ⴰⵣⵣⵉⴳⵣ ⵏ ⵍⵎⵖⵔⵉⴱ ⴳ ⵓⵏⵎⴰⵍⴰ ⵏ ⵓⵙⵜⴰⵢ ⴰⵎⴰⴹⵍⴰⵏ ⵉⵣⵍⵉⵏ ⵅⴼ ⵓⵏⵎⴰⵍ ⵏ ⵓⵏⵣⵡⵉ ⵏ ⵜⵡⵓⵔⵉⵡⵉⵏ ⵉⵎⵍⴰ ⴰⵏⵥⴰ ⵏ ⵜⵖⵍⵉⵜ ⵏ ⵜⵖⵍⵉⴼⵜ ⵍⵍⵉ ⵜⵟⵟⴰⴼ ⵜⴳⵍⴷⵉⵜ
ⵉⵏⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵎⴰⵙ ⴰⵣⵣⵉⴳⵣ ⵏ ⵍⵎⵖⵔⵉⴱ ⵙ ⵜⵥⴰ ⵏ ⵉⵏⵙⴰⵏ ⴳ ⵓⵏⵎⴰⵍ ⵏ ⵜⵎⵙⴽⵔⵜ ⵏ ⵜⵡⵓⵔⵉⵡⵉⵏ ⴰⴼ ⴰⴷ ⵢⵉⵍⵉ ⴳ ⴰⵏⵙⴰ ⵡⵉⵙⵙ 60 ⴳ ⵓⵣⵎⵣ ⵏ ⵢⴰⵏ ⵓⵙⴳⴳⵯⴰⵙ, ⵉⵎⵍⴰ ⵜⴰⵖⵍⵉⵜ ⵏ ⵜⵖⵍⵉⴼⵜ ⴳ ⵜⴳⵍⴷⵉⵜ ⴷ ⵓⵍⴰⵢ ⵏⵏⵙ ⴳ ⵉⴳⵔ ⵏ ⵓⵏⵣⵡⵉ ⵏ ⵜⵡⵓⵔⵉⵡⵉⵏ.
ⵉⴼⵔⴰ ⵢⵏⵏⴰ ⵎⴰⵙⵙ ⵍⵄⵜⵎⴰⵏⵉ, ⴳ ⵢⴰⵜ ⵜⵙⴳⵓⵔⵉ ⴳ ⵓⵕⵥⵥⵓⵎ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵎⴰⵙ ⵜⵙⴽⵔ ⵜⵏⴱⴰⴹⵜ ⴳ ⵙⵉⵏ ⵉⵙⴳⴳⵯⴰⵙⵏ ⵉⵣⵔⵉⵏ ⵜⵓⴳⴳⵓⵣⵏ « ⵉⵖⵓⴷⴰⵏ » ⵍⵍⵉ ⵢⵉⵡⵉⵏ ⵜⵎⵏⵜⵉⵍⵜ ⵍⵍⵉⵖ ⵜⵜⵢⵓⵎⴰⵥⵏ ⵎⵏⵏⴰⵡ ⵏ ⵉⵎⴰⴽⵏ ⴳ ⵓⴱⵖⵓⵔ ⵏ ⵉⵏⵎⵓⵔⵉⵏ ⴷ ⵜⴰⵎⵙⵙⵏⵜⵉⵜ, ⵉⵔⵏⵓ ⵢⵏⵏⴰ ⵎⴰⵙ ⵉⵙⴳⵓⵏⴼⵓ ⴳ ⵓⵣⵎⵣⵣⵓ ⴷⵖ, ⴰⵛⴽⵓ ⵉⵣⵔⵉ ⵉⵡⵜⵜⴰⵙⵏ ⵉⵍⵍⴰⵏ ⴳ ⵓⵙⵏⵜⵉ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵓⵏⵣⵡⵉ ⵏ ⵜⵡⵓⵔⵉⵡⵉⵏ, ⴷ ⵉⵣⵣⵉⴳⵣ ⵍⵎⵖⵔⵉⴱ ⵙ ⴰⵏⵙⴰ ⵡⵉⵙⵙ ⵙⵉⵏ ⴳ ⵜⵙⴳⴰ ⵏ ⵍⵇⴱⵍⵜ ⵜⴰⵏⴰⵎⴰⵙⵜ ⴷ ⵉⵣⵍⵎⴹ ⵏ ⵉⴼⵔⵉⵇⵢⴰ, ⴷ ⴰⵏⵙⴰ ⵡⵉⵙⵙ ⴽⵕⴰⴹ ⴳ ⵉⴼⵔⵉⵇⵢⴰ.
ⵉⵣⵓⵍ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴽⴽⵯ ⵉⴳⵔⵏ ⴷ ⵜⵉⵎⵔⵙⵍⵉⵏ ⵉⴷⵓⵙⵜⵓⵔⵉⵏ ⴷ ⵉⵔⴳⴰⵣⵏ ⵏ ⵜⵡⵓⵔⵉ ⴷ ⵉⴱⵕⵍⴰⵎⴰⵏⵉⵢⵏ ⴷ ⵜⵉⵎⵚⵕⴰⵢ ⵜⵉⵣⵣⵓⵍⵉⵏ ⵍⵍⵉ ⵢⴷⵔⴰⵏ ⴳ ⵓⵙⴰⵡⵔ ⵉⴷⴷⵓⵔⵏ ⴰⴷ, ⵉⵙⵓⵍ ⵉⵙⴰⵡⵏ ⵅⴼ ⴰⵙⵓⵊⴷ ⵏ ⵜⵏⴱⴰⴹⵜ ⴰⴷ ⵜⴽⵎⵎⵍ ⵜⴰⵙⵙⵔⵅⵉⵜ ⵏ ⵓⵏⵣⵡⵉ ⵏ ⵜⵎⵙⵙⵏⵜⵉⵏ, ⵉⵏⵏⴰ ⵙⵓⵍ ⵉⵍⵙ ⵉⵍⵍⴰ ⵡⵏⵏⴰⵍ ⵏ ⵜⵙⵎⴰⵟⵟⵓⵏⵜ ⴷ ⵜⵜⵓⵢⵎⴰⵥⵏ ⵉⵙⵡⵓⴷⴷⵓⵏ ⵏ ⵓⵙⴱⵖⵔ ⵏ ⵜⵎⵙⵙⵏⵜⵉⵜ ⴷ ⴰⴼ ⴰⴷ ⵔⵅⵓⵏ ⵉⴱⵔⴷⴰⵏ ⵏ ⵜⵓⴷⵔⵜ ⵏ ⵉⵏⵎⵓⵔⵉⵏ.
