎⴰⴼⴰⵡⵜ ⵏ ⵜⵎⵀⵍⵉⵡⵉⵏ ⵜⵉⵙⴱⴱⴰⴱⵉⵏ ⴰⴳⵯⵏⵙ ⵏ ⵉⴳⴰⴷⴰⵣⵏ ⵏ ⵓⵣⵏⵣⵉ ⵏ ⵜⴼⴰⵙⴽⵉⵡⵉⵏ, ⴷ ⵓⵙⵉⵜⵜⵉ ⵏ ⴽⵓ ⴰⵏⴰⵡⵏ ⵏ ⵜⵎⵙⵙⵓⴳⴰⵏⵜ ⴷ ⵓⵙⵉⵥⵡ ⴷ ⵜⵎⵙⴽⴰⵔ ⵓⵔ ⵉⴳⵉⵏ ⵜⵉⵣⵔⴼⴰⵏⵉⵏ.
ⵥⵍⵉⵏⵜ ⵜⵎⴳⴳⵉⵢⵉⵏ ⴰⴷ ⵙ:

• ⴰⵙⴽⵔⴼ ⵏ ⵓⵣⵏⵣⵉ ⵏ ⵜⴼⴰⵙⴽⵉⵡⵉⵏ ⵏ ⵍⵄⵉⴷ ⴰⴳⵯⵏⵙ ⵏ ⵉⴳⴰⴷⴰⵣⵏ ⵉⵥⵍⵉⵏ ⴷ ⵉⵜⵜⵓⵙⵉⵔⴳⵏ ⵙ ⵓⵙⵍⴳⵏ, ⵙ ⵓⵙⵉⵜⵜⵉ ⵏ ⵡⴰⴷⴷⴰⴷⵏ ⵏ ⵓⵣⵏⵣⵉ ⵓⵙⵔⵉⴷ, ⵎⴰ ⵢⴰⴷ ⵉⴳⵎⴰⵏ ⴰⵣⵏⵣⵉ ⴰⴳⵯⵏⵙ ⵏ ⵜⴼⵉⵔⵎⴰⵜⵉⵏ ⵜⵉⴼⵍⵍⴰⵃⵉⵏ, ⵙ ⵓⵎⵙⴰⵙⴰ ⴷ ⵉⴹⵕⵉⵚⵏ ⵙ ⵎⵉ ⵙⵡⵓⵔⵉⵏ ;
• ⴰⵙⵖⵉⵡⵙ ⵅⴼ ⵉⵎⵣⵏⵣⴰⵏ ⴰⴷ ⵙⴽⵔⵏ ⴰⵙⵉⵡⴹ ⴰⵏⵣⵡⴰⵔⵓ ⴷⴰⵔ ⵜⵏⴱⴰⴹⵉⵏ ⵜⵉⵎⵙⵙⵓⴳⴰⵔ ⵜⵉⴷⵖⵔⴰⵏⵉⵏ ⵙ ⵜⵎⴰⴳⵉⵜ ⵏⵏⵙⵏ, ⴷ ⵡⵓⵟⵟⵓⵏ ⵏ ⵜⴼⴰⵙⴽⵉⵡⵉⵏ ⵉⵜⵜⵓⵙⵎⵏⵉⴷⵏ ⵉ ⵓⵣⵏⵣⵉ ⴷ ⵓⵖⴱⴰⵍⵓ ⵏⵏⵙⵏⵜ, ⴷⴰⵜ ⵏ ⵡⴰⴷⴰⴼ ⵙ ⵉⴳⴰⴷⴰⵣⵏ ;
• ⴰⴳⴷⴷⵓⵍ ⵏ ⵜⵙⵖⵉ ⵏ ⵜⴼⴰⵙⴽⵉⵡⵉⵏ ⴰⴳⵯⵏⵙ ⵏ ⵉⴳⴰⴷⴰⵣⵏ ⵙ ⵉⵡⵜⵜⴰⵙ ⵏ ⵡⴰⵍⴰⵙ ⵏ ⵓⵣⵏⵣⵉ ⵏⵏⵙⵏⵜ, ⵅⴼ ⵎⴰ ⵢⴰⴷ ⵉⵙⴽⴰⵔ ⵏ ⵓⵏⵓⴳ ⵏ ⵉⵎⵏⵣⴰⵢⵏ ⵏ ⵜⵎⵃⵉⵣⵡⴰⵔⵜ ⵜⴰⵙⴰⵍⵉⵎⵜ ;
  ⴰⴳⴷⴷⵓⵍ ⵏ ⴽⵓ ⴰⵏⴰⵡⵏ ⵏ ⵓⵙⵔⴽⵙ ⵏⵖ ⵉⴹⵉⵚ ⴰⵎⵙⴽⴰⵔ ⵅⴼ ⵡⴰⵜⵉⴳⵏ, ⵎⴰ ⵢⴰⴷ ⵉⴳⵎⴰⵏ ⵜⵉⵎⵣⴰⵣⵉⵏ ⵜⵉⵎⵙⴽⴰⵔⵉⵏ ⵏⵖ ⵉⵎⵇⵇⴰⵏⵏ ⵉⴼⴼⵔⵏ ⵏⵖ ⵉⵎⵓⵇⵇⴰⵏⵏ ⵉⵡⴰⵜⵙⵏ ⴰⵙⵖⵍⵉ ⵏ ⵡⴰⵜⵉⴳⵏ ;
• ⴰⴳⴷⴷⵓⵍ ⵏ ⵓⵙⵃⴹⵓ ⵏ ⵜⴼⴰⵙⴽⵉⵡⵉⵏ ⴱⵕⵕⴰ ⵏ ⵉⴱⵔⵉⴷⵏ ⵉⵙⴱⴱⴰⴱⵏ ⵉⵎⵢⵓⵔⴰⵏ ⵙ ⵉⵡⵜⵜⴰⵙ ⵏ ⵓⵙⵏⴼⵍⵓⵍ ⵏ ⵜⵉⴷⵔⵙⵉ ⵜⴰⵎⵙⴽⴰⵔⵜ ⵏⵖ ⵓⵙⵖⵍⵉ ⵏ ⵡⴰⵜⵉⴳⵏ.
