ⵜⵉⵡⴹ ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵕⴰ ⵍⵎⵏⵚⵓⵕⵉ ⴱⵏⵓⵎ ⴱⵉⵏⵀ ⴰⴼⴰⴷ ⴰⴷ ⵜⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵙⵇⵇⴰⵢⵢⵓⵜ ⵜⵉⵙⵙ 20 ⵏ ⵜⴼⵕⴰⵏⴽⵓⴼⵓⵏⵉⵜ

CG-14-11-2026-2.jpeg

ⵜⵍⴽⵎ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵕⴰ ⵍⵎⵏⵚⵓⵕⵉ, ⴰⵙⵙ ⴰⴷ ⵏ ⵓⵙⵉⴹⵢⴰⵙ ⵙ ⴱⵏⵓⵎ ⴱⵉⵏⵀ, ⴰⴼⴰⴷ ⴰⴷ ⵜⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵜⵡⵓⵔⵉⵡⵉⵏ ⵏ ⵜⵙⵇⵇⴰⵢⵢⵓⵜ ⵜⵉⵙⵙ 20 ⵏ ⵜⴼⵕⴰⵏⴽⵓⴼⵓⵏⵉⵜ, ⵍⵍⵉ ⵉⵍⵍⴰⵏ ⴳ ⵡⵓⵙⵙⴰⵏ ⵏ 15 ⴷ 16 ⵏ ⵏⵓⵡⴰⵏⴱⵉⵔ ⴰⴷ ⴳ ⵜⵎⴰⵥⵓⵏⵜ ⵏ ⴽⴰⵎⴱⵓⴷⵢⴰ.
ⵍⵍⵉⵖ ⵜⵍⴽⵎ ⴰⵣⴰⴳⵯⵣ ⴰⴳⵔⴰⵖⵍⴰⵏ ⵏ ⵜⵉⴽⵓ, ⵢⵓⵛⴽⴰ ⵏⵏ ⵙ ⵓⵙⵏⵓⴱⴳ ⵏ ⵎⴰⵙⵙⴰ ⵍⵎⵏⵚⵓⵕⵉ ⴰⵎⴰⵔⵉ ⵏ ⵓⵡⴰⵏⴽ ⴳ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵏ ⵜⴳⵍⴷⵉⵜ ⵏ ⴽⴰⵎⴱⵓⴷⵢⴰ, ⴰⵡⵏ ⴽⵀⵢⴰⵏⴳ, ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵜⵜⴰⵢⵍⴰⵏⴷ ⴷ ⴽⴰⵎⴱⵓⴷⵢⴰ, ⵄⴱⴷⵕⵕⵃⵉⵎ ⵕⵃⵃⴰⵍⵉ.
ⵔⴰⴷ ⵜⵙⵎⵓⵏ ⵜⵙⵇⵇⴰⵢⵢⵓⵜ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵜⵎⴰⵜⴰⵔⵜ « ⴰⵍⵍⴰⵙ ⵏ ⵓⵙⵙⴰⵔⵓ ⴳ ⵓⴼⵔⴰ ⵉ ⵓⴱⵓⵖⵍⵓ ⵉⵛⵛⴰⵔⵏ ⴷ ⵓⵔⴳⴳⵉⴳ ⴰⵙⵓⵍⴰⵏ», ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵜⵏⴱⴰⴹⵉⵏ ⵏ 90 ⵏ ⵓⵡⴰⵏⴽ ⴷ ⵜⵏⴱⴰⴹⵜ ⵉⴳⴰⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ, ⵃⵎⴰ ⴰⴷ ⵙⵔⵙⵏ ⵉⵏⵎⵉⴷⵏ  ⴷ ⵉⵙⵏⵉⵍⵏ ⵏ ⵜⵎⴰⴷⴷⴰⵙⵜ ⴷ ⵓⵎⴹⴰⴽⴰⵕ ⵖⴼ ⵉⵙⵔⵓⵙⵏ ⵉⵎⵇⵇⵔⴰⵏⵏ ⵏ ⵓⵎⵢⴰⵡⴰⵙ ⴰⴼⵕⴰⵏⴽⵓⴼⵓⵏⵉ.
ⵖⵉⴽⵍⵍⵉ ⵔⴰⴷ ⵜⵥⵍⵉ ⵜⵙⵇⵇⴰⵢⵢⵓⵜ ⵙ ⵓⴼⵔⴰⵏ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏⵖ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⴷ ⵢⵓⵛⴽⴰⵏ ⵏ ⵜⴼⵕⴰⵏⴽⵓⴼⵓⵏⵉⵜ ⵉ ⵜⵙⵓⵜⵍⵜ (2027-2030).
ⵔⴰⴷ ⵜⵙⴽⵔ ⵜⵙⵇⵇⴰⵢⵢⵓⵜ, ⵍⵍⵉ ⵉⴳⴰⵏ ⵜⴰⵙⵇⵇⵉⵎⵜ ⵜⴰⵏⴰⴼⵍⵍⴰⵜ ⴰⴽⴽⵯ ⴳ ⵜⴼⵕⴰⵏⴽⵓⴼⵓⵏⵉⵜ, ⵜⵡⵓⵔⵉ ⵏⵏⵙ ⵙⵍⴰⵀⵡⴰⵏⵏ ⴰⴽⴽⵯ ⵍⵍⵉⵖ ⵔⴰⴷ ⵉⵜⵜⵓⵙⴽⴰⵔ ⵓⵙⵜⴰⵍ ⴰⵎⵣⵡⴰⵔⵓ ⵏ ⵜⵡⵓⵔⵉ ⵏ ⵜⵎⴰⴷⴷⴰⵙⵜ. ⵇⴱⵍ ⵏ ⵢⴰⵏ ⵓⵙⴳⴳⵯⴰⵙ ⵉ ⵜⴳⵉⵔⴰ ⵏ ⵓⵙⵖⵉⵡⵙ ⵏ 2024-2027, ⵉⵣⴷⵉ ⵎⵢⴰⴷ ⵙ ⵓⵙⵖⴰⵍ ⵏ ⵜⵢⴰⴼⵓⵜⵉⵏ ⵉⵜⵜⵓⵙⴽⴰⵔⵏ ⴷ ⵉⵎⵏⵉⴷⵏ ⵏ ⵓⵙⵖⵉⵡⵙ ⴷ ⵉⴷⴷⴰⵏ.
ⵔⴰⴷ ⵙⵖⵥⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵜⵏⴱⴰⴹⵉⵏ « ⵜⴰⵙⴳⵓⵔⵉ ⵏ ⴱⵏⵓⵎ ⴱⵉⵏⵀ», ⵜⴰⵎⴰ ⵓⵙⵖⵥⵏ ⵏ ⵎⵏⵏⴰⵡ ⵡⴰⵏⴰⴹⵏ ⴷ ⴰⵡⴷ ⴰⵙⵎⵓⵜⵜⴳ ⵉ ⵜⵙⵇⵇⴰⵢⵢⵓⵜ ⴷ ⵢⵓⵛⴽⴰⵏ.

ⵜⴰⴱⵔⴰⵜ ⵜⴰⵏⵖⵎⴰⵙⵜ