ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵡⵉⵙ ⵙⵉⵏ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⵎⴰⵟⵟⵓⵏⵜ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ 3 ⵉⴱⵔⵉⵔ 2024 ⴳ ⵕⵕⴱⴰⵜ ⴰⴳⵔⴰⵡ ⵡⵉⵙ ⵙⵉⵏ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⵎⴰⵟⵟⵓⵏⵜ. ⴳ ⵓⵔⴰⵡ ⴰⴷ, ⵜⵢⵢⵉⵍ ⴷ ⵎⴰⵙⵙⴰ ⵖⵉⵜⴰ ⵎⵣⵣⵓⵔ, ⵜⴰⵎⴰⵡⵙⴰⵙⵜ ⵜⴰⵎⵉⵔⵉⵜ ⵉⵜⵜⵙⵓⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⵏⵎ ⵏ ⵜⵎⵙⵙⵓⴳⵓⵔⵜ ⵢⴰⵏ ⵓⵙⴼⵙⵔ ⵉⵜⵜⵓⵙⴼⴰⵍⵏ ⵅⴼ : « ⵜⴰⵏⵏⴰⵢⵉⵏ ⵜⴰⵎⴰⵜⵜⴰⵢⵉⵏ ⵏ ⵜⴳⵎⵉ ⵜⴰⵎⵓⵟⵟⵓⵏⵜ-ⵍⵎⵖⵔⵉⴱ ⴰⵎⵓⵟⵟⵓⵏ 2030 » ⴹⵕⴰⵜ ⵜⵓⴳⵜ ⵏ ⵉⵏⵎⵓⵇⵇⴰⵏ ⵍⵍⵉ ⵜⴳⴰ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵍⵍⵉⵖ ⴽⵓⵍⵍⵓ ⵜⵎⵙⵓⵏ ⵜⴰⵏⵏⴰⵢⵉⵏ ⵏⵏⵙⵏ ⴰⴼⴰⴷ ⴰⴷ ⵢⵉⵍⵉ ⵓⵙⵖⵓⴷⵓ ⵏ ⵜⵙⵜⵕⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵎⴰⵟⵟⵓⵏⵜ.
ⵉⴳⴰ ⵓⵡⵜⵜⴰⵙ ⵏ ⵜⵙⵕⵜⵉⵊⵉⵜ ⴰⴷ ⴰⵙⵎⵓⵜⵜⴳ ⵉ ⵉⵏⵎⵓⵔⴰⵏ ⴷ ⵜⵏⵎⵓⵔⵉⵏ ⵉⵎⵖⵔⵉⴱⵉⵏ ⴳ ⵓⵙⴰⵢⴰⴼⴰ ⴳ ⵜⵏⵓⴼⴰ ⵜⵉⵎⴰⵟⵟⵓⵏⵉⵏ ⵙ ⵢⴰⵜ ⵜⵖⴰⵔⴰⵙⵜ ⵖ ⵓⵔ ⵉⵍⵍⵉ ⵏⴰⵃⵢⴰ ⴷ ⵓⵙⴷⵓⵙ ⵏ ⵏ ⵜⵡⵓⵔⵉⵡⵉⵏ ⴷ ⵜⵡⵉⵙⵉ ⵏ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⴳ ⵓⵚⵏⴼⴰⵕ ⵏ ⵓⵎⵓⵜⵜⵉ ⴰⵎⴰⵟⵟⵓⵏ. ⵉⴳ ⵢⴰⵏ ⵓⵥⵎⵎⴰⵥⵍ ⴳ ⵍⵍⵉ ⵔⴰⴷ ⵢⴰⵡⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⴳ ⵢⴰⵜ ⵜⵎⴰⵣⵉⵔⵜ ⵏ ⵓⵙⴽⴰⵔ ⵏ ⵉⴼⵙⵙⴰⵢⵏ ⵉⵎⵟⵟⵓⵏ ⴷ ⵓⵙⴽⴰⵔ ⵜⵡⵓⵔⵉⵡⵉⵏ ⵙ ⵜⵖⴰⵔⴰⵙⵜ ⵏ ⵉⵙⵙⴰⵔⵓⵜⵏ ⴷ ⵓⴹⴼⵉⵔ ⵜⵉⵥⴹⴰⵕ ⵜⵉⵎⴰⵟⵟⵓⵏⵏⵉⵏ ⵖⵓⵔ ⵉⵄⵔⵔⵉⵎⵏ.