   

ⵜⵙⵏⵚⵚ ⵜⵖⵜⴰⵙⵜ ⴰⵡⴷ ⵅⴼ ⵓⵙⴽⴽⵉⵔ ⵏ ⵜⵎⴳⴳⵉⵢⵉⵏ ⵜⵉⵎⵣⴳⴳⵉⵣⵉⵏ ⵜⵉⵇⵇⵓⵕⴰⵏⵉⵏ ⵎⴳⴰⵍ ⵉⵎⵅⵛⴰⵏ, ⴷⴷⴰⵡ ⵏ ⵜⵎⴰⴳⵍⴰⵢⵉⵏ ⵏ ⵓⵃⴱⵙ ⴷ ⵜⴳⵓⵔⵉⵡⵉⵏ ⵜⵉⵥⵕⴼⴰⵏⵉⵏ ⵉⵜⵜⵓⵙⵔⵙⵏ ⴳ ⵓⵣⵔⴼ ⵙ ⵎⵉ ⵙⵡⵓⵔⵉⵏ, ⵖⴼ ⵓⵣⵎⵣⵣⵓ ⵏ ⵓⵔⴳⴳⵍ ⴰⵡⴰⴽⴽⴰⵏ ⵏ ⵡⴰⵏⵙⵉⵡⵏ ⵏ ⵓⵣⵏⵣⵉ ⵉⵅⵛⵏⵏ, ⴷ ⵓⵃⵟⵟⵓ ⵏ ⵜⴼⴰⵙⴽⵉⵡⵉⵏ ⴷ ⵉⵎⴰⵙⵙⵏ ⵉⵜⵜⵓⵙⵎⵔⵙⵏ ⴳ ⵓⵙⴽⴽⵉⵔ ⵏ ⵜⵎⵅⵛⴰⵏ, ⵙ ⵓⵎⵙⴰⵙⴰ ⴷ ⵜⵣⵎⵔⴰⵡⵉⵏ ⵉⵜⵜⵓⴼⴽⴰⵏ ⵉ ⵜⵏⴱⴰⴹⵉⵏ ⵉⵥⵍⵉⵏ. ⵔⴰⴷ ⵜⴹⵓⴼ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵅⴼ ⵓⵙⵏⵙⵉ ⴰⵇⵇⵓⵕⴰⵏ ⴷ ⵓⵣⵔⴼⴰⵏ ⵏ ⵜⵎⴳⴳⵉⵢⵉⵏ ⴰⴷ.
ⴰⵔ ⵏⵜⴻⵜⵜⵔ ⴰⵡⴷ ⵉ ⴰⴽⴽⵯ ⵉⵎⴰⵣⵣⴰⵍⵏ ⴷ ⵉⵎⵙⴽⴰⵔⵏ ⴷ ⵉⵎⴷⵔⴰⵡⵏ ⴳ ⵓⵙⴷⴷⵉ ⵏ ⵓⵙⵣⵏⵣⵉ ⵏ ⵜⴼⴰⵙⴽⵉⵡⵉⵏ ⵏ ⵍⵄⵉⴷ ⴰⵎⵇⵇⵔⴰⵏ ⴰⴷ ⵙⵎⵏⵉⴷⵏ ⵜⵉⵎⵍⵉⵜ ⵏ ⵜⵎⴰⵙⴰⵢⵜ ⴷ ⵓⵣⵔⴽⵉ ⵏ ⵉⵙⵍⴳⵏⵏ ⴷ ⵉⴹⵕⵉⵚⵏ ⵉⵏⵎⴰⵍⴰⵏⵏ ⵙ ⵉⵍⵍⴰ ⵓⵙⵡⵓⵔⵉ, ⴰⴼⴰⴷ ⴰⴷ ⵉⵜⵜⵓⴹⵎⴰⵏ ⵓⴼⵔⴰⴳ ⵏ ⵓⵎⵙⵖ, ⴷ ⵓⵃⵟⵟⵓ ⵅⴼ ⵜⵎⴰⴼⴰⵡⵜ ⵏ ⵜⵎⵀⵍⵉⵡⵉⵏ, ⴷ ⵓⴹⵎⴰⵏ ⵏ ⵓⵙⵎⴽⵍ ⵏ ⵉⴳⴰⴷⴰⵣⵏ ⴳ ⵡⴰⴷⴷⴰⴷⵏ ⵉⵎⴰⵍⵣⴰⵢⵏ.