ⵜⵔⴰ ⵜⵏⴱⴰⴹⵜ ⴰⴷ ⵜⵙⵓⵊⴷ ⵢⴰⵏ ⵓⵖⴰⵡⴰⵙ ⴰⵙⵎⵓⴷ ⵎⵔⴰ ⴰⴷ ⵜⵙⵎⴰⵢⵏⵓ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴹⴼⴼⵉⵕ ⵏ ⵉⵡⵜⵜⴰⵙⵏ ⵉⵏⴰⴼⴰⵡⵏ ⴷ ⵜⴰⵏⴰⵢⵜ ⵜⴰⵖⵣⵓⵔⵜ (ⵎⴰⵙⵙ ⵍⵄⵜⵎⴰⵏⵉ)
ⵉⵏⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵎⴰⵙ ⵜⵔⴰ ⵜⵏⴱⴰⴹⵜ ⴰⴷ ⵜⵙⵓⵊⴷ ⵢⴰⵏ ⵓⵖⴰⵡⴰⵙ ⴰⵙⵎⵓⴷ ⵎⵔⴰ ⴰⴷ ⵜⵙⵎⴰⵢⵏⵓ ⴰⵙⵎⵓⵜⵜⴳ ⴰⵣⵣⵓⵍⴰⵏ ⵉⴹⴼⴰⵕⵏ ⵉⵡⵜⵜⴰⵙⵏ ⵉⵏⴰⴼⴰⵡⵏ ⴷ ⵜⴰⵏⴰⵢⵜ ⵜⴰⵖⵣⵓⵔⵜ, ⴷ ⵉⵙ ⵔⴰⴷ ⵜⵜⵓⵎⵍⴰ ⵜⴰⵏⵜⴰⵎⵜ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷⴼⴼⵉⵔ ⵉⵖ ⵉⵜⵎⵎⴰ ⵡⵣⵎⵣ ⵏ ⴽⵕⴰⴹ ⵏ ⵉⵎⴰⵍⴰⵙⵙⵏ ⵍⵍⵉ ⵢⵏⴹ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ.
ⴳ ⵢⴰⵜ ⵜⵙⴳⵓⵔⵉ ⴳ ⵓⵕⵥⵥⵓⵎ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵉⴼⵔⴰ ⵢⵏⵏⴰ ⵎⴰⵙⵙ ⵍⵄⵜⵎⴰⵏⵉ ⵎⴰⵙ « ⵉⴳⴰ ⵡⴷⴷⵓⵔ ⴰⴷ ⵏⵍⴽⵎ ⵉ ⵢⴰⵏ ⴰⴼⵙⴰⵔ ⴰⵙⵎⴰⵢⵏⵓ ⴷ ⵖⵓⵔⵙ ⵜⴰⵖⴰⵜ, ⴷ ⴰⴷ ⵏⵙⵖⵔⵜ ⴰⵙⵎⵓⵜⵜⴳ ⴰⵣⵣⵓⵍⴰⵏ, ⴷ ⴰⴷ ⵏⴰⵙⵉ ⴰⵙⵡⵉⵔ ⵏⵏⵙ ⴷ ⵜⵏⵙⵎⴰⵢⵏⵓ ⵎⵔⴰ ⴰⴷ ⵉⵎⵓⵏ ⴷ ⵓⵙⵎⵓⵎⵎⵉ ⴷ ⵉⵙⵙⴰⵔⵏ ⵏ ⵜⵡⵓⵔⵉ ⴳ ⵢⴰⵜ ⵜⵙⴳⴰ, ⴷ ⵜⵡⵓⵔⵉⵡⵉⵏ ⴷ ⵉⵥⵍⵉⵏ ⵏ ⵉⵎⴰⵍ ⴳ ⵜⵙⴳⴰ ⵢⴰⴹⵏⵉⵏ ».
ⵉⵔⵏⵓ ⵢⵏⵏⴰ ⵎⴰⵙⵙ ⵍⵄⵜⵎⴰⵏⵉ ⵎⴰⵙ ⵜⵔⴰ ⵜⵏⴱⴰⴹⵜ « ⴰⴷ ⵜⴼⴽ ⴰⵏⵙⴰ ⵉⵍⵓⵎⵎⵏ ⵉ ⵡⵙⵎⵓⵜⵜⴳ ⴰⵣⵣⵓⵍⴰⵏ, ⴷ ⴰⴷ ⵓⵔ ⵉⴳⵙⵏ, ⴰⵛⴽⵓ ⵢⴳⴰ ⵉⴳⵔ ⵢⵙⵙⵓⴼⵓⵖⵏ ⵜⵉⵙⵓⴳⵔⵉⵏ, ⴷ ⵉⵎⵙⵙⵓⴼⵖⵏ ⵏⵏⵙ ⵉⵡⵉⵏⴷ ⴰⴷⴷⵓⵔ ⵉ ⵍⵎⵖⵔⵉⴱ ».
ⴳ ⵓⵙⴰⵜⵉ ⴷⵖ, ⵉⵏⵏⴰ ⵎⴰⵙⵙ ⵍⵄⵜⵎⴰⵏⵉ ⵎⴰⵙ ⵜⵏⴱⴰⴹⵜ ⵜⵔⴰ ⴰⴷ ⵜⴽⵙⵔ ⵍⵉⵚⵍⴰⵃ ⵏ ⵜⵙⴰⵡⵔⵜ ⵏ ⵓⵙⴳⵎⵉ ⴷ ⵓⵙⵍⵎⴰⴷ, ⵖⵉⴽ ⵍⵍⵉ ⵜⵔⴰ ⵜⴰⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⵏ 2015-2030 ⵍⵍⵉ ⵢⵙⵙⵓⵊⴷ ⵓⵙⵇⵇⵉⵎ ⴰⵏⴰⴼⵍⴰ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ.