ⵉⵡⵉ ⴷ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴳ ⵉⴳⵔⴰⵡ ⴰⴷ, ⵎⴰ ⵙ ⴷ ⵔⴰⴷ ⵜⵎⵎⴰⵖ ⵜⵏⴱⴰⴹⵜ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⴰⵙⵎⵓⵟⵟⵓⵏⵜ ⵏ ⵜⵎⵙⵙⵓⴳⴰⵔ ⵜⵉⴳⴷⵓⴷⵏⵉⵏ ⴷ ⵓⵙⴱⵓⵖⵍⵓ ⵏ ⵜⴷⴰⵎⵙⴰⵏⵜ ⵜⴰⵎⵓⵟⵟⵓⵏⵜ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵜⵖⵍⴰⴼ ⵜⵉⴳⵍⴷⴰⵏⵉⵏ ⵢⴰⵜⵜⵓⵏⵉⵏ ⴷ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵖⴰⵡⴰⵙ ⵓⵏⴱⵉⴹ. ⵉⵙⴽⵜⵉ ⴰⵙ ⴰⵡⴷ ⵎⴰ ⵔⴰⴷ ⵜⵎⵎⴰⵖ ⵜⵏⴱⴰⴹⵜ ⴼⴰⴷ ⴰⴷ ⵢⵉⵍⵉ ⵓⵙⵓⴳⵣ ⵓⵎⵎⵓⵜⵉ ⴰⵎⴰⵟⵟⵓⵏ ⵙ ⵓⵎⴰⵜⴰ, ⵙⵍⴰⵀⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⵢⴰⵜ ⵜⵉⵍⴰⵍⵜ ⵍⵍⵉ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵜⵏⵓⴼⴰ ⵏ ⵜⵎⵙⵙⵓⴳⴰⵔ ⵜⵉⴷⵓⴷⵏⵉⵏ ⴷ ⵓⵙⴽⴰⵔ ⵏ ⵜⵢⴰⴼⵓⵜ ⴷ ⵜⴳⵎⵉ ⵜⴰⴷⴰⵎⵙⴰⵏⵜ.
ⵉⵍⵍⴰ ⴰⵡⴷ ⴳ ⵓⴳⵔⴰⵡ ⴰⵙⴽⵜⵉ ⵙ ⵙⵉⵏ ⵉⵏⴱⴰⴷⴰⴷⵏ ⵉⵎⴰⵜⴰⵢⵉⵏ ⵍⵍⵉ ⵅⴼ ⵕⵚⴰⵏⵜ ⵜⴰⵏⵏⴰⵢⵉⵏ ⵜⴰⵎⴰⵜⵜⴰⵢⵉⵏ ⵏ ⵜⴳⵎⵉ ⵜⴰⵎⵓⵟⵟⵓⵏⵜ-ⵍⵎⵖⵔⵉⴱ ⴰⵎⵓⵟⵟⵓⵏ 2030 :
- ⵜⴰⵙⵎⵓⵟⵟⵓⵏⵜ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ : ⵉⵕⵚⴰ ⵓⵏⴱⴷⴰⴷ ⴰⴷ ⵅⴼ ⵓⵣⵣⴰⵣ ⵏ ⵓⵙⵎⵓⵟⵟⵓⵏ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴷ ⵓⵙⴷⵓⵙ ⵏⵙⵏⵜ ⵙ ⵢⴰⵜ ⵜⵖⴰⵙⴰⵔⵜ ⵍⵍⵉ ⵎⵓ ⵉⴳⴰ ⵓⵙⵎⵔⴰⵙ ⴰⵏⴱⴷⴰⴷ ⵏⵏⵙ, ⵉⵖ ⵉⴳⴰ ⴰⵏⵎⵓⵔⵉ ⵏⵖ ⴷ ⵜⴰⵙⵙⵏⵜⵉⵜ.
- ⴰⵙⵔⵓⵙ ⵏ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵜⴷⴰⵎⵙⴰ ⵜⴰⵎⵓⵟⵟⵓⵏⵜ ⵍⵍⵉ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵢⴰⴼⵓ ⵏ ⵉⴼⵙⵙⴰⵢⵏ ⵉⵎⵓⵟⵟⵓⵏⵏ ⵉⵎⵖⵔⵉⴱⵉⵏ ⴷ ⵓⵙⴽⴰⵔ ⵡⴰⵜⵉⴳ ⴷ ⵜⵡⵓⵔⵉⵡⵉⵏ : ⵉⵕⵚⴰ ⵓⵏⴱⴷⴰⴷ ⴰⴷ ⵅⴼ ⴽⵕⴰⴹ ⵡⴰⴽⵓⵎⵏ ⵉⵎⴰⵜⴰⵢⵏ : ⴰⵙⴱⵓⵖⵍⵓ ⵏ ⵉⴳⵔ ⵏ ⵓⵙⵎⵓⵜⵜⵉ ⵏ ⵜⵏⵓⴼⴰ, ⵜⵓⵚⴽⴰ ⵏ ⵓⵖⴰⵡⴰⵙ ⵉⵥⵍⵉⵏ ⵙ ⵜⵉⵎⵙⵙⵏⵜⴰⵢ ⴱⵃⵔⴰ ⵉⵙⵏⵜⵉⵏ ⵜⴰⵡⵓⵔⵉ ⴷ ⵓⴹⴼⵉⵔ ⵏ ⵓⵙⵎⵓⵟⵟⵓⵏ ⵏ ⵜⵉⵎⵙⵙⵏⵜⴰⵢ ⵎⵥⵥⵉⵏ ⴷ ⵜⵉⵏ ⵡⴰⵎⵎⴰⵙ.
ⵃⴰⴹⵕⵏ, ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⵙⵜ ⵎⴰⵙⵙ ⴷ ⵉⴷ ⵎⴰⵙⵙ ⵉⵎⴰⵡⵙⴰⵙⵏ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⵎⴰⵟⵟⵓⵏⵜ ⴳ ⵉⴳⵔ ⴰⴳⴷⵓⴷⴰⵏ ⴷ ⵉⴳⵔ ⵉⵎⵥⵍⵉ ⴷ ⵜⵎⴰⴷⴷⴰⵙⵉⵏ ⵜⵉⵣⵣⵓⵍⴰⵏⵉⵏ ⴷ ⵉⵎⵓⵣⴰⵢⵏ.
