ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵉⵥⵍⵉⵏ ⵙ ⵓⵎⴹⴰⴽⴰⵕ ⵅⴼ ⵜⴱⵔⵉⴷⵜ ⵏ ⵜⵙⴱⴱⴰⴱⵜ ⵏ ⴱⵕⵕⴰ 2025-2027

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵎⴰⵢⵓ 2025 ⴳ ⵕⵕⴱⴰⵜ, ⵢⴰⵏ ⵓⴳⵔⴰⵡ ⵉⵥⵍⵉⵏ ⵙ ⵓⵎⴹⴰⴽⴰⵕ ⵅⴼ ⵜⴱⵔⵉⴷⵜ ⵏ ⵜⵙⴱⴱⴰⴱⵜ ⵏ ⴱⵕⵕⴰ 2025-2027, ⵍⵍⵉ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⴷ ⵜⴳ ⵜⵙⴱⴱⴰⴱⵜ ⴰⵏⴱⴷⴰⴷ ⵏ ⵓⵙⴱⵓⵖⵍⵓ ⴷ ⵓⵙⵡⵓⵔⵉ ⴷ ⵓⵙⵎⵓⵜⵜⴳ ⵏ ⵓⵙⵉⴼⴹ ⴷ ⵜⵢⴰⴼⵓⵜ ⵜⴰⵏⴰⵎⵓⵔⵜ ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. 
ⵉⵙⵎⵏⵉⴷ ⵎⴰⵙⵙ ⵄⵎⴰⵕ ⵃⵊⵉⵔⴰ, ⴰⵎⴰⵔⵉ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵜⵙⴱⴱⴰⴱⵜ ⵏ ⴱⵕⵕⴰ, ⵜⴰⴱⵔⵉⴷⵜ ⵏ ⵜⵙⴱⴱⴰⴱⵜ ⵏ ⴱⵕⵕⴰ 2025-2027 ⵍⵍⵉ ⵉⵕⵚⴰⵏ ⵅⴼ ⴽⵕⴰⴹ ⵉⵡⵜⵜⴰⵙⵏ ⵉⵙⵜⵕⴰⵜⵉⵊⵉⵏ ⵖ ⵉⵍⵍⴰ ⵓⵙⴽⴰⵔ 76.000 ⵏ ⵓⵣⵣⵎⵣ ⵏ ⵜⵡⵓⵔⵉ ⴰⵎⴰⵢⵏⵓ ⴷ ⵓⵙⵓⴳⴳⵜ ⵏ ⵜⵙⵉⵍⴰ ⵏ ⵓⵙⵉⴼⴹ ⵙ ⵓⵙⴽⴰⵔ 400 ⵏ ⵜⵎⵙⵙⵏⵜⴰⵢⵜ ⵏ ⵓⵙⵉⴼⴹ ⵜⴰⵎⴰⵢⵏⵓⵜ ⴽⵓ ⵢⴰⵙⴳⴳⵯⴰⵙ ⵍⵍⵉ ⵔⴰⴷ ⵢⴰⵡⵉ ⵎⴰ ⵉⵜⴳⴳⴰⵏ 84 ⵎⵍⵢⴰⵕ ⵏ ⵓⴷⵔⵀⴰⵎ ⵢⴰⴹⵏ ⴳ ⵉⴳⵔ ⵏ ⵉⵙⴰⴼⵓⴹⵏ ⵙ ⵓⵙⵡⵓⴷⴷⵓ ⵏ ⵜⵎⴳⴳⵉⵢⵉⵏ ⵉⵍⵍⴰⵏ ⴷ ⵓⵙⵢⴰⴼⴰ ⴳ ⵉⵙⵏⴼⴰⵍⵏ ⵏ ⵜⵙⴱⴱⴰⴱⵜ ⵜⴰⴳⵔⵖⵍⴰⵏⵜ.
ⵢⵉⵡⵉ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴳ ⵓⴳⵔⴰⵡ ⴰⴷ ⵎⴰ ⵙ ⵜⵙⵏⵜⵉ ⵜⵏⴱⴰⴹⵜ ⴰⵙⴷⵓⵙ ⵏ ⵜⵙⴱⴰⴱⵜ ⵏ ⴱⵕⵕⴰ ⴷ ⵓⵙⴱⵓⵖⵍⵓ ⵏ ⵉⵙⴰⴼⵓⴹⵏ ⵉⵏⴰⵎⵓⵔⵏ ⵉⴳⴰⵏ ⴰⵏⴱⴷⴰⴷ ⵏ ⵜⵙⵔⵉ  ⵏ ⵜⴳⵎⵉ ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ. ⵉⵙⴷⴷⵉⴷ ⴰⵡⴷ ⵙ ⵡⴰⵜⵉⴳ ⴷ ⵡⴰⴽⴰⵎ ⵏ ⵜⵎⵙⵙⵏⵜⴰⵢ ⵜⵎⵖⵔⵉⴱⵉⵢⵀⵉⵏ ⵜⵎⵥⵢⴰⵏ ⴷ ⵜⵏⴰⵎⵎⴰⵙⵉⵏ ⴳ ⵙⵉⴷⴼⵏⵜ ⵙ ⵉⴳⵔ ⵓⵙⵉⴼⴹ.
ⵉⵇⵇⴰⵏ ⴷ ⴰⴷ ⵏⵙⴽⵯⵜⵉ ⵎⴰ ⵙ ⵜⴷⴷⴰ ⵜⴱⵔⵉⴷⵜ ⵏ ⵜⵙⴱⴱⴰⴱⵜ ⵏ ⴱⵕⵕⴰ 2025-2027 ⵖ ⵉⵍⵍⴰ 6 ⵏ ⵉⵙⵏⴼⴰⵕⵏ ⵏ ⵓⵙⴳⴳⴷ ⴰⴷ ⵜⴳ : ⴰⵣⵉⵣⵣⵍ ⵏ ⵓⵙⵉⵟⵟⵏ ⵏ ⵜⵙⴱⴱⴰⴱⵜ ⵏ ⴱⵕⵕⴰ ⴷ ⵓⵙⴽⴰⵔ ⵏ ⵉⵙⵉⵔⴰⵜⵏ ⵉⵙⴳⴰⵡⴰⵏⵏ ⴷ ⵓⴹⴼⵉⵔ ⵏⵏⵙⵏ ⴷ ⵓⵙⴱⵖⵍⵓ ⵏ ⵉⵙⵉⴼⴹⵏ ⵏ ⵜⵎⴳⵓⵔⵉ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵎⴷⵔⴰⵡⵜ.